الي تحاتي استقبالها تعالي شوفي شنو كنا ناسين؟ شنو آخر هبات الهدايا التذكارية فيدي؟

[ضحاوي الديره]

الحمدلله ماعندنا هالسوالف )

 

[-فلانة-]

انا كلش مو مفكرة أسوي توزيعات صراحة خصوصا إنه ما عندي وقت، بطلب كاكاو شكله ذرب ياخذونه الأودام و هم طالعين و كان الله غفور رحيم، أصلا أغلب الإستقبالات اللي رحتلها بالفترة الأخيرة ماكان فيها توزيعات، يدوب كاكاو يكون بعلبة حلوة وبس.​

 

[أم علّولو]

ممم صارت موضو قديمة الحين توزعين اشياء وتتقط
انا مفكرة محل حلو كشخه يكون القوطي مطيوع عليه اسم المحل وفيه ككاو وبس

 

[المها الابيض]

اب
اب
اب

 

[Rabazah]

السلام عليكم ..
اول ولاده لي كان بالحكومه ولا كان عندي اي فكره انه في تقديم السوفونيران ف ماسويت اي شي ... في ولادتي الثانيه سمعت من صديقاتي و وايد استفدت من منتدى كويتيات فسويت ( بوكس صغير داخله حبه قند وعلبه مثلثه حق حبه جيس چاي على نكهات وقرشه صغيره لقاح وحبه كاكاو ) كان تقديمي ازرق مع أوف وايت .... الحين حق الولاده الثالثة حبيت اسوي شي بسييييييييييط وفكره جديده وماتطري على البال ولان أنا ما احب اتقيد بالألوان على حسب جنس البيبي فسويت هالمره ( علبه داخلها قش ألوان فرايحيه مثل وردي فوشي معاه اخضر فاقع وبنفسجي غامج وابيض وازرق فسفوري واصفر ... وشريت العاب الصغيرة من ايكيا مشكلين بس نفس الحجم اللي على ربع دينار وحبه كاكاو ولفيت البوكسات بشرايط فرايحيه ) وطلع روعه ..
انشأ الله يعجبكم أفكاري

 

[روزسكاي]

أنا حامل الحين وان شاءلله أني ناويه تكون توزيعات المولود سي ديات سورة البقرة للمعيقلي

والغلاف حق السي دي طلعت اشكال من النت زي البطاقة وطلعت عباره مره حلوه تناسب السي ديات وراح اكتبها فيه وتكون غلاف السي دي

وراح اربطها بشرايط وأزينها وفي نص الفيونكه اللي اربطها بحط حبة كاكاو

مابي أخسر بدون فايده على الاقل هذا فيه اجر ويصير زي الصدقه الجاريه واهم شي أني ما شفت هال فكره عند احد من أهلي

ومرة اخوي مسويه فكره حلوه

مأخذه أكواب الكابتشينو الصغيرة اللي مع صحن اللي يجون ست أكواب مع صحون وحاطه مع كل كوب وصحنحبه كاكاو وكيس قهوه اي نوع هي كانت شاريه قهوه من ماليزيا وباقي عندها منها

وحطت كوب مع صحن مع حبة كاكاو وكيس سكر وملعقة سكر شفافه بلاستيك ومنديل ومغلفتهم كأنهم بقشه فكرتها ان كوب القهوه وتوابع القهوه طلها موجوده عندك بس كبي كيس القهوه في الكوب وصبي عليها ماي

 

[روزسكاي]

مادري اذا كنت وصلت فكرة الأكواب مضبوط؟!

 

[حبيبي فهوودي]

عجبتني فكرتين الاكواب والكريم حلوو اذا فيه علبه صغيرة نحط داخله كرييم ونغلفه مع قطعة شوكولاه ابي فكرة جديدة ومنفعه فديتكم

 

[*رآقية*]

روووز سكاي شكلي بسؤي نفس فكرتك السي ديااات حيل حلووووه

بس شنووووو العبارة اللي راح تكتبينهااا

 

[الدمعه الجريحه]

صراااحه اللحين اغلب الاستقبالات ككاو كشخه وبس *

 

[Om_3ali]

بنات موضوع حلو وايد لايوقف

انا بعد عندي افكار راح ارد لكم

وان شلء الله ترفعون الموضوع كل من يدش

او يتثبت عشان ماندوخ علي ما نطلعه


​

 

[مكاوية ذوق]

انا للان محتاره في الالوان
ايش تنصحوني؟؟
فكرت بالفيروزي بس ماني عارفه ايش ادخل الوان معاه

 

[..rum rum..]

الموضوع واااايد حلوو و مفيد
انا ليلحين محتاره والله مادري شنو أزهب
كنت مفكره بعدة البديكير والمنيكير قلت شي يستفيدون منه
وما ينقط لاني مابي اوزع ككاو لأنه لما اروح استقبالات مرات وايد اقط الككاو مايعجبني طعمه
والناس اذواق يمكن مايعجبهم ذوقي بالككاو .. مادري
مره رفيجتي باستقبالها وزعت شموع بعلبه وبس
بس ليلحين محتاره ما ثبت على شي معين

يعطيكم العافيه​

 

[أبله هنوف]

Up,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,up

 

[لمسات شمووخ]

بصراحه فكره السيديات روعه حيل اعجبتني
واعتبرها فكره مميزه وجديده ومنها فايده


بالنسبه لاستقبال اختي
كل شغلها كان بيدي كل الطقم نفس الشي
الستاندات ومواعين الحلو وفازات الورد
كان كله نجاره ومرصع بالشوارفسكي

والتوزيعات

حطيت ٣ اصناف
(( مناظر / شنط منكير / عطورات للحريم الكبار )

كان روعه وشي مميز


والحين محتاره حق استقبالي ما ادري شحط ابي شي غير وحلو
دشت بخاطري فكره السي ديات
بس ابي بعد افكار ثانيه


ننتظر المزيد

لايوقف لا يوقف لا يوقف

 

[روزسكاي]

هذا القران صبح وليل لازم تسمعونه
عسى الله يحفظكم من كل شي تخافونه
هذي هدية ولادتي
ذكروا الله وصلوا عالنبي
اذا شفتوني في لفتي
لأني هديه مرسوله لأبوي وميمتي

هذي العبارة حقة السيديات

 

[nab'9 7abeeby]

up up

 

[Om_3ali]

الله يعطيكم العافيه بنات

انا بصراحه في افكار براسي بس مادري لي الحين

فكرت اوزع فواحات عطر الفخار

وفكرت اوزع سجادة الجيب

وفكرت في مباخر صغار

لان ولادتي برمضان

انا خفت اوزع قران ويهجرونه

او السيدي ينكسر او يتشمخ وما يحفظون عليه

مادري عطوني رايكم شنو احسن شي

بس وايد حابه شغلت الفواحات وعطورهم
​

 

[فلونة احلى وردة]

بصراحة قكرة بدكير ومنكير ما احس لها غلاقة بالولادة
الدهن عود للولد مع مسابيح ممكن والبنت شي بناتي
او سوفنير للمكتب انا وزعت سوفنير قبل الحين احس ماله داعي
وبس بوزع حلو وفطاير وعصير طبيعي مع الخدمة
ما ودي اخب عمري
واذا ودج تقطين قطي على جناح ملكي وبس وخدمة ومواعين فخمة تدوم بلا خرابيط مالها معني او كاكاو فخم يسوى
سمعت عن محل فخم بامنية ورحت لقيت الكيلو ب40 دينار وهذي الهبة
الله لا يخسرنا ومو مغلف بعد
احلى شي الرقي والنعومة والورد والجناح السنع والمواعين وكفر ناعم وسلامتكم