الي تعدو ال 25 ادخلو ضروري ابيكم

[مولاي الفرج]

مولاي الفرج .. لو اانك عازبه .. وعمرك اتجاوز الخمسه و العشرين .. ماكان العمر بالنسبه لك رقم ..



الذي ايده بالماء مش زي الذي ايده بالنار ..

حبيبتي انا انفصلت اول مرة والحين اعيش عيشه صعبه مع زوجي مع انه طيب

لكن ظروفنا صعبه

يعني حاااسه من قلب لاتحاتين لووووووووول

 

[طريق السعاده]

اممم انا عمري 24 و 5 شهور واعتقد يمديني ادخل معكم خخخ
بالنسبه لي صح افكر اتزوج خصوصا كل بنات خالي تزوجو وصحباتي
لكن مش هاجس يعني عادي عايشه حياتي بالطول والعرض وتمشيات وزيارات
وماقصر ع نفسي بشيء ومهتمه بنفسي ولاهيه بدراستي بالجامعه وبعد اخذ دورات واغلب وقتي ي نت او نايمه خخخ او اسولف مع اهلي
اكثر وقت انقهر ان مب متزوجه لما ابي اجتمع مع صحباتي او ابي اسافر باوقات غير الاجازات الكبيره احيننا تجي حالات خخخ من الرغبه بالسفر بوقت غلط لاني بكون مجبوره اسمع كلام العايله خخ بما اني للحين عزابيه اهلي يمنعون زيارات الصديقات وكذا يعني عادي يجوني بس اروح لهم لا ف مره متازمه من هالشيء
وبعد ودي اكون فبيتي الخاص ومسؤوله عن نفسي وافي شخص يحبني ويهتم فيني ماكذب واقول مابي هع
بس بيني وبينك انا انخطبت كثير لكن بصراحه ارفض لاسباب كثير من اهمها ان اغلب الي جوني عايشين بمنطقه ثانيه
ومابي من برا الرياض ابي اضل فالرياض قريب من اهلي هع وحياتي ومصالحي بالرياض ف هذا كان سبب رفض لاكثر من شخص
وكمان كان يجيني ناس متزوجين هع وانا صراحه مارضى بنص رجال وبصراحه ماحب اخرب بيت احد احس اني اهدم بيت لو بكون زوجه ثانيه هع وفي مطلقين بس يكون عندهم عيال وانا احس نصيبي شيء جميل والمستقبل قدامي ف ان شاء الله رح يجيني النصيب بالوقت الي قدره ربي واختاره ..
بالنسبه للنغزات عادي احيننا يجي بس مافرقت معي < وجهها قوي
اذا احد قال شي قلت ماجاني احد يستاهلني وبصراحه ي شخص يعيشني فوق عن عيشتي عند اهلي او ع مستوى عيشتي مع اهلي اما اقل بيت ابوي معززني ومكرمني مب ناقصني شيء هع < ام لسان بس جد احيننا انجبر ارد عشان اسكت بعض المتطفلين


يارب ياكريم يرزقنا الزوج الصالح الي يحبنا ويخاف الله فينا ..

 

[امـ خــزامـى]

الله يرزقكم حبيباتتي

بس نصييييييييييييحه تعلمتها

واتمنى تستفيدوون منها

اي فكره زواج _ حمل _وظيفه تصير هي همكم وشغلكم الشاغل ومافيكم صبر وبس تحلطمووون تبون توصلون لها
سبحان الله تتاأخر لحكمه مايعلم فيها الا الخالق


ودائما اللي مفهيه ومنشغله وناسيه السالفه تجيها بطبق من ذهب

 

[RO0O7Y KUWAITYA]

انا ملجت عمري ١٨

وتزوجت ٢١

والحين كملت ال٢٥

والله يبنات لو يرجع فيني الزمن ما اتزوج الا وانا مكمله ٢٥ سنه لاسبااااااب كثيره

منها مخلصه دراستي وماتأخرت واستانس بمعاشي مو سيدا مسؤليات

ومنها استغل وقت فراغي وحريتي بعد الزواج ترتبططططططين حييييل وتنشغلين حتا هواياتج ماتقدرين تسوينها لان يبليها وقت


بس عموما الحمدالله من قبل ومن بعد رب العالمين سبحانه كل مايصير للانسان خيره وعسا ان تكرهوا شيئا وهو خيرا لكم ..


والوحده ماتدري وين الله كاتب لهت الخيره. فيه


واكتشفت ان الوحده اذا شفقااااانه ع شي وميته عليه سبحانه الله مايصير او الله يأخره وهو اعلم بالخيره وين

 

[أأأميرة الورد]

الله يرزقج بالزووووج الصالح


انا الحمدالله تزوجت عقب ماخلصت الجامعه
وتوظفت اول سنه


اتذكر اول مادخلت الجامعه بس افكر بالزواج واحس اني تاخرت


وعمري راااح وطافني قطار الزواج

صج اضحك علئ نفسي وماعندي سالفه هذا نصيب

لان الزواج مو كل شي والله يابنات

تحسين انج مقيده ومسؤلية اكثر

خاصة اذا عندج يهال



بس الحمدالله على كل حااال والله يخلي عيالنا وازواجنا

ويرزقج حبوبه ويرزق اختي ويرزق كل بنات المسلمين

 

[اميره1980]

انا تزوجت و عمري 30 سنة و الله رزقني بريال عسل و اخلاق و حمدت الله سبحانه اني ما تزوجت صغيرة علشان ربي عطاني هدية و ريال ما يتكرر بحياتي مرتين
بس الله ما كتبلي استمر وياه و توفا الله يرحمه
الحين انا في بداية الثلاثينات ادعولي الله يصبرني و يعوضني بكل خير

 

[مدّهره !]

الله يعوووضك خير يخيتي

ويرحمه ويرحم أموات المسلمين ...~

 

[حرم_الغلا]

الله يرزقج

 

[سكر العيوون]

الله يرزق الجميع

 

[بنوتة عتيبه]

والله مرت علي نماااذج شكثثثر


ماشالله اعرف بنات والله اخر همهم للزواج
مهتمين بأنفسهم خلطات ونوادي وعنايه
مهتمين بدراستهم وعندهم طمووح
أسلوب ولا أروع
ونفسيه عال العال
ولا همهم
ومؤمنين بالله بياخذون زوج كل المواصفات للي يبونها موجود فيها


يعني ماشالله عليهم
والله يستر ويرزق بنات وشباب المسلمين ياااارب

نفس اللي داخلة اقوله

 

[ShEmOkH]

انا عمري 28 والحمدالله مومؤثر فيني هالموضوع
ويمكن الشي الوحيد اللي اتمناه من الزواج العيال بس
وكل بنات عايلتنا من الطرفين والاصغر مني متزوجات ومعيلين الله يهنيهم
بس الحمدالله عمري ماحسدتهم لاني ماشوف الكل مرتاح
والحمدالله مقتنعه اقتناع تااااااااام ان كل شي خيرة
وان ربي مختار لي الاحسن الحمدالله
وكاني بنية شكلي اصغر من عمري
لاهم ولا غم
بيت اهلي معززة مكرمة
طلعات روحات رفيجات سفرات
الحمدالله مو قاصرني شي
وعسى الله يرزق كل بنت احسن من ما تتمنى

 

[طيبة83]

انا تزوجت عمري 27 عادي وايد بنات الحين يتزوجون عقب ال25

وحده اعرفها انخطبت عمرها 32 ووحده 34 وكلش عادي ويابوا عيال

اصلا ام 30 الحين ما يبين عليها كانها ام 25

 

[حوريه ...]

توظفي وربي ماتلقين وقت تمشطين شعرج مو تفكرين بالزواج انا مجربتها هههههههه

بس انا ماكان الزواج شغلي الشاغل عادي وانا تزوجت بعد 25 ترا

ترا الزواج مو كل شي

ولاتدعين ربج بس انج تتزوجين اجمعي بين

الدنيا والاخره

والله يرزقج يارب

 

[مناير ...!]

عايشين حياتهم ومستناسين

 

[شاذن!]

واشلون تعامل اهلج
بجاوبج عل هالنقطه
التعامل زفت وانام وفي قلبي حسره على عيشتي لكن حسبي الله ونعم الوكيل
انا الحمدلله الحين مخطوبة وزاوجي قريب ومو مصدقه متى يجي اليوم اللي اعيش فيه في شقتي الخاصه
معززه مكرمه لا ام تهينني او تبشعني
دعواتكم ربي يفرج همي,,,,,

 

[مزيونة الخبر]

امين يارب الله يفرج عليج حبيبتي مشكور بنات علي رفع الموضوع والله اكتشفت انه عندكم بنات متزوجين بثلاثين عبالي ان تتزوجون بدري من بعد آلثانويه يعني والله أنا وحده كنت عادي ناسيه الموضوع بس عقب سنه من تزوجت أختي الصغيرة قمت افكر وكله امي وأبوي انتي متي تزوجين متي فصرت افكر وعلشان العيال بعد ويصير الواحد له حياه واهم نقطه الفراغ العاطفي لكن الصبر مالي الا الصبر

 

[Mjnont '3lay]

بالنسبه لي الزواج مهم سواء بعمر صغير او عمر كبير
يكفي البنت تحمل اسم ام و ضناها يرضع على صدرها شعور حلو ماتحس فيه الا اللي تجربه
والمال والبنون زينة الحياة الدنيا
انا نقطة ضعفي الاطفال احبهم
والحمدالله انا تزوجت صغيره
قبل الزواج عايشه حياتي بالطول والعرض بعد الزواج مسؤؤليه مجابل بيت و متطلبات وزوج والله يرزقني بالجاهال يارب والمواجيب والزيارات زادت والمجاملات همم زادت الله يعين
بس مو مثل حياتي قبل الزواج اكيد غير يعني قبل انام متى ما ابي واقوم متى ما ابي بعد الزواج نومتي وقومتي مع رجلي وحده مو بكيفي اسهر واخرب نومتي وقبل سواء اكل ما اكل مو مهم الله يعافي المطاعم وهم غداي القاه جاهز ان قمت الحين بعد الزواج انا سواء لي خلق او مالي خلق لازم اقوم من الصبح اسوي الغدا ولازم البيت يكون نظيف ولازم اكون علطوول كاشخه بس هذا اللي يفرق
وبالعكس اللي تقول الزواج اخر همي تكاااااابر والله طبيعي لمن تشوف متزوجات وبحضنهم ورعانهم بينها وبين نفسها بيحز بخاطرها حتى لو عندها طموح وعايشه حياتها بالطول والعرض بس مستحيل ماتتمنى الزوج اللي يدلعها ويدللها ويداريها
والجاهال اللي يلعبون حواليها ويملون عليها حياتها
والله يرزق كل محرومه يارب

 

[مريااانه 4]

انا تو ماوصلت 25

اكيييد اتمن انه يصييير عندي بيت وعياال وزوووج اجذب عليج اذا قلت عكس جي وادعي ربي والله كريم ان شالله

بس الحييين مررركزه على دراااستي في الجامعه والشهاااده اهممم ربي يووفقني ان شالله


الحمدلله امي وابوووي موو مقصرين معي ومااادمهم عااايشين ومتعااافين انا باااالف خيييير

 

[al-musk]

الزواج مسؤوليه ولوية وكل الي تزوجو بعد فترة مايمدحون .. هو نصيب اخر شي والاهم انج تعيشين حياتج ويومج ولاتاجلين شي وتقولين لما اتزوج .. خلج متطوره دايما وحبي نفسج وقدميلها الاحسن دايما ولي تزوجتي بتفقدين الراحه وانج تسوين كل شي على مزاجج

 

[Flower20]

شوفي الانسان مو راضي عن حاله سواء متزوج او عزوبي
انا كنت اتمنى اتزوج وتزوجت والحين اقول لو اني مكملة دراستي او متوظفة مو احسن
واعرف بنات العكس يتمنون انهم متزوجين ومرتاحين ببيوتهم وازواجهم يصرفون عليهم
يعني محد راضي عن حاله والراحة مو موجودة بالدنيا
موجودة بالجنة وبس
فعيشي حيات وارضي بالقضاء والقدر والله يختار الصالح لنا دايما