الي تعرف بالبحرين

[مربى و قيمر]

السلام عليكم
شلونكم كويتيات
ابدخل بالموضوع علي طول انا عندي موعد طبي في البحرين اول سته واهلي يقولولي اني اسكن بالخبر وروح للبحرين نفس يوم الموعد لان البحرين مو امينه بعد الاوضاع الي صارت فيها وانا ودي اسكن بالبحرين ماابي كل شوي داخله وطالعه من الخبر للبحرين
وشرايكم الي سافزت للبحرين وتعرف الاوضاع تفيدني وجزاها الله خير
وابي فندق في وسط السوق علشان المطاعم والسوق
وهذي اول سفره لي للبحرين ماعمري رحتلها
وجزاكم الله خير
ورفعو ا الموضوع

 

[موريا آدم]

upp

 

[سلة ورد]

هلا حبيبتي .. بالسلامة ان شاء الله وما تشوفين شر ورح تنورين البحرين ..

بالنسبة للامان البحرين امان ولله الحمد واذا تصير اشياء بسيطة لا تحاتين تعالي تعرفي عالبحرين واجواءها واستانسي وسفرة سعيدة ان شااء الله

وعن الفنادق بسال لج بس تبين في اي سوق بالضبط ؟؟

 

[مربى و قيمر]

سلة الورد
مشكوره ياقلبي والبحرين منوره بهلها
والله يديم عليكم الامن والامان يارب الكريم
ودي بفندق بوسط السوق وفيه مطاعم وسينمات
ويعطيج العافيه

 

[مربى و قيمر]

شيختهم
خوفتيني الله يستر

 

[M!ss CoLoRz]

شدعوه

حياج الله تعالي وسكني عندنا

الأمور عال العال ما عليج من كلام احد

طبعا انتي لا تروحين اماكن الحبربش نفس ما احنا ما نروح اماكنهم شتبين فيهم

وإذا صار وسدوا الشارع الشرطة يحلون الموضوع في نفس الوقت ما فيه خوف

انتي في اي مستشفى موعدج؟؟ عشان اقول لج وين تسكنين مكان جريب وخبرج بعد البحرين نتفة يعني كلها نص ساعة وانتي واصلة اي مكان تبينه

عموما خلج ساكنة يا في المحرق ومن فنادقها الموفنبيك وايليت ونوفوتيل

أو في امواج وجريبة من المحرق وعندهم فندق اسمه دراجون

او تقدرين تسكنين في الزلاق في فندق سوفوتيل او في الصخير في منتجع العرين وهاي يصيرون جراب من الرفاع

تبين تسكنين في المنامة تقدرين تقعدين في الجفير .. الخليجين اغلب الوقت يختارون هالمنطقة عندج k hotel و ايليت

او فندق الخليج يصير بين العدلية والجفير وجريب من منطقة المطاعم في العدلية

وطبعا المنطقة الدبلوماسية عندج هناك الدبلومات والكروان بلازا والشيراتون وغيرهم وهاي يكونون بين منطقة المجمعات والمحرق

واي سؤال عندج قوليه واحنا حاضرين

 

[شندوخه]

حبيبتي انا اخوي يدرس بالبحرين
ومافيها الا العافيه
مناطق الشغب تنحصر باماكن معينه
واذا بتروحين سكني بالجفير .. كلها فنادق وشقق فندقيه .. واكيد اختاري اللي مايكون فيها بار

ولا باس طهور

 

[مربى و قيمر]

مس كولرز
ماقصرتي والله يحفظ البحرين ويديم عليها الامن والامان
موعدي عند الشافعي
ومشكورين بنات علي المساعده

 

[M!ss CoLoRz]

حاضرين ما سوينا شي

في مدينة عيسى

يعني اذا كنتي حابة تكونين جريب للعيادة الأفضل تسكنين في المناطق الجريبة من الرفاع مثل ما ذكرتهم او منطقة العدلية والجفير

بس هالشي مو وايد مهم لأنه مثل ما قلت لج بتوصلين وما راح تتعطلين إن شالله

سفرة موفقة والله يشافيج

 

[مربى و قيمر]

مشكووورين


ونبي بعد افاده من الاخوات

 

[ghalyah91]

حبيبتي انا كل فتره اروح البحرين الوضع عادي مافي شي!

اذا تبين سكني بفندق الي بالسيتي سنتر اهو داخل السوق والمجمع واايد حلو واكبر مجمع بالبحرين وفيه كل شي

 

[مربى و قيمر]

حبيبتي انا كل فتره اروح البحرين الوضع عادي مافي شي!

اذا تبين سكني بفندق الي بالسيتي سنتر اهو داخل السوق والمجمع واايد حلو واكبر مجمع بالبحرين وفيه كل شي

مشكووره
طمنتيني
بس شنو اسم الفندق ضروري

 

[ghalyah91]

مشكووره
طمنتيني
بس شنو اسم الفندق ضروري

اي لا تحاتين مافي الا كل خير

والله حبيبتي ناسيه اسمه!! بس تقدرين تتصلين على اي شركة سفريات تسالينهم عنه.. اهو الفندق الوحيد الي بمجمع سيتي سنتر

 

[مربى و قيمر]

مشكووورين بنات وماقصرتوووو

 

[M!ss CoLoRz]

اسم الفندق

kempinski grand hotel وهاي اللي في مجمع السيتي سنتر

في بعد مجابل المجمع على طول فرع حق فندق ايليت اسمه ايليت جراند... إذا ناوية عليه تأكدي إنه اهوه اللي بالضبط مجابل الستي لأنه عندهم 4 فروع حق هالفندق

في بعد فندق في مجمع السيف اسمه Fraser Suites نفس نظام اللي في السيتي له مدخل من المجمع نفسه

إذا تدورين الهدوء أنصحج باللي في السيف اما إذا تدورين السهولة اللي في السيتي خصوصا إنه في سوبر ماركت داخل المجمع وهالشي مو موجود في السيف

مادري إذا هالشي مهم عندج أو لا بس اقول لج الي اعرفه

 

[مربى و قيمر]

مس كلرز ماقصرتي
شكلي ابي احجز في الستي سنتر
بس في سينما بستس سنتر
ويعطييج العافيه

 

[M!ss CoLoRz]

أفا عليج أكبر مجمع سينما في الشرق الأوسط موجودة في السيتي عندنا ( على ذمة الجرايد )

 

[الريم_85]

حياج الله اختي في البحرين

ومثل ماقالت لج اختي كولورز .. البحرين امااااااان وشحلوها والله وبتنورينها ​

 

[Canon~]

لا الحمدلله امااان

بس مثل ماقالوا لك البنات لا تقربيين من مناطق الشغب


والجفير دائم نسكن فيها




والله يكتب الخير بالهسفره

 

[هواوي قلبي]

upppppppppp