الي درسو برا والي يدرسون برا والي بيدرسووون برا d:

[زيف الابتسامه]

حبيبتي انا لي سنتين ببريطانيا وقريبه من مانشستر وكثير بنات سعوديات وخليجيات يدرسون ماستر والوضع هنا روعه بصراحه احترام وذوق ونظام والدراسه يبيلها جديه يعني يختلف الوضع بس المسلمين ماشاء الله بكل مكان خاصه منطقه يورك شير وحوالينها خصوصا الاخوان الباكستانيين ومعاهم الجنسيه علشان كذا بتلاقين محلات الحلال بالهبل وعندك بمانشستر شارع الروشم وغيره فيه عرب كثير لكن نصيحه خلي احتكاكك بالاجانب اكثر من العرب علشان تستفيدين لغه وتظبطين الاكسنت والطلعه انا من تغيب الشمش مااطلع الا للضروره لانه خلاص وقت النايت كلوب والبارات والحراميه وانتبهي من العرب اكثر لان بعضهم يستغل وضعك يعني باختصار خليك رسميييييييييييييييييييييييييييه ولاتثقين باي شخص واسكني مع عائله لو كنتي تخافين تسكنين لوحدك مع اني ماافضل السكن لوحدك بيذبحونك بالبريد والتاكس على كل شي حتى التلفزيون خخخخخخخخخخخخ والتسجيل بالبوليس او اسكني بسكن الجامعه افضل وامن وبصراحه ماودي ارجع الحين لاني احب الحضاره الاخلاقيه اكثر من العمران والاسواق وبالنسبه للسوبرماركت عنك سنسبري وتسكو وازدا بكل مكان موجوده لكن انا افضل ازدا مدري ليه ويعتبر ارخص من الباقي مو كثير لكن منافسه والملابس اذا تبين كرف عنك بريمارك واذا كشخه مايحتاج انتي بمانشستر طبي وتخيري والتنقل بالباصات جدا ممتع وانا شجعت زوجي ماناخذ سياره لانك تتعرفين على اماكن اكثر وتتعرفين على الزقاق هههههههههههه احس اني جاسوسه وبس حبيبتي قرقت كثير لكن تبقى التجارب مختلفه وراح تستمتعين لان الغربه تصقل شخصيتك وتخلي تفكيرك بالامور اعمق واوضح

 

[مس دلال]

ليه ماتروحين امريكا لهجتهم احسن من البرتش

واذا تخافين ولا شيء اخذيني وياك ههههه

الله يوفقك ويسهل امورك وعقبااالي

 

[Mazyoona]

كل عآم وانتي بخير حبيبتي
وعسى الله يوفقج بـ درآستج وتحصلين اعلى الشهآيد ..

اول شي الوضع راح يكون غير ويمكن تصيرين homesick
يعني تبجين وتغلقين وتشتآقين حق اهلج .. موووووو قاعد اخوفج بس هالشي طبيعي جدا ً ويحصل
وفي بعضهم لا عاادي ومستآنسين لانه طريقة حياة جديدة
وصدقيني بني آدم بسرعة يتكيف مع ايي وضع يكون فيه ...

بالنسبة حق وين تشترين ملآبسج
عندج high street kensington .. هالشارع عجيب
وفيه سطرة محلات متنوعة مثل توب شوب h&m بنتون ومحلات جواتي وغيرهم ما ادري اذا تغيروا الحين او لا ..
وهم بهالشآرع فيه مطاعم لبنانية .. فيه مطعم مرووش بس غالي بالنسبة لنا يعني الشاورما العادية بـ 5 -7 دنانير تقريبا
وهم فيه مطاعم ايطالية ويابانية مثل واقاماما وبعد الكفيهات العادية طبعا لازم ستاربكس :eh_s(3):
وبعد فيه مكتبة waterstone's واايد حلوه وتقدرين تقعدين داخل تقرين بدون ما تشترين الكتاب عادي
وجنه ان ما خاب ظني داخلها بعد قهوة ..
وبعد بـ آآآآخر الشارع تقريبا فيه سطرة محلات ايرانية يبيعون خضرة وفاكهة وبعد مكسرات الخ ويمهم مطعم ايراني
اذا اشتهيتي كبآب وعيش
وبعد بـ هالشآرع فيه سينمآ >> odeon
حلوه وااااااايد سينمتهم ونفيشهم عجيب لوول
تقدرين تروحين لها بالويكند .. وهم السينما لازق فيها برد هاقين داز ان بغيتي

وبما انج طالبة وتبين شي كد ومد ورخيص مالج إلا primark < اتوقع تعرفينه اشهر من نار على علم
واذا تبين المطآعم رآقية وحلوه عندج نآيتس بريدج ... هناك موجود هارودز و هارفي نكلس وشارع الماركات (sloane street)


و بعد فيه شارع oxford اللي يم شارع العرب edgware road
oxford هم هالشارع فيه محلات وملابس هناك selfridges من طقة هارودز
بس ما انصحج تروحين شارع العرب لانه اغلبه عراقييين وشبآب وجذي
ولو انه فيه اشياء طيبة بالنسبة حق الذبح الاسلامي
يعني روحي بس حق ماجلة البيت واخذي معاج رفيجتج او احد ثقة لا تروحين بروحج

واذا تبين جمعية عندج Tesco كل شي فيها ونظييييييفة وزينة ـ

وفي والله واايد محلات وشوارع بس انتي روحي وضيعي لوول ومع الوقت بتصيرين خبرة

واحسن لج تعودي على البآصآت و القطارات (الاندر قراوند)
اشتري لج oyster card
هذي بطاقة تعبينها .. ممكن تاخذين السنوية اوفر لج
عشان اذا تبين تركبين باص او القطار بس تمسحين وتركبين موإله تدفعين فلوس
وانتي تعتبرين طالبة فـاخذي مالت الطلبة عندهم .. انا كنت مسويتها .. رحت عندهم الاندر قرآوند هناك وطلبتها
لازم صورتج معاج عندهم هناك بعد بووث تدخلين تصورين وتطلع لج الصورة فورية وعلى طول يسوونها
سريعين ما يتعطلون

وبالنسبة حق طريقة تعاملهم
والله زينة ما واجهتني ايي مشآكل الحمدالله
بالعكس حبوبين ومحترمين .. هذي تجربتي الشخصية
بس انا كنت مع اهلي ما كنت بروحي..
تقدرين اذا رحتي هناك .. تسئلين المكتب الثقآفي يعطونج اسامي الطلبة الكويتيين اللي ممكن يكونون معاج بنفس الجامعة
وحتى تروحين اجتماعات اتحاد الطلبة الكويتين ببريطانيا واسكتلندا لانه لهم نشاطات حلوة
بس اكثرهم مو بـ لندن للاسف اكثرهم باسكتلندا او مانشستر و ليفربول

وترى يصكرون كل شي مبجر
يعني عالساعة 8 او 7 مصكرين المحلات ( يمكن اقل بعد )
والمطاعم اذا كثروا 10 او 11
لا تطلعين عقب هالحزة لانه الشوارع يكون فيها سكارى لانه اللي يفتحون عقب هالحزة ويظلون
اهم البارات والكازينوهات ...
بسسسسس عندج piccadilly square هالمكان يونسس
تقدرين تروحين له بالويكند مع رفيجااتج ..
ما ادري شلون اشرح لج اياه بس فيه مطاعم وكفيهات وهم بعد اماكن تلعبون فيها مثل بولينغ وهالسوالف
يصلح حق الويكند ...

،

وان شاء الله انتي راح تتعوديين مع الوقت
وبنفسج راح تصيرين خبرة وتدلين الاماكن الثآنية الموجودة هناك
مثلا انا اول ما ركبت الاندر قراوند كنت خايفة وما اعرف وكنت اخذ الخريطة معاي عشان اعرف اي محطة انزل
بعدين ثاني شهر صرت خبرة وابدل بين المحطات واعرف متى انزل واذا طافتني محطة
اعرف شلون اغير واروح سهاااااااااالات والله و هم بعد وناااسسة

الله يوفقـــــــــــــج ان شاء الله
وتذكري دايما ً حافظي على الاذكار والمعوذآت والله الحافظ ​

فديت هالانسانة ما قصرت ;*

و Her Highness
إجتمال أنا أدرس بمانشستر لا رحت هناك بحط موضوع هني و نتلاقى هناك أوكي
و ترى مانشستر رووعه و فيها وايد مسلمين بس الشي الوحيد اللي يذبح بره
اهوا إحساس الـ Home sickness

الله يوفقج و يسهل لج دربج