الي راحت جنيف تدخل

[دانتيل]

شللونكم بنات بليز بغيت اعرف شنو الاماكن الحلوه الي في جنيف... مجمعات حلوه و رخيصه .. مطاعم حلووه اول مره اروح لها... الي تعرفونه عنها كتبووو:eh_s(15):

 

[ام رغودة]

جنيف غاليةو معروف ان سويسرا دولة نار ولازم تكونين مستعدة لها انا رحت لها بس ما تمشيت بالسوق وايد لانى كنت حامل حزتها بس ساعات الماركة اغلى من الكويت لان عندهم ضرايب واسعار الكويت انسب
جنيف فيها البحيرة المشهورة تتمشون حواليها والكرنفال بشهر ثمانية
واحلى لوتسوون فيزا الشنجن بعد غير الفيزا السويسرية علشان تقدرون تتمشون بفرنسا والمانيا وتردون بنفس اليوم لسويسرا خصوصا فرنسا داخلة بسويسرا وجنبها مدينة ايفيان الفرنسية اللى تنتج ماىالصحة وتروحين للينابيع
اخذو خريطة وسيارة وراح تدلون الاماكن بسهولة واهى بلد هادية جدا وحلوةطبيعتها

 

[فراولة^فوشيا]

انا ما حبيت جنيف غاليه وسوقها مو حلو عموما كل سويسرا سوقها عادي

الشي المميز فيها البحيره والكرنفال

اول العام رحنا منطقه اسمها مونترو هم على البحيره بس الجهه الثانيه يعني جدام جنيف بس طبعا البحيره وايد كبيره وبعيده عن جنيف

مونترو حيل راقيه وجوها يهبل ويمها مناطق وايده حلوه

بس جنيف يمها ايفيان الفرنسيه وايد حلوه وفي مدينه صغيره على الطريج قبل لا توصلون ايفيان اسمها ايفوار

انا اسميها منطقة الورد كل مكان ورد حتى فنادقهم عباره عن كوخ ورد
هذي صوره مصورتها

عندي صور وايده حقها بعد بس كلهم رازين ويهنا بالصور :eh_s(6):
امي تسميها منطقة المفارش
فيها سوق صغير ومفارش وشغلات وعطور ،، تمشوا فيها شويه بعدين كملوا ايفيان ،، الطريج من جنيف لي ايفيان اتوقع ساعه او اقل ،، والمناظر بعد ما يبيله طبيعة سويسرا يعني ما تتمللين بالسياره

 

[New Mum]

جنيف حلو واتينن كافي شراحتها و بالنسبه للسوق ترى مو ذاك الزود بس تقدرون تروحون بالقطار لوزان تتسوقون هناك سوقهم حلو وهم تقدرون تروحون بالقطار مدينه فرنسيه اسمها ليون ساعتين بالقطار واهيا باريس مصغره حتن فيها ايفل صغير وهناك من تنزلين من الستيشين بويهج مجمع وايد كبير يومين يالله تخلصونه و فيه جاليري لافييت ...
وشنو بعد في جنيف تقدرون تروحون لي ايفيان فيها نبع ايفيان مال الماي منطقه حلوه وهاديه وقهاويها تهبل ...
و بالقطار تروحون لوزان تنزلون تتسوقون ووراها بالقطار فيفي فيها مجمع صغير و بعدين تردون بالقطار 10 دقايق مونترو منطقة الكويتين هناك عندهم مطعم ايراني على البحيره ما يضيع كل من يدله
وعندج باريس 3 ساعات بالقطار ...
و لاذكرت شي بعد بقولج

 

[بنت بلتيمور]

جنيف ما فيها سوق ولا شي حلو غير الواجهه البحريه ، يعني البحيره و الفنادق اللى تطل عليها فقط .. يعني مجرد خط .. مادري ليش الناس تبالغ فى المدح أحيانا .. ​

 

[دانتيل]

مشكوورييييييين حبايبي على الرد بس تصدقوون من كلامكم حسيت انها مو زود يعني مثل وايد دول كل اوربا فيها بحيرات و حدايق .....

 

[noty]

ما راتحت فيها وايييد

سكنا بفندق قريب من المطار كوز الكرنفال .. كانت الفنادق مليانه



زيورخ احلى من جنيف بالنسبة لي ,, حتى سوقها حلو الصراحة ..

مونترو حلوووة بعد حبيتها حيييييييييل


اذا في بالج اتروحين سويسرا ...

 

[manoola]

جنيف حلوة وشرحه وايد واحلى شي فيها الكرنفال
مونترو عاديه وتملل
لوزان قمته جنها مكان عيايز
زرماااااااااااااااااااات طبيعه فوق الخيال شي ماتصدقينه يعني فوق الجبل ثلج وموت وتحركي شوي تحت ربيع وخضارة امبيه

بس سوق معليش اصلا سويسرا مو مالت تسوق كلش ولانفس اسوقة اوربا
يعني المانيا ولندن يشفطون عليها بالتسوق بس روحي وناسه وتغيير جو
والكويت كل شي فيها لك الحمد يارب كل ماشرينا شي لقيناه هني والله اموت حرة

 

[فلوه]

جنيف راااايقه وهدوءها عجييييب بس إذا رايحه علي أول أوغست يكون وقت الكرنفال حلو ,النوقا هيلتون مطل علي البحيره قدامك القهاوي والمطاعم والسوق مو بعيد وفيه كل الماركات المعروفه ,, إيفيان ,لوزان عن جنيف نص ساعه بالسياره وتمتعي بالمناظر الطبيعية سبحان الله , مونترو حلو بس هاااااااديه جداً ,, لوقانوا رووووعه بس بعيده شوي تقريباً ثلاث ساعات بالقطار .

 

[هندااا]

وييييييييييييع جنيف اتلوع الجبد ومللة...وسوقها بعد يلوع الجبد....وانا رايحة وقت المهرجان بعد ...بس اتضيق الخلق.....بس جو حلو وطبيعة....انا الصراحة اهم شي عندي السوق ومدن الملاهي...واهي مافيها

 

[العود الأصلي]

حرام عليكم :eh_s(12):
حلوه جنيف روووووووووووعه بعد :eh_s(15):
وما شاالله تحسين ديرتج من كثرما تحسين بالراحه العجيبه ..... واجروا سياره لانها ديره ما تضيع ورحي لانتر لاكن غريبه البنات ما اذكروها مدينه خياااااااااااااااااااااااااااااااااااااااااليه بين بحيرتين تخيلي :eh_s(10):
اصلا فيها جبال الالب والثلج عجييييب ......... في مطعم هندي عنده برياني بالمكسرات يم يم يم يم يم يم يم يم شو لذيذ وعليكم با ألف عافيه حبوبه

 

[bombo]

مشكورين بنات انا بروح بعد فدتوني

 

[roose]

شوفي اختي كل واحد له وجهة نظر وطبعها اذا انتي تحبين الطبيعه وتبين ريلاكس حيييييييل تصلح لج وطبعا الريف الاسويسري هو احلا شي ..وفي منطقه للنقاها اسمها مونترو طبيعه تينن وسكانها اغلبهم ناس كبار في السن يعني تحسين جنج هايدي... اما اذا تحبين السوق تقدرين تروحين فرنسا لانهم قراب من بعض ومرو على شارع شنزازليه....
وبالتوفيق...

 

[الجــادل]

جنيف ممله ومافي الا البحيره والكرنفال والسوق مو شي

وغاليه

وبالنسبه للفندق حنا سكنا بـ النوغا عند البحيره

 

[~¤§Sha¥o0'7a§¤~]

جنيف ما اعجبتني وايد بس المناطق اللي حاواليها فضيعاعندج ديون ومونترو أفيان ومونتانا وآنسي ( هايدي ) والسوووق طبعا نااااا بشكل ما تتخيلينا بس ماكو شي تتحسفين إنج ما شريتيه

نصيحة روحي فرنسا ولا ألمانيا عشان السوق

بالسلامة إنشالله

 

[~¤§Sha¥o0'7a§¤~]

جنيف ما اعجبتني وايد بس المناطق اللي حاواليها فضيعة عندج ديفون ومونترو وأفيان ومونتانا وآنسي ( هايدي ) والسوووق طبعا نااااار بشكل ما تتخيلينه بس ماكو شي تتحسفين إنج ما شريتيه

نصيحة روحي فرنسا ولا ألمانيا عشان السوق

بالسلامة إنشالله