الي راحوا لندن والي راحو النمسا -زلمسي - اي وحده احلى؟

[brettey]

اشلونكم يا بنات
انا مخططه بهالصيف اروح اوربا انشاء الله
محتاره شنو احلى ؟
محتاره بين لندن وبين النمسا زلمسي بالذات
تكفون ايهو احلى لاتقولون لي روحي الثنتين الميزانيه ماتسمح بس بسأل اذا كنت بلندن يصير اروح حق زلمسي بالقطار ؟
تكفون ساعدوني عسى ربي ينولكم كل الي في بالكم

 

[بنت بلتيمور]

اختي بريتي الله يهداج ما يصير تقارنين الثنتين ببعض ... لندن مدينه تجاريه عالميه و زلمسي قريه بوسط جبال و طبيعه ... يعني ماكو نسبه للمقارنه ....

اذا تبين سوق و زحمه و حياه روحي لندن ... مع انها اغلى بوايد من النمسا ... زلمسي الناس تروحلها في الصيف عشان السكن رخيص و جوها حلو و طبيعه ...

و اذا تبين الهدوء و الطبيعه بس بدون سوق روحي زلمسي ... و التسوق تقدرين تروحين ميونخ في المانيا قريبه منها حيل ..​

 

[بنت عبدالغني شربت]

طبعا نمسا وزلمسي

لندن كلها عرب وووووووو لويه وممله ما فيها شي غير السوق

 

[شهدQ]

مع اني مارحت الثنتين بس تبين نصيحتي اغلب شغل لندن بالكويت افتحو افرع للمحلات هني خليج ع السياحه ولو خيروني اختار النمسا وانا مغمضه احلى من اسواق الكويت ماااااااااااافي

 

[supermarket]

زلمسي اذا تبين رومانسية وطبيعة

واذا تبين مشترى لندن

 

[كبْرٍيآء]

نصيحتي روحي لندن ^_^

 

[brettey]

مشكورين يا قلبي

 

[الاسطورية]

النمساااااااا
لندن مافيها الا سوق مووايد تونس

 

[brettey]

انزين النمسا جم تكلف مصرف حق اسبوع ؟

 

[لموية العسولة]

زلمسي تهببببببببببل ديرة معاريس ..صج رايقة ومريحة ..سبحان الله جنها جنة الله على الارض ...

ماأنصحج بلندن لوية وكلها عرب وأغلب محلات لندن عندنا بالخليج ...

نصيحتي لج روحي زلمسي وتسوقي بفيينا وميونخ ...ترى قراب من بعض ..وتقدرين تروحين عن طريق القطار ..

ولا تطولين في زلمسي كفاية عليها 4 ايام ...احنا قعدنا فيها 12 يوم ملينا ..بس اللي كان يرد علينا الروح جوهاااااااااااااااااا العجيب ماشاءالله ...سبحان الله تمر عليج أربع فصول بيوم واحد

موفقة

 

[brettey]

مشكوره يا قلبي

 

[اضوى]

طبعا النمسا وايد احلي لان لندن بس سوق اما النمسا تقدرين تاجرين سياره وتلفينها كلها وتروحين المانيا وايطاليا وسويسرا فرنسا لان النمسا بالوسط وزلمسي تقدرين تمرينها تحتاج تقعدين فيها 4 ايام

 

[chay^7leeb]

شـــــــــــوفي

اذا كنتى حابه تشرين يعني سفرتج حق السوق فروحى لندن ، وحطى افبالج انج بتلقين امة محمد كلها هناك يعني ماجنج مسافره جنج بديرتج :eh_s(3):

اما بالنسبه حق النمسا انا وايد احبها ديره تينن و شعبها طيبين واسوقتها عجيبه ومافيها وايد خليجين و عرب يعني مو كثر لندن

اما عن زلمسي اذا ودج تروحين مكان هدوء وجو عجيب وجبال و طبيعه و وناسه روحى هناك ( جنة الله على الارض) فيها خضار عجيب بس راح تملون اذا قعدتوا وايد يعني فيه قطار هناك اخذوه و روحوا من زلمسي النمسا ( سالسبورغ او انسبوغ ) ماراح يكلفكم وايد و لاتباتون ردو بنفس اليوم


وموفقه

 

[brettey]

مشكوره يا قلبي

 

[هامورة]

عندج لج اقتراحين

الاول لندن لكن تطلعين برا ويلز مانشستر سكوتلند رووووعه

الثاني زلامسي وزالسبورغ رووووووووووووووعه النمسا وانا افضل سالسبورغ

 

[mi$$ no0of]

تبين نصيحتي ..
النمسا وبسسسسسسسسسس ..

وزيلامسي جنة وطبيعتها ساحرة..

لندن مملللللة .. مافيها غير الاسواق

 

[brettey]

مشكورين يا قلبي

 

[Queen-q8]

ما راح ازيد على اللي قالوه البنات كفوا ووفوا

السفر الى لندن مكلف وراح يكلفج اكثر وسوقها مو هين بالغلا ومملة نوعا ما يعني ما افضلها بالصيف كلش موووو شي

اما النمسا بلد طبيعة وجبال وثلوج ولو السنه اللي فاتت ماكان الثلج يسمح بالتزلج

وهمن سوقها حلو والسفرة بتكلفج اقل من سفرة لندن والسياحة فيها وايد حلوة


نصيحتي طبي بميونيخ وقعدي جم يوم وأاجروا سيارة وعلى زلمسي وسالزبورغ وانسبورغ وفيينا وكلهم مناطق النمسا اللي كبرى والسياحية

وممكن تروحين سويسرا زيورخ سوقها وشارع بانهوف وايد يشبه اكسفورد اللي بلندن وايد حلو وزيورخ عن ميونيخ 3 الى 4 ساعات من ميونيخ

وهمن ممكن تروحون ايطاليا فينيسيا بالقطار 4 ساعات من انسبورغ

واخذي جولة اوروبية احلى وايد بالصيف وكل المطلوب فيزا شنغن و ليسن دولي و بالسيارة تفرين اوروبا كلها

 

[الغــــلا رنــــاد]

مو بس زلمسي سازبورغ وفيينا حتـــــــه من الجنه أنا عشقت فيينا أكثر من زلمسي تججججنننن

 

[فطيرة]

حبوبة زلمسى طبيعية وفييينا تسوق وطبعا الشى الوحيد بفييينا حلو اه ساحة ستيفن وسالزبرغ عادية جدا