الي راح ايطاليا يا ريت يساعدني

[ombaza]

السلام عليكم
بنات ابوي مسافر علاج صارلة شهر ونص تقريبا انشالله بروحلة مع امي واخوي الاسبوع الياي ميلانو فياريت اللي يعرف اي شي عن هالديرة يقولي
غالية وشلونهم مع العرب وهم افلوس اودي دولارات ولا كل شي عفيه
لا تخلوني انا محتاجة اي معلومة

 

[مووونيك]

مشاركة: الي راح ايطاليا يا ريت يساعدني

هلااااا حبيبتي امبازا
انشاءالله اتروحين وتردين بالسلامة.... ويقوم ابوج بالسلامة
بس اشلون علاج في ميلانو؟؟
اول مرة اسمع ان ميلانو فيها علاج؟!!>>>>>لقافة ادري

والله حبيبتي انا مارحت... بس من اللي راحولها يقولون كلللش مو امان.... وطبعا كلها ماركات!
رفيجتي تقول انها اتضيق الخلق ومافيها الا شارع حلو ما ادري شنو سمته تقول احنا مانقعد الا فيه.... ادري ضيقت خلقج بس هذا اللي اعرفه وانشاءالله البنات اللي راحوا يفيدونج.... اقول ليش ماتسوين سيرج عن ميلانو بالانترنت واجد احسن

 

[ombaza]

مشاركة: الي راح ايطاليا يا ريت يساعدني

هلا مونيك مشكورة عالرد الله يسلمج ابوي عمليته وااااااايد صعبه سوة عملية استأصال جزء من القلب الحين يطرشون ايطاليا اهو الحين بيطلع من العناية بس بيودونه علاج طبيعي لانه قعد واااايد بدون حركة على فكرة قاعدة ادورله اعشاب تساعد جسمة وتقويه ياريت اللي يعرف بالاعشاب يقولي

 

[مووونيك]

مشاركة: الي راح ايطاليا يا ريت يساعدني

عسى الله يرده لكم بالسلامة انشاءالله

حبيبتي اخاف الاعشاب اتضره ماتفيده!
انتبهي لاتعطينه اي شي.... ليش ماتستيشرين دكتور!

بالتوفيق حبيبتي

 

[ZnBQ]

مشاركة: الي راح ايطاليا يا ريت يساعدني

alah yqwma bilslamaa
italia deert ilmafya deery balich
il3mla ileuro
malhm shighil bil3rb
shwya ghalya la shwyteen !!
alah e3eenikm
alah yqwem obooch bilslama yarb

 

[ombaza]

مشاركة: الي راح ايطاليا يا ريت يساعدني

znbq thaaaaaanks mafiaaa ee walaa

 

[مُــنية]

مشاركة: الي راح ايطاليا يا ريت يساعدني

هلا ام بزة

ما تشوفون شر ان شاء الله

انا رحت ميلانو .. بصراحة من ناحيتي انا اعجبتني .. لاني احب سوالف كافيهات و سوق على كيف كيفج بس مو كل السوق حلو .. وايد اشياء انصدمت فيها

بالنسبة للناس هناك وايد طيبين لكن شوي دفاشه .. و الديره تعتبر رخيصه بالنسبه للدول اللي حواليها سويسرا و فرنسا و النمسا ..

فيها طبعا نسبه كبيره مصريين .. تحصلينهم يشتغلون بالمطاعم و الكافيهات .. ويساعدونج في وايد اشياء

عموما ميلانو اتملل اذا طولتي فيها يعني مالت اسبوع .. وسلامتج و اتعيشين

 

[Angel]

مشاركة: الي راح ايطاليا يا ريت يساعدني

ميلانو رحتها بصراحة اكثر من مرة ماكو غير الشوبنج فيها واحلى شي" الدوما" وبتشوفين هناك الكنيسة القديمة وتلاقين هناك مركز للشوبنج و كل الماركات والكافيهات بس اهلها وايد ثرثارين ولا تروحين بروحج عند السنتيريو يعني سنتر البلد يعني عند القطارات لأن البلد مو ذاك الزود بالأمان وأكثر العرب هم المغاربة والمصريين والصومال واهل الحبشة... بالنسبة للسياحة فأنصج تروحين شمال ميلانو يعني بحيرة "كومو" يعني تصير على الحدود الايطالية السويسرية واجروا عبارة يفر فيكم في البحيرة وراح يقولكم عن كل قصر لمنو ؟ ولا تنسين تتطلعين الجبل في القطار هناك والحين ما يتعاملون غير باليورو وطبعا تقدرين تحولين الدولار الى يورو بس اخذي معاج يورو احسن من الكويت لأن البلد مو ذاك الأمان واما بالنسبة الى المطاعم فيه مطاعم لسوريين ورحنا لواحد مصري ومطعم اذكر مغربي بس لواحد ليبي اهو.. واي سؤال انا حاضرة.

 

[sereen]

مشاركة: الي راح ايطاليا يا ريت يساعدني

ايطاليا حلوا فيها وايد علامات تاريخيه ناسها جنهم عرب الديرا بيئا مو نظيفه الجو العام جنهم الافلام المصريه ايام السبعينات البوووووووووووق والحراميه والغجر فيها شى الافضل ترافيل جيك الدنيا زحمه صقليه حلوا او فينيسيا تمام على التسوق ماينوصف اشترى حق الصيف من هناك الايام هذى فيهها الجديد الاسبجاتى حلو

 

[جكورة]

مشاركة: الي راح ايطاليا يا ريت يساعدني

تروحين وتردين بالسلامــــه والله يقوم الوالـــد بالسلامه ومايشوووف شر .......

بس ماعندي أي فكرة عن إيطاليـــــا....... كان وودي أفيــدج...

 

[كويتية في لندن]

مشاركة: الي راح ايطاليا يا ريت يساعدني

انا رحت ميلانو ...........مافيها غير السوق ومثل ما قالت سنع ومنع مو مالت قعدة اكثر من اسبوع ..اهي مدينة صناعية ............ واهم شي فيها منطقة (الدومو) اللي اهني مثل السنتر ومتفرع منها شوارع فيها السوق
وما يعرفون انجليزي وهاذا للعلم قليل جدا اللي يتكلم انجليزي

 

[noony_online]

مشاركة: الي راح ايطاليا يا ريت يساعدني

اذ بتروحين ميلانو اكثر شي فيها التسوق وفيها الماركات طبعا و مافيها اشياء سياحيه ما عدا ساحة الدوامو اللي فيها الكنيسة و ساحة الحمام , اهم شارع هناك اهوا monte napolione هذا طبعا شارع الماركات كله بوتيكات, وفيه مكان اسمه galleria vittoreo imanoele هناك المكان باليل حلو فيه كافيهات , انا بصراحه وايد حبيت ميلانو الناس اللي فيها حليوين و مثل ما قالت اختي سنع و منع فيها وايد مصريين , بالنسبه للامان ايطاليا كلها مافيها امان بس ميلانو تعتبر امينه بالنسبه حق باجي المناطق يعني ما منها خوف انشالله بس هم لازم تصيرين حريصه

وهالسايتات انشالله يفيدونج


Milano1

Milano2



انشالله يقوم الوالد بالسلامه و رحله سعيده

 

[ombaza]

مشاركة: الي راح ايطاليا يا ريت يساعدني

مشكوريييييييين كلكم ماقصرتوو وايد فدتوني
الله يسلمكم

 

[أوركيد]

مشاركة: الي راح ايطاليا يا ريت يساعدني

مايشوف شر الوالد ...

واللــــــــه يقومه ويرده بالسلامة...

 

[coffee]

مشاركة: الي راح ايطاليا يا ريت يساعدني

ام بزه ما يشوف شر الوالد والله يقومه لكم بالسلامة.. بس ليش ما وديتوه امريكا احسن بالقلب؟.. عموما انا ما رحت ايطاليا من قبل ولو ان ودي اروح فلورانس . بس انتي حاولي تشترين الكتيب الصغير ترجمة عربي - ايطالي للعازة.. وسويت لج سيرج يمكن يفيدج

وهذي صور من ميلان

The terrace of the world's fourth largest church, the Milan Cathedral

Monument to Leonardo da Vinci, Piazza della Scala

People dwarfed by the huge steel and glass vaulted ceiling of the Galleria Vittorio Emanuele II, reconstructed after being virtually destroyed in the air raids of World War II

"Leonardo da Vinci"