فينا سخيفه لاتروحين لها .. روحي زيلامسي اهي احلى شي في النمســا كلها .. تروحين منجم الملح وتروحين شلالات كارمل وقمه جبل كبرون .. وزحلاقيه الصيفيه .. وتروحين التل فريك .. شغلات وااايد فيها زيلامسي وهي مقصد كل السياح في النمسا فينا مالها معنى انا رحت لها .. قعدت فيها يوم واحد مافيها شي .. وروحي سلسبورغ متحف موزارت قريبه هالمنطقه عند زيلامسي وبعيده على فينا .. نصحيه .. وايطاليا احلى شي روما قريبه يم كل شي .. ميلانو احلى شي بحيره كومو .. وفينيسا اهي البندقيه .. فيها البحر الى تتمشين فيه بين البيوت والاسواق .. نصيحه لاتسكنين فيها لان مافيها الا هالشي على البحر .. انا سكنت بروما .. ورحت فينيسا بالقطار 3 ساعات الوقت .. يوم رحت فينيسا ... وروما فيها الكلاليسيوم الى اهو الحضاره الرومانيه .. وتوسكانا اهي الى فيها برج بيزا المائل .. ورحلته بعد 3 ساعات من روما .. ان سكنتي في ميلانو كل شي بعيد عليج وكل رحله بتكون عليج 6 ساعات .. روحي رحلات كل يوم منطقه .. وايطاليا عموما حلوه .. وجوها حار تقريبا بس بالليل حلو يكون .. سكني في روما وشوفي موقعها كل شي قريب عليج .. انا سكنت في ميلانو 3 ايام وتحسفت كل شي بعيد على .. حتى لما ابي احجز واقول له بعدين بسكن في روما 3 ايام يقول لى لما تروحين روما روحي هالرحلات ارخص واقرب لج .. والنمسا لاتروحين الا زيلامسي .. وميونخ مافيها الا سوق .. وتسوقي من هناك .. انا كلفتني الرحله 4000 الاف دينار بس تسوقت من الزين ورحت فرنسا قبل يعني 2000 تكفيج اذا ماتبين تتسوقين
