الي عالجت عند مركز زهير ضروري ادش

[غزل بنات]

السلام عليكم بنوتات

:eh_s(1): هههههههههههه شلونكم يائمرات


ابي اسأل الي عالجت عند مركز زهير تقولنا تجربتها انا توني اخذت منه علاج حق البشره

الي اهو الروكتان ومرهم بس وانا عرسي شهر 2 ابي اضبط بشرتي وكنت بروح لعيسى

بشور الكل يمدحه بس مواعيده بعيده وصدموني قاللولي تعالي شهر 9 :eh_s(14):

وحده مايمدي فاابي اعرف اذا تنصحوني بمركز زهير ولا لا انا سمعت بنات يمدحون

لفراكسل عنده وهم مفكره لما اخلص علاج الروكتان ابدي معاه فراكسل بس عندي زوجي

قالي مايبيلج الا جلستين واذا كلش اربع عشان المسام المفتوح وجذي فا ابيكم تفيدوني


اي وحده مجربه عنده سواء روكتان او فراكسل تفيدني عشان اشوف الاني خايفه ماابي

اغامر وللحين ماسويت التحليل مال الروكتان قلت اسأل عقب اسوى التحليل

واخليه يصرفلي الروكتان

اتمني اي وحده ادش موضوعي اترد علي على احر من الجمر ابي اسمع ردودكم والي تقولي

بجيب لها هديه :klhfl:

 

[الـحـسـاسـه]

ماعرف

انا اسمع بدار الشفا بسسس

 

[نونا**]

للاسف ماعندي فكرة

 

[ضماي هو وهناي]

انا يتراوالي افشل مركز بالكويت وبكل صراحه ...
سألي مجرب ولا تسألين طبيب
سووا عمليه لواحد من اقاربنا زوجته صديقتي المسكين يعاني من خشمه واول كان خشمه احسن يعني سووا له تجميل .. الله يعينه الفقير على الكرتزون عايش الحين والدكتور زهير بارد باعصابه .
وانا اخلعوا ضرسي ليش كنت اعض على خدي لما اكل العلك وجرحت خذي من زود الثقه قبل ازمه الريال رحت لهم قال ضرسج يبله خلع وما كان زوجي حاضر رحت وافقت لما رحت البيت قال لي باخذج لطبيبنا قال لنا حرام عليكم ماكان لازم الخلع كل مافي الموضوع انه الانسجه ملتهبه ولازم لها مضاد حيوي .
زهير الطبي يبيله اعاده بالدراسه والجدوله بعد

 

[غزل بنات]

بس المركز له كذا قسم انا اتكلم عن الجليد قسم الجلديه والدكتور الي انا عنده موزهير الي تعرف عنه شي تقولي

 

[الحـــلوه]

حبيبتي فيه موضوع بالمنتدى كامل وابي انسخه لج الحين شوفي شنو تقول الاخت كاتبة الموضوع:::




قلت مافي الا اروح طبيب جلدية

ومنو ومنو وعاد تعرفون البنات يذمون ويمدحون لين قالولي عن عيسى بشور

المهم دفيت الا تطلع السكرتيرة تقولي مافي مواعيد الا شهر 9

قتلها هاااااااااااااااي انتي شنو شهر تسعة أحنا بشهر 4


طبعا هالحجي سنة 2007

قالتلي تبين تبين ماتبين كيفج بطت جبدي والله هاللبنانية على شان وصتها حلو شافة نفسها


المهم قلت امري لله والزحمة شجعتني أكثر قلت اكيد الدكتور زين

المهم دارت الايام ورحت للدكتور ووصل الموعد

رحت واول ما شافني جان يقولي

شو فيكي (( اهوا سوري )) : ) ... بشرتك اسمالله حلو مابها شييي (( قلت رحنا فيها ))

المهم

قتله لا انا مو يايه عشان بشرتي عشان ظهري


جان يقولي أوكي

طبعا وريته ظهري الدكتور وجه انعفس

قالي انتي اشلون مخلية ظهرج جذي ظهرج شبه مشوه

خرعني أنا كنت مستسهلة الموضوع

كله من امي

المهم قاللي بابا شوفي

من الأخر حلج بس في دواء اسمه (( روأكوتين ))أدي الحين بعضكم بقول مالت عليج ساعة تقرقين وأخرتها هالدوا نعرفه خخخخخخخخخخخخخخخخ


أدري انكم تعرفونه وكثير منكم خاف ان يجربه

المهم خلونا نكمل

استانست قتله الله السالفة بس أخر تها حبتين باليوم

يوم شفت الاثار السلبيه للدوا اخترعت باالاحرى كنت طالعة قايلة لو اموووت مرح استخدمه

الدوا يا بنات يسبب تشوه اجنه يعني حق المتزوجة أصعب من البنت


ومدته لازم كورس كامل 6 أشهر

بس بنفس الوقت قالي بمجرد توقفين الدوا 20 يوم ينظف جسمج منه واذا بتحملين ما يصيرلج شي

بصراحة كنت بعمر زواج واذا خديته فيها مجازفه

طلعت من الدكتور قلت لو اموت ماني ماخذته

المهم شهر 1 الي طاف انخطبت

وحيل خفت من شكل ظهري مافي ريال يتحمل هالمنظر

المهم رفيجات اختي كلهم متزوجات ووحدة فيهم مسكينة كان ويها فيها الحبوب الكبيرة البارزة شكلها مو حلو كلش وذاك اليوم شفتها الا بشرتها زبدة زبدة قتلها فلانة انتي شمسوية في ويهج مشالله

قالتلي خذيت روأكوتين

قتلها اشلون انتي متزوجة وهذا يسبب تشوه اجنه

قالتلي اي ادري لا وابشرج الحين انا حامل

قتلها انتي من صجج

المهم

البنت هذي خذيت الدوا كورس كامل بس بنات صج بشرتها كانت مأساة والحين بشرتها زبدة مشالله

وولدت شهر 3 الي طاف يحيلها يابت ولد والحمدلله سليم 100 % ولا مشالله عليه كان يصفك في بطن امه

بصراحة تشجعت وقلت برجع حق بشور

بس مالقيت موعد الا شهر 7 وانا عرسي شهر 10 ما يمدي

لقيتلي واسطة في الصباح عند دكتور مستشار جلدية اسمه ابراهيم صياد اكيد تعرفونه

مشالله ديناصور عمره فوق 70 هههههههههههههههههههههه

ونفس الشي اول ما شاف ظهري قالي على طول روأكوتين

قتله اي ادري انا ابيه اصلا وقتله انا ترى عروس وخايفة

قالي اييييييي مالك فرحك لسه بدري عليه دنتي تبأي زي الاشطة وعندك وأت كافي

على فكرة اهوا مصري عشان جذي قلبت الساني اعيشكم بالجو

قالي ورحي سوي تحليل دم سويت ورجعلته وصرفلي اياه

بديت اخذ الدوا بالضبط تاريخ 27/1/2008

وكل 27 من الشهر عندي موعد

بنااااااااااااااااااااااااااات شقولكم للحين بنص الكورس بس مشالله مشالله (( قولوا مشالله )) ظهري مو اهوا

جتى حريم خواني واهلي لاحظوا الفرق


أول شي بيض وكل النفر البارز راح بقت الاثار عطاني لها مهلبية ودهان جل عقب وبعد الحمام بس مو يوميا على كيفج طبعا كل ماالتزمتي النتيجة احسن

انا شخصيا ماالتزم

ومع هذا ظهري فرق علي حيل

يعني انشالله اتوقع على 6 بكون ظهري زبدة وانا بقولكم خطوة بخطوة انشالله

وبنات بالذات الي مو متزوجات ترى فرصة والله

والدكتور حيل طمني وقالي انه ما يأثر وانا شفت أكثر من تجربة جدامي الحمدلله كلهم احملوا واعيالهم سلمين

بس انا نصيحة اقول لا تفكرين بالحمل قبل شهرين من ترك الدوا

وعلى فكرة تدرين أنا من بديت اخذه توقف عندي تساقط الشعر ينسبة 80 %




حتى انا محتاره اروح آخذ لي موعد ويصرفلي والا لا لان عرسي آخر 11 ويقولون لازم توقفينه قبلها ب4 شهور مادري

 

[غزل بنات]

الي بمركز زهير قالي يبيلج روكتان وبعطيج جل بس ابي الي مجرب يعني عنده الجلديه عندهم بس بس يتراوالي كلهم

نفس لعلاج الروكتان بس عيسى يعطي مقشر ومبيض خلط وخلطه للصبح هذا قالي مايحتاج مقشر ومبيض انتي بعطيج بس لحبوب وجل وغسول وبس ولما تخلصين كورس كامل اعطيج الي تبينه انا قبل كنت ماخذه الروكتان بس شهر بشرتي صارت شي بس هذا استغربت ماعطاني لادوكين ولا ريتن ايه قالي مولازم

 

[أم منصور]

ديري بالج تستخدمين الروكاتتان او الريتين أ وبعده تسوين فراكسل

الفراكسل علاج قوي للبشرة تقدرين تسمينه حرق عن طريق الليزر بواسطة حزمة من الاشعه وتاثير الاشعة على البشرة مثل حرق الطبقة الخارجيه للبشرة راح تشوفين وجهك تحول للأسود وومكن يروح وممكن ما يروح الا بعد مضي 6 شهور مثل ما حصل لي ---واذا كنتي مسوية تقشير بالروكاتين او الريتين أ ما راح يعطي نتيجة مرضية --- واذا الدكتور قالج ما يهم سالي كذا دكتور ثاني واخذي قرار انج ما تخلصين الرواكتان وبعده الفراكسل ---- الرواكتان نتايجه ممتازه واذا انتي عروس وتبين تحملين على ما اظن ما تقدرين تحملين الا بعد مضي 6 شهور على ما اظن تاكدي من المده .

 

[قرقاشة]

نصبوا علي نصبة محترمة والفوا لي مرض عشان يطولون علاجي وخربطوا صحتي وخذوا مني مبلغ محترم وترى انا مو اول وحدة ياما ناااس نصبوا عليهم ديري بالج

 

[دلوعة مماتي]

انا مجربتهم بالتجميل والجلديه وييييييييييييييييييييييييييييييييع خشمي خربوه واضطريت اني اسوي عمليه ثانيه لان الدكتور اللي سواها حقي طلع من المستشفى ورا عمليتي على طول وراح السعوديه على قولتهم اما الجلديه انا ماخذه جلسات ليزر حق البهاق لكن ما نفع وياي وفي سكرتيره لبنانيه اسمها عواطف كانت حليوه وياي بس لمن صارتلي مشكله وياهم بسبة التجميل انعفست وقامت اتنفس وما تعطي ويه وانا للاسف كنت رايحه للمستشفى من اول مافتحوا يعني كانوا يدد بس اللحين ماعندي فكره عنهم انا انصحج انج اتروحين مستشفى ثاني ويكون الدكاتره معروفيييين مو يدد مثل الزهير مادري من وين يايبينهم

 

[غزل بنات]

مادري حييل خوفتوني حتى للحين ماسويت تحاليل للروكتان يعني وين اروح عيسى بشور عليه طق اعصي ومني لي شهر تسعه مايمديني شسوي ؟؟؟؟؟؟

 

[JaDeL]

هذا وانا بغيت اروح زهير:/ زين مارحت لووول روحي لعيسى عرسج بعيد شهر 2

 

[غزل بنات]

لووووووووووووووووووول بروح لعيسى انشالله وبحط لج موعد معاي نروح مع بعض مع اني اشوف بشرتج زاينه

بس انتي ماتصدقين

 

[• MuFFiN •]

انا تعاملت مع الزهير بس للاسنان بالعكس ما نصبوا ولا شي بالعكس معاملتهم وايد حلووه بس ماعندي فكره عند الجلديه ..

 

[غزل بنات]

يااحلات الراحه وياحلات الدكتور الي تكونين واثقه منه خلاص بعد عناء طويل رحت لعيسى بشور وخذيت علاجه

والحمدالله بستمر معااه واخلص الكورس عنده شهر 12 انشالله خوووش دكتووووووور

 

[غلاكم]

هايز
اشلونكم بنات الكل حاليا هاب بعيسى بشور

ان شاء الله يكون زين

انا بعد بسوي تقشير حق ظهري بس ما ودي دكتور يشوف جسمي

يعني ودي دكتور

لان الحبوب بظري ماذيتني

شكرا

 

[ro3ah]

الروأكتين وايد حلو بس لازم الدكتور الي تراجعين عنده يكون شاطر لان الجرعه تأثر بالجسم لازم يحسبها مع وزنج ولازم دكتور عنده ضمير يتابع معاج التحاليل الشامله ووظائف الكبد لان في ناس تأثر فيهم لازم يقطعونها انا الحمدالله وايد فادتني بس لازم تتابعين وماتطوفين حبه لان لها حسبتها لج عدد معين من الجرامات باليوم على حسبت دكتورج
انا اعرف بنات استعملوهم ولما خلصو كورسهم بعد مده رجع كل شي لان دكتورهم ماعطاهم الجرعه الصحيحه
ولازم ماتكونين تفكرين تحملين لازم تعطين جسمج راحه 6 اشهر عشان تضمنين ان طلع من جسمج لاتجازفون ان في احد الله حفظه وماصار فيه شي

 

[عجينه]

موفقه>>>>> بس ياليت تقوليلنا النتايج؟ والكورس من شنو يتكون؟ اسماء الكريمات وطريقتهم؟