الي كانت موظفة واهي حامل تدش

[english muffin]

هلووو بنات
بعرف الموظفات لمتى داومتو قبل الولادة ؟؟
انا قاعدة ايمع اجازاتي حق اطول اجازة الوضع بس ماعرف لمتى اداوم
ادخل شهري تاريخ 3 شهر 5 اخر موعد للولادة تاريخ 4 شهر 6
الي كانت حامل وموظفة
داومتي لمتى ؟؟
اذكر معاي بالدوام وحدة داومت لاخر يوم لوول يعني داومت الصبح معانا والليل ولدت

 

[قلب زوجي وولدي]

انا بعد بحملي داومت لين ما ولدت وبحملي هذا ان شاءالله
بسوي جذي دام مو تعبانه عادي ليش الاجازه ​

وجذي جذي احنا لنا شهرين وضع و4 شهور أمومه وبعدين للي تبي تاخذ من رصيدها
تاخذ ​

 

[حنطاااويه]

انا الحين
دخلت تاسع وخذيت اجاازه اسبوعين وبعدين باخذ مرضيه اسبوعين
عنج مرضيه من المستشفى ٣٠ يووم
وانا اايد الوحدع من تدخل تاسع تاخذ اجاازه
ثقل ونومه تصير مزعجه
وغيير فزعه من الصبح وتصلب على كرسي
الوحده شالله حادهااا

 

[طيبة83]

والله انا داومت لين اخر شي

ما كنت ابي اخسر اجازاتي

وخصوصا ان في البحرين ما عندنا اجازة امومه لنا بس اجازة وضع مدتها شهرين والباقي من رصيدج

وشهرين كلش كلش ما تكفي

انا خذت عليها زود شهر ونص من اجازتي السنوية وشهرين ونص بدون راتب

انتي وين تشتغلين؟

 

[الـفـجـر الـبـعـيـد]

انا داومت لي نص التاسع اسبوعين وولدت

وولدي البجر بقى لي اسبوع على الولاده واخذت اجازة وفوقهم عشر ايام

لاني تأخرت طفت التاسع

والله يهون عليج دام ان ماعندج مشاكل وقادره اداومين لا تاخذين اجازه

 

[أم عزيـز]

والله انا اداوم طول الحمال ما اخذ طبيه الا اذا حسيت اني وايد تعبانه
وبنص التاسع ابلش طبيات
كل وحده وحسب صحتها في بنات يتعبون وايد تلقينهم من اخر الثامن ما يدامون
وفي بنات اهون شوي يكملون لي نص التاسع وبعدها ياخذون طبيه

يعني كل وحده وحالتها

 

[عسل مرت قيمر]

طخلت استفيد منكم مع اني مو حامل


بس بولدي البجر كنت ادرس فماحربت وان شاءالله لي حملت الثاني اكون مشتغله ياارب عشان جذي دشيت اخذ منكم معلومات


الله يسهل عليكم بنات يااارب

 

[FJ style]

كل وحدة وظروفها
وحدة من بناتي قعدت لاخر يوم
والثانية خذيت طبيات اخر اسبوعين

 

[english muffin]

Up up

 

[بيلسسان]

اذا تعبانه وماتقدرين تداومين
تقدرين تاخذين مجلس طبي
بس اذا مافيج الا العافيه تقدرين تتحركين وشغلج مو متعب داومي لين ماتحسن نفسج تعبانه

 

[أأأميرة الورد]

انا داومت لاخر شي


مو حب بالدوام لا والله بس الشهر التاسع يالله يمر

كنت اغزرها بالدوام صج تعب وثقل وكراف

بس احسن من قعدت البيت


ههههههه اخذت درس ببجري غبت قبل ولاداتي بشهر

وماولدت الابطلق صناااعي

الله يسهل عليج

 

[أشبـاهـ المطـر]

خذيت اجازه آخر الثامـن
لان حاشني ربو تعبني ومالي خلق لويه
المرضيات سحبتها شهر بس قطعوها لي
لاني ولدت بعد الاجازه ب12 يوم
يعني اول مادخلت التاسع .... ​

 

[ام الحلوااات]

اللـــــه يـــهـــــووون عــــلـــيـــج ويـــقــــومـــــج بـــــاالــــســـلامـــه

 

[استعجلت الرحيل]

انا مفكره اخذ التاسع كله انا الحين بالسابع لان تعب وتصلب بالكرسي

 

[MISS SMAIL]

الله يهون عليج

 

[L O V E]

اختي انقلش
انتي نفس ديرتي
ف اجازه الوضع عندنا بس شهرين
واذا كنتي في شغل خاص اعتقد اقل ف يمعي اجازاتج لي عقب ماتولدين
واذا دخلتي التاسع داومي اول اسبوع واذا تعبتي الدكتورة بنفسها تعطيج
كل اسبوع اجازه لان المواعيد في التاسع كل اسبوع
رفيجاتي واهلي كلهم يسوون جذي يروحوون حق الدكتورة وتعطيها اجازه مرضيه اسبوع
لي ماتولد وبجذي ماتخسر رصيدها

 

[عالمي المجنون]

أنا أخذت من نص الثامن ٣ اسابيع من مستشفي دار الشفا

لان ريولي انتفخت واايد وكنت حدي تعبانة و بعدها داومت يوم أخذت فيها إجازة أسبوعين

و قبل لا تخلص الإجازة ولدت و يعني تقريبا أخذت شهر قبل لا أولدت و ٦ شهور بعد ما ولدت

حده دلعت عمري والحين مداومة وحدي مشتاقة حق ايام الراحة و مجابل ولدي حبيبي

*

 

[أم عزيـز]

احنا في البترول نعتبر قطاع خاص بس يعطونا 70 يوم وضع وشهرين بنص راتب أمومه
يعني الحسبه كلها 4 شهور و 10 ايام بعد الولاده
فللأسف اضطر اخذ رصيدي لين يكمل عمر البيبي تقريبا 5 شهور وارد الدوام

بس الطبيات مثل ما قتلج على حسب الحاله
انا اول حمل وثاني حمل بس اداوم اول اسبوع من التاسع لان الترجيع يذبحني
خاصه ان يحوشني اسيتون في البول عزكم الله
بس ثالث حمال لي الحمدالله يارب كان اخف فكملت 3 اسابيع من التاسع واخر اسبوع اخذته طبيه وولدت بنصه

عندي قناعة ان اللي تحس انها مو محتاجه الطبيه وحالتها الصحيه زينه ربي يسهلها عليها

 

[shmoo3 alamal]

حبوووبه انا ما انصحج تاخذين اجازه من الايام الي عندج
اذا تبين دكتورتج في الشهر التاسع تعطيج سبوع
لان تعرفين احنا بالبحرين اجازاتنا قصيره يعني اجازه الوضع في القطاع الحكومي 60 يوم
واذا قطاع خاص 45 يوم
فجمعي الاجازات واخذيهم في الاخير احسن

 

[english muffin]

^^^
اييي
انا مو مفكرة اخذ اجازة لين اولد
لان اصلا مايعطونا الا 45 يوم وبكملهم من اجازاتي المجموع 3 اشهر

بس كنت حابة اخذ فكرة