الي كل من سافر ماليزياااااااااااااااا

[ابتسامة غدر]

بسم الله الرحمن الرحيم​

السلام والرحمة على جميع بنات المنتدي بلا استثناءبصراحة انا هذي اول مشاركه لي بس ماراح تكون الاخيرة
ماراح اطول وبدخل بالموضوع
انا بسافر في الصيف لماليزيا وابي مساعدتكم اول مره اروح؟؟؟
ابي احلي المحلات اللي يكون شغلهم حلو ومو موجود بالكويت تدرررررررررررن للتميز
وتكون الاسعار معقوله.تكفون ابي تفاعلكم ونصائحكم ومشورتكم:e3:
احترامي للجميع وشكرا

 

[Super_Star]

رد: لجميع من في المنتدي

حبيبتي حطي موضوعج بقسم السياحة و السفر و اكيد البنات ماراح يقصرون معاج

 

[ابتسامة غدر]

هلا حياتي
شلون انقله؟؟
ومشكوره

 

[فروحة الكويتية]

المشرفة تنقله

 

[ابتسامة غدر]

مشكوره فرووووحه

 

[نور بوبيان]

بصراحه مااعجبتني كلش ....الجو رطوبه وغاليه خبونا فيها ووايد ارفعوها بالسما... والمشكله أكثر الأغراض إللي اشتريتهم حصلتهم بالأفنيوز

لا وخذوا علينا زيادة الوزن بعد... بس جنتج روعه بالجو البارد ....والمناظر الخلابه ...

دشي الجوجل وسوي سيرج على أسواق ماليزيا ومميزاتها وإن شالله تحصلين إللي تبينه ...


---------------------
إذا بتروحين وطبعا كل واحد وله رايه الخاص بالمنطقه إللي سافر لها :

خففي الشنط ... واخذي معاج الملابس القديمه للأولاد علشان تقطينهم هناك وتشترين بدالهم ملابس يديده وتستعملينهم واتخففين من الوزن...

كثري من الهاند باج أو دزي أغراضج بالدي إش إل (( بالشحن ))....

وسفره سعيده وموفقه...إن شاءالله...

 

[omryoona]

انا عن نفسي واااايد عجبتني والاسعار هم حلوه ارخص من الكويت
صج ان الجووو لج عليه اشوي بس صح جنتنج وااايد الجووو حلووو بارد
في شارع اسمه شارع العرب كله مجمعااات كل واااحد احلا من الثاني روحي مجمع الماركات وروحيي بي بي بلازا وااايد حلووو ومايخلص بيوم واحد يبيله جم يوم وبنفسه شارع العرب فيه مطعم ايراني روعه اسمه ناب naab عجيب طلبي شوربة الشعريه واكلي شيش طاوووق مخصوص وعيش اشبنت عجييييييييييييييب اكلي ودعيلي
انا رحت شهر 11 الي طاف ورديت رحت شهر 2 وناسه والله
روحي لنقاويي هذي جزيره ورحي سن وييي لاقون هذي مثل الاكاوابارك والشلالات وحديقة الفراشات روعه وحديقة الطيور اتهبل اكبر حديقة طيور بالعالم وحديقة الزهور روعه بعد
والسوق الصيني اسمه شاينا تاون وسوق ماجنديااا هذول وااايد ارخاص وكلا تلقين هناك تقليد ماركات :dddds:
والله وااايد اشياء بس فيني نومه :0bee2e8d89:
والله يوفقج ورحله سعيده واذا تبين اييي شي اي استفسار انا حاضره ياالغاليه

 

[ابتسامة غدر]

مشكوووووووووره جدة كويتيه
وام ريووووووووونا
علي الرد

 

[د-سوسه]

اذا بتروحين لنقاوي اشتري ماركات طبعا هناك عندهم ماركاتهم ..اهناك الاسعار ارخص وماعليها ضرايب والي تلقينه اهناك ماتلقينه بكوالا لمبور...بيننغ فيها السوق الليلي راح تلاقين خرابيط وجناط تقليد وعلي حسب ذوقج يعني انا شريت هدايا واشياء يديده انا وبناتي بس ماكثرنا اغراض لان انا طبعي اخذ المميز بس في ناس ماشالله كانو معانا شفتهم بلمطار عندهم 13 بنت كل وحده فيهم ساحبه الجنطه الصغيره هذا غير الي ركبوه بالطياره
اما كوالا لمبور طبعا اهي الي فيها المجمعات الكبيره وجذي وكلها بشارع العرب انتي راح تلاقينها من نفسج بس عندج مجمع سانغ يونغ -اذا موناسيه الاسم- بشارع العرب هذا حلو تشترين منه هدايا لان اسعاره مناسبه وفي محل جواتي عزكم الله فظييييييييييييع اسمه vincciهذا صج لاتطوفينه جواتيه اتينن صج مريحه ومميزه تحسفت الي ماكودت منه ..
بنفس الشارع روحي محلات البخور اخذي المسك الابيض تلقينه لونه ابيض موشفاف هم فظيع احلي من القرشي ..
واذا تبين ماركات عالميه روحي البرجين فيهم ماركات حلوه وطبعا فرق العمله

 

[bato0osha2008]

انا بالنسبه لي اعجبتني صراحه وايد واحلا شي لنقاوي لان طبيعه وبحر ورحلات هالمنطقه ريفيه حيل وما فيها اسوقه بس عجيبه بالطبيعه ومطر حدها اتشوق بالنسبه حق سوق ماليزيا عادي انا اشوفه نفس اسعار الكويت حتى الماركات اغلى من اهني وايد لا تشترين ماركات من هناك واذا تبين عن اسواقهم دشي قوقل وكتبي دليل ماليزيا السياحي يطلعلج منتدى في كل شي وكل منطقه شنو فيها وتره حتى التكاسي اهمه اعلمونج وبالنسبه حق جنتق انا في نظري لا تنامين فيها روحي يوم وردي لانها ما تسوه خلج باكوالالمبور احسن روحي مصنع الكاكاو اخر يوم قبل ارده احسن حده الكاكاو لذيذ

 

[عروس الدنيا]

عندهم حل الجواتي vinnice
و في ماركة تبدي بحرف ال بي حق الجناط نسيتها ... هم متوفره بكثره .. و بس اتوقع هذا الميز عندهم بالاضافه الى الفواكه العجيبه و الغريبه

 

[فلونة احلى وردة]

واااااااااااااي ذكرتوني
احلى شئ جنتينق لا تطوفج
برااااااااااااااااااااااد والعاب وحلوة
والسوق في واحد كبير ونسيت اسمه
واسعارهم ارخص من الكويت بشوي
والصيني حق الصوايغ

 

[بلاك اكس اس]

هلا فيج اختي
في مجمع اسمه برجايا تام سكوير حلو كل شي في داخلة من العاب ترفيهية وملابس واحذية وجناط ورخيص
مجمع اسمه صن وي هم حلو والعاب وترفيه وملابس وجناط واحذية
مجمع اسمه ميقا مول اكبر تجمع تجاري
مجمع سوقو اكبر تجمع عطور وملابس
مجمع لوت تن وحلو وايد
مجمع ماينس شوبينق فاير وفي ترفيه وحلو ملابس
وفي الحي الصيني هم حلو ورخيص من التقليد الماركات (جاينيز تاون)
وروحي للسياحة 1- حديقة الفراشات والطيور والازهار
2- مركز تسويق بالبرجين ( تونز تاور)
3- وفي منطقة فوق الجبل تروحين لها بل تلي فريك وفيها حديقة العاب حلوة Followed by Frick) Mountains
4- حديقة الحيوان (zoo )
وهذي كل معلوماتي في سفرتي لماليزيا

 

[أم بيبي]

انصحج فيه لانها حلووووووة حييييييييييييل وماراح تملين فيها
اذا تحبين الجو و الهدوء التام روحي مرتفعات الكاميرون لانها هادية حيل بس جوهت عجيييييييب
واذا تحبين السوق طبعا روحي كولالمبور لان شارع العرب و السوق الصيني فيها رخيص وحلو بس لازم تكاسرين لان اذا شافو عرب يدبلون السعر لج واذا و فيها مجمعات خلوة ولا طوفج الاحصنة الذهبية
واذا حابه البحر و ركوب البرشوت و القوارب و الجت سكي والسوق الليلي اللي يفتح المغرب لا يطوفج جزيرة بيننج وفيها مطاعم عربية حلوة
ولاطوفج جنتنج جو ومدينة ملاهي ومجمع حلو
بس نصيحة لا تاكلين من مطاعم الوجبات السريعة لانها موحلوة كلش بس مطعم بيتزا هت هو اللذيذ منهماتمنى اكون فدتج حبيبتي ورحلة سعيدة ان شاءالله

 

[سحااايب]

اي صج اكلهم مالاحظتوة؟؟
احس اكلهم كله حالي حتى العيش حالي الله يديم النعمه حتى الوجبات السريعه الخلطه اللي بالوجبه حاليه مارتحت لين طحت بمطعم هندي نسيت اسمه داخل مجمع البافليون حددده عجييييييييييب لاتنسين تهتمين بسالفه المطاعم ترى حدها مهمه انا توهقت لين طحت بهالمطعم

 

[منووور]

طرشت لج بالخاص حبيبتي شيكي عليه


ومطاااااااااااااعمهم عجيييييييييييييييبه

خاصه مطعم هندي بالمارررريوووووووووووووت شي شي عجيب غريب وخيمه الصحراء حلوووووووووووووو بعد

 

[mariam_q8]

بسم الله الرحمن الرحيم​

السلام والرحمة على جميع بنات المنتدي بلا استثناءبصراحة انا هذي اول مشاركه لي بس ماراح تكون الاخيرة
ماراح اطول وبدخل بالموضوع
انا بسافر في الصيف لماليزيا وابي مساعدتكم اول مره اروح؟؟؟
ابي احلي المحلات اللي يكون شغلهم حلو ومو موجود بالكويت تدرررررررررررن للتميز
وتكون الاسعار معقوله.تكفون ابي تفاعلكم ونصائحكم ومشورتكم:e3:
احترامي للجميع وشكرا

مجمع اي كوالامبور اسمه بافليووووووووون
راقي وحلو والتوين تاور

 

[هيوونه]

شلون ماليزيا تنصحون فيها واللة اني خايفة من هالمرض يكافي شره