الي متعودين يسافرون مع عيالهم يدشوووووون

["MisS'MoOn"]

:eh_s(17):مشكوريييييييييييييييييييييين على الردود كل الي ردو علي يعطيكم العافيه :eh_s(17):

و اختي ( بنت ابوها ) ماقصرتي على ردج :eh_s(7):
وانا نيتي اخذهم عمري ما خليتهم بس بسم الله عليهم صارو ثلاثه ،، وهذي اول مره اروح اوربا فامتخوفه اشوي من النتقل معاهم ،، وراح يتغير نظام اكلهم ،، واحنا بنطول اشوي ،، وانا مو معودتهم مطاعم ،،
هذا الي خلاني اطرح الموضوع ابي اسمع رايكم وتجاربكم واستفيد منكم :rerrerek::rerrerek::rerrerek:

ولا النية باخذهم مراح ارتاح بدونهم :wqedqw::wqedqw::wqedqw:


:aha::aha:

 

[om-Jana]

عيالج اسمله عليهم الله يخفظهم كبار
ما يحتاجون خدامه اصلا راح تتقيدين فيها واذا ما تقيدتي تنحاش الله ياكثر الناس الي تشجع عالنحشه هناك واذا ما انحاشت تتمرد

 

[om-Jana]

ومثل ما قالت (ام )بنت ابوها

انتي بيدج تسهلين وانتي بيدج تصعبين

 

[Q6RYA]

حبيبتي اخذي عيالج واستانسي و ونسيهم معاج شتبين بالخدامه خليها هني احسن عشان تاخذين راحتج مع ريلج وعيالج بالفندق وفي الطالعات بدال ماتسحبينها معاكم كل مكان ملاهي ومطاعم ومادري شنو وعيالج ماشالله مو صغار لا بامبرز ولا رضعات على قولت البنات


وبس واخذي معاج عربانه خفيفه عشان اذا تعبو في المشي عربانه التونز كبيره وبتعبلج اخذي شي خفيف واخذي البسكوت والاكلات الي متعودين علىها عيــالج والله يهنيــكم واخذي احتياطج من الملابس الدافيه لان احتمال يكون برد في الليل واليهال ماياذون في السفر الا اذا مرضووو وانشالله ماتشوفون شر وتردون بالسلامة ياربــــــــــي

 

[nouran84]

موضوع رائع شكرا على الموضوع​

يسلموووووووووو​

​

 

[usgirl]

انا جربت اول مره سافرت كان عمره 2 سنه وخليته عند اهلي بس اخر السفره قطعتها ورديت حييل تضايقت عليه وبالليل ما انام عدل
وهالسنه رحت بولديني دبي تعبت ونفس الوقت ارتحت لانهم حوالي بس تعبوا ابوووهم من الركض والعفسه
هالسنه كنت بروح اوروبا وزوجي معااارض ما يبيهم ابد
بس لاصغير حيييييييييييييييييييييييييل متعلق فيني بشكل جنوني انا الهوا اللي يتنفسه وزوجي معارض ما يبيهم حتى فككرت الغي السفر لعيووونه هالكتكوت

الياهل ما يبي الا النوم والراحه ووالاكل
اخذي عربة اطفال راهيه عشان يرتاحون فيها وتفتكين ويراح ابوهم تراها نص الراحه لكم منها تحكرهم ويرتاحون فيها
زنصيحه افتكي من الخدامه يمكن تنحاش وتدخلكم مخافر الله لا يقول وتطلب لجوء وعفسه
اخذي بقصم شابوره اندومي واصغيره واذا بتسكنون شقه اخذي جدر معياج وعيش 5كغ
وديهم دزني بتكووون ذكرا لا تنسى العمر كله باذن الله
وعلى قولت الوالده نارهم ولا جنة فراقهم
ودعاؤكم لي بالوفيق اجمعين

 

[usgirl]

بنات جربتواتعطون اعيالكم flu shut عشان ما ياذونكم بالصخونه
كان معي مدرسه تعطيها اعيالها قبل السفر؟؟؟

 

["MisS'MoOn"]

usgirl
اختي والله انا سامعه وحده تودي عيالها الطبيب ياخذون تطعيم قبل ما يسافرون عشان ما يمرضون وماياخذون برد
اما الدوا الي قلتي عنه ماعندي فكره عنه

 

[White Musk]

اخذي معاج جدر كهربائي للعيش سهل تستخدمينه واشتري الروب من هناك
انا دايما اسافر مع اليهال
اي شي تحبين تسالين عنه راسليني عالخاص

 

[White Musk]

اخذي العربانه الخفيفة ارخص نوع من مذركير تصير بالطول لي صفطتيها ما تبين العريضة متعبة

 

[الأماكن]

...~

أنا جربت ... بس واحد و كان عمره ذيج السنة تقريبا 4 سنين ... يعني يفتهم و يروح الحمام ... بس شيطوووون

خذيت معاي كراسة وألوان و خليته يلون بالطيارة ... و المضيفات عطوه ألعاب و الحمدلله كان سهران و نام بالطيارة لين وصلنا لندن

أهم شي تقسيم الوقت و الاغراض

و هالسنة باخذهم كلهم و بنتي حيل بااااردة و تبط الجبد ... عمرها 3 سنين راح أخليها عند جدتها .. و الخالات ما يقصرون فيها
ان شاء الله

يعني راح أخذ الشياطين ... معاي رأفةً بالخدم و بأمي و خواتي ...لووووول

ولا تخافين أكيد زوجج راح يساعدج

و اخذي العربة ... راح تنفعكم ... اليهال يتعبون من المشي حبيبتي

و الاحسن انج تاخذينهم و عودي عيالج ع السفر والطيارة

و رحلة سعيدة

 

[عبير-الشرق]

حياتي نصيحه مني الي عمرها سنه ونص خليها وماراح تفقدج لانها صغيره انا خليت بنتب بهالعمر والله ماتدري عني لانها وبالنسبه للي عمره 3 سنين راح يتعب من المشي لان فرنسا ولندن حلاتها بالتمشي فلازم تاخذين عربانه مالت مذركير الخفيفه عشان ماتاذيج بالشيل والعربانه او كرسين ملتقدرين تركبينها القطار الا اذا خذيتي ام ورا وجدام ممكن ومارح تتاذين بالعكس بتودينهم يور ديزني وبيستانسون سفاري بارك بلندن هم حلوه

 

[<miss botamba>]

لا سفريهم معاج كبار ويفتهمون

اذا اصغر من 3 سنين لا لان مايفهم ومعروف بعلم النفس الياهل اول 3 سنين من حياته مراح يذكرها لمن يكبر

ولا تشترين من الكويت عربانه هناك ارخص


ومن الكويت سوي لهم جناط فيها تلوين والوان وقصص عطيهم اياها حزه السفره علشان تكون مفاجأه لهم ويلهون فيها

ومن هناك اذا بغيتي اشتري لهم ايبودات ونزلي لهم العاب يلهون ومايأذونج

بس انا ضد الالعاب الالكترونيه لليهال

ووديهم هناك حديقه الحيوان و السفاري و ملاهي و الهايد بارك وهامليز محل الالعاب و هارودز

يستانسون ان شاء الله ومايأذونج


وبنتج الصغيره عوديها تاكل اشياء مختلفه لا تعودينها على شي واحد

واذا تدلعت او بجت حقريها وبتاكل الموجود

لان مو زين عليها تاكل بس نوع واحد

شلون الجسم يستفيد

وانتي بتأذين معاها




وتروحين وتردين بالسلامه

 

[معلمة انجليزي]

حبيبتي اخذي معاك الرايس ميكر عشان تسويين عيش بالفندق او الشقة
وعربانة الجهال تنفعك تشيلين فيها جنطة فيها لبس لهم بكل طلعة وتشيل اكياسك بالسوق
انا كنت اخذ جنطة احط فيها بدلة كاملة لبنتي وجاكيت لي ولزوجي وكل مامرينا محل يبيع اخذ لها لانها تجوع والباقي احطة باللنش بوكس

 

[أمانيQ8]

انا المجاهده المناضله في سبيل العيال العضوه اماني الكويت المقروده اني سافرت مرات عديده بدون خدامه واكلت تبن حشا القارئ وتعودت على الشقا والأذيه سافرت معاهم بجميع مراحلهم العمريه من ست شهور وسنه وسنتين وثلاث واربع وخمس والخ لوووووووووووووووووووووووووول فصار عندي مناعه
الزبده ياحبيبتي اعيالج احليوين وديهم لااتخلينهم حرام شوفيني انا سافرت ببنتي وعمرها ست شهور ومااسافر الا معاهم مالي قلب اخليهم...توكلي على الرحمن واخذيهم

 

[بسبوسه11]

انا رحت لندن شهر 4 اللي طاف وخذيتهم معاي اسم الله عليهم 2و 4و6

وكان الوضع اوكي وطبعا ابوهم ساعدني وايد وحتى ابو ست سنين عطيته مسؤليات على قده والحمدالله استانسنا

بس خذيت العربانه مالت التوم حق الصغار وساعات كانو يملون منها ويبون يمشون وكنا مخلينهم على راحتهم

اهم شي ما تعبينهم بالرحلات والسفر الطويل ووفري لهم بي اس بي او اي بود وبالنسبه للاكل خلي معاج جبن وخبز او صمون وشوية فواكهه دايما بالطلعات انا كنت اخذهم من تيسكو كل يوم قبل لا نطلع

وبس وان شا الله تستانسون ورحلة سعيده ولاتنسينا بالدعاء

 

[الحياة 93]

اهلا انا من اللي مااوافق علي السفر مع اليهال بس اللي بسافر مع عيال لا يتفرفر يقعد بمكان واحد عشان تستانسون واليهال مايطفرونكم نصيحة من ام من عشرين سنه

 

[الكادي 1981]

الله يكتبلج سفرة حلوة وتستانسين

 

[q.u.e.e.n]

ولا عمري سافرت مع عيالي داشه استفيد

 

[miss_heathrow]

حبيبتي صدقيني اخذيهم معاج واذا تبينهم ما يستعسرون نظمي نومتهم عدل يعني قعديهم من الصبح عشان ينامون بالسوق الظهر بالعربانه وانتي تغيرين جو هدوء وبالليل بعد اول ما يردون الفندق هم يناموون من التعب

اهم شي تسوينه انج تشبعينهم اللانش بوكس سويلهم معكرونيه بيضه خليهم ياكلونها جنها بطاط جبس

بالنسبه لي انا بنتي وايد عسره ازعاجها عن 3 يهال ومن النوع الموذي وانا بعد ما اوطن شي اسمه اشيل والقط وراها واراكض وراها
والله من ولدتها لي الحين عمرها 4 سسنوات ونص اسم الله عليها وانا بعمري ما خليها بالكويت

نظامي بالسفر :- وقت الطياره انظم نومتها اسهرها اخليها تواصل عشان تنام بالطياره
واذا قعدت على طول اوكلها

واذا وصلنا الديره اخليها تقعد من الصبح اسبحها والبسها وارتبها وتكون جنطة الطلعه للغيارات جاهزه من الليل بس علي اترس لها البانيو تلعب بالماي على ما اسوي لها المعكرونيه خو المعكرونيه صديقتنا بالسفر ونطلع


من يصير الظهر ونتغدا اعطيها كمبلها وتشمه وتنام يصير وقتي اخذ راحتي بالسوق ولا سينما ولا ولا ولا اسوي اللي ابيه
اقعدها العصر تاكل المعكرونيه البيضه جنها بطاط نايس تصحصح انزلها من العربانه اخليها تمشي وتتحرك عشان بالليل تنام اتعبها

ومن نوصل الفندق هم نفس الشي اترس لها البانيو ماي دافي مع الرغوه مالت البابونج جونسن خاص لنوم الطفل واخليها ساعه تطافش وتلعب بالماي لان السباحه تيوع وتخدر اليهال تنومه
هماعشيها اذا ما كانت متعشيه وعلى طول تنام اظلم الغرفه خرمس وبراد ومن تنام عاد

يبدا دوري

اقعد انظف وارتب شغلي واسبح و اصلي وارتب شغل بنتي وازهب ملابسنا حق ثاني يوم وازهب جنطتها للطلعه

وكثر ما اقدر اسويلي جو هدوء وشموع واعطر الغرفه عشان انتي تسترخين ماتكونين متعبه مجهده منزعجه منهم وما عندج وقت تجابلين ابوهم وعشان تقدرين تجددين نفسيتج وتستقبلين عيالج وحنتهم بروح مرحه ومستعده لليوم الثاني
صدقيني والله كل ما نظمتي وقتج معاهم كل ما صارت المسؤليه اقل وراحه اكثر


ادري قرقت عليج وايد بس والله حسيت فيج متوهقه وحبيت اساعدج باللي انا اسويه وربي يكتب لج سفره ممتعه معاهم باذن الله وان شاء الله تعطينه اخبار الحلوين هناك معاج