الي ولدت عـند دكاترة رويال حـياة تدخل تفيدني ؟؟ !!

[شيخه الحلى]

انا والده عند خالده المجيبل
وصراحه الحين بولد عندها مره ثانيه

و منو يقول لما تروحين لها بآخر الأشهر ما تاخذ؟؟

انا رايحه لها بالشهر الثامن وفاتحه ملف وماخذه موعد
حبيبتي انتي بتدخلين بفلوسج مستحيل ما ياخذونج
لو الحكومه اقولج ما ياخذون

وماشاء الله يتني بسرعه وما تأخرت علي
ولله الحمد ولادتي طبيعيه وبفضل الله مو متعسره

انتي إذا خايفه تتعسر ولادتج لازم تمشين من الشهر الخامس وتلعبين رياضه
وبالتاسع تحاولين تسوين تمارين تساعد على الولاده
في كتب وااااايد عن تمارين الحمل
ودخلي يوتيوب بعد تلقين تمارين للحمل

انا كنت ألعبهم

 

[kookiss]

شوفي قلبو اولا الله يسهل عليج يااااارب
والولاده اصلا تستهيل من رب العالمي
انا اختي كانت تراجع بالحكومه ليمن التاسع ؟؟؟؟؟؟؟؟؟؟؟؟؟ظ تخيلي بغو يلعبون فيها
راح حق ماجده كميخ لا اله الا الله تساهيل من رب العالمين طمنتها وقالتلها مالج شغل بالحجي البيبي مافيه الا العافيه وان شالله ماكو ولاده مبكره وولدت بموعدها وطبيعي ولله الحمد
يعني لو غيرها جان تبي تستفيد صح وهذي التجربه اهيا ولله الحمد بالها طويل ويها بشوش وتنطر ويت على طول
عموما الدكاتره هناك الكل يمدحهم بس هذي عن تجربه ماجده كميخ عرفتي والله يهون عليج وعلي ان شالله ويسهل ولاداتنا ياااااارب

 

[أشبـاهـ المطـر]

اهلين شوشو

انا جربت د.نداء كنت اراجع عندها لتاخر الحمل,,,,,,,اهي كويتية وطيوبة
بس المشكلة عندها وايد زحمة,,,طبعا اهي تهتم بالحمل اكثر من امراض النسا
يعني كنا نزرع واااايد لان تدخل اثنين حمل مقابل وحده امراض نسا,,,بصراحة شي ينرفز لان انا بعد داشه بفلوسي
وحاجزة موعد استحق عناية واهتمام!!يعني اذا بتروحين لها الحين ماراح تتاذين
بس السبب اللي خلاني اغير عنها,,,,,كله مستعيلة
اول شي يدخلوني على غرفة السونار,,,وبعدين اهي تدخل علي تسوي سونار وتقولي كلمتين وتروح تركض
حتى اذا بسألها واهي واقفة وانا منسدحة على السرير,,,احس كلش ماعجبني الوضع!!!بس موشرط انها شينة
عشان تطلع من ذمتي,,وااايد بنات يمدحونها,,,بس انا ماعجبتني
وماكان عندها علاج الا الكلوميد,,,,.فتركتها,,وبعدها بثلاث شهور حملت عند غيرها ماشاء الله تبارك الرحمان
لان مشكلتي اصلا بسيطة بس ماكان يبيلها كلوميد,,وحتى اول ماحملت رحت لها سوت سونار مبروك اخذي المثبت ,ممنوع الجماع لاسبوعين مع السلامة,,وانا وريلي على ويهنا 100علامة استفهام!!لان بجرية اصلا مااعرف اي شي,,الله يسامحها,,

وبعدها رحت ناهدة العلي تهبل شويه عليها,,استقبلتني بالغرفة وبعدين دشيت السونار وخلتني البس ملابسي وردينا مرة ثانية المكتب,,وسالتني,,وقالت لي شنو عندك اي سوال؟
وايد وايد ارتحت عليها وحتى ريلي ,وبس سلامتك/هذي سالفتي بالتفصيل الملل|>>>>>>>ووووه تعبت واااااايد قرقت

مشكوره حبيبتي والله جد ساعدني ردج
انا هالشي بوصله صراحه انا قرقه احب اطمن
واحب دكتوره تعطيني من وقتها جد لاني واافه ابي ارتاح
مابي سيده سونار :tongue22:


ناهده معروفه تهبل بس للاسف مو تبع رويال

 

[أم وهابي (عبير)]

انا والده عند د.نداء تهبل وانا كانت قيصريه حدي من الخرعه ابجي واهي تطبطب علي وتسمي ماشاء الله عسل
توكلي على الله حبيبتي وصدقيني ماراح تندمين انج اخترتيها
اذا ماتبين زحمه روحي الصبح عندها تدشين بسرعه ان شاء الله

 

[أشبـاهـ المطـر]

آآآآآآب

 

[أم@الحلوين]

اب

اب

 

[سنفورة24]

رد : الي ولدت عـند دكاترة رويال حـياة تدخل تفيدني ؟؟ !!

خالدة المجيبل وانتي مغمضة صبورة واخلاقها عالية