الي يعرف عن يورو ديزني يدخل؟؟؟

[kuwaitiaaa]

شلونكم بنات

بسألكم شنو أحسن فندق قريب يم اليورو ديزني؟؟؟

 

[awashamen7asha]

اكو فندق بديزني نفسها يشوق!
او انج تاخذين القطار يوصلج دايركت لييوروديزني بس يمكن ياخذ 50 دقيقة من باريس

 

[الثريا]

احنا انشاءالله بنروح نص 6 وحاجزين بفندق نيويورك وهو أقرب فندق ليورو ديزني وأفضل واحد طبعااااا من بعد فندق ديزني نفسه

 

[الثريا]

وللأمانه ما جربناه بس هذا كلام أغلب الناس

 

[kuwaitiaaa]

انا بعد شاء الله رايحه نص 6 بعد

بس بجم الليله أب نيويورك؟

 

[الثريا]

انا بعد شاء الله رايحه نص 6 بعد

بس بجم الليله أب نيويورك؟

الليله ب 230 دينار شامل الريوق وتذاكر الدخول لمدينة ديزني

 

[مطلع_الشمس]

ترا مو بعيده يورودزني عن باريس
احنا السنه اللي طافت سكنا في باريس واجرنا سياره رحنا يورو دزني يمكن نص ساعه الطريج ماحسينا بالوقت والله يمكن عشان يمعه
وفي داخل يورو دزني فندق بس ما اعرف عنه سألي السفريات احسن
الله يسهل عليج سفرج ان شاء الله

 

[مشمشة رمانة]

انا لما رحت قعدنا في باريس ورحنا بالقطار الى يورو ديزني ومانزلنا بفنادقهم .. مع انة الكل يمدحهم ويقوولوون انضااف وحلوين

 

[kuwaitiaaa]

ناا أبي أأجر ليله بيورو ديزني
تدرون عقب اللويه نبي نرتاح لانه بعدها بنروح سويسرا ثاني يوم وأحنا مأجرين سياره طول السفره معانا
يعني أبي فندق رخيص وحلو

 

[روحي تحب]

حبوبه اذا بتقعدين ليله مايصير فنادق دزني نفسها اقل شئ ليلتين واقرب شئ اللي اهو فندق دزني نفسه اقرب من نيويورك والباجي واحلاهم بصراحه بس عندج احدث فندق فتح بدزني واهو هوليدي ان دزني ريزورت وهم وايد قريب تقدرين تتحكمين بالليالي على راحتج ويبعد مدة 5 دقايق عن مدينة الالعاب بباص الفندق نفسه اهو اللي كل 10 دقايق يوصل زواره لمدخل دزني واي استفسار آنا حاضره آنا نزلت فيهم الاثنين

 

[Um Hasan]

انا قعدت بهوليدي ان ديزني .. كان حلو ... والغرفة مرتبة ونظيفة وتونس .. وسعرهم حلو
وكنا نروح دزني بالباص
بس عيبهم ... مافي احد يشيل الجنط لما توصلين ...اخدم نفسك بنفسك

 

[Dema^3sal]

انا جربت صراحه فندق نيويورك يهبللل ونظيف وموبعيد عن مدينه الاالعاب والله كنا نروح لها مشي عاددي قعدنا فيها اسبوع وجم يووم وبعدها رجعنا باريس قعدنا اسبوعين .. بس انا انصحج ماطولين حدهاا 3 ايااام تكفي

 

[kuwaitiaaa]

مشكورين ما قصرتوا

بنات تعرفون فندق راديسون ساس ديزيني؟؟؟؟

 

[Pissy Missy]

انا قعدت في dream castle الفندق زين وشرح

في حديقه وره الفندق كبيره تطل على بحيره والمنظر مو طبيعي

وفيه باص كل نص ساعه يمر الفندق ويروح ديزيني يمكن ياخذ 5 دقايق

والفندق صاير على شكل قلعه كبيره وغرفهم حلوه ونظيفه

 

[kuwaitiaaa]

مشكوره حبيبتي

 

[روحي تحب]

مشكورين ما قصرتوا

بنات تعرفون فندق راديسون ساس ديزيني؟؟؟؟

حبوبه خمس دقايق بالسياره لما تروحين دزني تشوفينه على الهاي وي واللي يفصله عن دزني حدايق وملاعب جولف بس مستواه ماعندي فكره عنه وانشاء الله البنات يفيدونج اكثر

 

[kuwaitiaaa]

مشكورين حبيباتي

 

[Miss Miaw]

kuwaitiaaaa انتي متى بتروحين؟ انا حاجزه بتاريخ 17/6 في فندق راديسون ساس ماحصلنا ب dream castle وشفنا ساس بالنت صراحه شكله واااايد حلو والغرف حلوه بعد ...

 

[أم عزيـز]

فندق ديزني فظيييييييييييييع
5 نجوم والخدمه والغرف راقيه وشغل عدل
وحتى يعطونج تذاكر عشان تدخلين بلاش يورو ديزني طول ما انتي موجوده في الفندق
غير انهم يعطونج تذاكر vip عشان ما تصفين دور لما تبين تركبين اي لعبه
يخلونج ما تنطرين تدخلين اللعبه من غير طابور

صراحه الفندق من داخل روعه وفيه سوق يبيعون ملابس تنكريه للأطفال وهالسوالف
لا يطوفج وايد راح تستانسين

 

[kuwaitiaaa]

Thank you so much