امانه امانه امانه ما يرد علي الا المنقبات

[mrs.lamo]

شلونكم شخباركم ياغاليات ان شاء الله الكل بخير
بنت انا عندي موضوع محيرني من زمان
انا منقبة وكنت قبل فتره بستار باكس وكلنا عرفين ان ستار باكس مافيه كباين
طلبت القهوه وقاعدة ودخلو مجموعة بنات منقبات جلسو بطاوله اليمي وفصخو النقااااااااااااب كلهم وكان في شباب
ودي اعرف شنو مفهو النقاب عندهم

 

[احساس ملكه]

رد : امانه امانه امانه ما يرد علي الا المنقبات

جان سالتيهم شنو مفهوم النقاب عندهم ؟؟

مثلا بسالج شنو مفهوم النقاب عندج:ggdw:

 

[نظرهـ خجولهـ]

رد : امانه امانه امانه ما يرد علي الا المنقبات

صرااحه انا مومنقبه

بس ضنتي متنقبين اجبار من اهلهم او انه لابسينه استعباط

 

[فراشة المطران]

رد : امانه امانه امانه ما يرد علي الا المنقبات

اب اب

 

[خذاني الشوق]

يمكن متنكرين عشان محد يعرفهم ماشفوا احد افصخوه:lololoe:

 

[MĨŚŚ ŤĨŐVĤ]

رد : امانه امانه امانه ما يرد علي الا المنقبات

؟؟ليش ما سالتيهم شنو مفهوم النقاب عندهم ؟؟

 

[مطيريه شي]

رد : امانه امانه امانه ما يرد علي الا المنقبات

صح يمكن متنكرين .. :rerrerek:

 

[لعنباكـ مغلاكـ]

رد : امانه امانه امانه ما يرد علي الا المنقبات

,,



والله حبيبتي المنقبات الصحيح اللي مو تنكرات ما يدخلون هالاماكن لحاالهم الا معهم احد يا رجلها او اخوها او على الاقل امها


ماعندنا هياته


فاا هلاشكال ماهم منقباات بتات

هذيل اسمهم متنقباات مو منقبااات


في فرق ,,



وبس


النقاب عندنا ستر وحياا ومفروض ديني علينا موبس عادات الوجه حلال في الصلاه فقط

وعندي الدليل على ذلك من الايات والاحاديث



واي شئ تبين انا حاظره


,,

 

[قطيووه^_^]

رد : امانه امانه امانه ما يرد علي الا المنقبات

استغفر الله
مو صاحيات

 

[بنوته الحقوق]

رد : امانه امانه امانه ما يرد علي الا المنقبات

حبوبه حالتج حاله بالعنوان امانه لحد يرد الا المتنقبات .. المتنقبات بس اهما الي حدهم الاجابه مثلا؟؟:flower:

هذيل عاداتهم وتقاليدهم افرضت النقاب عليهم ولا اهم مو لابسينه على ديانه..

تقبلي مروري بس انا مو متنقبه :wqedqw:

 

[لعنباكـ مغلاكـ]

رد : امانه امانه امانه ما يرد علي الا المنقبات

حبوبه حالتج حاله بالعنوان امانه لحد يرد الا المتنقبات .. المتنقبات بس اهما الي حدهم الاجابه مثلا؟؟:flower:

هذيل عاداتهم وتقاليدهم افرضت النقاب عليهم ولا اهم مو لابسينه على ديانه..

تقبلي مروري بس انا مو متنقبه :wqedqw:

,,

عفوا صدمه كلامج بنت حقوق وجامعيه وجذي ردج


لاتعليق بصراحه


يكون بعلمج اللي لابسينه مو منقبات واتحدا



هذيل ربعج لابغوا يتنكرون لبسوه طيب


وبعدين على اي اساس قلتي مودين



انالابسته دين وخوف مر ربي الله امرنا في ستر


والعادات والتقاليد هذي شرف وعز لنا


ماهي عياره على فكره


تاااريخ يبيض الوجه البنت عندنا دره ثمينه ماهي سلعه الكل يشوفها ويعاينها


,,

 

[بنوته الحقوق]

رد : امانه امانه امانه ما يرد علي الا المنقبات

عفوا انا غلطت عليج بشيء..؟؟

انا رديت على سؤالج على البنات الي يلبسون النقاب ويقطونه بالمطعم جدام الشباب..!!

وشكو سالفه جامعيه وبالحقوق بالموضوع..

سالتي سؤال ورديت عليج..

 

[لعنباكـ مغلاكـ]

رد : امانه امانه امانه ما يرد علي الا المنقبات

,,




انا ماسئلت اساسا صاحبة الموضوع اللي سئلت


بس ردج شمل المنقبات اللي انا منهم


بربـــ


,,

 

[أعلنت حبك]

السلام عليكم

مـآشـآء الله عليكم لعنبـآك مغلآك & بنوته الحقوق

ردودكم اعجبتني صرآحه .. بس واضح مافهمتوا قصد بعض

آتمنى تفهموون بعض .. لآن آرآئكم حلووه صراحه .. واحنا ودنا نسفيد

لعنبآك مغلآك يعجبني حمآسج وغيرتج على دينج .. وكلامج صح .. بس لمن قلتي ان البنت غلط تدش هالاماكن

ترى المكان مو مشبوه عادي .. وانا منقبه ومحافظه بس اروح مع امي وخواتي ونشتري منه ونطلع عادي

لان صراحه ظروف وقتنا اهي اللي تحدنا نطلع بدون رجال .. وانتي فكري ان في ناس اعتادوا يطلعون بدون محرم بسبب ظروفهم

ورايج ححلوو حيل .. وكلامج عين الصواب .. بس بهالنقطه ما اوافقج .. لان انا صراحه اروح واشتري منه مع امي وخواتي

بنوتة الحقوق تعجبني صراحتج وطرحج حلو .. واللي فهمته من كلامج ان البنات مو زينات و مو دينات ولابسينه واهما مو مقتنعين

يعني مو قصدج ان النقاب بشكل عام مو بالدين .. قصدج عن الفئه اللي اطرحتها صاحبة الموضوع

حيييييل حلو الموضوع

وانا رايي .. انهم مو لابسينه التزام .. واجد يلبسونه بقصد ثاني وكل قصد مختلف

يعني بعضهم مايحبون يتكشفون واجد بس مو ملتزمين فيه .. وبعضهم يخونون اهلهم لانهم مغصوبين .. وبعضهم اهلهم سامحين لهم مثلا اذا اكل عادي = رفيجاتي بعضهم جذي .. وبعضهم استعباط

امممممممم تختلف الآراء ,, بس يبقى الالتزام فوقهم كلهم .. لان المحجبه تلتزم بالحجاب والمنقبه تلتزم بالنقاب

لانهـآ بالنهآيه مو مصخره .. هذا دين ...

والله يهدي الجميع

وتقبلوووا مروري حبايبي​

 

[بنوته الحقوق]

رد : امانه امانه امانه ما يرد علي الا المنقبات

فديتج اعلنت حبك انتي الي فهمتيني صح :blueSmCLR:

 

[PO PO22]

رد: رد : امانه امانه امانه ما يرد علي الا المنقبات

,,



والله حبيبتي المنقبات الصحيح اللي مو تنكرات ما يدخلون هالاماكن لحاالهم الا معهم احد يا رجلها او اخوها او على الاقل امها


ماعندنا هياته


فاا هلاشكال ماهم منقباات بتات

هذيل اسمهم متنقباات مو منقبااات


في فرق ,,



وبس


النقاب عندنا ستر وحياا ومفروض ديني علينا موبس عادات الوجه حلال في الصلاه فقط

وعندي الدليل على ذلك من الايات والاحاديث



واي شئ تبين انا حاظره


,,

حبيبتي انا منقبه ع قولتج صحيح انا وخواتي وبنات خالتي وامي ماتروح معانا ونروح ستار بكس ونقعد ونطلب اللي نبيه وبعدين اذا اهلنا سامحين لنا بهالشي اشوف انه مافيه اي غلط بس لو ان اهلنا رافضين واحنا نروح ونقعد اهنيه يكون الشي غلط واصلا دايم طلعاتنا بدون اخواني مايحتاج محرم لاني مومساااافرهـ:rerrerek:

وع صاحبه الموضوع انا اقط نفقابي اذا مافي شباب او الشباب مايقدرون يشوفوني مثلا معطيتهم ظهري عشان اخذ راحتي خصوصا بالمطاااعم اما اذا والله يشوفوني الشباب مستحيل انزله ....:rerrerek:

 

[أعلنت حبك]

رد: رد : امانه امانه امانه ما يرد علي الا المنقبات

فديتج اعلنت حبك انتي الي فهمتيني صح :blueSmCLR:

تسلمين يـآقلبي

والله يهديهم صج ترى يكسرون الخاطر .. لان مهما يكون الكلام اللي يقولونه الاهل اهو اللي يمشي وخصوصا اذا كان فيه ستر لبنتهم

وما قالوا لهم تنقبوا الا وهم يحبونهم ويحبون مصلحتهم

>> مو بس اللي يقولون تنقبوا يحبون مصلحة بناتهم

لا بس كل واحد يحب بطريقته يعني .. في ناس يشوفون الحجاب كافي وناس يشوفون النقاب لازم

ووووووووو اكتفيت صراحه طلعت كل اللي عندي :dddds:

يسسسلموو​

 

[أعلنت حبك]

وصصج ترى المحرم بس بالسفر ........ :hjy5jewf:​

 

[شــغــب]

مهنّ صاحيآت

 

[صآعده تحت}..]

الله يهديهم يارب