امانه ياكويتيات اللي راحت استراليا تساعدني؟

[majeeeed]

السلام عليكم
بليييز ياكويتيات ساعدوني ..بسافر انا وريلي ابروحنا والميزانيه 3 الاف كويتي تقريبا
واللي راحت استراليا تعطيني تفاصيل رحلتها بالكامل لاني ماعندي فكره ابدا عن استراليا؟؟
وعمري مازرتها ؟؟وابي معلومات عن المناطق ؟ والفيزا ؟ والفنادق وكل شي يتعلق باستراليا؟؟
واسواقها ؟ومجمعاتها؟
والمطاعم الحلال؟؟
تكفون ساعدوني لاني متوهقه حدي؟؟


ويزاكم الله خير يالطيبين

 

[sara999]

والله شوفي استراليا اذكر رحتلها مع الاهل فما ادري عن الميزانيه علي اني استانس وي يا حلات الاهل
بس يمكن البنات يفيدونج
ام عن الاماكن الي رحتلها كانت سيدني وجولد كوست بس جد جد جد واو
ما شبعنا قعدنا شهرين والكل لو نقول استراليا يقولن اللللله يبيله روحه

 

[معشووقة السفر]

شوفي حبيبتي اول شي ميزانيتج اوكي
انا رحت مع سفريات المستقبل قروبات
كانت رحلتنا كويت دبي كوالمبور قعدنا 4 ايام وبعدين طرنا على سدني قعدنا 4 ايام وبعدها طرنا على قولدكوست قعدنا اسبوعين ورجعنا على كوالمبور قعدنا اسبوع وردينا دبي ثم الكويت الحبيبه
طبعا سدني باااااااااااااااااااااااارده شهر 7 سكنا في الشيراتون فور بوينت نظيف وحلو وقريب على كل شي
عندج لما تطلعين من الفندق الباب الخلفي يدخلج بمجع حلو ويمج الاكواريوم رووووووووووووووووووووعه وطبعا في باخره مقابل الاكواريوم حلوه فيها رحله تمشي واتوديج حق الاوبرا وتنزلين تاكلين برد بس ديري بالج في برد كوكاو بالخمر وبعدها الباخره تروح منطقع عجيببببببببببببببببببببببببه فيها طيور نوارس وفيها مطاعم وتمشي فيها عجيب وتصعدين السلالم بين رفعه مثل جبل اتشوفين المحيط والتصوير عجيب بهالمنطقه خصوصا اذا صعدتي وفي شجره كاتبين عليها ذكرى وايد ناس انا وزوجي كنا بنكتب بس ماكان ماعانا قلم حسافه بس راح ارجع واكتب اذا الله كتبلي روحه وطبعا النوارس يحبون البطاط قطي بطاطه لهم يجمعون عليج 100 طير
وطبعا يم فندقنا مجرد مشي كان في مطاعم وايد ومحلات ومجمعات حلوه في ماركات وفي عادي بس حلو سوق سدني اما قولد كوست خياااااااااااااااااااااال بالرحلات الترفيهيه والرومانسيه والاكشن والمغامره بس سوق لاااااااااااااااااااااااااااااااااااااااااااااااااااااااااااااااااااااا بعدي عن سوقهم لان مايسوى بالمره ومافي شي
وناسه وناسه قولد كوست عليكم بالعافيه ولاتنسين بشارع المطاعم بقولد كوست في مطاعم وايد عراقيه وهندي واماراتي والمطعم الاماراتي يسوي قهوه عربيه روعه اخذي معاج دله او مطاره اذكر انا شريت من السوبرماركت وكل يوم اروحله يعبيها لي واااااااااااو
نسيت اقولج اتروحين مطعم زعفران اكل هندي بس روعه ولا اكبر مطعم بالخليج نفس اكله في موجود بسدني داخل المجمع فوق الطابق الثاني وفي بقولد كوست بس ما اذكر باي شارع راح تدعيلي اذا اكلتي فيه انشالله
طبعا التكاسي غاليه حاولي تستخدمين الباص مريح وحلو
بقولد كوست في سوق كبير اسمه باسيفك فير سالي الفندق اللي تسكنينه اهما يقولولج رقم الباص اللي يودي وكل نص ساعه يمر
طبعا انا شحنت اغراضي من قولد كوست لي الكويت وارتحت من الوزن وارخص من المطار ورجعت على ماليزيا خفيفه وتسوقت بماليزيا سوقهم حلو بس مو نفس الدول الاوروبيه
واي شي تبين انا حاضر

 

[weekend]

امبيييييييييييييييي كتبت رد شطوله جان يفصل واختفى الرد حد الاحباط

 

[weekend]

بحاول اعيد

رحلتنا كانت ملبورن جولد كوست سيدني

ملبورن اللي مو شايف ثلج يروحلها واللي شايف لا يتعنى

جولد كوست وايد حلوه تقعدين فيها اقل شي اسبوعين

السوق انسي حده بايخ بس تحصلين بلايز حلوه وتلقطين جم بالطو بسسسسسسسسسس اذا عجبج شي حيل يكون وااااااايد غالي

الماركات هناك بكل مكان واذا في بالج تشترين اخذيلج فكره عن الاسعار هني قبل ما تسافرين لان بعض الماركات هناك وايد اغلى واللي لاحظته
ماركة إل في وايد أغلى من الكويت بس الغوتشي نفس الشي تقريبا والكوليكشن كبير

ارشحلج سيركل اون كافيل للسكن موقعه استراتيجي بالسيرفرز بارادايس

ولا تطوفون البرد هناك عجيب لدرجة ان كان فيه باكسن روبنز بس ولا مرة خذينا منه طاح من عينه

صوركم حمضوهم هناك وايد ارخص من هني

الرحلات حجزناها من مكتب لاوند العربي تلقينه بالسيرفرز اصحابه عرب وخدومين

اهم الرحلات

السي وورلد - دريم وورلد - موفي وورلد - اوستراليان اوت باك سبكتاكولار عرض عن الحياة الاسترالية مع العشا وايد حلو لا تطوفونه

وطلبو الأكل يكون حلال - اكوا دك الباص البرمائي هذا اللي اذكره - بارادايس كانتري

السوبر ماركت متوفر هناك وتلقين كل شي فيهم

فيه معرض اسمه DFS Galleria ديوتي فري وفيه أغلب الماركات العالمية بس لازم يكون الجواز معاج وتلقينه بعد بالسيرفرز

ماراح تحتاجون تاكسي لأن كل الرحلات شاملة المواصلات

سيدني مشهورة بدار الاوبرا

السكن أقترح انه يكون قريب من الدارلينج هاربر وبحدود 5 أيام

وبليز لا تطوفون رحلة ال three sisters وال taronga zoo

اللبس شتوي شتوي ماكو غشمرة

هذا اللي يحضرني واذا تذكرت شي بقولج

واذا تبين اي شي من عيوني دزيلي عالخاص

 

[الورد الأبيض]

حبايبي ماقصرتوا على المعلومات الحلوة
مشكووووووووووورين

 

[alhayen]

الله يوفقكم وان شاء الله تستانسون

استراليااااا الله على استراليا ..

انا عشقت في استراليا سيدني .. مع ان الاكثرية يفضل جولد كوست ..

جولد كوست روعة من غير كلام .. بس مادري ليش حبيت سيدني

المهم ماعلينا ..

احنا سافرنا استراليا بروحنا مو مع قروبات .. وكانت من اروع السفرات ..

استراليا سهلة ماراح تضيعون واي شي تبين ممكن تسئلين الرسيبشن بالفندق

كانت رحلتنا كالآتي :

كويت - سنغافورة(ليلة) - سيدني(4ليالي) - جولد كوست(19ليلة) - تايلند(5ليالي) - كويت

الفنادق ( orchard سنغافورة ) - (star city سيدني) <<رووووعة - ( crown tower جولد كوست ) - (Baiyoke Sky تايلند)

الفنادق كانت كلها حلوة ..

الاماكن السياحية :

سيدني
taronga zoo
اضغط هنا

blue mountains
اضغط هنا

day tour
اضغط هنا

Sydney Sightseeing Pass - Aquarium, Sydney Tower, Wildlife World and Sydney Harbour Cruise
اضغط هنا


Sydney Harbour Jetcruiser: 60 Minutes
اضغط هنا

aquarium
اضغط هنا

هذي افضل الرحلات في سيدني اختاري منهم .. باجر اكمل لج الباجي بإذن الله
>>بروح انام ​

 

[شرطيه حلوه]

آنا بس رحت جولد جوست
فيه مكتب عربي هناك اسمه لاوند خذينه منه جدول رحلات لمدة 10 أيام متواصله طلعت علينا آنا وزوجي 450 دينار وفي رحلات منها شامله الغدا
والغدا عندهم وايد حلو وييبولنا أكل خاص لأنا عرب
وهناك سكنت بفندق الماريوت بشارع البرادايز وخذينا وايد رخيص الليلة ب30 أو أقل من سفريات السيد بس الفندق روعه

 

[كـلا كـلا]

وماقلتو عن الفيزا؟

 

[كـلا كـلا]

شكرا بنات كفيتو ووفيتو ما شالله وشوقتوونا على استراليا
وزين وماقلتو عن الفيزا شكثر يبيلها على ما تطلع؟؟

 

[majeeeed]

يزاكم الله الف الف الف خير يالطيبيين
ومشكوريييييييييييييييييين وايد وايد وايد عالمرور ياحلوين

 

[جورية مطيرية]

بنصحج برلة بقولد كوست اسمها الكوبوى بمسرح كبير سون شو لج ومعاة عشا بس عطيهم خبر انج مسلمة .. وفى مطعم بيتزا بقولد كوست بشارع السيرفر بردايس وفى هم مطعم هندى عجييييييييييييييييييييييييب عجيب .. ولاتنسين تركيبين البرشووت ونااسة ..واى سؤال انا حاضرة

 

[جورية مطيرية]

رحلة << وسورى علبدلية

 

[bride collection]

حبيبتي الفيزا يسونوها لكم السفريات خاصة السفريات اللي تنظم الرحلات الجماعية لاستراليا

وفي منطقة اذا ما رحتيلها يعني جنج ما رحتي استراليا اللي اهي ملبورن هناك تقولون حق الفندق ينظم لكم رحلة الى الثلج اهي صج بعيدة 3 ساعات بالباص بس تسوى لانها روووووووووووعة

و سوق ملبورن اينن