امبيه خلااص ينني ورحت بيت اهلي

[الخجل الانثوي]

جان طاقته بعد هع
عدلي اسلوبج معاه شنو يعني اذا راضيتيه مانقص من قدرج شي ترا بلا عنجهيه لاتصير نهايتج طلاق حذرتج وانتي حرره << قاريه كل مواضيعج

 

[حبيبي فهوودي]

اممم الصراحه انتي غلطانه الرجال يبيله صبببر

سايريه خذيه على قد عقله بالعكس استانسي انا جا الكوفي .. هو ماصار كذا الا اذا شاف اسلوبج مو حللووووو

عدلي نفسج معاه وقولي له امر شلي تبيه مني علشان اسويه

 

[دلوعه ززوجي]

ياقثج انتي وزوجج هذا اللي معطيج وجه

 

[الغيلم]

انتي جم عمرج؟
وانتي بعتقادج ان هذا ابوج ولا اخوج تسوين فيه جذي ؟
ترى لوماسايستي الرجال ماتاخذين اللي تبينه ... لاحقي على عمرج الحين قبل لايفوت الفوت ...
وبعدين حمدي ربج مقالج ماكو روحه !!! مخليج تروحين وصح حركته موحلوه بس لو انا منج يوم شفته كملت طريجي وسويت نفسي ماشفته !!

 

[Melazlaza]

اختي من صجج؟؟!!
الريال يموووووت فيج تعاملينه جذي
الظاهر كلام الريايل صح احنا ماننعطا ويه!!
ديري بالج على ريلج ترى صعب تلقين مثله بهالزمن
واحد غيره راح يهايل بالمجمعات ويرقم ويكلم هذي ويلحق هذيج وجان انتي رحتي ارتزيتي بالمكان الي اهوا فيه من حر مافيج

بعدين البدع هالحزة معروف لوية وقز والريال ما يرضى مرته تروح هالمكان بروحها اذا يحبها ترى الغيرة تحرق القلب
حطي نفسج مكانه وشوفي شنو تصرفج



جابليه وطلعي معاه محد دايملج غيره باجر اختج تتزوج وتلهى والكل ينشغل الا الزوج لي كسبتيه كل وقته لج

 

[cute_batoota]

اول شي اسمحيلي أقولج انتي ما تحبين ريلج لان الي تحب ريلها ما تتكلم عنه بهالطريقة
ثاني شي ضحكتني سالفة السكوت علامة الرضا اذا ريلج راضا بهالتعامل معناه حمدي ربج لان اغلب الرياييل مايرضون بهالشي وانا ريلي واحد منهم لازم اذا بطلع اقوله قبل فترة وأخذ الموافقة منه وبعدين ابلغ رفيجاتي او اهلي والحين الكل تعود ان اذا يبوني اطلع معاهم راح يطلعون بالوقت الي يناسبني مو الي يناسبهم انتي مو عزوبية انتي متزوجة وحياتج قبل غير والحين غير والي يحبج لازم يتفهم هالظروف والي بينقد على هالشي ويشيشج على ريلج وسوالف انتي شلون راضية ولا تخلينه يتحكم وسوالف الحريم هذي تأكدي حتى لو اختج فا هيا غيرانه منج لان مو حاصلها ريل يهتم فيها يغار عليها
وثالث شي ريلج لو ما يحبج ترة ما همتيه طلعتي ولا قعدتي جان بالعكس يبيج تطلعين عشان يفتك منج وياخذ راحته بس تصرفه معناه انه يحبج وييته المطعم معناه انه يحبج لان لو براقبج ماقعد بويهج وخلاج تشوفينه يعني عقلج براسج والتصرف واضح الي بيشك ويبي يراقب ما يراقب بهالطريقة
رابع شي وهو المهم بأسلوبج هذا انتي قاعده تكرهين ريلج فيج وترى الحياة فيها مشاكل اكبر شوفي بلاوي غيرج وقولي الف حمد وشكر اذا عشان طلعه وخلاني وما خلاني زعلانه ورائحة بيت اهلج عيل لي صار شي جايد شنو بتسوين؟ لا توصلين الريال ان يستوعب مدى تفاهه تصرفاتج وتفكيرج وبالتالي اهو الي بيبيعج مو انتي خلي التعامل مع زوجج يكون أرقى من جذيه ووسعي مداركج وفكري واستخدمي عقلج قبل لا تتصرفين او حتى تتكلمين مو بس مع زوجج مع اي انسان
اتمنى تتقبلين مروري والله يهديج ويصلح حالج واتمنى ما تزعلين من كلامي موفقة *

 

[دلووعه وحلووه]

الله يهدااج دلووعة


غبتي و ييتي بمصيبة كبيييرة مو مثل العادة


ليش انزين تقعدين اببيت اهلج

؟؟؟؟

ردي البيت و تفاهمي ويااه

قوليله شفييك شللي بخاطرك



ليش واايد صاير اتغار

من قصور ولا شي



بس بسالج انتي صبغتيه اسود لأنه طلب

ولا اهو وده اشقر وانتي عاندتي صبغتيه


يمكن تافه السؤال


بس ترا ممكن مربط الفرس فيه

لوووووووول لا صبغته جوكلييت
انا بروحي واهوا عجبه حيييل :eh_s(22):

والله انتي الي محتاجه دكتور نفسي الله لا يبلانه وانا الي غلطانه داشه موضوعج

استغفر الله العلى العظيم

طلعي وانتي مسكره بوزج لازم تقطين حجي؟؟
ماتقدرين؟؟

دلوووعه جذي تخلين العذال يتشمتون فيج

انا من رايي روحي راضي ريلج صدقيني يحبج وماكو ريال يتحمل اسلوبج

وانتي دلوعه وحلوة واهوا مييييت علييييج لدرجة يلاحقج بكل مكان ويغاااار

صدقتي حبيبتي

ياقثج انتي وزوجج هذا اللي معطيج وجه

اقول احترمي نفسج احسلج
لا اسدحج اهني اخليج تنسين اسمج
وعن لهياط جدام البنات
جبح

 

[منجامور]

كنت احسب الاول انه مواضيعج وحدةتتمسخر

بس الفترة الاخيرة لا حسيت انه شي ماتجذبين اخر موضوعين لج

الله يهدي النفوس ويوفقج

 

[وردة الدوحه]

غريبه تصرفاتج يا انج مراهقه أو توج متزوجه وحده من الثنتين

بغض النظر عن موضوعج أو الموقف اللي صار

يعني متهاوشه مع ريلج ع سبة الطلعات وبعد تقولين له باطلع وهو لي الحين متضايق من السالفه !!!

اذا زهقانه قوليله طلعني خل نروح نتمشى أو نتقهوى مب لازم اختج أو رفيجاتج اقطعيهم فتره ليما يطخ

وعقب اطلعي وهو راضي عليج !!

لا تلومينه اذا تصرف هالتصرف يمكن هذا اللي يقدر عليه لان كل ريال وشخصيته

يعني انا لو ريلي ورايحه بدون رضاه عادي يسحبني جدام خلق الله !!!

الله يهديكم لبعض

 

[اسطوره الاغراء]

هههههههههه واضح انك ماتحبينه هههههههههه
ومستانسه انه يحبك ويدلعك

انتبهي لحياتك حبيبتي وخلك اعقل من كذا
عشان لاتخسريننه وتخسرين حياتك معاه

جربي تصيرين معاه اوكي ودلعيه وطيبي خاطره
وشوفي بنفسك كيف راح يحطك بعيونه ومايخليك تنامين بيوم زعلانه
وانتبهي له ترا الدنيا مليانه بنااااات والرجال هابين فيهم سواء بالحلال او الحرام
يانه بياخذ عليك وحده والا بيشوف نفسه ويرفه ع نفسه باشياء ثاانيه < بعيد الشر

انتبهي حياتي لمصلحتك اوكي

 

[نونو العصله]

ريلج هذا بيدش الجنه من غير حساب
مسكين مقرود حظه
يا انج تطيحينه بلحمام
عز الله السامع
او تحطين له شطه بلسحور
ا تغلطين عليه


على بالج دلع هذا
هذه دفاشه وقلة ادب
ريال يايج
مالت ما تعرفين تقولين كلمه سنعه
الحق عليه
المفروض يعطيج كف يعلمج الادب
بس هو شكله مثلج
تعود ع السب

النعمه زواله

 

[بسمه المشتاق]

بصراحه المفروض كان تقعدين مع زوجج وتقوليله شهالمفاجأه وابتسمي وقعدي معاه

وحاولي تلطفين الجو شوي باسلوب حلو وكلام عسل

بدال ما هبيتي بويهه الريال وكلمتيه باسلوب مو شي كلش بصراحه

أهم شي الاحترام بين الزوجين اذا سقط هالشي كل الشغلات الباجي تنلغي

نصيحه ردي بيتج وصالحي ريلج وحاولي تلطفين الجو بينكم بدل ماهو متوتر

وحاولي تسنعين اسلوبج معاه وتغيرينه

 

[روان المطيري]

امبيييه لهدرجه عقلج صغيير ولا شسالفتج انا قبل شوي قريت الموقف اللي سويتيه مشكله ( النفنوف ) !!!!

انتي بتخربين بيتج حتى لو كانت نييته شينه وشاك فيج ليش انتي ما رقعتي والله لو منج
اروح اقعد معاه واطلب واضحك واقوله خوش مفاجأه وتصدق اول ما شفت الجو والمكان قلت بقلبي
جان زين اللي قاعد يمي انت ولا اختي وربي يحبني الصراحه عقلج صغيييير وماعندج فن ادارة المواقف
حبيبتي لا تزعلين من كلامي بس احنا خوات وعن نفسي ابي مصلحتج ترا الزواج والحياه اكبر من تصرفاتج وتفكيرج
حاولي تقرين كتب تثقفج اقري عن شخصية زوجج عشان تكسبينه ترا ما يسوا عليج اذا الحين انتي زهقانه منه ع اشياء تافهه
ترا باجر بخليج ولا راح يسأل عنج حاولي تتأقلمين مع زوجج وطبعه وتفكيره

والله يوفقج حبيبتي

 

[نونو العصله]

دشي مواضيع تعلمج السنع والدلع
بدال ما تشكين

باجر بيمل وتجيله وحده وتغرقه حنان ودلع
وبينساج
تركي عنج الحجي اللي ما يوكل خبز
سمعي الكلام
نازلي شوي و تعلمي الانوثه

ترا الصراخ والغلط ماله علاقه بلانوثه ابد
فكري بكلامي عدل وجربي
انا لا اعرفج ولا يهمني
انتي اللي عايشه المشكله

صدقيني صدقيني
الكلمه الطيبه هي اللي تجيب راسه
حتى لو من ورا قلبج
اذا قالج لا ترحين
قولي اوكي مو لازم اروح
يمكن يتحسف ويغير رايه
وانتي كيفج
ترا كلنا غلطنا في بداية زواجنا
ومو عيب
بس صلحنا الغلط
عيشتنا عند اهلنا غير
وعند الريل غير


وانتي حره

 

[7awa2y]

انتي الغلطانه مو اهو
اولا من حقه انه يشوفج ويخاف عليج ويطمن على مستقبله
وثانيا انتي جذي بينتيله انج كنتي تبين تسوين شي وماتبينه يشوفج
فاهو الحين حاط في باله انج كنتي ناويه على شي واهو خربه
انا اقولج رديله الريال ماسوا شي غلط
ماطلعتي شاطره كلش
انا لو منج اقعد واكل واشرب واستانس واقوم اطلع عشان اثبتله اني بطلعاتي ما اخربط

 

[ام علي رضا]

أنا ما اشوفه غلط بشي انتي تصرفاتك تخلي الواحد يشك فيج حتا لو كان باي انتي شكو رايحه مكانته انتي هني ثبتي الشك بمحله وبعدين الزوج مو نفس الابو ترا الرياييل مو نفس الشي أكيد بيغار ولا يمنعج من الطلعه الصوامع من حقه يقولج ماتروحين اذا كل يوم طاقه شلالتج ورايحه مع رفيجاتج مطاعم وطلعات أنتو ما ينفع تعرضون جذي لازم ترسون علا حل ]

 

[njoom1]

حبيبتي والله الريااااال لاتعااااندينه وتتحدينه !!!!!!
لان راح يعدج ريال مو مره !!!!

مايصير جذي مهما كان اهو ماسوا شي غلط
اشفيها لي راضيتي بمسج !!! ياكثر مسجات الحب والوله مو لازم تكتبين بنفسج

 

[PuPa^^SWeeT]

دلووعة و حلوةة


ترا ساعات اذا غيرتي من شكلج دوون مشاورته


ولا طلب منه


وطلع عليج واااو

يخلي فيوزات الريال تضرب



دلووعة


ردي بيتج الله يخليج و تفاهمي وياه


ريلج غيوووور و شكله مايطالع غيرج




مو علشان انج حلوة ولا من اي ناحية

ادري بنات الكويت اغلبهم ما من قصور


بس ساعات الريال يكوون نظيف


ولا يمووت بمرته حييل يخلييه يتنرفز و يغاار


خصووصا اذا اهي معتمدة على روحها في تجميل نفسها ماتنطر منه طلب



ردي البيت يا حبيبتي

 

[هديل.]

ههههههههههه

دلوعه اهجدي بس

خليك عاجله هذا ريلج قلبه طيوب

 

[حلـم لــم يكتمل]

ريلج هذا بيدش الجنه من غير حساب
مسكين مقرود حظه
يا انج تطيحينه بلحمام
عز الله السامع
او تحطين له شطه بلسحور
ا تغلطين عليه


على بالج دلع هذا
هذه دفاشه وقلة ادب
ريال يايج
مالت ما تعرفين تقولين كلمه سنعه
الحق عليه
المفروض يعطيج كف يعلمج الادب
بس هو شكله مثلج
تعود ع السب

النعمه زواله

:rerrerek::ggdw::rerrerek::ggdw: