امتحان الإسلاميه : رابع // يازين بنتي ودرجة بنتي .. تعالو شوفو تريقتي بالتدريس

[حلم الطفولة]

السلام عليكم ورحمة الله
:
:
بنتي الحلوه برابعه ابتدائي ,, يتني قبل اسبوع عليها امتحان دين ..
يا ماما تعالي ادرسج ... قامت توصوص وتطنطن وتنهنه وتحنحن وتكحكح ... مابقى شي ماسوته عشان ماتبي تدرس ..

المهم .. غصبتها وتعالي ياماما .. يابت الكتاب والأوراق وللا صج صراحه تعاريف وعللي وأكملي وشغلات دسمه وكلام فيه ثقل ..
قلت يارب يامعين .... توكلت عليه .. وقعدتها يمي ..

ثم .... بدأنا ..
أقول وتقول وراي ....
أعيد وتعيد وراي ....

آخر شي يوم داخت وبتنام : من الملل مو كل هذا دايخه :: قلت خل أنشطها شوي ..

خليتها تنط مثل لعبة بر.. بحر .. التعريف الفلاني نطي ورا .. الثاني نطي جدام ..

البنت تنشطت وحفظت وقالت لي التعاريف الله أكبر ماشالله عليها اسم الله عليها ماخليتها إلا وهي حافظه يازين بنتي والله..

:

رجعت من المدرسه ثاني يوم سألتها شسويتي قالت .. يعني في اشياء مادري شلون !!! :eh_s(14):

وفات اسبوووع .. ويابت الورقه ... وللا ماخذه ... ماخذه ..
ّّ><
<>
><
<>

تسعه من عشريييين !!

:eh_s(14)::eh_s(14)::eh_s(14)::eh_s(14)::eh_s(14):لا تعليييييق :eh_s(14)::eh_s(14)::eh_s(14)::eh_s(14)::eh_s(14):

وهذي القصه وسلامتكم .. شرايكم ؟؟؟؟

 

[الحراير]

ان شاءالله تعوضها باامتحان الفتره وربي ويوفقها

 

[حلم الطفولة]

ان شاءالله تعوضها باامتحان الفتره وربي ويوفقها

آآمييين :0bee2e8d89:
الحمدلله على كل حال.

 

[يازمان العجايب]

اتعوضها المرة اليايه عندنا وعندج خير الله يعينهم على الواجبات والامتحانات ضغط

 

[حلم الطفولة]

اتصدقون لقيت الورقه البارحه محطوطه على درجها ,, ماعطتني إياها بيدي .. وآنا شفتها وسكت ماقلت ولا كلمه حتى هي ماتدري اني شفتها ..

قاعده أفكر أقول ان شالله هذا مو الامتحان !! << أحلم شوي !

آنا مو وايد يهمني دايما أقول صغار ويعوضونها خو مو جامعه ! والله ما أحر عمري أبدا ولا أبني داخل نفسيتهم هموم ومخاوف .. ,, بس هالمره مصدومه حيل لأن حفظت عدل وجاوبت بروحها معاي ,, يعني لو مو دارسه جم بتاخذ؟؟ صفر !!

 

[um hamed]

حبيبتي الله يعينج ان شالله تعوضهاا بالامتحانات اليايه
مدرسة ولدي تقوول الغلط مو منكم ولا من اليهاال الامتحانات صدمتهم شيء مو متعودين عليه

 

[شيــوخه]

يا بنت الحلال خليها على الله

اااااااااااااااه بس يا قلبيييييييييييييي

انا عندي بنتي الي بصف خامسه انغليزي وديتها المعهد وسااعه وشوي وهو يطحن المدرس ويمدحلي فيها صراحه يقول لي زينه

هاه يا بنيتي فهمتي اي يما عرفت قلت زين تخيلي جم يايبه بلمتحاااان ؟؟؟؟؟؟؟؟؟

يا يبه 2 ونص من 10
انا اهنييييييي مو عصبت الا ماارد عليهااااااااا من القهر وقاعده فوق راس المدرس وقاعد يشرح وحالته حاله وانا حالتي حاله ليش ماتبين تدرسين ليش رابطتني معاج لا لا شي مو طبيعيييييييي

والحين يا ينه الامتحنات الفاينل المدرسات الله يهديهم قاعدين ويخرعونهم ترى الامتحان صعب
واليوم ابله العلوم تقول لبنتي تدرسي زين لانه الامتحان 6 اوراااااااق
على الله انا جريب استخف

ومن ناحيت بنتج اتعوضها ان شاءالله بلامتحنات اليايه

 

[mr000]

حلومه ولايضيق خلقج هذي السالفه بتحصل في أحسن العائلات!ياما انصدمت واحتريت وفقدت اعصابي على ولدي وكفخته لأنه امتحان يتأجل مرتين يعني عنده اسبوعين يدرسله وايي آخر شي ياخذ 19 من 43 في السوشيال... والله وكيلج كاهو وصل يير 8 وريال شواربه خاطه وليلحين هالصدمات مستمره وكلمه والثانيه قالي خو وايد بالصف ماخذين نفس درجتي قلتله عسى الصف كله ياخذ صفر مالي شغل فيهم ليش ماتقول أكو كم واحد ماخذين aو b...آآآآآآخ ياحلومه خليني ساكته بس... يالله ان شاءالله بنتج تعوض الدرجه بامتحان ثاني وانتي اقري ورقتها الامتحان شوفي وين الغلط أو شنو اللي تتلخبط فيه علشان تنتبه له المره اليايه!!

 

[دخــــــــــــــــون]

الله يعينج
خل تشد حيلها للفاينل ترى السالفة مو هينه
لالا تضيقين خلقج
احنا اللي نتكدر واهم يهااال ولا على بالهم

 

[78MariMar78]

ما عليه
ان شاءالله تشد حيهل بالفاينل

ربي يوفق عيالنا جميعا

 

[حلم الطفولة]

اتعوضها المرة اليايه عندنا وعندج خير الله يعينهم على الواجبات والامتحانات ضغط

ان شالله يارب تتعوض بعالي عالي عاليييي ..

حبيبتي الله يعينج ان شالله تعوضهاا بالامتحانات اليايه
مدرسة ولدي تقوول الغلط مو منكم ولا من اليهاال الامتحانات صدمتهم شيء مو متعودين عليه

ان شالله ... إي والله الامتحان وايد صعب !! مصطلحات وجمل وكلمات لها ثقل لغوي وشرعي مو سهله !!

 

[حلم الطفولة]

يا بنت الحلال خليها على الله

اااااااااااااااه بس يا قلبيييييييييييييي

انا عندي بنتي الي بصف خامسه انغليزي وديتها المعهد وسااعه وشوي وهو يطحن المدرس ويمدحلي فيها صراحه يقول لي زينه

هاه يا بنيتي فهمتي اي يما عرفت قلت زين تخيلي جم يايبه بلمتحاااان ؟؟؟؟؟؟؟؟؟

يا يبه 2 ونص من 10
انا اهنييييييي مو عصبت الا ماارد عليهااااااااا من القهر وقاعده فوق راس المدرس وقاعد يشرح وحالته حاله وانا حالتي حاله ليش ماتبين تدرسين ليش رابطتني معاج لا لا شي مو طبيعيييييييي

والحين يا ينه الامتحنات الفاينل المدرسات الله يهديهم قاعدين ويخرعونهم ترى الامتحان صعب
واليوم ابله العلوم تقول لبنتي تدرسي زين لانه الامتحان 6 اوراااااااق
على الله انا جريب استخف

ومن ناحيت بنتج اتعوضها ان شاءالله بلامتحنات اليايه

:0bee2e8d89: الله يعين عيالنا مساكين :0bee2e8d89: إن شالله يعوضونهااا

حلومه ولايضيق خلقج هذي السالفه بتحصل في أحسن العائلات!ياما انصدمت واحتريت وفقدت اعصابي على ولدي وكفخته لأنه امتحان يتأجل مرتين يعني عنده اسبوعين يدرسله وايي آخر شي ياخذ 19 من 43 في السوشيال... والله وكيلج كاهو وصل يير 8 وريال شواربه خاطه وليلحين هالصدمات مستمره وكلمه والثانيه قالي خو وايد بالصف ماخذين نفس درجتي قلتله عسى الصف كله ياخذ صفر مالي شغل فيهم ليش ماتقول أكو كم واحد ماخذين aو b...آآآآآآخ ياحلومه خليني ساكته بس... يالله ان شاءالله بنتج تعوض الدرجه بامتحان ثاني وانتي اقري ورقتها الامتحان شوفي وين الغلط أو شنو اللي تتلخبط فيه علشان تنتبه له المره اليايه!!

وااااااي الله المستعان مروووو

 

[واثقه خطاي]

تعدلهاااااا بأذن الواحد احد بالفاينل ,,,,,,,,,,,,بس بالنسبه للامتحان تقولين درستيها عدل اخاف ماتعلرف تقرا لان الامتحان كتابه ,

 

[حلم الطفولة]

الله يعينج
خل تشد حيلها للفاينل ترى السالفة مو هينه
لالا تضيقين خلقج
احنا اللي نتكدر واهم يهااال ولا على بالهم

ان شالله تقدر تحفظ صم وتعوضها .. صج مو هينه .. والأخت طلع حتى بعض الواجبات قاعده تطوفهم

ما عليه
ان شاءالله تشد حيهل بالفاينل

ربي يوفق عيالنا جميعا

آآمين .. الله يوفق عيالنا جميعا .

 

[حلم الطفولة]

تعدلهاااااا بأذن الواحد احد بالفاينل ,,,,,,,,,,,,بس بالنسبه للامتحان تقولين درستيها عدل اخاف ماتعلرف تقرا لان الامتحان كتابه ,

يارب تعوضها .. مشكوره .. الظاهر ما أسعفها والوقت وخارته بالأخير .. عفسه

 

[النهج الاسمى]

مالنا الا الدعاء

صارت المدرسه بلوه وابتلينا فيها

شتقولين عن سادس00000والله لا بر ولا بحر00000000000ولا حتى سما وشمس بتنفع

الله يوفقهم بالفاينل ويعوضنا خير

 

[أم عبووووود]

الله يعينج يارب

صج الاسلامية مو هين بس لازم تبينين لها ان الدرجه مو زينه وانج تعبتي معاها والمفروض تييب افضل منها علشان لاتصير عندها الامور كلها وحدة وتحس بتأنيب ضمير

وان شالله تعوضها بالامتحانات الياية

 

[فديت منورة]

الله يعين

الكل يشتكي من الامتحانات

 

[الصابرة المحتسبة]

هلا بحلم
ولا يضيق خلقج ولا شي يقلبي وان شاء الله تعوضها بالفترة الجاية .

 

[رقي]

امبيه الله يستر
اليوم امتحان قران فاينال