امريكاا ؟

[al-zeena]

السلام علييكم

بنات بغيت اسالكم انا ناويه اسافر شهر 5 امريكا ثلاث اسابيع يعني بحدود جم تكلف السفره مع التذاااكر وشكرااا

 

[rawona]

حبوبه .. وايد يسألون نفس سؤالج المشكله ما تحددون وين بامريكا؟

يعتمد حبيبتي على الولاية اللي بتروحين لها واذا الطيران دايركت والا ترانزيت واذا تبين سياره والا لا (على فكره امريكا لازم سياره)

شوفي هالمواقع لان تذاكر الطيران الحين زايده اسعارها وعلى طول تتغير على حسب الفتره شوفي هذا طيران امريكي جيكي الاسعار وحطي الولاية اللي بتروحين لها

www.united.com

وشوفي هذا الموقع اذا حجزتي منه باكيج كامل يطلع عليج ارخص (طيران+ سكن + سياره) وتقدرين تختارين نوع السكن شقة فندقية والا غرفه عاديه تبين 5 ستارز والا 2 ونفس الشي بالنسبه لنوع السياره كشف عاديه فان وتحطين عدد الاشخاص وتشوفين الاسعار

www.expedia.com

وموفقه حبوبه :tek:​

 

[al-zeena]

مشكوره حبيبتي

 

[غرشوبيه]

حبيبتي أول شي على حسب التذاكر أكنمي أو بزنس بس أمريكا بشكل عام مب مكلفه السكن فيها رخيص وحلو والمعيشه فيها رخيصه تفرق عن أوروبا واااااااايد والسوق بعد نفس الشي رخيص ما عدا الماركات العالميه سعرهم موحد بأي دوله والصراحه بتستانسين بأمريكا وايد وبتحسين بفرق بينها وبين أي دوله الله ايوفقج حبيبتي ويسرلج أمورج

 

[al-zeena]

مشكوره حبيبتي غرشوبيه شنو الولايات الحلوه وحق السياحه لاني ماعرف عن شي اللي راحت حتقولي اب ولايات راحت وجم يوم وجم كلفتها السفرره بليييييييييييييييييييييييييييييييييز

 

[اوركيدا]

شهر 5 فلوريدا تكون روووعه وجوها وايد حلو ..
وتقدرين بالروحه تنزلين 3 ايام بنيويورك .. فنادق نيويورك غاليه شوي .. يعني اذا تبين شي راقي في منطقة امنه وجريبه بيكلفج بحدود الـ300 دولار الليله اقل شي ..
من نيويورك لي اورلاندو طياره داخليه .. اسعار تذاكرهم رخيصه كل ماحجزتي قبل بس ماعندي فكره بحدود جم ..

اورلاندو يبيلها اسبوعين .. وتقدرين بينهم تروحين ميامي 4 ايام ..

الفنادق في اورلاندو وايد رخيصه خصوصا بالفتره اللي بتروحين فيها مايكون سيزن .. يعني بأقل من 100 دولار الليله بتلقين شي وايد راقي ..
وبتحتاجون تأجرون سياره بتكلفكم بحدود ال100 او اكثر باليوم .. اذا بتحسبينها مع البنزين
فنادق ميامي الراقيه نفس اسعار نيويورك ..

وشوفي التذاكر بجم ..
الحياه عندهم نفسنا .. كأكل او شرب .. تذاكر ديزني او يونيفرسال بعد مكلفه شوي ..
اذا عجبج اقدر هالبرنامج اقدر اساعدج اكثر بالتفاصيل .. وعندج موضوع روونا بتاخذين فيه فكره وااااااااضحه عن فلوريدا .. بالصور

 

[غرشوبيه]

الولايات السياحيه في أمريكا كاليفونرنيا ولوس أنجلس وسان فرانسيسكو وسياتل بس هذا اللي زوجي راح لهم ويمدحهم وأنا رحت بالتيمور بس هي مب سياحيه أنا كنت رايحتها علاج وأتمنالج التوفيق

 

[al-zeena]

يعطيج لعافيه حبيبتي اوركيداا

 

[شيهانه]

شهر 5 راح يكووون الجو بديع في امريكا .. شوفي اول شي علشان اتوفرين في سفرتك حق امريكا التذاكر البريتش اتسوي عرووض على تذاكرها يعني تقدرين تحصلين تذكره حق امريكا ب 250 او اقل فحاولي تاخذين تذاكركم قبل السفرة بمدة طويله وبتطلع لكم ارخص .. السكن كل ما كان الاوتيل 5 نجوم كل ما صار سعره غاااالي واذا حصلتوا شقق فندقيه يكون سعرها مناسب اكثر وخاصه اذا كان عددكم كبير من 4 وطالع .. يعني بالسكن احس امريكا حالها حال باجي الدول بالاسعار وطبعا الاقامة بتصير 3 اسابيع فميزانية السكن اكيد بتصير كبيره .. بس بالنسبة للسوق فغالبا يسوون خصومات يعني شهر خمسه تلاقين بالمحلات الكبيره عروضات وخصومات 20% تقريبا او اكثر على حسب المكياج والعطور الماركات نفس الكويت بس يتلاقين ب سوبرماركت و الصيدليات عندهم ماركات اتهبل واسعارها رخيصه والادوية هم رخيصه هناك واللبس عاد في من الغالي لي الرخيص واغراض البيت اتهبل عندهم اماعين وكفرات و فوط ..وبتستانسين ان شاء الله امريكا ونيسه ..

 

[al-zeena]

يعطيج العافيه حبيبني ونستيني