امريكا ' نيويورك ' فلوريدا ( اورلاندو )

[MoDaRRiSaH]

السلام عليكم شلونكم شخباركم
عدت والعود احمدو
وددي اكتب لكم تقرير عن رحلتي الى امريكا مع زوجي وبناتي الصغار واختي اخر العنقود
مثل ما وضحت بالعنوان الى نيويورك و اورلاندو
بس صراحة احس اني متغيره مو مثل اول
مالي خلق ارفع صور :bbbiu:
فمادري انتوا شرايكم ابلش بتقريري ولا ما يحتاي في وايد مواضيع مشابهه لموضوعي ؟ :ch12:

 

[احلى من الحلى]

اول شى حمد الله على سلامتج ثانيا لا ناطرين التقارير خصوصا اورلاندو.

 

[MoDaRRiSaH]

صحجج
يعني ؟؟؟؟؟؟؟
تشجعيني ؟؟؟؟؟؟؟

 

[om l3yal]

مدرسة من صجج اكيد ناطرين التقرير لا وامريكا واورلاندو بقعد لج قعدة
الحمد لله علا سلامتج حبوبة

 

[احلى من الحلى]

اى حبيبتى ناطرييييييييييين :ggdw::ggdw::ggdw::eh_s(9)::eh_s(9):

 

[نياره]

مايبيلها ناطرينج و
الحمدالله علي سلامتج

 

[*الهنوف*]

اي بلشي اكيييد

 

[اسرار70]

ننطر التقرير
اكيد حلو
مدام اورلاندو

 

[UniquẼ ♥ ώomaN]

احلى شي التقاارير ,, وامريكا بعدددد wooow
ناطرينج

 

[MoDaRRiSaH]

بعد عمري شجعتوني صراحة الله يسلمكم كلكم
وببلشششششششششش
علشان خاطر عيونكم

 

[قطوه بيضاء]

الحمد لله على السلامه

ناطرينج حبوبه

 

[MoDaRRiSaH]

اول شي الخطوات التي اتخذتها قبل السفر واهيه : 1 - الدهاب الى مكتب علشان اسوس نمودج التاشيرة واخذ موعد حق السفارة الامريكية لعمل مقابلة شخصية


الشخص لطلب النموذج ولاخذ موعد 10 دنانير انا وزوجي وبناتي ام ال 5 سنوات وام ال سنتين ونص وخوخه اختي اخر العنقود ام ال 14 سنه


قبل الدهاب للمقابلة يطلبون منكم : صور شخصية خلفية زرقاء
دفع مبلغ 42 دينار سعر التاشيرة عند بنك برقان
كشف حساب اخر 6 شهور مع انه ما طالوا فيه حتى لما رحنا



اول ما تروحون السفارة ياخذون بصماتكم بس الاطفال قالوا ماله داعي يحضرون
وسالونا جم سوال مثل ما هو سبب السفر اجبنا للسياحة ووين بتروحون وشنو نشتغل ونتبع اي جهة حكومية وووووووووووو بسسسسس هذي الاسئلة الي اتذكرها



الفيزا خلال 3 ايام الدي اتش ال وصلوا جوازاتنا ملصوقه الفيزا داخلهم لي البيت مالتي ومالت بناتي واختي

اما زوجي يمكن لان اسمه محمد ويمكن لانه ملتحي خرت الفيزا من شهر ونص والى شهرين على ما طلعت


ثانيا : حجز التذاكر

حجزنا لى الخطوط الجوية الكويتية
كويت -نيويورك -كويت
ستوب لندن هثرو لتعبئة بانزين للطيارة ولتبديل الطاقم
مدة الرحلة 15:20 ساعة
سعر التدكرة للشخص : 468 وحق بناتي ام ال 5 ' وام سنتين ونص سعر التذكرة حق ال 1 فيهم 398 كويتي


سعر تدكرة الطيران الداخلي : نيويورك - اورلاندو - نيويورك 76 كويتي للشخص والكبير نفس سعر الصغير ماكو فرق على طيران اليونايتد


اسم فندقنا بنيويورك

Hotel Newton

في منطقة منهاتن

خوش فندق وهادي قريب من السنترال بارك بالسيارة ومن التايمز سكوير بس ماكنا نروحلهم ماشي اما بالمترو اللي يسمونه سوب واي او بالتاكسي وكان التاكسي علشان نروح التايمز سكوير ياخذ منا 10 دولار للون واي
بس عيب الفندق وجبة الافطار مو مجانية ما فيه حمام سبحة حق بناتي وخدمة الواي فاي بفلوس مو فبلاش بسسسسسس


اكمللللللللللل؟:eh_s(9): :eh_s(22)::ggdw:

​

 

[MoDaRRiSaH]

باجر باجر اذا بكمل اوكييييييييي

:ch12::ch12::ch12::ch12:

 

[احلى من الحلى]

:ggdw::ggdw:لأيوقف لايوقف ناطرييييييين الصور :ggdw::ggdw:

 

[قطوه بيضاء]

لايوقف ونبي صوررررررررررررررررررر

 

[العيون الناعسه3]

كملللللي متابعيينج ^^

 

[MoDaRRiSaH]

نكمللللللللل :eh_s(9):



من المواقف المضحكة اللي صارتلنا لما نزلنا مطار لندن هثرو
لازم نفصخ الجواتي وانتوا بكرامة والجاكيت اذا لابسة جاكيت


شنو صاااار
كنت ماخذه معاي مطارة ماي حار علشان اسوي الرضعه حق بنتي الصغيرة،،،،،،، سالوني شنو داخل المطارة؟؟؟؟ قلتلهم ماي حار حق الرضعة ،،،،،،،،،، جان يصبون منه شويه بالكوب ويذوقوني اياه،،،، قلتلهم حاااار قالوا عادي نطريه يبرد وذوقيه :eh_s(15):

وزوجي كان ماسك رضعه قالوله شنو داخلها ؟؟؟؟؟؟؟؟ قلهم حليب ،،،،،،،، قالوله ذوقه ،،،،،،، جان يقعد يرضع من الرضاعه ههههههه علشان يتاكدون :eh_s(15):


اخذوا الموضوع بسهالة وفبساطة وطولوا بالكم اهم شي



المهم .........


أول ما وصلنا نيويورك وخذنا التاكسي ووصلنا لي الفندق
كنا حاجزينه لمدة 3 ليالي
اول ليلة طبعا نووووووووووووووووووووووووووم من بعد رحلة طالت 15:20 ساعة

اليوم الثاني ( نيويورك)
​

إنصحتني موظفة الرسبشن مالت فندقنا وقالتلي دامنا قاعدين بنيويورك لمدة ليلتين نستخدم الباص الأحمر المكشوف من فوق كوسيلة للتنقل
وكان خوش اقتراح

الباص الاحمر أو الباص الأزرق يادون نفس الغرض بس لشركتين مختلفتين
يتم شراء التذاكر من اكثر من مكان بالتايمز سكوير

سعر التذكرة للشخص البالغ 54 دولار
وللطفل من عمر 3-11 سنة 44 دولار
واحنا اخذنا الباص الاحمر لاني كنت اشوفه الاكثر مرورا بالشوارع

فيه 4 باصات يودونكم حق 4 اتجاهات
1- DOWNTOWN LOOP TOUR
2- UPTOWN LOOP TOUR
3- NIGHT TPUR
4- BROOKLYN TOUR

ولما تركبون يكون في هناك مثل قايد ماسك مايك ويتكلم عن العمران واسماء المباني اللي يتم المرور عندها

وبس تاشرون للباص باي محطة للباصات يوقف لكم الا اذا كان فلل فيكمل ما يوقف

1- الداون تاون:
يوقف عند اكثر من مكان منهم :
* Empire State Building
*Times Square
*Views of Statue of Liberty & Ellis Island

2- الاب تاون:
*Central Park

3- نايت:
*Empire State Builiding
*Chinatown
*Times Square
*Brooklyn

4- بركلين ( وهي عبارة عن منطقة يفصل بينها وبين منهاتن جسر يسمى جسر بروكلين )

سعر التذكرة اللي ذكرتها لمدة 48 ساعة لكللللل هالاماكن واكثرررررررر



​

 

[MoDaRRiSaH]

أول ستوب طلبنا من الباص الأحمر UPTOWN يوقفنا عنده

CENTRAL PARK

وهي حديقة من أكبرررررر وأشهر الحدائق في منهاتن

عجيبة مناظرها تهبل وفيها عدت أقساااام

اخترنا منها قسم ZOO

وفلم دورا ال 4 دايمنشن كان حددددده عجيب :eh_s(9)::eh_s(15)::eh_s(9):













​

 

[نياره]

متااابعه

 

[MoDaRRiSaH]

ثاني ستوب

متحف من أحد ال التسع المتاحف المشهورة في منهاتن

ماحب المتاحف :bbbiu:

اخترت الأكبر والأشهر
واهوه المتروبوليتان

METROPOLITAN MUSEUM OF ART

فيه أكثر من دور وأكثر من قسم















​