امريكا والا لندن وليش ؟

[fri2010]

السلام عليكم

اشلونكم

والله ولهت عالمنتدى صار لي فتره ما دخلته

المهم بنات ابي اعرف عن امريكا

وبالذات نيويورك

ابي اعرف من لندن الى نيويورك جم ساعه بالطياره

وصج امريكا حارة بالصيف

وصج ان على كل شي اشتريه ادفع فيه ضريبه؟

وصج ان لا رخيصه ولا شي

وان بس بضاعتهم اهي اللي رخيصه؟

تنصحوني بلندن والا امريكا

من ناحيه التسوق طبعا

 

[عواشه القرقاشه]

حبيبتي من لندن لي نيويورك ٧ ساعات
وهي صج مو رخيصه بس اسعارها متوسطه وتعتبر ارخص من اوربا
و اثنينهم سوقهم حلو وجوهم حلو

اذا تبين تروحين مده طويله امريكا واذا ماتبين تطولين لندن

 

[اخت خالتهم]

خالتي راحت امريكا و حييييل حبتها تقول سوقهم حلو
نفس لندن
كتغيير طبعا
بس تقول ما افكر اروحلها وايد يعني الا عقب جم سنة لانها طولت ماشاءالله شهر ونص

 

[fri2010]

يعني هل تتساوي مع لندن بالسوق؟

وفيها اشياء مو موجوده بلندن يعني؟

 

[ريانااا]

الصراحه كل اللي راحوا امريكامايردون لها مره ثانيه يعني هي مره بالعمر لان فيزها طول وتذاكرها غاليه وصعبه شوي وبعيده ١٣ساعه طيران واللي راحوا اوربا حيل حبوها ورجعولها مره ثانيه انااللي سمعت عن امريكا سوقها رخيص بس الاكل والسكن غالي وبتطلعين من ولايه لي ولايه طيران وحوسه واذا تبين اكثر شوفي المنتديات

 

[fri2010]

انا بعد سمعت جذي ووايد قالو لهم البضاعه بس اللي صناعتهم اهي الرخيصه الباجي نفس اسعار اوربا

بس لان هالسنه صارت موضه خبه كل من راح امريكا

فحبيت استفسر عنها اكثر

 

[fri2010]

للرفع

 

[!amorra!]

والله يمدحون امريكا وااااايد الكل يقول روووعه

والاغلب يأجرون سياره ويفترون بين الولايات

يمدحون نيويورك

 

[<miss botamba>]

انا ما اتفق مع كلام ريانا

بالعكس الي يروح امريكا يعاف كل مكان عقبها

بس يبيلها انسان شاطر مو خذوه فغلوه


لندن يبيلها فتره قصيره واذا بتطلوين تطلعين تحوسين في بريطانيا بشكل عام او مثلا فرنسا


سوق امريكا رخيص الى وسط اذا الماركه امريكيه و الضريبه موجوده وهم موجوده في اوربا وتستعيدينها من المطار عادي

بس الفرق ان الاسعار عالضريبه تختلف من ولايه الى ولايه

ومعروف الغرب الامريكي الضريبه اعلى من الشرق ماعدا نيويورك هم ضريبتها عاليه

وبالعكس السكن و التأجير والمعيشه بشكل عام وكل شي اسعاره رخيصه الى متوسطه ماعدا طبعا الفنادق الي معروفه انها غاليه مثل فورسيزن على سبيل المثال

والجو يختلف من ولايه الى ولايه عادي اماكن تروحين لها بالصيف تكون معتدله الى بارده مو شرط

لان اهيا فيها تنوع جغرافي


والسوق صراحه انا ما رحت امريكا بس وايد اطلب اون لاين من امريكا وعندهم وايد شغلات حلوه وماركات ما اتوقع انها موجوده بره امريكا

 

[fri2010]

انا رايحه لندن مرتين فقلت اغير

بس الاغلب قالو امريكا بس مره يروحون لها ما يفكرون يرجعون لها

 

[marlink]

امريكا تينن قارة كاملة كل ولاية رحتلها احسها ديرة يديدة الجو والبنيان والاماكن تختلف كل مدينة او ولاية لها سحرها وبالنسبة للسوق روعة روعة لندن نفس سوقنا عدا جم ماركة للحين مابطلت بس امريكا غييير وايد ماركات امريكية تينن موموجودة عندنا بعدين البضاعة تختلف وصراحة سوقها وايد رخيص وبالنسبة للسكن يعتمد حسب الولاية والمكان بعد يعني مثلا الي رايح لوس انجلوس الي بيسكن ببيفرلي هيلز مو مثل سعر الي بيسكن بسانتا مونيكا وحتن فيغاس واااااو سوقها روعه وفنادقها واحلى شوو شفته بحياتي فيها وشعبها رااااااائع بمعنى الكلمة الامريكان حبوبين وخدومين وعشريين مو مثل الاوربيين

حقيقة انصح فيها رحتلها واتمنى اعيدها بس يبيلها اجازة طويلة مو مثل اوروبا حتن 10 ايام تكفي

 

[نـعـومـه]

بالعكس انا سمعت انه اللي يروح امريكا مايفكر يروح مكان ثاني !

بس يعتمد عالولايه في اماكن تضيق الخلق يعني اذا بتروحون لازم ادورون صح

 

[نـعـومـه]

ودام انج رايحه لندن مرتين روحي مكان ثاني طبعا واذا مومخططه عدل لامريكا عيل شوفي اماكن ثانيه اي دوله بأوربا

 

[BaiTotia]

أنا أعشق لندن وكل مرة بس أرد منها أتشفق عالروحة مرة ثانية

وأمريكا حلم حياتي الصراحة أروحلها الكل يقول عالم ثاااااااااااااااااااااااااني وكل ولاية غير عن الثانية

ومادام أنتي رايحة لندن وشايفتها

روحي أمريكا أحسن

 

[بنك بااستا]

اول شي امريكا في تكس على كل شي حتى على المواطن يشمل الكل اسعارها رخيصه وشغلهم وجودهتم ممتازه واحلى وارخص من لندن بوايد بس اسعار التذاكر نار وشرار لانه بصراحه رحله يوم كامل يعني صج ينهلكون عددل ويحلون فلوسهم با100 فلس

 

[كويتيه=)]

كل ما اروح لندن وارجع اتشفق عليها واقول جني ما شريت هذا وجني شريت هذا

وعندي صج محلات لندن عندنا بس مو نفس البضاعه hm اهني ولا شي عند اهناك

بس للامانه ما جربت امريكا

 

[jojowa]

انا توني راده من امريكا ورايحتلها من قبل 3 مرات وهذي الرابعه انصح فيها و بشده,,,امريكا عالم ثاني شي خيال ,,,سوقها اينن جوها على حسب المنطقه في ولايات بارده و في الي جوها حار بالشمس بس بالظل و بليل الجو حلو ,,,وبالنسبه للسوق عجيييييب كل شي عندهم و الضريبه موجوده بس تختلف من مكان لي مكان ,,و وبالنسبه للاسعار شوفي ماركاتهم اسعارها حلوه مثل دي كي ان واي و كوتش و مايكل كورس و توري بورش هذيلي اسعارهم ارخص من اوروبا بس باجي الماركات العالميه اغلى شوي لانه عليهم تاكس ,,,وصج الي يروح امريكا يبي يرجع لها مره ثانيه لانج ماراح تقدرين تخلصين كل الولايات بسفره وحده ,,,و ترى انا وحده من عشاق لندن و احب سوقها و لازم بالسنه مره او مرتين اروحلها بس هم سوق امريكا غير لازم تجربينه مايتطوف ,,,اما المعيشه فاسعارها ارخص من اوروبا يعني مطاعمهم وايد ارخص و الفنادق اسعارهم مناسبه لانه حتى الثلاث نجوم يعتبر احسن من فنادق اوروبا و اكبر ,,,و بالنسبه حق نيويورك واااااااو عجيبه صج حبيت هالولايه عالم بروحها صج المدينه الي ماتنام ,,,اذا تحبين جو لندن راح تعجبج خصوصا التايم سكوير وااااو شي ممتع و السوق هناك بكل مكان و جوهم وايد حلو بليل ,,,وبس اذا عندج اي استفسار انا حاضره و ان شاءالله اكون فدتج ,,,,

 

[حورية آلكويت]

لندن حلوه امريكا مارحتلها