امريكا ....

[dalprincess]

بنات الي راحت امريكا وعندها خبره بغيت اسأل شنو احسن خطوط لاني مو مجربه وله مره ومابي الكويتيه ...1- American Airlines
2- United
3- KLM
4- Delta
5- Gulf Air
6- US Airways
7- Air France

وبس ابي اشوف شنو احسن وحده وبعرف شنو احسن دايركت وله ترانزيت بس اقعد ليله كامله عشان التعب ... لان احس وايد 15 ساعه :/

 

[معشووقة السفر]

احسن شي كي ال ام

 

[june_m00n]

شوفي اذا بتروحين من الكويت لي امريكا لا تجربين الخطوط الامريكيه ( دلتا ولا الامركان ) لأنهم تعيسسسسسسسسسسسسسسسين لأبعد درجه هذا لا انحدييتي من ولايه لي ولايه تروحون بعد ماكو غيرهم تروحين فيهم


لكن خط الكويت امريكا

البرتش اوكي

كي ال ام اوكي


ورحله سعييده مقدما

 

[ذكريات]

انا جربت الكي ال ام و لافتانزا

و ريلي جرب الكي ال ام و الطيران الامريكي

الكي ال ام احسن شي و اريح

احنا نسافر ترانزيت لي امستردام او فرانكفورت بس نقعد بالمطار 4 ساعات اكثرشي

وحدة من الرحلات تكون 6 ساعات و الثانية 11 او 12 ساعة على حسب

و الرحلة ام 11 ساعة تملل و تعب واااااايد الله يعينج على 15 ساعة

 

[irresistible]

و الله احنا دايما خط كويت نيورك دايركت و الله مريح ة الاكل زين و مريح شتبين في الترانزيت

 

[زيـنـه]

الامارتيه روعه و مريحه جدا جدا
كويت دبي .. تقعدون ترانزيت في دبي
و تالي دبي نيو يورك تقريبا 12-13 ساعه

و الداخلي اخذي ميد وست .. روعه هالطيران .

 

[rawona]

رد

:68_asmilies-com:

اذا تبين تريحين ليله عن التعب البريتش اوكي ..

انا احب اليونايتد دايركت لي دي سي بعدها ترانزيت ساعتين وطرنا عقبها لي اورلاندو .. وانشالله هالسنه باحجز على اليونايتد للصيف باذن الله :ggdw:


ورحله سعيده :ada:​

 

[dalprincess]

مشكوووووووووووورين كلككككككككككم الصراااحه مااااادري بس شكلي بحجز عال كي ال ام واتوكل على الله لان سهر التذكره زين هالايام ومن يقرب الصيف تصير نار :/

 

[الجوري74]

انا مجربه البرتش زينه تنزلين لندن تباتين ليله وتغيرين المطار
انصحج فيها ومجربه الفتانزا وما انصحج باليونايتد

 

[daloO3a]

انا عاليونايتد اللي جربتها و الحمدالله ارتحت

روحي دايركت مره وحده احسن

 

[Yasmain]

انا رحت على klm واااايد زينه ورديت على نورث ويست اتينن:rerrerek:

وعليج بالعافيه........

 

[dalprincess]

مشكوووووووووووووووره حبيبتي والله كريم مادري على اي خطوط بس يا كي ال ام او البرتش لاني مجربتهم

 

[شندوخه]

انا جربت الكويتيه دايركت لنيويورك زينه مش بطاله بس نصيحه لاتاخذينها ترانزيت ترى والله تعب عالفااااااااااااضي

 

[شيهانه]

مشكووورين صراحة اذا ما تبين تقعدين بديره الترانزيت يا قبل امريكا او بعدها اخذي الدايركت تصير الرحلة واايد متعبه النطرة بالمطارات تهد الحيل وتخليك مثل المريضه .. يا حلو الدايركت مو حلوة سالفه تيرير هل الجناط والوزن الي بالجرامات الي اذونا فيها بهل المطارات وفصخى جوتيك وحطي اغراضاك ليش اربع مطارات ولويه ..