امس سويت تلقيح صناعي

[دمعة^حزن]

حبيبتي مشكوره اي والله تعب احس مو متحمله العوار دقيت على الدكتوره ابيها تقولي عن اسم مسكن ومارضت قالت ممنوع امانه ادعولي انا حيل محتاجه دعائكم

 

[أملي بعد الله]

ها حبيبتي بشري ذكرتج وقلت امر اسلم عليج واسئل عنج

ادعيلي انا بعد انطر

 

[jaaanooo]

الله يرزقج حبوبتي الذرية الصالحة يااارب ولا يضيع تعبج ويآجرك كل الخير يارب العباد ... انتي وكل خواتي يارب العباد ... ادعي ربج وكثر استغفار وربج كريم سبحانه

 

[دمعة^حزن]

هلا حبيبتي مشكوره اني طريت عليج امس سويت تحليل منزلي ومابين شي بس الله كريم ويارب يرزقج ويرزق باقي البنات الذريه الصالحه

 

[سري المكنون]

دمعة حزن مو جنج مبجرة في التحليل ليش صبري هو انا ادري صعب الصبر انا اعتقد نزلتي موضوعج يوم 13 الشهر اعتقد نفس اليوم ال يسويتي فيه و لا انا غلطانه على حساب لج اليوم تسعه من بعد التلقيح على القليل صبر بعد 5 ايام ,,,
انشاء الله ربي يرزقج ,,,

 

[دمعة^حزن]

سويته تاريخ ١٢ الشهر من القافه الحين احط صج اكتائاب صكني لان قريت بقوقل كذا وحده من ١٠ يوم بين معاهم الاغلبين يقولون لي بعد اربع ايام حللي دم بس خلاص احس ياست بنطر الحلوه تشرف مابقي عليها شي ٣٠ الشهر موعدها

 

[سري المكنون]

ا تياسين يمكن انت تختلفين عن البنات الباقيه ,,,
طيب انت قعد تحسين ب عوارض الدوره لان بعد لج وايد مني 30 الشهر

 

[دمعة^حزن]

اي احس بعوارها ومغصها عادي فكرت عدل وقلت اذا ربي ماكتب لي يمكن خيره انا هذا اخر كورس لي بالمعهد وراضيه بالي يكتبه لي ربي

 

[هيبة ملك]

الله يرزقج ياقلبي

 

[الفرفوشهـ]

الله يرزقج حبيبتي
ياااااااااااااااااااارب حامل

انا ناويه اسسوي تلقيح بس مادري متا اروح لدكتوره قبل الدوره ولابعدها؟

 

[دمعة^حزن]

الفرفوشه روحي ثاني يوم دوره راح تعطيج كلوميد وبعد الكلوميد تروحين لها ١٢ يوم من الدوره علشان تشوف بسونار التبويض شلون وتعطيج ابرة تفجير مثلاث قالتلج الساعه ٩ الصبح اخذيها تجينها الساعه ٦ المغرب تسويلج التلقيح وطبعن عينت زوجج الساعه ٥ المغرب يوديها وساعه ٦ تكون جاهزه موفقه يارب وهيبة ملك والبنات الي يدعولي مشكورين ويارب انتو بعد يارب يرزقكم بذريه الصالحه

 

[دآنة آلرشآيده]

الله يفرح قلبج وتحملين ان شاءالله
​

 

[دمعة^حزن]

مشكوره حبيتي دانه ويارب يسهل عليج ولادتج

 

[أحبه موت]

ان شاءالله يارب مايعدي هالشهر الا وتكونين حامل ان شاءالله قولي امين
حبيبتي بسألج شلون يسوون التلقيح الصناعي يعني شتسويلج ودي اسوي بس خايفه وسؤال ثاني شكثر صارلج من تزوجتي​

 

[دمعة^حزن]

هلا والله مشكوره ياحياتي على الدعوه صارلي سنه وتسع شهور بس لجات لتلقيح لان زوجي عند عدد الحيوانات المنويه قليل وقالتلي الدكتوره اسوي تلقيح طريقة سهله ماتخوف سوي لاتخافين انتي شكثر صارلج متزوجه وشنو السبب انج ماحملتي في سبب ولا لاء والتلقيح طريقته ان ياخذون عينه من زوجج ويلقحنج فيها موفقه يارب انا مفكره اسوي مره ثانيه عند فوزيه القطان يمدحونها *

 

[queen2007]

دموووعه شلونج اللحين نزلت الدوره ولا لا ان شاء الله ماتشوفينهاااا وتشبكين هاالشهر وتحملين
بس بسالج يعني قبل الأسبوعين مايبين كلش.
ووين يروح الجنين أللي حطوه اذا ماصار حمل ولا نزل دم

 

[صادقة بكلمتي]

الله يثبت عليج ويرزقج الذرية الصالحة والمعافيه انتي وكل وحدة نفسها تحمل اللهم امييييييييييييييييييييييييييييييين

 

[ابدا يالغالي مانساك]

ربي يرزقج ياحبيبتي بشري وش صار عليج حللتي احاتيج وان شالله خير والحمدلله علي كل حال اللهم لك الحمد والشكر

 

[hazel eyes]

ياارب يرزقج بالحمل السليم الثابت هالشهر وماتحتاجين تسوين تلقيح مرره ثانيه

 

[دمعة^حزن]

مشكورين ياحبيتاتي على سؤالكم على والله فيكم الخير استانست حيل بس شفت كلامكم يارب يرزقكم كلكم بشهر واحد لا للحين مانزلت الدوره تاريخها ٣٠ الشهر حللت تحليل منزلي طلع بس خط واحد بس الحمدالله على كل شي