امنيتي الامومة

[دلوعة صلوح]

عورتى قلبى والله انا خمس سنين وماقول الا الحمد الله على كل حال..

الله يرزقج ويرزقنى ويرزق كل البنات الذرية الصالحة عاجلا غير اجلا يارب العالمين.

 

[امنيتي الأمومة]

دلوعة

وانا اقول عن نفسي تأخرت

ربي يرزقج ويرزقني ويرزق كل من تبي يارب

حبيبتي بغيت اقولج شغله

انتي كاتبه بتوقيعج يا رحمان عندج غلطه املائيه

عدليها ما عليج امر وكتبي يارحمن لأنها تنطق ولا تكتب

------------------------------------------------------------

تصدقين عاد اني كل مارحت السوق لازم اشتري شي للبيبي

على امل انه ايي وألبسه

 

[yasmin10]

كل تأخيرة وفيها خيرة ..
اهم شي لا تيإسين من رحمة ربج ولا تصيرين متشائمة هذا ممكن يكون اختبار من رب العالمين
الله يرزقج انشالله باللي تتمننينه وتفرحين فيههم

 

[امنيتي الأمومة]

اللهم امين يا ياسمين ربي يحقق لج اللي تبين وتتمنين

ونعم بالله ما في يأس الحمدلله واملي بالله كبير

لكني اتمنى وادعي ربي

اليوم بعد ما صليت المغرب يتني

مع اني ماحسيت بأعراضها بس للحين وانتوا بكرامه الكوتكسه نظييييفه

ودريت انها يتني لاني شريت تست الحمل قلت قبل لا استخدمه خل اشوف يتني والا لا

ولقافه كالعاده حطيت قطن اذون عشان اشوف اذا نظيفه والا متعلقه الحبيبه

والا لااااااااا تحطمت وخشيت التست

 

[لهفة المشتاقه]

عسي ربي يرزقج بالذريه الصالحه وتفرحين بشوفتهم

انتي اهم شي لاتفكرين باليهال تري التفكير بعض المرات

يخليج تتعبين نفسيا انسي وان شالله مادور هالسنه الا وانت حامل

ويكون سليم وتفرحينا معاج

 

[(لولوه)]

حبيبتي العمر ماله شغل بالحمال
تعرف وحده تزوجت عمرها 31 وحملت عمرها 33 وطيحت مرتين والحين حامل للمره الثالثه الله يثبته لها
اهم شي النفسيه اذا بتفكرين وايد بالحمال ماراح تحملين فوضي امرج الى الله
ثاني شي كثري استغفار بنية الحمل واي عباده اتسوينها لا اتوقفينها الا بعذر شرعي
يعني قرائة سورة البقره استمري عليها واذا ياتج الدوره وقفي وخلصي دوره وردي اقريها مره ثانيا
يعني لا تصير العباده فقط عشان اتحملين واذا ياتج الدوره تيأسين وتوقفين كل شي
لا استمري وخلي عندج يقين بالله انه راح يستجيب دعواتج
ولا تنسين الصدقه شفاء المؤمن ولا تنسين قيام الليل لو ركعتين تدعين ربج فيهم
عسى الله يرزقج بالذريه الصالحه ويرزق كل محرومه يا رب

 

[امنيتي الأمومة]

لهفة المشتاقه

تسلمين ياقلبي وماتقصرين

وصح كلامج

بس ما اقدر ما افكر

امي ووايد ناس قالوا لي ان التفكير بالحمل يأخره

بس مووووو بيدي ياربي مادري شسوي شلون اقدر ما افكر

من كثر ما ودي ان ما يتني الدورة كان ودي اقوم اصلي العشا



يارب لي باجر وماتنزل اكثر من عالنقطه واطلع حااامل يااااارب

 

[تعبت اشكي =(]

بهالساعه المباركه الي ينزل فيها ربي بالسمااء الدنيا فيقول هل من سآئل فاعطيه

ان يرزقج ويرزققنا الذريه الصالحه

 

[تعبت اشكي =(]

وع فكرره عمررج حيل صغير ماله شغل بالحمال اختي كبرج ولاحملت باقي
وانا كاهو همن كبيره وباقي ماجبت يهال عادي لانه من ربي راضين

 

[كويتية تكفي مية]

شوفي بقولج شغله واااااااايد قالولها لي والله والله ان لما سويتها فعلا الله رزقني

لا تفكرين نهائياً بالحمل ادري ماتقدرين وادري تفكرين وتحاتين
بس انسي هالشي لهي روحج بشي ثاني سوي لج برنامج
دشي دورات طوري روحج اقري كتب احضري ندوات اشتركي بعمل تطوعي
سافري سوي لج مشروع صغير تصدقي

حبي حياتج مثل ما اهي واقتنعي قناعه تامه ان الله بيرزقج وخلي املج وايمانج بالله قوي
دام حللتي وريلج حلل خلاص انسي الموضوع


وانصحج بالحجامه واقري عنها في لها ايام مستحبه وتواريخ هجريه ذكرها الرسول
عليه الصلاة والسلام وع الريج

والله انا مثلج 3 سنين تقريبا حملت واجهضت وتوه الله رزقني وماحملت الا لما نسيت
بالحمل الاول والحمل الثاني والله يشهد ع كلامي

لازم نفسيتج ونفسية ريلج ترتاح عشان ربي يرزقكم
وترا وايييييييد ناس مثلج اغلب بناتنا صاروا يتاخرون بالحمل حتى اللي تحمل
تتاخر بالحمل الثاني والاسباب عند الله وحده

يارب ماتمر سنه الا وانتي حامل وولدج بيدج ويرزقه باخوان وخوات ويجعلهم صالحين

 

[كشه لم تكد]

الله يرزقك ياااارب ويرزقني والله الامومه شي حلو
ربي لاتحرمناااااا
طيب حبيبتي مافكرتي تسوين حقن مجهري
ربي يكتب لك التؤام ان شاء الله

 

[امنيتي الأمومة]

لولوة اسفه توني انتبه لردج

جزاج ربي الجنه

صح كلامج بس مثل ما قلت ما اقدر ما افكر

وبي يتمم حملج وحمل اللي تقولين عنها

ويرزقني ويرزق كل من بغت الياهل

 

[امنيتي الأمومة]

تعبت اشكي تسلمين عالمرور

وربي ايسر لج امورج وين ما تلقّين ويهج يارب

 

[امنيتي الأمومة]

اللهم امين يا دنيا اسعد سعيد

هههههههه نك نيمج ضحكني

يا حلو هالمسلسل ايام المراهقه

وصح كلامج لازم انسى بس انا طبعي

انسانه وسواسيه واحاتي وايد ومو بيدي

 

[امنيتي الأمومة]

كشه لم تكد ههههههههههههههههههههههه

نكّاتكم اتهبل ههههههههههههه

يارب يا واحد يا احد يا فرد يا صمد يا قادر يا مقتدر

يامن امره بين الكاف والنون يامن اذا قال لأمر كن فيكون يارب

ترزقني وترزق كشه وترزق كل بنت تبي الحمل

يارب ترزقنا بالحمل السليم المعافى كامل الخَلق والخُلق

اللهم امين يارب العالمين

 

[ريح قهوه]

الله يرزقج ،،،الخيره في ما اختاره الله خلي ايمانج بالله قوي واللي مكتوب راح تشوفينه بإذن الله والله مابيدنا الا الدعاء صج قصتج تعور القلب بس ما اقول الا الله يرزقج برزق ماكنتي توقعينه ان الله على كل شئ قدير

 

[امنيتي الأمومة]

قهوة

تسلمين وماتقصرين عالدعوة

ونعم بالله وكلي امل فيه سبحانه

ربي يسهل عليج الولاده ويتمم على خير وتقر عينج بشوفة البيبي

سليم معافى لا زياده فيه ولا نقصان يارب

 

[كتالونيه]

الله يرزقج ياقلبي

 

[امنيتي الأمومة]

امين وكل من تبي يارب

الله يجزاج خير فديتج

 

[شقرا كويتيه]

الله يرزقج ياربي