امهااتـ خبيراآتــ ،، شرايكم بالسفر مع طفل عمره3سنوات ؟؟؟؟؟؟

[om MaRyooM]

السلام










بنات انشالله عقب شهرين ناوية اسافر ويكند مع زوجي حق دبي


ومفكرة اخذ بنتي عمرها 3سنوات .. لأن ماقدر احطها عند الوالدة رح تأذيها وايد اسمالله عليها

و زائد ان بنتي متعقلة فيني وايد




شرايكم بالسفر مع ياهل بهالعمر ؟؟

في احد جرب منكم ؟؟؟ واستانستو ولا لا ؟؟ ؟


خايفة اني مااستانس :eh_s(2):



يليت تعطوني من خبراتكم وشلون تتعاملون بالسفر مع الياهل

 

[<<لمار>>]

بنت حليوة بالعكس بتستانس بس انتي ادعي ربج يسهلها عليكم وحاولي ماتعسرينها يعني اكلها ونومها بوقتة لاتغيرين شي وديها الالعاب واشتريلها لهيها باي شي

 

[!الجادل الصعب!]

اذا يومين مانصح تاخذينها

 

[ام عفاف الكويت]

انا اخذت بنتي مارتحت
كل ساعه ماما حمام
ماما يوعانه
تبجي تبي تلعب
تبي حلاو
وبعدين حدج بالفندق 11 تبي تنام
وااي لا كان تعب

 

[om MaRyooM]

مشكورين بنات


حبطتوووني واااي لأن صعععبة اهدها هني

 

[Q8tya_GirL]

انا برايي انه ما تاخذينها لانه اسم الله عليها راح اتاذيج
وتستعسر عليج فماراح تستانسين

 

[سوسو حبيبتى]

اذا ما تقدري تتركيها

اكيييييييد تاخدي بنتك حبيبتك بحضن وحتي لو ما استانستي كفايه هي تبسط وتشوفيها فرحانه

والله مااقدر انام بدون ماتكون بنتي بحضني

اسم الله عليهم الله يخليهم لنا

 

[Q8NONA]

تبين نصيحتي اخذيها معاج وخاصه انتي متعلقه فيها وحتي لو تعبتي شوي معاها كافى انها يمج تشوفيها ووقلبج مطمئن عليها مو بعيده عنها انتي بديره واهي بديره
واسم عليها حليوه 3 سنين تفهم ما تاذي
توكلي على الله وحجزي لها تذكره ولا تحاتين
وان شاءالله تروحون وتردون بالسلامه...

 

[queenbeeuty]

up up up

 

[om MaRyooM]

مشكورين



بعد نبي من خبرااتكم

 

[ام شيخوه]

بسم الله عليها ثلاث سنين تفهم وشايلة عمرها يعني تمشي وتاكل من اكلكم مافي مشكلة الله يعين اللي عندهم اعمار اصغر من كذا وبيسافرون فيهم توكلي على الله وان شاء الله تنبسطون

 

[انصاريه قمره]

اخذيهااا انا بنتي اسم الله عليها عمرها سنتين وشهرين تفهم حليوه بالعكس خل تستانس اصلا مادري شلون بعض الامهات يهون عليهم يتركون الطفل وخصوصا لي كان متعلق فيهم انا شكثر يتني سفرااات ريلي يقول خنسافر بس ما ارضى علشان بناتي انا الصغيره عادي تقعد عند اي احد تتأقلم يعني جم مره اخليها ببيت اهلي واطلع ما تبجي بس الكبيره ام سنتين حتى الحمام لي دشيته تكرمووون عند الباب ترفسه وتبجي ما تقدر بنتي تمرض فأنا اقول دامها متعلقه فيج اخذيها بس الصغيره خليها عند امج لانه راح تأذيج وتروحون وتردون بالسلامه

 

[انصاريه قمره]

اي ومرت خالي معانا بالمنتدى سافرت وبنتهاا عند امها الام ما استانست طلعت السفره من عيووونها تقول 24 ابجي ابي بنتي

 

[om MaRyooM]

مشكوريين

 

[amoory]

انصحك تاخذينها لانك اذا رحتي بدونها بتحاتيين بس وماراح تستانسين اصلا ..

خذيها خلها تنبسط وعشان انتي ماتحاتين ..

 

[الريم اللعوب]

هلا حبوبه بالعكس راح تستانس وانتي راح تصورين معها وتكون ذكرى انا سافرت شهر 2لندن الي طاف وولدي عمره 3 سنين حيل انبسطت معه وصج يتعب لاكن عادي انا متعوده على ازعاجه
بس حرام تروحين وتخليها

 

[om MaRyooM]

مشكورين بناات

 

[in style]

حده عادي سهاله كبرت و الحين تفهم و تستانس بالسفره

 

[دلع86]

اخذيها معاج خل تستانس وتغير جو *

 

[(الحب)]

اذا بتسافرين اكثر من اربع ايام اخذيها اذا اقل لاتاخذينها مراح ترتاحين