امهات المنتدى.. ترضون تزوجون ولدكم بنت متعرف عليها ؟؟

[استبرق أم علاوي]

اذا البنت خوش وحده اوكي

بس شوفي اذا سألت عن البنت وطلعت مو خوش بنت احاول اقنعه وافر راسه
بس اذا اصر انه يبيها هم اخليه ياخذها

ماابي ازوجه وحده من اختياري قصب ويقعد يظلم بنت الناس يا يخونها مع اللي يحبها او مايعاملها عدل
خلي ياخذ اللي يحبها وينقرص

ماابي اعيد تجربيتي زوجوني واحد يحب ويبي وحده ثانيه ونظلمت ونفصلت
والحمدلله الله عوضني

 

[G!RLooNa]

بنات اللي تقولون اذا متعرف عليها لا انزين تضمنين اذا خطبتيله بتكون صفحه بيضه مو ماره بتجارب؟؟؟

 

[ScarletteO'Hara]

رد: رد : رد: امهات المنتدى.. ترضون تزوجون ولدكم بنت متعرف عليها ؟؟

يآحيآآتي آلف آلف مبروووووك آلحمل وآلله فرحت لج ربي يثبته ويهون طلقه ويرزقج بره بنت وآلآ ولد

:blueSmCLR:

الله يبارك فيج حبيبتي
ما تقصرين على الدعوة الحلوة نفسج :flower:

 

[أم عبوودي11]

بصراحه ماقريت ردودكم بس اللي بتقول لامارضا اعتقد لو يت بنت عايله ومنصب وفلووووووووس ركزو على فلوس والله لو شنو بيرضون وان جانها فقيرة وعليه بنت فقر وحبت ولدهم لالالالالالالالالالالا وماتستحي ومن هالحجي هذا رايي مع احترامي للجميع

 

[ترانيم القصيم]

رد : رد: امهات المنتدى.. ترضون تزوجون ولدكم بنت متعرف عليها ؟؟

الموضوع متشعب ؟
على حسب علاقة ولدي فيها ؟؟
يعني شافها بمراجعه او اهيا زميلة بالعمل رأها واعجب بأخلاقها
بأوافق ويبب بعد مع اني افضل ان تكون الفتاه تحت عيناي وناظري لاني ام
وأعرف من هي المناسبه لأبني

اما في حاله الاخ متكي عليها وسوالف لي انصاف الليالي واحبج وامووت فيج
لا ماراح اواقف لان ولدي أخطأ منذ البدايه انتهك حرمات اخيه المسلم
الي اهو ابوها او اخوها ولي امرها ..إلخ

ولا راعى هالشي وهي إيضاً تتحمل الخطأ لانها شاركته وساعدته بالاثم ..


الخلاصـــــة :لن أوافق على زواج إبتدأ بمباركــة شيطان الهوى ليسمح لي ولدي
سأفعل المستحيل ليصرف النظر عنها إلى الأبد

ممتــاز ,, وجهة نظر سليمة و منطقية ,,

( بالضبط )

ذاكَ هو ما دار في ذهني ..

إن كان الحب عذري و لما يُجاوز القلب إلى شيء آخر .. فهنـا قد أوافق ,,

أما إن كان ناتجًا عن مكالمات ( بشتى أنواعها و إن كانت عبر المسنجر ) , مُقابلات .. إلخ , فسحقًا لزواجٍ كـ هذا و تبــًا له ,, ^_^

احترامي و تقديري

ترانيم القصيم​

 

[ودوده الحلوه]

وي بعد قلبي متى جي هاليوم يجيني محمود ويقول يما اخطبيلي والله لسوي 40 يوم افراح وليالي ملاح
المهم نرجع لموضوعنا انا بصراحه اذا يبي وحده وعاجته بس تكون العلاقه من طرف واحد يعني حب نظيف والله هذه الساعه المباركه اخذله اللي يبيها لو يوصل الدم للركب بس الله يكافينا الشر يكون متعرفلي على وحده بطرق ملتويه ’’’’’’’’’ خطيرة طرق ملتويه ههههه ’’’’’’’’’’ و مشت على شوارب ابوها واخوانها وما حشمت اهلها وكلمت من وراهم والله لو يحب السما ما دخلها بيتي وبعدين بنات تكفون لا تشوهون صورت الجيل الحين اللي يقولون الحين عادي وحده تكلم واحد واللي تقول اخوي يقول ياليت اخذ وحده بس مكلمه ليش اعوذ بالله ترى الزين اكثر من الشين و حنا الحمد لله للحين على الرغم من الانفتاح الكبير الا في شباب وااااااااااااااااااااااجد متمسكين بعاداتهم واخلاقهم
"""""""" يسلمو حبوبه على الموضوع الحلو

 

[رحيل المرافيء]

رد : امهات المنتدى.. ترضون تزوجون ولدكم بنت متعرف عليها ؟؟

يعني تسمحين لولدج يكلم بنات الناس
بس بنات الناس تكلم ولدج لاااا ؟؟؟؟؟؟؟؟؟؟؟؟؟
وهو شلون سمح لنفسه يكلم وحدة غريبة ؟؟؟؟؟؟؟؟؟ ممكن يكلم غيرها بعد الزواج
والله منطقكم غريب
وعن نفسي مافيها شي اذا البنت زينة واهلها سنعيين ليش لااااااااا

واللي تقول تحت نظري ومدري شنوو اكو بنت الحين تحت نظر اهلها عشان تكون تحت نظرج ؟؟؟؟؟؟؟؟؟
تخلف لاخر درجة صراحة

 

[حصــgص..~!]

رد : امهات المنتدى.. ترضون تزوجون ولدكم بنت متعرف عليها ؟؟

والله بصرآحه انا مو ام تووني نونو

بسس لو انحطيت بالموقف و سألنا عن البنت و طلعت خووش بنت و بنت حلآل مآ رآح اوقف بنصيبهم =)

 

[كلي أنوثة]

احس فيه تناقض بمجتمعنا .. اذا وحدة كتبت مشكلة انها تحب واحد و صارت مشاكل..نكتبلها الله يهديج و انتي غلطانة و لازم اتوبين و مايجوز الي تسوينه.
و الحين تسأل (ترضون تزوجون ولدكم بنت يحبها) تقولون اي عادي و شفيها..
يعني ما عرفنالكم عاجبتكم العلاقات بين البنت و الريال و الا مو عاجبتكم!!
انا عن نفسي اشوف غلط الاشياء الي تصير من ورا الاهل مابني على باطل فهو باطل
اما شافها و اعجب فيها و سيدا قال يبي يخطبها(بدون ارقام و سوالف تالي الليل) فهذا احلى شي

 

[G!RLooNa]

يالله نبي باجي الامهات اللي عيالهم بسن زواج

 

[law love]

مو الاه يكون متعرف عليها بطريقه غلط مثل ما يفكرون البنات

ممكن يكون زميل بالدراسه او الدوام و العلاقه تكون فبدايتها رسميه يعجب بشخصيتها و كلامها او حتى مظهرها و تصرفاتها و تتكون علاقه محدوده و محترمه و اذا الله كتب النصيب ليش لا

لكن سالفة مواعد ومغازل وبعدها جك بم زواج لااااااا

اذا كلش كلش احاول كثر ما اقدر اطول فترة الخطبه عشان تطلع الشخصيات الحقيقيه الي كانت متخفيه ورى الطيش
واذا كلشي اوكي اوافق لان اذا في باله وحده عمره ماراح يتقبل غيرها الا اذا صرف نظر عن الاولى

 

[مطيريه ماركه]

رد : رد: امهات المنتدى.. ترضون تزوجون ولدكم بنت متعرف عليها ؟؟

بنات اللي تقولون اذا متعرف عليها لا انزين تضمنين اذا خطبتيله بتكون صفحه بيضه مو ماره بتجارب؟؟؟

بِ مآ آني قلت وجهة نظري حبيت آرد على تسآؤلج

آنآ قلت آذآ يحبهآ هو مو شرط هي تعرفه آو تبآدله آلحب !

جآيز حبه من طرف وآحد كآتم حبه بِ تعبير آفضل كثير صآرت

آختي تزوجت من هـ آلطريقة وبعد آلزوآج زوجهآ قآلهآ آنآ حبيتج مع آنهآ كآنت طآلبة عند آخو زوجهآ في آلجآمعة

ومن جمآعتنآ من بعيد ولآ لنآ علآقة فيهم بس تتبعهآ ويوم تأكد منهآ خطبهآ

آنآ ضد آلتعآرف وآلزوآج عن حب سوآء كآن بنتي أو ولدي

وصدقيني سآلفة آلضمآن هذي بهـ آلزمن محد يقدر عليهآ آذآ آلآم يمكن ينقص عليهآ وتوقع بنتهآ نقيّة شلون خآلتهآ آم زوجهآ

عندي قنآعة آلطيبون لِـ آلطيبآت مع رفضي آلتآم لِـ زوآج ولدي بِ آنسآنة يعرفهآ

يمكن شآفهآ آو يمكن مشآعره محتفظ فيهآ لِـ روحه مثل مآقلت بهـ آلنآحية لآ بآس

فيه وحدة تردد بِ ردهآ تخلف ورجعية آرجو منهآ تحترم غيرهآ كل آنسآن وقنآعآته وعلى مآتربى عليه

عيآلنآ كيفنآ

 

[هاناا]

انا مو ام


لكن بصراحة لو كنت ام

ما راح ارضى

لان احنا بمجتمع ما يتقبل هالشي

و بعايلتنا الزواج لازم يكون تقليدي

و ما اقدر ازوجه وحدة ما ادري عنها و لا عن اهلها شي

و اذا على الحب راح يتعود على البنت الي راح اخطبها له و يحبها مع الوقت

 

[درة أهل الطولات]

رد : امهات المنتدى.. ترضون تزوجون ولدكم بنت متعرف عليها ؟؟

عن نفســي راح اقوله الي تعرفت عليها من الشارع تظل للشارع ما تصلح تشيل اسمك

اللي كلمتك من ورا اهلهاااا واطلعت معاك ورضت على نفسهااا الشي هذااا


باجر ماراح تصونك يمكن تخونك هذي متعودة


اقوله علي انا امك اشوف لك بنت على المواصفات اللي تبيهاا واخليك تشوفها شوفه شرعية وقبلها اسأل لك عن اخلاقهاااا


لان غالي علي ابي لك الغالي مو البنت الرخيصة اللي كل من كلمهاااا وسولف وياهااا

ما ازوجه الا البنت اللي يشوفها وتعجبه واكيد منأكدة من اخلاقهاااا


الرسول وصى ان ناخذ صاحبة الدين

 

[m-3atboha]

رد : امهات المنتدى.. ترضون تزوجون ولدكم بنت متعرف عليها ؟؟

لو انا اقول لأ
انا أأيد الزواج التقليييدي و بقوووة و غير هذا نووووو

 

[غير كل الناس]

بشرط انها تكون من اصل طيب زاهلهم ناس فيهم خير وين المشكله؟؟؟؟؟؟؟؟؟

 

[خفآيآ الرؤح]

رد : امهات المنتدى.. ترضون تزوجون ولدكم بنت متعرف عليها ؟؟

يا بنات خافو الله بعياااالكم !!
ترا الرياييل لا هم اغبيا ولا ينقص عليهم و الي اختار وحدة تكون زوجته وام عياله ما اختارها الا و اهو عاجنها وخابزها و عارف طينتها
لا تكسرون بقلب عيالكم ولا تخلون شي بخاطرهم
لان والله ان تزوج وحدة ثانية و اهو بخاطره بنت الناس باجر بتبدي المقارنات بينهم و اخرتها يعيش معاها ويتظاهر بالسعادة ويظلمها او انه يطلقها و يصير الشق عووووووووود ومايترقع
خافو الله فيهم حسوووو فيهم لو شوووووي
انا حاااااسة بهالاحساس لان المفروووض من 4 اشهر انا وحبيبي ابيت واحد هالبيت الي نطرناه 6 سنين يلمنا مع بعض
بس كل شي وقف وانهدم لما امه وقفت بويهنا
مع انها تدري و تعرف اني بنت ناس و اخلاق و مو ناقصني شي و تدري ان ولدها ماعرفني من الشارع وتدري اني تربيته من صغري وانا على ايده وتدري بكل شي
بس اخخخخ يالقهر !!!
الله يسامحهااا ويهديها و يلين قلبهاا ويجمعنا بالحلال يااااارب​

 

[G!RLooNa]

خفايا الروح الله يجمع بينكم بالحلال انشالله

 

[النشبه88]

مو ام

بس ليش اوووقف واكون عائق بويه ولدي

من جهة ثانية ساعات الصبيان على نياتهم تلاقين يطير بالوحده شافها اعجبته بمكان بس ما عرفها عدل ... يتسرعون ووايد تصير ..اذا شفتها انها مو تكانة وتختلف باشياء عن بيتنا واسلوب حياتنا ..راح انصحه واقوله انه شفت هالعيوب ... بس ماراح اقوله لأ ..اقوله انت تختار وانت تتحمل

واكيد راح اسانده واوقف وياه وبس
يعطيج العافية

 

[فوق الثريا محلي]

انا مو ام لكن اخت كبيرة و عندي أخو في سن الزواج و أعرف تفكير الوالدة غير بنات الاهل لالالالالالالالالالالالالالالالالالالا