### امهات اول وثاني وثالث ابتدائي حياكم ###

[JANAA]

انا بنتي باولى ابتدائي وابني بثالث ابتدائي والحمد لله كل شي تمام ومتفوقين والله يا بنات اني ارد من دوامي الساعه4.30 اجابلهم بلبس الدوام حتى غدا ما يمديني اتغدا علشان الحق ركب التطور مال المنهج الجديد

الله يعينكم جميعا على عيالكم ويوفقهم يارب اجمعين الي تحب تتواصل معاي واعيالها بنفس صف اعيالي يا اهلا وسهلا وحياكم الله

بس بغيت اسالكم اعيالي بمدرسة خاصه متى يعطونهم الشهايد ابي اعرف درجاتهم الي تعرف الله يرزقها الجنان اترد علي

 

[برنسيسة الشمال]

بنات تكفون اقرو موضوعي بنفس القسم وردوا على ابي رايكم ؟؟؟؟؟؟
وثاني كتاب العربي فيه اثنين الكورس الاول او واحد

 

[LoloBlueStyle]

رد : ### امهات اول وثاني وثالث ابتدائي حياكم ###

برنسيسه

الله يكون بعونج

ماعليه اهم شي انها ماشيه بالدراسه وتعوضها يارب بالشهور اليااايه


العربي
كل كورس فيه كتابين

الحين بدوا بالكتاب الثاني

وباجي لهم لاخر السنه كتابين بعد

يعني السنه كلها


4


كتب عربي للصف الاول


لانهم نااوين يخلون عيالنا
واحد سيباويه
والثاني امير الشعراااء

وطه حسين


وعددي ماشئت من عمالقة الادب العربي







والله يعين




اللي تعرف اللي حاط منهج العربي تعلمني
لاني ودي ازنطه

 

[برنسيسة الشمال]

لولولو ستايل مشكوره قلبي والله يعطيج العافيه

 

[مطيريه ماركه]

رد : ### امهات اول وثاني وثالث ابتدائي حياكم ###



آمهآآآآآآآآآآت آللي عيآلهم بِ ثآلث

آللي آشوفه آنهم صفر في آلكتآبة وآلقرآءة تكفون عودوهم يقرآآون

وشددوآ عليهم في آلحفظ عندهم سورة آلفجر من 15 : 30

وعندهم سورة آلغآشية كآملة

منهجهم دسم آلقرآن آمآ آلآسلآمية حلو

وترآ نهآية آلفترة آلثآنية آلآحد 16 / 1

 

[مي الحلوة]

رد : ### امهات اول وثاني وثالث ابتدائي حياكم ###

بنات متى يعطلووون اولى ابتدائي؟؟؟؟؟

 

[نورالقمر24]

متى ايعطلون الابتدائي

 

[برنسيسة الشمال]

ابشركم بنات رحت للناظره وطلعت حبوبه

ورجعت البيت ودقوا على الاخصائيه والابله والناظره


قالو فعلن بنتج متفوقه وامتحنوها بالاملاء وخذت تسعه من عشره
وقالتلي الابله المره الجايه راح اعطيها امتياز

 

[غلاي عزوزي]

بنات تكفون منو تعرف ابله انجليزي تيي البيت
انا فاشله بالانجلش وماحب ادرسه وابي أأسس ولدي لانه اولي كلها محادثه ويحاسبون عالشفوي والاخ متنح مايدري وين الله قاطه وابلتهم توها متخرجه
يعني قمت الحوسه
بييبله ابله فالبيت وافتك
تكفون ردو

 

[@احلى الصبايا@]

رد : ### امهات اول وثاني وثالث ابتدائي حياكم ###

يعطلون بعد اسبوعين او اول اسبوع بشهر واحد بس

 

[@احلى الصبايا@]

رد : ### امهات اول وثاني وثالث ابتدائي حياكم ###

صج اولى ابتدائي 4 كتب العربي من صجكم

 

[برنسيسة الشمال]

اربع للسنه كامله مو بس الكورس
ومنو قال بعد اسبوعين يعطلون الاسبوع هاذا بوا الفتره التانيه
تو الناس حبوبه

 

[@احلى الصبايا@]

رد : ### امهات اول وثاني وثالث ابتدائي حياكم ###

بنت خالي مدرسه واهي قالت

 

[أماني الحلوة]

السلام عليكم


عل طاري الشهادات

ولدي بثانية واخذ الشها
ة
العربي والانجليزي مقبووووووووول

ما عرفت اضحك او ابكي

الله المستعان

وانا بعد مشكلتي العربي
وابي حل لها ؟؟؟؟؟؟؟؟؟؟؟؟؟؟؟

 

[فنانة الكويت]

واي بموت قهر
بنتحر من القهر
احد ينقذني
بناتي باولى ابتدائي (مو توم بس القانون الخايس انه اللي مواليدهم لين نص ثلاثة لازم يدشون المدرسه وبنتي الكبيره شهر اربعه يعني صاروا بسنه وحده )المهم انه بنتي الكبيره ما شاء الله عليها ماشيه وكله امتياز في كل المواد امى الثانيه واهي البلوه املوعه جبدي توني يوني امصرخه لين قايله بس من القهر بنات ما تعرف اتفرق بين الارقام حدها لين الخمسه وبطلاع الروح مو باجي شي ويعطلون واهي لين الحين ما تعرف الارقام واللي معجبني انها ماخذه جيد جدا بالرياضيات اشلون واهي حتى الارقام ما تعرفهم توه اقولها حطي بايدج 7 غصب حطت بعدين اقولها زيدي عليهم اثنين امتنحه نص ساعه وانه اعيد عليه بكذا طريقه وكذا اسلوب اخر شي طلعت من طوري وقمت اصرخ يمكن تفهم بالصراخ لا البنت متنحه اخر شي هديتها ومشيت عنها مو لازم تحل بالطقاق
خلصنا من الرياضيات الحين العربي الطامه الكبرى حدها تكتب اسمها الباجي كله نسخ يعني ولا املاء يابت فيه كامل الا 3 بس اهي ماخذه بالعربي جيد وانه ميته قهر
والانجليزي خو حدث ولا حرج طبعا للامانه الشرهه مو عليها على الابله اللي اتهدها تلها بالجنطه والمقلمه ولا تحاجيها يوم حظرت بالصف درس الانجليزي اطل من الدريشه وتلعب وتشرب ماي وتنام والابله ولا كانها تشوفها الا اخر شي يوم بيطق الجرس جان اتقومها وجاوبت صح يعني عارفه الاجابه بس بعدها ما تعرف اشلون اتشارك
وهذي معاناتي ويا بنتي الصغيره ابي حل لاني يا ذابح يا مذبوح من القهر يعني لما ادرسها احس راسي يصير كبر الدار واعصاب واخلاقي تصير زف تكفون اللي مر عليها مثل هالحاله او عندها اقتراحات بليز ساعدوني
ادري قرقت وقلت قصة حياتي بس من القهر اللي فيني

 

[السنعة2]

رد : ### امهات اول وثاني وثالث ابتدائي حياكم ###

اختي فنانه شوي شوي على بنتج حرام تر فرق العمر يأثر توها صغيره

وتعتبر من اصغر الموجودين بالصف صدقيني خل تكبر شوي وبتفرق عليج وايد اخذيها بالهدوء

درسيها باللعب شجعيها وعطيها تنبيهات شلون تقعد بالصف وتنتبه للابله لاتقارنينها بأختها ابد

وان شاء الله راح تذكريني اذا كبرت شوي عسى الله يخليج لهم

 

[فنانة الكويت]

رد: رد : ### امهات اول وثاني وثالث ابتدائي حياكم ###

اختي فنانه شوي شوي على بنتج حرام تر فرق العمر يأثر توها صغيره

وتعتبر من اصغر الموجودين بالصف صدقيني خل تكبر شوي وبتفرق عليج وايد اخذيها بالهدوء

درسيها باللعب شجعيها وعطيها تنبيهات شلون تقعد بالصف وتنتبه للابله لاتقارنينها بأختها ابد

وان شاء الله راح تذكريني اذا كبرت شوي عسى الله يخليج لهم

مشكوره وايد لانج رديتي علي
حاولت ادرسها بكذا طريقه واللي يخليني اعصب ازياده انه يعايرونها ومن الاهل لا ويقولون لي ترى مو شرط العمر اهو على الشخص نفسه ويقارنونها بعيالهم لانه عندها اثنين من بطيئين التعلم وحاطينهم بمدارس حق اللي نفس حالتهم فلمى يقول لي جذي اخاف مع اني ما اشوف عليها اعراض بطيئين الاستيعاب
وعلى الصف كل يوم اشغل الاسطوانه اشلون لازم يقعدون واشلون يحترمون الابله وغيره وغيره من التعليمات يعني اتيها ايام اوك تهبل اصلا تخلص الواجبات قبل اختها اللي اكبر منها طبعا على المزاج
وان شاء الله الله يهديني واحاول امسك اعصابي
بصراحه ريحتي لمى قلتيلي انه على العمر لانه انه كنت اقول انها صغيره ولما تكبر تتعدل بس احباط من كل الليي حولي
وايد وايد مشكوره:33_1185028183:

 

[ريم المطيري]

مراحب على الجميع

 

[ليتني ما حبيت]

بنات انا ولدي ماشاء الله تبارك الله ممتاز في جميع المواد بس البدنية مايلعب وكاتبين في شهادتة غياب بعذر مقبول اوكي والغريب ان التقدير العام جيدجدا ليش اهو كلة ممتاز انا ميتة قهر في احد يفهمني

 

[مي الحلوة]

رد : ### امهات اول وثاني وثالث ابتدائي حياكم ###

اليوم بنتى امتحنت علوم..وبكرة انجليزى..والخميس رياضيات..ما ادري هذي اخر امتحانات لهم قبل العطلة ولا شنو؟؟؟؟؟؟؟