### امهات اول وثاني وثالث ابتدائي حياكم ###

[كويتيه وافتخر]

رد : ### امهات اول وثاني وثالث ابتدائي حياكم ###

الله يعين قلبي
ولدي بثانيه رحت شفت ابلته العربي مصريه بس ماتدري وين الله قاطها

 

[غلا فهد]

بنات الله يعافيكم انا بنتي اولي ابتدائي ولاعارفة ووووين الله قاطهااااااا ابي ابلة عربي وانجليزي بنتي عنيدة ماترضي تكتب خير شر جننتني ابي الابلات لمنطقة العاااااااااااااشرة يجووون البيت بليز اللي عندها لاتبخل علي

 

[اطياب طيبه.أم عبدالله]

واااااااااااااااااااي من ماده العربي

كل اسبوع املاء !!!

على كل 3 كلمات املاء

اشلون الياهل ما يمديه يستوعب الا املاء !!!

وواجبات العربي تهد الحيل والينت خطها مو ذاك الزوووووود والابله مو عاجبها اذا البنت كتبت بخط موحلو

الابله تكتب فوق خط البنت تقوم البنت تندقر وتحس انها مو شاطره

البنت كرهت الكتابه

استغفر الله الابلات كلللللللللللللش ما يشجعووووووووون

 

[om-3aboOod]

رد : ### امهات اول وثاني وثالث ابتدائي حياكم ###

انا قبل ماكو شي ما سويته اقعد اساحلهم عشان احل معاهم وبجي وانا منغتة مأزمني المنج .. الحين الله هاديهم و صار بالنسبة لي التدريس اسهل شوفوا موضوعي

http://www.q8yat.net/showthread.php?t=717942

واتمنى تستفيدون مثلي

 

[78MariMar78]

تسلمين ام عبادي

انا ولدي بثانية

ربي يوفق عيالنا جميعا

 

[أم عبووووود]

صباح الخير
حياج الله ماريمار بينا

امس انا باجتماع ولدي طبعا ابلة الانجليزي والاسلامية والعلوم مستاذنين ما شالله

 

[فطومه]

المنهج بصراحه صعب حيل ومكثف

الرياضيات لاموصج انا ماعرف شلون الحل حل الله بطونهم هاللى سووا هالمناهج خاصة ثالثه ابتدائي

اما العلوم بعد بعد اللى جاى اكثر واكثر انا بطلت الكتب وشفت مراحل نمو الضفدع والفراشه واجزاء القلب ؟اى اى القلب والشرايين

امبيه لا كان اللى يدرس طالب بكلية الطب يحليل الوزيره وينها وين الوكلا والا بس فالحين يسوون مناقصات حق منو يمسك الوجبات

المدرسيه للابتدائي ؟ والمدرسات العره اللى من هالدول اللى ماتعرف تحجي اللى تقول حق اليهال اخرسي واللى غوري؟ حسبى الله عليهم
وعلى من يابهم


عموما حبيت اثنى على ناظره فى جنوب السره اهى ناظرة ابتدائي واسمها فاطمه خل اتاكد من الاسم

هالناظره ولد اخوى عندها بس سبحان الله الكل يمدحها ويحبها واول من يحبها الاولاد يخمونها خم ويلمونها لم

وهى بعد تحب هم وماترضى عليهم واذا اسمعت ان ولد يبجى تبهذلهم تبهذل

عندها اولا الطالب ثم الاهل واخر شى المعلمات مسكره المسافط مخليتها بس حق الاهالى والمدرسات مخليتهم يسفطون

بعيد ماتبى اتعب الاهالى لانها تخاف على اليهال لاتدوسهم السيايير بصراحه اتعب وانا اتكلم عن هالناظره الله يوفقها
ويكثر من امثالها

 

[حورية بنت حواء]

ترا انا بعد مدرسة علوم اولى

وعندي خبره بثانيه و ثالثه اللي عندها اي شئ انا حاضر

في اي مدرسة حبوبا

 

[أم حمني المزيون]

ولدي بثانية ابتدائي وأبلته مصرية يديدة المنهج بصوب وهي بصوب ..تعطيهم املاء يومي خارجي وولدي مسكين خايره عدل تخيلوا مو ماخذين التنوين والكلمات صعبة مسكين ضحكني كاتب جاسيمون يعني جاسمٌ :ggdw:وهذا كاتبها هيذا على نطق المصرية :dddds: وبس تخيلي ماكو شي بدفتر الصف بس هالاملاء كل يوم ايي منحبط المسكين للعلم اهو كان امتياز ومرتفع بعد يوم كان بأولى ...بسألكم : اكو املاء خارجي لثانية والا اهي تألف ؟؟؟؟ والله يعيييييييييييييييييييين :eh_s(1):

 

[حورية بنت حواء]

رد: رد : ### امهات اول وثاني وثالث ابتدائي حياكم ###

بنتي بثالثه دايخه من الرياضيات أشدعوه عليهم هالمنهج
وعلى فكره اليوم كان عندنا لقاء تنويري للصف الثالث ابتدائي اللي راحت تقولنا شنو قالو بليييييييز ماقدرت أطلع من الدوام

صاجه والله انا معاج واااااااااااااااااااااايد صعب والمنهج دسم شنو هذاااااااااااااااااااااااااااا حرام


تصدقين انا معاي باكلريوس تربية رياضيات بس ما اشتغلت معلمه ودايخه بالمنهج مع الولد


حرام الصراحه

تدرين اول صفحه ثلاث منازل للوحدات ماشي كان حلو والصفحه الثانية الي ست منازل شكو خليهم يتقنون الثلاث اول وبعدين ندخل بالسته
وكله كوم ولما يقولولج كم 100 كم وحده فيها وكم عشره وكم الف
وعلى طول اكبر واصغر وعلى طول تنازلي وتصاعدي وعلى طول تقريب للعشره واللي وراها تقريب للمئه وايييييييييييييييي

واللي اطين الساعه وما ادراك ما الساعه


لا الصراحه ما يمدينا نفهم الشي الا واحنا داشين باللي وراه وهوا مسكين ما اتقن الاولى فكله كله داش في بعض

الله يستر

 

[حورية بنت حواء]

بنات منو عندها نماذج اختبارات لمادة الرياضيات للصف الثالث الابتدائي

 

[همس الجــليــد]

رد : ### امهات اول وثاني وثالث ابتدائي حياكم ###

يسعدني اكون معاكم بالتجمع
انا عندي ثانيه

 

[ام خالد 78]

وانا عندي ثالثه

 

[غلاي عزوزي]

المنهج خوووووووووووووووووواره
والابلات خوووووووووووووووووووووووووووووووووووووووووواره مضيعين عيالنا ربي يضيعهم
شالحل اذا الابله ماتعطي من قلبها ماتعرف تشرح شنو يعني


تدرون طلعت بشي مهم من كثر ماحست
احسن طريقه نسوي نفس عيال مصر

ندرس منهج السنه اليايه ونصمه صم
اهما جذي يسوون ان شاء الله يسافرون والا يستانسون بالعطله لا اصلا تبدي الدراسه واهما حافظين الكتب كتاب كتاب

ادري بتقولون وي شلون اقث ولدي بالعطله خل يستانس وفي ناس يعتبرون الدراسه بالعطله ضغط نفسي عالياهل
لايبا خليه علي راحته 7 ايام بالاسبوع يوم واحد او ساعه باليوم ماتضر بالعكس تغير من روتينه كله سفر طلعات وتضييع وقت ساعه شيبي يضر
يعني انا ولدي لو مو شويه معلمته وماره عليه الاحرف جان علوم والله اني بموت قهر هذا وانا مدرسته الاحرف يخورها عيل شلون لو مو معلمته

 

[كويتية صغيرة]

رد : ### امهات اول وثاني وثالث ابتدائي حياكم ###

الله يعافيكم امهات ثالثة ابتدائي

كتاب العلوم (التجارب)
في صفحة 15 مطلوب صنع بذرة
وشنو المواد المطلوبة لصنع بذرة ؟
و كم ستبعد البذرة اذا حملها الهواء ؟

 

[أم حمني المزيون]

رفعععععععععععع أمهات ثانية وينكمممممممممممممم :s141::s141::s141:

 

[yara2004]

رفعععععععععععع أمهات ثانية وينكمممممممممممممم :s141::s141::s141:

امري ام حمني بس تكفين لا تسئلين بالنجليزي لان بنتي ضااايعه فيه

 

[lميوره]

بنات عفيه ساعدوني مرادف كلمه مهندس

 

[78MariMar78]

انتو عارفين انه عربي ثانية ياخذوون الضمائر

والله شي عجيب

 

[أم عبووووود]

الله يسهل ان شالله ويوفق عيالنا