امهاد بنتي ؟؟؟؟؟؟؟؟؟؟؟؟؟؟؟

[فرفورة2]

اشلونكم يالحلوات اشتقت لكم واكيد انتم مشتاقيلي بعد<<<<<<>>>>>>> عشتوا واثقة من نفسها حيييل خخخخخخخخخخخ
المهم بغيت استفسر منكم شنو انسب عمر علشان اشيل المهاد عن بنتي لانه بنتي الحين اسمالله عليها عمرها 4شهور
وكل ما امهدها تتضايق وتحاول تطلع ايدينها ومرات حتى واهي نايمة القاها مطلعتهم فديت قلبها والله
ها قولولي اراءكم بهالموضوع

 

[om deaj]

حرام عليج كبرت تبي تتحرك
انا عقب الاربعين تقريبا او شهرين اشيله
وبالرابع بديت اوكله مهلبية وسوالف جذي بس كميات بسيطة

طبعا كل الي بيجاوبونج من تجارب شخصية سألي الطبيب افضل

 

[فرفورة2]

مشكورة يام ادعيج على ردج
وانا بعد من دشت الرابع وانا اوكلها اشوي اشوي بالتدريج
بس لما تنام لازم امهدها واذا جت عالدكاترة معروف رايهم ما يايدون سالفة المهاد بالنسبة للدكاترة المصريين وما يفضلون تمهيد الطفل
واحنا اهلنا عودونا على هالشغلة على قولتهم المهاد يلم اعظام الطفل ويقويها
وين الباجي قولولي متى شلتوا المهاد عن اعيالكم

 

[ريح قهوه]

شوفي احسن شي كملي لي شهر خمسه وشوي من سته احسن لعظامها عشان مانصير رخوه هذا الوقت المناسب انج تشيلينه والله يخليها لج

 

[سموره 87]

انا بنوتي من طلعت من الاربعين وانا شلت عنها المهاد لانها تظايق منه ماتحبه

 

[eman12]

ياقلبي بسها الحين تبي تقلب وتتحرك وانتى مربطتها
خلاص شيلي عنها وانا ضد ربط الطفل اذا بس تلفينه اوكى بس الربط لالالالالالالالالالا ماحب اقيد حريته

 

[@ الجوري @]

انا بس في الاربعين من اطلع اشيله
وحرام بنتج اكبرت على المهاد
وسالفة يقوي العظام مادري !!!! شوفي الاجانب لايمهدون ولاشي وصحتهم وعظامهم اقوي منها ماكو

 

[ناتشوو]

انا بعد من طلعت من الاربعين شلت المهاد
بس حزة النوم الفه
و الاكل توني انطر لي 6شهور

 

[Good Enough]

والله مادري شفت الردودعكسي

بس والله يا فرفورة ان انا نفسج و خليتها عقب ما كملت 5 شهور بدون مهاد

وكلمن يشيلها بدون مهاد .. عقب صارت عسسسسسسسره وكله تبجي حيييييييييل والله جنه احد طاقها

و لا يوم شافتها عمتي قالتلي حرام عليج ما تمهدينها (مع ان بنتي ماتبي) قلت لها كبرت و ما تبي

قالت شوفي شبسوي وهذا كان عمرها 8 شهور تخيلي ها

راحت عمتي و يابت زيت زيتون دافي و دهنتها من جتوفها و عقب مادري شلون تشد ايدها الثنتين على بعض

و بعدين كل ايد وريل اتييبهم عكس بعض و مهدتها و نامت

عقب ما قامت مافيها الا العاااااااااااافيــة

و يوم يتنا عمتي مرة ثانيه شافت حالتها نفس الشي .. تقول انتي بنتج صغيره توها فـ كلمن يشيل ومو كلهم يشيلون عدل

فممكن يمصعونها عرفتي

و دهنتها و ردت لفتها و طخت عقبها

وهم سوت نفس الحركة حق عيال بنات عماتي اللي يفكون المهادمبجر عن عيالهم و يصيرون زينين

فـ اللي اقولج يا فرفورة لا تتسرعين ما يوى على البنت تمصع و غيره .

خليها ع الاقل لين 8 او 9 شهور و عقب شيلي .. تخيلي انا عمتي تخيلي عيالها ممهدتهم ليييييين سنة مع التدهن !!

حتى لو بنتج اتطلع ايدها المهم ان مهدتيها .. و اذا عندج المهاد بوخيط لفي عليها و حطيلها مصاصه تسكت .

و بس

 

[!الجادل الصعب!]

انا ولدي فديته عمره 5 شهور وبنطر عليه شهر وبخف المهاد بس وقت الليل ..

وبداية هالشهر بديت ااكله سيريلاك ومتقبله الحمدلله

 

[فرفورة2]

مشكورين فديتكم والله وانا اقول بعد شكلي بنطر ماني شايلة عنها المهاد وتذكرت حماتي بعد ماشالت المهاد عن ولدها الا بعد سبع شهور

 

[المنقذه]

حبيبتي انا كل عيالي 6شهور وبعدين اشيله احسن من التمصع والبكاء كل ما احد شالها وراح تشوفين عند سدرها منتفخ من التمصع بسم الله عليها و ورا عند الرقبه وعقب لازم مسود وعوار وغربال فخليها فديتج بس حاسبي اذا بدت تنقلب بالليل حطي يمينها ويسارها شئ عشان ما تنقلب وانتي ماتدرين وتختنق..

والله يحفظها ويخليها لج

 

[فرفورة2]

مشكورة وصج انج منقذة اسم على مسمى

 

[شوق@ذوق]

حبيبتى انا مثلج ابي اعرف متى اشيل المهاد عمر بنتى 4 شهور؟

 

[omali_store83]

انا شهرين بس وبعدها ماقمت امهده .. بس نفس ماقالت الاخت كل من يشيله وبعدها يتمصع الياهل فالاحسن لو بتروحين مكان وبيشيلونه مهديه احسن
بس وانتي بالبيت احسن حطيه بالارض ويمه العاب:eh_s(9): ​

​