اموت واعرف ليش يا حريييييم

[بنت المنصور]

انا اموت واعرف ليش لما مثلا زوجه زوجها يخونها مع بنت ثانيه بغض النظر عن هالبنت ذي من تكون

ممكن تكون صديقه لها ولا وحده غريبه عنها ماعلينا انا الي مو قادره استوعبه انو ليش الزوجه تحط وتسب

في بنت الناس وتلعن فيها وزوجها ماتجيب طاريه!!! ليش تحط اللوم على الغريب لانه رضى بالغلط وماتلوم

القريب لما غلط طيب ذي غريبه شي طبيعي يعني ماراح تفكر فيج بس الشره على زوجج الي شلون رضاها عليج

ليش ماتلومينه هو ليش ماتحملينه هو ليش بذي المواقف يصير الصراع بين الحريم والرجال قاعد ومستريح ويشوف

منو الي بتغلب ليش هالضعف قدام الرجال ليش غلطته ماتنشاف وغلطه البنت الغريبه تسون منها فضيحه

طب هي غلطت انها خذت رجال متزوج طيب وهو؟ اذا هو اصلا مافكر بزوجته الي معاشرها والي يمكن جايب

منها اولاد واخذ على راسها ولا خانها كيف الغريبه ؟ وربي انقهر من الحريم الي تزعل وتموت وتلعن وتروح تسوي

مشاكل للبنت وزوجها هو صاحب المشكله والي نايم جنبها عادي ممكن تزعل يومين وترجع طيب يا جماعه يا حريم

ياجماعه ليش ليش تككفون ردو علي

 

[ياعشيري جعلك السلال]

ايه والله صح كلامج

 

[موت وميلاد]

كلامج صح

بس لانه المرا تحط نفسها بمكان بنت ابليس فتلقينها اتقول لو انا جان ماهدمت بيت احد وبقت الريال من مرته


وبعدين لاتنسين انه كيد النساء عظيم والريال جدددددااااا ضعيف جدام هذا الكيد

خصوصا بنات حسبي الله عليهم يعرفون اشلون يبقون الريال خصوصا اذا كان ايمانه ضعيف غير الطبوبه والسحوره الي يسوونها


ياربي تحفظلي ريلي من بنات ابليس وتجعلني قره لعينه وقلبه وتجمعني معاه عاجلا وليس اجلا

على فكره ترى مومتزوجه هههههههههههه بس قولو اميييين

 

[بنت المنصور]

ههههههههههه (موت وميلاد) وربي على كلامج قلت عندج عيال ههههههههه يالله الله يعطيج على قد نيتج

بس بعد ما اقتنع احس انو الريال الي يحب صج مايخون والي يخون مستحيل يكون يحب مرته اي يبيها متعود

عليها يعزها وام اولاده ممكن بس يحبها لا ما اتوقع انو لو يحبها بسوي الشي هذا بس تصدقين اما في حرمه

بجد عجبتني من جم يوم كنت اشوف برنامج ندى فاضل على سكوب ودقت وحده تقول انو زوجها تزوج عليها

ولما درت ياها وقال لها انو والله اجيبها لج لعند ريولج واذا تبين اطلقها بس شنو كان ردها ؟ قالت له لا تجيبها ولا

شي ولا تطلقها بنت الناس مالها ذنب انك انت طلعت مو كفو اصلا لما قدرت تاخذها علي اثبت لي انك مو كفو وطلبت

الطلاق منه انا ما اقول انو كل وحده ريلها يخون خل تطلق انا اصلا الطلاق ما احب حتى افكر فيه كحل بس على الاقل

وقفته عند حده وبينت له بكل تصرافتها انو طاح من عينها وخلته يستحي من نفسه بس الي انقهر منهم الحريم هذول

الي تدري انه متزوج عليها تقوم تهتم بنفسها اكثر عشان من نفسه يروح يطلق ذيج يعني بالعربي تسعى لرضاه مع انو

في الموقف هذا المفروض هو الي يسعى لرضاها مو العكس ما اقول غير الله يهديهم بس ​

 

[نسيت الهوى]

اذا جربتي اتعرفين ليش

 

[بنت المنصور]

نسيت الهوى وضحي اكثر تعرفين احد صار له الموقف هذا شاركينا خل نستفيد هذا الغرض من الموضوع كله بيني لي وجهة

نظرك اكثر اذا ممكن وشاركه لج مرورج

 

[نور 55]

والله خوش موضوع انا اقولك والله المراه سنعه وبنت ناس وحموله وشايلته بعيونه وماشاءالله عيالها ذيك التربيه السنعه والاخلاق وقبل لايدخل بيته يشم الروائح الحلوه يفتح الباب تسلم عليه ولا اهيه متسكرته والله حتى جوتيه تفصخه وانتوا ولاكرامه وذاك الاكل السنع وتباشر باكله والشاى والفاكهه وتستاذنه لما بتطلع ولاتتاخر والله مو مخليته ناقص شى صراحه مره سنعه سنعه ومهندسه وعليها جسم ماشاءالله وجمال تبارك الرحمن يعنى كامله والكامل الله ببسسسسسسسسسسسسسسسسسسسسسسسسسسسس القهررررررررررررررررررررررررررررررررررروالموتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت تزوج عليها منوووووووووووووووووووووووووووووووووووووووووووووووووووووووووووووووووووووووووووووووووووووووو فلبينية اخوه والمسكينه فالت لحد يدخل ولا يتكلم معاه تركوه باعنى مايشوف شر

 

[بنت المنصور]

اوف اوف اوف الله يعينها والله اي والله مايترس عينهم غير التراب بس مو كلهم اكيد ووذي بعد نقطه مهمه

شاكره لج لانج ذكرتيني انو مرات يبيع حرمته على شي اقل بكثير يعني مو تقولين جميله وطيحته ولا خلته

غصب يغلط كا هذا اكبر دليل يعني شنو شاف بالفلبينيه والله والله ما اقول غير الله يعينها ويصبر قلبها ودام انها

سنعه جذي وربي بتلاقي الي يسواه ويسوى طوايفه بعد مع ان عندي تحفظ على سالفه انو حتى الجوتي تفصخه

خيير لا والله حشى علي ما اسويها وبيني وبينج ساعات الدلع الزايد بعد ماهو زين يالله بعد شنقول الحمدالله

على كل حال ومن جد عورت قلبي ما ادرري لو انا مكانها شنو ممكن راح اسوي ؟


شاكره لج مرورج حبيبتي ​

 

[@البتووول@]

أنا أقولج بس بسالفة الخيانه لأن الزواج هذا شرع الله ومانقدر نحاسب عليه بننقهر إي بس يبقى حلال...

لـــــــــــكــــــــــــــــــن ......


الخيانه تلعن بالبنت وتترك زوجها إي معاها لأن النساء كلهم إغراء والله وصانا نستر نفسنا عشان مانغري الريال لأن البلا بيكون من المرأه تغريه بطريقة لبسها ومشيتها وضحكها بصت ناعم وسوالف مياعه والله خلق الرجال بصري ووصاهم يغضون البصر بس هم وصى المرأه بالستر وحتى صوت الكعب يغري فالريال لما يروح مجمع مثلا حتى لو يحاول يغض البصر ما راح يقدر شكثر بنات يبدعون باللبس المرصرص والقصير وحتى المنقبه والمتحجبه صايرين يغرون عرفتي ليش يعني تكون البنت إهي السبب لأنها إذا تبي ريال تطيحه تطيحه حتى لو منو يكون قلت كلام وايد ما أدري إذا فهمتوا علي وإلا لأ بس اللي بوضحه إن الزوجه أول شي تلعن بالبنت لأن إهي السبب وبعدين تتفاهم مع ريلها عرفتي ...

 

[بنت المنصور]

فاهمه عليج يا قلبي بس هذا مو سبب كافي يعني اذا جذي كل واحد بيخون زوجته لان كل ريال لما يطلع بره بيشوف الي

احلى من زوجته بكل شي حتى لو زوجته حلوه وتهتم لازم وهو طالع بيشوف الي احلى منها سوى بالشكل ولا الجسم

ولا الدلاعه ولا غيره وبعدين مين يقول انو لو تسترو الحريم بتغير الموضوع لا والله بالعكس في ريايل تغريه المتغطيه اكثر

من الكاشفه يعني والي عينه زايغه بيطالع بيطالع حتى لو كانت منقبه انا ما اشوف ان ذي اسباب كافيه انا شفت ريايل الله

لا يغير عليهم حريمهم متوسطين الجمال ويطلعون ويشوفون البنات الي ذكرتيهم ولا كانهم مارييين يمه ما يشوف الا حرمته

صح ممكن انو بيوشفها بس مابيخون مرته معها مع انو انا طلعت عن الموضوع شوي بردي بس حبيت اوضح لج وجهة نظري

بكلامج .....


شاكره لج مرورج يا قلبي

 

[روحها لكويت]

يمكن عشان زوجها يمها يكفخه ويطلع عينها هذيك بعيده ولا تقدر عليها تتولاها سب المفروض اللي يتحاسب الزوج يعني الحب فطره بالبشر

وشدراها بنت الناس عن حياته وزواجه وتدرون برياييل جذبهم أكثر من صجهم عن نفسي بلوم زوجي

 

[pretty sarona]

لان في حريم يدورون و يخططون على الرياييل , و الريالعقب فترة ما يصدق عاد يقوم يطاوعها ,, اذا الوحده عارفه شنو ريلها راح تعرف منو تلوم

 

[انصاريه قمره]

حبيبتي وليش ما العن خيرهاا واحط جوتيي حشاكم بحلجهااا لو فيها خير البايره ما كلمت ريال متزوج ليش قلواا الرياييل ولا ما حلى بعينها الا هذاااااا ؟؟
وزوجي هذا شغله بيني وبينه مو ضروري ابيين للملئ شراح اسوي بس راح يكون عقابه عسير وراح اخليه يعض اصابعه ندم

 

[رنه خلخال]

الغلط من الاثنين بس طبعا الريال اكثر وخاصه في رياييل ما يقولون حق اللي يعرفونهم ان متزوج وخليها اتعلق واخر شي يطلع متزوج وعنده اعيال واذا زوجته اعرفت على قولتج اتقط اللوم على البنت والله يهدي كل ريال لزوجته ومايشوف غيرها يااارب ويرزق كل بنت بالزوج الصالح ومشكوره على الموضوع موفقه

 

[brettey]

الاثنين غلطانين
شوفي انا اشوف ان الوحده اذا طاحت على زوجها المفروض تواجهه وتأدبه مو تسكت وتبلع حرتها تواجهه مواجه قويه وتهدده ان اذا كررها راح تفضحه وترفع عليه قضيه او انها تسوي له كمين مع المخفر
مافاد تكلم البنت الي تخربط مع زوجها ممكن انها ماتدري ان متزوج اهني ممكن نعذرها بس اذا تدري انه متزوج اهني يحق للزوجه انها تشرشحها وتسمسح بكرامتها وتههدها بالفضيحه
يازت ووخرت عن ريلها اوكي ما يازت اهني يحق للزوجه انها تروح لها دوامها وتفضحها او تفضحها عند اهلها وتشهر برقمها واسمها بالانترنت عشان تتادب
وفيه حريم وبنات وانتي بكرامه جلاب يدورون على الريال المتزوج عشان تضمن انه ما يفضحها لان راح يفكر انه ممكن الله راح يبليه بزوجته ولا بناته فراح يخاف وما يفضحها

شوفي انا رفيجتي طاحت على زوجها يكلم وبهدلته وهددته واعتذر لها وكلمت البنت ما سكتت وقالت لها وخري عن زوجي ولا بتشوفين شي عمرج ماشفتيه
بس شافت ان البنت ماكو فايده فيها وظلت تكلم زوجها وتطلع معاه تهاوشت مع زوجها ماكو فايده فقامت رفيجتي راحت دوامها وشرشحتها جدام الموظفين الي معاها وكلمت اهلها وشهرت برقمها واسمها بالنت اهني تادبت خصوصا ان اخوانها طقوها وزوجها ماسوى شي بس هددته ان كررها بتوريه نجوم الظهر
والصراحه زين تسوي رفيجتي

 

[لولو أبيض]

اذا جربتي اتعرفين ليش

انزين ليش؟؟؟؟

 

[روحــــــ تغليكــ ــــيّ]

السلام عليكم ورحمة الله ..

صباحكم |مساكم ورد

اول مره ادخل هالقسم شدني موضوعج وحبيت ارد عليج فيه ..

بصراحه الغلط من الجانبين من الزوج ومن بنت ابيلس على قولت اختي موت وميلاد تقولين ليش تلومون البنت نقولج ليش ..؟؟!! اول شي هي ترضاها على بيتها يتهدم ومستقبل عيالها يروح !! وترضى ان زوجها اذا تزوجت يخونها ؟؟ اذا هالشي عادي راحت الدنيا !! وانا مااعتقد ان في وحده ترضها لا على بيتها وعلىى بيوت الناس هذي البنت المتربيه تربيه صح..ومااقولج ان الزوج مايلام لا ينلام وانتي شدراج بالبيوت واسرارها يعني لو رضت تقعد عنده مو عشانه والله عشان عيالها ومستقبلهم ما يضيع مو عشان سواد عيونه ..

نتكلم الحين عن الحب ..
تقولين لو يحبها ماخانها لا يخونها اقولج ليش لان الرجال ما يملا عينه الا التراب .. بس لو فيه ذره من الايمان ومقتنع بنفسه ..​

 

[mtwhgh]

لوووووول إلي يظحك أكثر إن يخونها وتكمل حياتها معاه << صايرين الحريم أهما الخرفان

 

[بنت المنصور]

روحها الكويت : صح كلامج والله ياقلبي وشاكره لج مرورج والله يهديهم بس ...

برتي سارونه: انا ما اقول ان البنت ماغلطت اكيد غلطانه بس الي صاير ان اللوم يصير على البنت وبس والزوج ولا كأن مسوي شي

وهذا انا اشوفه غلط وغباء بعد اسمحولي يعني لازم الريال في هالموقف الحرمه ماتسكت عنه وشاكره لج مرورج يا قلبي ....


انصاريه قمره: ياقلبي انتي ما قلت لا تعنييين خيرها انا اقول قبل لا تلعنيين خيرها حاسبي الزوج قبل وهي اكيد غلطانه ولووووول بايره على

قولتج لان لو فيها خير ما كلمت واحد متزوج بس نفس ما قالت اختي ( روحها الكويت) ممكن يكون هو مجذب عليها يعني لو ماتدري انه

متزوج فاللوم لازم يكون عليه هو وبس ولو تدري انه متزوج اللوم على الاثنيييين والزوج اكثر لان هو الي ررابطته مع زوجته علاقه

المفروض انه يكون وفي لها هذا المفروض بس الي صاير طبعا العكس كسبنا شوفتج قلبي .....


رنه خلخال : صح لسانج هذا هو الكلام وهذا قصدي والله شاكره لج مرورج .......


برتي : لوووووووووول والله انج اتجنينيييين وكلامج صح ورفيجتج طلعت مو هينه يالله الله يخلي لها زوجها ويهديه ان شاء الله

لاتقطعين حبيبتي ابي دايم اشوف ردودج الحلوه ....


لولو ابيض: اي والله حتى انا ودي اعرف ليش وان شاء الله ما اجرب ولا وحده منكم تجرب الشي هذا كسبنا شوفتج


روح تغليك : اول شي ليش ماتدخلين القسم هذا دخلي دخلي وشاركينا برايج يا قلبي خلينا نفيدج ونستفيد وكلها سوالف وبس

ثاني شي انتو فهتيني غلط انا ما قلت لا تلومونها انا اقول ليش تقطون الغلط كله عليها وهو ولا كأن مسوي شي لازم الاثنين

مع بعض وارجع واقول اني اشوف غلطه هو اكبر هو ملتزوم مع زوجته بعقد اما هي لا وراها ولا جدامها وبالنسبه للحب ارجع

واقول دام مايترس عينهم الا التراب هذا دليل انهم مايحبون ولا عمرهم حبو يعني هو اساس مايحبها يعزها ممكن بس يحبها لا

كسبنا شوفتج قلبي وامانه بين فترة وفتره مري علينا وشوفي شنو عندنا يديد كسبنا شوفتج قلبي ......


متوهقه :لا عاد خرفان قويه يمكن نفس ما قالو الخوات انو موعشانه هو وراهم عيال ومسؤوليات وشغلات كثيره كسبنا شوفتج حبيبتي




اسعدتني ردودكم والله وانا كل قصدي انو المراة تقدر تكون قويه في بيتها وفي كلمتها بدون طلاق وبدون هواش انا لما قلت

انو المفروض ما تسكت ماقصدت انو تروح تتهاوش معه ولا تسوي سالفه تقدر الحرمه تكسر عينه وتخلي يندم موووت على الي سواه

من غير هواش ولا طلاق ولا فضايح بس عليها تشغل عقلها شوي وبالاخير الله يهدينا جيمعا .......