امي تسلم عليكم وتقول عندكم طماط؟؟؟؟؟

[رضاهم جنه]

اي والله وااااااي جان زين اعيش هالوضع بكون مستانسه بحس بطعم الجيره صح

ليت ازمان يعود يوما

 

[رضاهم جنه]

مشكوره على الموضوع يالغلا


قلبتي المواجع

:denya::denya:

 

[رضاهم جنه]

الله كلامج طيب

فعلا ملاحظة ظاهرة البعد عن الجيران

صرنا بالاسم جيران

وبعضهم مااعرف اسمهم حتى

تصدقين حتى زوجي قال مرة نفس الكلام
محد قام يطق الباب نبي سكر نبي بصل

الله والله كانت ايام

انا قايله لكم خلونا نصير جيران وكل يوم باخذ منكم طماط ويسلمووو على المشاركه

 

[رضاهم جنه]

مشكوووره على الموووضووع الحلوووو....والله ذكرتيني في اياااام الازمه الكل بشااارع وماااسك صحوون وينوزع على بعض...وماافي يووم مايمر من غيير ماايصير توزييع .....

لي الحين في نااااس ماتغيرت وصااينه العشره....

بس نادرا تلقين كنديه والعفو حبيبتي

 

[رضاهم جنه]

انا غالبا اذا الموضوع طويل ما اقراه

لكن موضوعج قريته كلله وبتمعن بعد

يسلمو

:ggdw::ggdw::ggdw:

 

[رضاهم جنه]

احنا الحمدلله اغلب اذا مو كل اهل الجهرا باقيين على العاده ماتغيرنا نسير على الجيران بدون اتصال ولا شي لقيناهم لقيناهم واذا طالعين نشوف بيت ثاني والجهال بالشارع كلهم يعرفون بعض يلعبون ولحد اللحين نقول ياصبي وخر شوي ابي اطلع السياره غير العزايم والمناسبات وبدون مناسبات نعزمهم لو على فنجان قهوه وبعد اذان العصر كل وحده تشوفينها لبست عباتها وراحت عند جارتها تقعد عندها شوي تاخذ جارتها ويروحون مع بعض للجاره الثالثه اذا كلهم من زمان ماشافوا الجاره الثالثه <<<< منو تقدر تحل اللغز

يعني اهني بشارعنا او اغلب الجهرا جذي الله لا يغير علينا

عسى الله يتمم عليكم يارب بس لا نصكم عين ما شاء الله

 

[رضاهم جنه]

صدقيني ماندثرت لازالت بعض الجيران يطقون الباب ويطلبون

وخير دليل جيران بيت اختي ...!!

وذيج ايام يازينها من ايام كانت النفوس نظيفة وطيبة وعينهم نظيفة موب وصخة مثل الحين ..!!

كنا نلعب احنا يومنا صغار مع الصبيان ..!!!

يالله لكل زمان وقته ورجاله

ويعطيج العافية .!!

عاد تدرين قاعدة اكتب لج وانا اسمع عمار ياكويت حق عبدالكريم عبد القادر

وعمااااااااااااااااااااااااااااااااار ياكويتنا وياأمناااااااااااااااااااااااااااااااا .!.!!

ذكرتينا بعيال الجيران الحين اشوف عيالهم بالشارع نسخه منهم بس على انظف خخخخخخخخ

 

[رضاهم جنه]

امس مسيره على جارتي ورايحين لجارتنا الثانيه نبارك ولاده بنتها
وجارتنا قبل جم يوم طالبه بصل ههههههههههههههه
امبيه الناس للناس شوفي انا صغيره ماتعديت 25 سنه
بس عندي عيال وبنات يوم من الايام بزوجهم لازم الناس تعرفج وتذكر طيبج
مو عيب لو تنقصتي لجارتج شي بسيط والله مرات اطرش جاي وقهوتي تطبعت من خالتي ام زوجي الله يرحمها كله جذي مع جيرانها
الله يرحمنا برحمته يارب
ومووووضوع رااااااائع

ما شاء الله عليك ومبروك ما جبتي فهود ويتربى بعزكم ان شاء الله

 

[رضاهم جنه]

اللللللللللللللللللللللللللللله

ذكرتيني بايام اول

لما كان ابوي الله يرحمه يشتري الخضره ونوزعها عالجيران وهم نفس الشي عساهم في الجنه يارب

عسى مثواهم الجنه يارب ويسلمووو على المشاركه

 

[رضاهم جنه]

يا الله !!

موضوعج خلاني اسرح بعييييييييد

ايام ما كنا ساكنين بشقة ، كنت بالمتوسطة

كانت جارة لنا ساكنة بالدور الاول ، و احنا بالثالث

كانت تسلم علينا لما تشوفنا ، و ساعات اسولف مع بناتها ، يعني علاقتنا فيهم سطحية

يوم من الايام وحدة من بناتها طقت علينا الباب و معاها الخدامة و بيدهم علبة كريما حمرا مخلصة ، لما فتحنا لها الباب قالت امي تسلم عليكم و تقول عندكم كريما حمرا نفس هذي ؟

رغم اني استغربت وقتها ان ممكن هالمرة تطق علينا الباب و تطلب شي ، لكن الحين فهمت

و هم مرة ، كنت واصلة من المدرسة بالباص ، و امي ما كانت في البيت ، فقعدت انطرها تحت ، و انا انطر ، ابوهم وصل من دوامه ، لما شافني قال لي ليش قاعدة هني ؟ لأني كنت بلبس المدرسة و جنطتي وياي ، جان اقول له امي طالعة و محد بالبيت ، قال تعالي وياي فوق لين تيي امج ، البنات موجودين ، و رحت وياه ، و قعدت مع البنات ، و يابتلي الخدامة غدا ، بس ماذكر كليت و لا لا ، و لا اذكر متى رديت بيتنا

يا الله خنقتني العبرة !!!!!!!!!!!

توني الحين بس حسيت بالموقفين اللي ذكرتهم فوق ، مروا علي مرور الكرام ما جنه صار شي ، وااي يزاااااااااااااهم الله عني كل خير

لنا ييران من قبل العزو لي الحين متواصلين وياهم ، سبحان الله قبل 4 او 5 سنين شفت وحدة من ياراتنا صدفة بحولي بارك ، و اهي متنقبة بس عرقتها من عيونها !! و لما شفت بناتها تأكدت انه اهي ، و بنتها العودة ، صديقة الطفولة ، لما شافتني - رغم اني منقبة - عرفتني على طوووووووووووول !! انا تفاجأت انها عرفتني !!!

مشكورة و يزاج الله خيـــــر ، فعلا على قولة ام وحدة من البنات اللي ردوا ، سقى الله هاك الايام

يارتنا زينة الحمدلله و برمضان كل يوم تدز لنا شي و لما نشوفها نسلم عليها ، بس الزيارات و الطلبات مش و لا بد ، بس يزاهم الله خير مايقصرون

بعد اذنج اختي ، بنقل الموضوع

حلالك حبيبتي لان حتى انا سارقته خخخخخخخخ

 

[رضاهم جنه]

ياقلبي ذكرتينى باايام زمان والله حنيت
ياكثر مارحت لجيرانا اطلب خبز:eh_s(6):
يعطيج العافيه ماقصرتي

العفو يا ام الخبز

 

[رضاهم جنه]

واللة انج صاجة الحين الجار مايسأل عن جاره الا اذا بغى شي

يعطيج العافية على الطرح الجميل

وتقبلي مروري

اختج

لي طبعي الخااااص

نورتي الصفحه بمرورك

 

[رضاهم جنه]

احنا والله بيت عمي يم بيتنا ساعات نطلب

بطاط وإلا بصل وإلا أي شي واهما بعد نفس الشي حدده ونااااااااسة:ggdw:

والله أحلى شي لما يكون عندج جار يعينج وقت ماتحتاجين :eh_s(6): ​

عمك بس لو احد غريب بهالوقت بيقولون عيب

 

[الحــــلوه]

اي والله فقدناااها صاجه دنيا مافيها خير غير كل شي

 

[رضاهم جنه]

موضوعج روعه ماشاالله وفعلا هالشي مفقود حيل

:fun::fun::fun:

 

[رضاهم جنه]

اي والله فقدناااها صاجه دنيا مافيها خير غير كل شي

مشكوووره على المشاركه

 

[sweet.sweet]

يا حلو الجيره

 

[chakletaA]

تصدقوون الكل لاهي
الزمن هذا زمن مصالح وفلوس وكلن بس يفكر بنفسه
ليت الايام تعود يوماااا الله وانا اسمع اغنيه سناء الخراز مغااازل على مارينا افام
الموضوع نرجعني ايام الطفوله صباح السالم ونااسه

 

[رضاهم جنه]

يا حلو الجيره

نورتي خيتوووو

 

[رضاهم جنه]

تصدقوون الكل لاهي
الزمن هذا زمن مصالح وفلوس وكلن بس يفكر بنفسه
ليت الايام تعود يوماااا الله وانا اسمع اغنيه سناء الخراز مغااازل على مارينا افام
الموضوع نرجعني ايام الطفوله صباح السالم ونااسه

صباح السالم اجل طلعنا ربع !!!باي روضه كنتي؟