امي فيها خشونة تعبتها ماتمشي

[katalee]

السلام عليكم,تكفون امي متينة وكبيرة بالسن الخشونة ذابحتها بريولها لدرجة ماتقدر تمشي عيزانة من التعب شنو دهونات كريمات تنفع والله سبحان الشافي

 

[Ranoon]

نفس الحاله لخالتي

ماتمشي عدل ويقولون خشووووووونة !!
مو متينة حيل ... بس موعارفه شنو تسوي مع رجلها وخشونة

الله يشافيها ويشافي الجميع !

 

[katalee]

امين حبيبتي شكرا ,عالرد
للرفع’

 

[وسامي]

السلام عليكم
شوفوا بنات انا امي نفس المشكله بس تمشي وتتعب بسرعه واللي يتعبها اكثر خشونه برقبتها لدرجة حتي ماتقدر تلتفت وسمعت من رفيجاتي عن علاج جديدي نازل بالكويت وهو عباره عن قهوه وكركم وزنجبيل مخلوطين مع بعض بطريقه طبعا احنا مانعرف شلون يعرفون لها اهل الاختصاص لانها مخلوطه بطريقه علميه وقياسات معينه واسم الشركة زينو كافيه ولهم مندوب تدقين عليه وتشرحين لهم الحاله وهم يوصلون الدوا لباب بيتج وعموما اقص عليكم اذا قلت لكم يعالج الخشونه ميه بالميه طبعا لا مجرد يخفف الالم ويمارس حياته طبيعي جدا ولا كأنه فيه خشونه وان خلا العلاج ترجع له الآلام مرة ثانيه من واقع تجربه امي ويوم خلص وكلمت المسؤول قال الحل الوحيد عالميا لمريض الخشونة العمليه وبما انها ماراح تسوي العمليه انا انصحها تكمل علي العلاج علي الاقل يخفف عنها الالم وان مانفعها ماراح يضرها وردينا شرينا علبه ثانيه والحمدلله خف عليها الالم وترا والله يابنات اني مو مسويه دعايه لهم واني والله ماعرفهم بس سمعت بمعانات امهاتكم وحبيت اشارك بتجربتنا الناجحه مع هالعلاج وعلشان ماتقولون اسوي لهم دعايه ماراح اكتب الرقم اللي تبيه اطرشه لها علي الخاص وتكلمهم وتتفاهم معاهم

 

[وسامي]

نسيت ابين لكم الانواع اللي موجوده عندهم هي ثلاث انواع للخشونه وللحساسيه الجلديه وللربو مع تمنياتي لكم بالشفاء العاجل لكم ولجميع المسلمين

 

[جنتي نوف]

ماتشوف شر ان شالله
حبيبتي تركي منج سوالف الحريم وكريماتهم
اول شي روحي للدكتور عبدالناصر العثمان
وراح يطلب منج تحاليل. اتخص الخشونه
ونسبة فيتامين دال
وسويها بأي مختبر، مثلا الياكو
دكتور شاطر وفاهم
اهو دكتور غدد وهرمونات وعظااام

 

[katalee]

وسامي يعطيك الف شكر
جنتي نوف جزاكي الله الف خير وين مكانه ورقمه

 

[ام ريشه]

ماتشوف شر الوالده نصيحه الدكتور على المكيمي اكثر من رائع
او الدكتور العياف

 

[katalee]

ام ريشة الله يجزاكي خير العنوان والرقم الله لا يهينك

 

[ام ريشه]

الدكتور علي المكيمي رئيس قسم جراحة المفاصل والاصابات والرياضيه فى مستشفى الرازى هو اللحين بمستشفى المواساه وهذا رقمهم 25726666 دقي عليهم يعطونج رقم السكرتير وترسلين مسج عليه وهو بدوره يحدد لج موعد ع فكره كل اللاعبين يتعالجون عنده وللكسور علاجه رهيب ماشاء الله عليه
والعياف بس احصل رقمه بكتبه لج ونصيحه للوالده خليها تاكل حب الرشاد بالتمر مفيده جدا للخشونه لان الماده اللزجه بالرشاد تعوض نقص السائل بالركب

 

[WAAAW]

ما قصروا البنات

 

[katalee]

waawجزاج الله خير

 

[exanon]

الله يشفيها و يعافيها
حبيبتي لازم طبيب

 

[katalee]

اكسانون جزاج الله خير

 

[katalee]

ام ريشة المجيمي كله فل صعبة المواعيد لازم تحويل

 

[مطيريه ميه ميه_]

اب اب

 

[Ranoon]

اب للموضوع

نبي معالجين شعبيين يعرفون سواء بالكويت او السعودية ..

لأن مومعقولة خشونة تسبب تعب بالاقدام وتخلي المراة ما تقدر تمشي !!!
حالة غريبة صراحه

حتى دكاترة يقولون خشونة مالها شغل بالممشى !

 

[أبله شقحه]

شوفي انا رجلي من التدريس صار معاي خشونه
شوفي الله يبيض وجهها مذهله هالمره مهما اتكلم ماكفي حقها وجمايلها نصوحه
عطتني وصفه :
تقولي ابشري زنجبيل ونقعيه في زيت سمسم ساعتين ثلاث
وحطيتها يابنات سحر وربي حلوة وحيل ارتحت

 

[diamond doll]

اهم شي الحذاء يكون مرييح وناعم ودلكي ريولها بزيت زيتون ان شاء الله يريحها