ام خالد المطيرية

[الحيرة12]

منو مجربة دويات ام خالد المطيرية الي بيتها باشبيلية تكفون ردوا:krkrkr: ابي وحدة مجربة علاج الخوى

 

[fofowa_q8]

ماعندي فكره والله

بس حبيت ارفع موضوعج

 

[احلى^فراولة]

اهيا تردد ولا تمرخ

 

[كويتيه بالرياض]

اهي شنو عندها بليززز افيدينا
ومشكووووره
انشالله البنات يساعدونج

 

[bent_m6eir]

والله اول مره اسمع عنها
انا أعرف ام عامر الجبليه إللي بالاندلس

 

[جاكم الزين كلة]

السلام عليكم
والله ما اعرفها بس اعرف ام محمد الرشيدي اللي بالفردوس قطعة 5 كل واحد يعرفها بيتها عند البراحة اللي عند المدرسة اول ما تجي البراحة يمينج وروضة الياسمين يسارج اخذي اول لفة يمين بيتها يجي على اليمين لونة اصفر ماشاء الله عليها ايدينها خفيفة الله يطول بعمرها ويذكرها بالخير ما قصرت معاي كل شي تعرف اذا صادة ارحامج او عليج الدورة وتعورج او فيج صدد وكل شي

 

[الحيرة12]

ابسألك جاكم الزين كلة كم رقم تلفون ام محمد الرشيدي وانتي مجرة علاج الخوى عندها او تعرفين احد مجرب

 

[HERMITAGE]

للرفع

 

[bdora]

والله اذكر اختي كانت تاخذ ادوية نفاس منها بس قبل سبع سنين تقريبا وكانت تمدحها

 

[الحيرة12]

تكفون ابي اعالج الخوى الي عندي ذبحني الهوى ما خليت شي ما سويتة ابي مره تعالجني بي تكون ثقة وباسالكم عن غنوة ستايل الي معنا بالمنتدى في احد مجرب التمرة العجيبة الي عندها تكفون ردو انا حيل محتارة تعبت والله والله والله تععععععععععععععععععععععععبت وتعبتتتتتتتتتتتتتتتتتتتتتتتتتتتتتتتتتتتتتتتتتتتتتتت نفسيتي

 

[الحيرة12]

ليش ما تردون علي انا تعبانة نفسيا بسبب الخوى الله يبعدة عن بنات حوى كلهن يا رررررررررررررررررررررررررررررررررررررررب

 

[سرقت النوم]

الحيره إشفيج مكتأبه يا عمري ...

انشالله البنات ما يقصروووون بس إستهدي بالله و تعوذي من إبليس و امتنعي عن الليمون
الغازيات
الباميه

البارد بالليل متأخر يعني لاتشربين شي بارد قبل النوم

و سوي الشوربه هاذي و قبل الوجبات الرئيسيه يعني قبل الغدا و العشا إكلي صحن منها مع قفشة فلفل أسود
الشوربه

كوب ماش منظف و منقوع عدل مدل ... بقشره
بصله وسط مقطعه
كركم
و كيس شوربة ماجي الدجاج بالشعريه

حطي البصله مع شوية دهن و حمسيها شوي حطي الكركم و الماش و حمسي شوي و عقب حطي كميه مناسبه من الماي كانج بتسوين شوربة ماجي .. خلي الماش يفوح لين يستوي و عقب زيدي قلاص ماي و حطي الماجي بالدجاج و الشعريه .. و خليها لمن تستوي
إخذي صحن واحد مال الشوربه و الباجي حطيه بالثلاجه

هالكميه تكفيج يومين يعني 2 غدا و 2 عشا
و كل ما خلصت سوي سهله ما تحتاج شي و لاتحطين ملح ما تحتاج ...
بس قبل لا تشربينها حطي معاها كميه من الفلفل الأسود يعني قفشه صغيره أو للحد اللي تتحملينه اول شي تاكلين هالشوربه عقب إكلي غداج أو عشاج بس ديري بالج بدون الممنوعات ...

شوفي حبيبتي هالوصفه من جدتي الله يطولي بعمرها والله تهبل شويه عليها طبعا نفس الوصفه بدون الماجي ينحط معاها عيش بس لأن آنا ما أبي يزيد وزني و أسهل بالحفظ هالطريقه ...
بالنسبه لج إذا التزمتي عدل والله بتلاحظين الفرق و أهم شي تبخري بخوا جوا وقت الدوره و الممنوعات إذا هفتج نفس و متي تاكلين شي منهم إكلي بس مو كمية كبيره
و مو بالدوره ديري بالج ..

و إذا دشيتي الحمام و إنتي بكرامه تعصري حيييل و ضغطي بطنج و إنتي عالإفرنجي راح تطلعين الغازات صدقيني ...

كثري زعتر و دارسين و المشروبات الدافيه ...
لا تقولين عجزانه و مالي خلق و لا ما أدري شنو ... جربي نصيحتي والله ما تحتاجين شي غير الإلتزام ...
و إذا لقيتي وحده تمرخج أحسن و أحسن ..
و طمنيني عليج ...

 

[الحيرة12]

الخوا هو خراب المره وهو خروج هوا وافرازات من المره الله يكفيييييييييييييييييييييييييييييييييييييييييييييييييييييييييييييييييييييييييج شرة من قلبي ادعيلج والله

 

[الحيرة12]

جززززززززززززززززاك الله خير (سرقت النوم)والله حدي مكتئبة ومتضايقة ومدري شسوي حدي تعبانة بس بجرب طريقتك بس تكفين اسالي بعد عن علاج خوا الرحم مع جزيييييييييييييييييييييل الشكر

 

[ام عفاف الكويت]

http://q8yat.net/showthread.php?t=176112

هالموضوع يفيدج ياقلبي

 

[@شمس الضحى@]

ليش ما تردون علي انا تعبانة نفسيا بسبب الخوى الله يبعدة عن بنات حوى كلهن يا رررررررررررررررررررررررررررررررررررررررب

سلامتج مالج شر روحي حق ام فارس بالصباحية
وادعي لي

 

[الحيرة12]

سلامتج مالج شر روحي حق ام فارس بالصباحية
وادعي لي

الله يعافييج كم رقم تلفون ام فارس الي بالصباحية وهل هي مضمونة في علاج الخوى لاني تعبت من الحريم الي نهبونبني وماحصلت العلاج:krkrkr::krkrkr::krkrkr:

 

[سرقت النوم]

عمري حياج الله و إنتي إختي أفا عليج ..

جربي اللي قلتلج عليه و إمتنعي عن الممنوعات ... و مو اي شي تعطيج اياه مره تشربينه و لا تحاميل تحطينها...

ديري بالج ...

و الله يشفيج يارب ..

و آنا تأكدت من جدتي...

و قالتلي شغله يمكن ما إنتبهتي لها ...

احيانا ما يفيد بخراب المره و الخوا .. الا شي واحد الحماله ... يعني الحمل ...

لأن يغير بطانة الرحم .. و النفاس الصح 100%

إهو الحل الوحيد في بعض الحالات ... و ترا جدتي خبيره بهالسوالف و تقول أحيانا المره اللي تاخذ دويات على الدوره على غير سنع تنقلب عليها السالفه و تخرب..

 

[الحيرة12]

(سرقت النوم)جزاك الله خير بس اسالي جدتك الله يطول بعمرها شنو الادوية الزينة الي تسنع المره والله يعلم اني تعبت وتعبت نفسيتي ولا اقدر اشكي لا حدي متوهقة ومدري شسوي الله المستعان

 

[ام ناييف]

جربي تلهمين مسمار مطحون بودر مقدار ملعقة صغيرة وقت الدورة احسن وقت بالليل علشان الطعم
وشوفي الهوا اللي بيطلع منك
ونفسي عمرك 3 دورات متتالية لانها تعادل نفاس
وراح تتعدلين ان شاء الله
بس البسي ملابس ثقيلة وقت الدورة اهم شي تعرقين واشربي كل شي حار ودافي
وابتعدي عن البارد حتى الماي اشربي من الفلتر وقت الدورة
وكثري الفلفل الاسود في الاكل والمسمار حتى بالقهوة

وان شاء الله مالك الا العافية
ولا تنسينا من دعاءك