ام ريلي تغيرت علي 180 درجه أبيكم تساعدوني بلييز

[نزغه كويتيه]

عندنه وعندج خير
ياربي أنا مادري هالخالات ليش جذي يعاملون حريم عيالهم جنه بينها و بين البنت ثار وبتاخذه
ما اقوول الا الله يعينج على ابد مو هينه تشيش ولدها اول باول

 

[ДlИООЯУ]

شوفي حبيبتي بقولج تجربة بنت خالي بالضبط

تغيرت عليها خالتها مرة وحدة قامت تشيش ريلها عليها

وتقط عليها نغزات

وبحكم كبر العمر حق خالتها وتجربتها بالحياة وبماأن بنت خالي صغيرة عمر تقريبا بعمرج

كانت دايما اللي تفوز اهي خالتها ودايما المشكلة تقلب على راس بنت خالي ........

حتى ان بنت خالي بدت تكره خالتها وبعد مدة كانت بتوصل المشاكل للطلاق.....

تقول بنت خالي وقفت شوي وتأملت وفكرت وقلت مايصير جذي ريلي

وااااايد زين ويحبني وانا اموت فيه وخالتي وحدة تغار على ولدها وغيرتها مريضة اخلي غيرتها تخسرني

حياتي مع ريلي وتخليني اتطلق ويخترب بيتي..........

تقول قعدت أحوف ريلي حوف شقتي كل يوم ارتبها وانظفها حتى لو تكيسلت اغصب نفسي

واخليها زي الوردة دايما شابة هالبخور وهالعطور ريحتهم تاصل لي تحت مرتين باليوم

ريلي ملابسه عندي اهم من ملابسي مستحيل مايلقى الكبت مرتب وملابسه كاملين وملابس دوامه

مرتبين حتى دلاغاته وانتي بكرامة اول بأول أرتبهم...........

تقول عكس قبل كنت كسولة ومسكت خالتي علي هالممسك تقول بيتي كل ماتدشه خالتي او ريلي يكون نظيف

ومرتب ويفتح النفس .....................

وثاني شي سويته واهو الأهم كل ماتقط علي قطة او كلمة حتى لو ريلي مو موجود ابتسم لها تقول

وصلت فيها الحالة الى ان تغلط على ناس يعزون علي تقول وامسك روحي مااعصب ولاشي وكأني

ماسمعت ....... وتقول مستحيل اسبها او اتكلم عنها او احرش ريلي عليها ومستحيل افتح موضع يخصها

جدامه اللهم ابين نفسي شوي حزينه شوي بس ولما يسألني شفيج اقول مافي شي حبيبي شوي

متضايقة فهو يحس ان هالشي مأثر علينا ......

تقول اهي تسوي جذي عشان اعصب عليها وريلي يطقني او يطلقني ......... وتقول وانا ماكأني اسمع ولا كأني اشوف

شي دايما انزل عندها كل يوم عشان ماتحرش ريلي علي بس اني ماأطول اقعد عندها ساعة ساعة ونص

واصعد فوق اقول برتب الشقة خالتي اسمحيلي...........

وتقول بنت خالي ريلي دايما شايلته فوق راسي ودايما مبتسمة له وصاينته وقايمة بكل واجباته وم مخليه عليه قاصر .....

وتقول ولما تحرشه أمه علي أقول أفهمه الموضوع واحلفله بدون ماأغلط على أمه وأبرر لها واقوله وي

خالتي شكلها فاهمة غلط حبيبي بروح اخذ مابخاطرها ..... ووالله اروح يمها واقول بقلبي بحتسبه اجر لي وهي مرة عيوز

باخذها على قد عقلها وارح يمها وابوسها على راسها واقولها تامرين على شي خالتي ......

تقول المهم ريلي صار مايصدق احد ولايلومني على شي ولايسمح حق احد يغلط علي صج اني تعبت مدة سنتين بداية

حياتي الزوجية بس عقب ارتحت وريلي حاطني فوق راسه ...........

هذا اللي صار حق بنت خالتي بالضبط تعلمي منها حبيبتي

والله يعينج ويسخر لج ريلج ويكفيج شر من له شر .......

ماشاء الله كفيتي ووفيتي .. تسلم ايدج على هالكلام الطيب :eh_s(15):

 

[فراولة قلبها]

مشكورين حبايبي وماتقصرون وراح اخذ بنصايحكم

 

[shak!shoka]

شفتي الاخت " لمى"
والله اذا طبقتي كلامها و نصيحتها خالتج راح تطخ و تفج

سألي مجرب

اهم شي
شقتج
و ريلج


لااااااااااااااااااااااااااااااااااااا تعطينها فرصه تمسك عليج ممسك

ولو يابت سجينه و حطتها برقبتج لااااااااااااااااااااااااااااااااااااا تشتكين عند ريلج ابببببببببببببببداااااا<<<<هاذي اهم نقطه
مو القصد منها تبلعين موس بس والله شوفي شلون ريلج راح يقارن بين امه الي 24 ساعه تشيش و تتحجا فيج و بينج انتي ساااكته و ما تييبين طاريها

واذا ناقشج بموضوع يعاتبج علشان امه قوليله خالتي حبيبتي و حسبة امي
وجدامه سوي حركات عياره بالسوق مثلا او بالجعيه قوليله خل ناخذ حق خالتي شي
والفلوس فلوسه بالاخير انتي مو خسرانه شي


الله يعينج
موفقه

 

[فراولة قلبها]

انشالله ومشكوره حبيبتي

 

[روبنزيل]

اعتقد ان الأخت لمـى كفت ووفت يزاهاالله خير

والله المستعان

 

[om-3azo-83z]

كلام لمى و بنت خالتها 100% صح طبقيه و اخذي اجر بخالتج و ريلج

 

["Om 3AzOoZ"]

حبيبتي الله يعينج في ردوود وايد حلوه استفيدي منها وانتي وشطارتج.

 

[GOLDEN_FISH]

الحموله لو شنو تسوين ماكو فايده حلات الوحدة شايله نفسها تصير عزيزة وغاليه وبالنهايه ماراح يدوم لج ان شاء الله غير زوجج

 

[nano]

شوفي حبيبتي اغلبية الامهات يغارون على عيالهم شوي عشان كذا افضل دوم الوحده تعرس وتروح قلعة وادرين انشالله بس بعيد عنهم حتى لو حليوين مانبي مشاكل وخالتك مالها حل غير انك تصفطينها وتنسينها من الوجود بعد ولاتحطين لسانك لسانهاالفه سلمي عليها بوسي راسها عشانك متربيه حبيبتي ولاقالت شي انشالله وبس هالاسلوب جد ينفع معهم والله يهديها

 

[ام اغلى الناس]

نفس ما قالوا
الهدايا لها دور كبير
واسكتي لاتردين عليهم
وان قدرتوا اطلعوا وخلوا زوارتكم كل جمعه

 

[الشيماآاآاء]

حبيبتي انا عندي لج نصيحه
بس اول شي جاوبيني على هالاسئله


خالتج عندها بنات ولا بس اولاد ؟؟

انتي اول جنه ولا عندج حريم حموان ؟


انتي حامل ولا لأ؟؟

جاوبي ولي بااك عجييب

 

[over love]

الحل بمنتهى البساطه أهتمي بزوجج حيـــــــــــل وتسنعيله ورتبي شقتج وخلج شقرديه ولاتيبيله سوالفها ابدا خل يسمع بس منها

وهيا حقريها مهما تسوي مره كبيره وعليج بالدعاء ان الله يسخر لج ريلج وصدقيني مع الوقت بيعرف العله من منو

 

[^noonaa^]

الله يعينج عليها

ميخالف حاولي تكسبينها وشوفيها شنو اللي امزعلها منج

يمكن انتي امسويه شي من غير قصد وحطت ابخاطرها

 

[Patcholli]

الله يعينج ..الحل انج تتجنبينها ولاتحطين هالامور براسج دايما سكتي وتجاهلي حركاتها لان اهي تبي تولعها بينكم بس لاتعطينها المجال !!

 

[فراولة قلبها]

حبيبتي انا عندي لج نصيحه
بس اول شي جاوبيني على هالاسئله


خالتج عندها بنات ولا بس اولاد ؟؟

انتي اول جنه ولا عندج حريم حموان ؟


انتي حامل ولا لأ؟؟

جاوبي ولي بااك عجييب

امبلا عندها 4 بنات وكان عندها ولد اصغر من زوجي وتوفى بحادث

اي انا اول جنه لانه ولدها الثاني مو متزوج

لا لي الحين ماحملت...

 

[فراولة قلبها]

مشكورين بنات والله ماقصرتوا ربي يوفقكم وينور عليكم حياتكم دنيا واخره

 

[فراولة قلبها]

UP up UP

 

[shy rose]

الله يعينج
حتى لو ببيت بروحج
ماتخليكم

 

[نشيج الروح]

شكلج مطيحة الميانة معاها وتطقين باب غرفتها عادي
لا حبيبتي خليج رسميييية وإن حصل وقدرتي تطلعين بشقة احسن
ولا تنزلين تحت عندهم وايد وعشان ما تقول مرتك ما تنزل وما تسلم لا تطولين قعداتج عندهم خليها عالطاير وبالكثير ام عشر دقايق بس هالجم دقيقة لا تتكلمين الا بما قل ودل وابتسمي ولا تراددين ولا تطلبين اييي شي منهم حتى لو عود أذون لا تطلبين
ولا تخلينها تشوف شنو يايبة وحاطة يعني بس ان سألتج وين رايحة قولي لها مشوار وتامريني على شي
وشغلي محاضرات عن الزواج جدام ريلج يسمع معاج وانتي سمعي عشان الكل يستفيد ونفس ما قالت الاخت لا تقصرين معاه بشي