ام ريلي طردتني من بيتهم

[جنه من الكويت]

بلييييز بنات عطوني رايكم ، خالتي ام ريلي اطردتني من بيتها وقالتلي لا ادشين لا انا ولا عمج نبيج والسبه انه علي بالها انا مشيشه ولدهم عليهم بس انا والله مالي شغل بالموضوع كلش يعني انطردت من حرتهم ، المهم شنو اسوي الحين وانا بصراحه قلت ابركها من ساعه فكه بيتهم مافيه الا المشاكل وقلت حق ريلي اذا امك ما تعتذر مني ما ادخل بيتهم

 

[iLLuMinaTion]

الله يعينج

 

[فاقده ابوهاااا]

اووووووووخ طرده مره وحده الله يعينج بالنسبه لي احسها قويه وايد بحقي وبكرامتي يمكن في بنات يقولون مره عوده او كانت بلحظه غضب بس بالنسبه لي اعتبره شي كبير واكيد ما ادش البيت الا بأعتذار

 

[دلوعه ززوجي]

حبيبتي عادي نفس امج بس اذا قلتي خاليه تعتذر قويه بحق وبحق امه

 

[جنه من الكويت]

حبيبتي السالفه انا ما قلتها ، بس بمختصر ذكرت، ريلي تهاةش مع اخته وبقي يطقها وامسكوه ابوه وامه وانا قاعده اجبالهم يعني مالي شغل بالم
وضع نهاييا ، خالتي راحت تقةل حق ريلي انت طقيت اختك مرتك شيشتك طيب اشلون اشيشه وانا جبالكم قاعده

 

[حجيه هيونه]

بعدي عنهم شوي لين تهدا الامور يمكن الله يهديهم

ونصيحه لا تضغطين ريلج يخلي امه تعتذر ترا صعبه عليه


الله يسخركم لبعض

 

[أم سليمان دشتي]

حبيبتي الغالية

حطي امج مكان ام ريلج ومرت اخوج تبيها تعتذر لها هل راح توافقين؟
اكيد لأ لان لو مهما كان هذي أم لها هيبتها وقدرها وغير جذي صعبة حيل وحدة بعمرها تعتذر لج
مع العلم انتي مو غلطاننة وظلموج يا حبيبتي

بيني وبينج نصيحتي لج ... اول شيء انتي لا تتكلمين مع زوجج بهل موضوع بطريقة استفزازية
ولو مهما كان الي مافيه خير لاهله ما فيه خير لج بالاخير

روحي لأم ريلج واعتذري منها وكسري عينها بطيبة قلبج واخلاقج
وقوليلها يما انا ييتلج اعتذر ومالج الا طيبة الخاطر
والموضوع بين فلانة وفلان انا ما تدخلت وانتي جدامج صار الموضوع

وحاولي تشترين رضاها دخلي عليها بشيء بيدج هدية بسيطة واشتري رضاها
اولا واخيرا بتكسرين عينها وبتحس بغلطها وبتبينين لها معدن
وثانيا والله بتكبرين بعين زوجج حبيبج وبتحسسينه بكبر عقلج وقيمتج

وبعدين حاولي تقعدين مع اخت ريلج وقوليلها حتى لو اهيا على صصح او غلط
قوليلها لا تراددين الريال واهوا يعصب لانه ريال وحار بطبعه
ومايرضى بنت لو حتى كانت اكبر منه تتطاول عليه
خل تطيب الانفس بين الاخت والخو وقوليلها لما يهدى قعدي وناقشيه
بيتقبل منج اكثر وجهة نظرج وبتبتعدين عن المواجهه الي عادة المراة تطلع منها خسرانه
مو لانها غلط بل لان اغلب الرياييل تفكيرهم صغير ومحدود

نصحيها واتمنى تقبلينها وباسلوبج العسل الي نفسج تشترين حمولتج

 

[إبتسامهـ]

يمكن عصبت وماعرفت شتقول قالت هالكلام

مهما يكون اهي مره عوده لاتزعلين منها

 

[سمو الغلآ]

لاحول ولاقوة الابالله


حبيبتي لاتشرهين عليها مره كبييره احترمي سنها وطووفي ..,

 

[منو انت]

قولي السالفه كامله علشان نحكم

بس بشكل عام ام الزوج يعني خط احمر لو شنو تسوي ماانطر منها تعتذر لي اقل شي ممكن ازعل فتره بس اني اطلب انها تعتذر مستحييييييييييييييييييييل اقل شي علشان خاطر زوجي

 

[є 3 τ и α q]

ابعدي عنها هالفتره
لين تهدى الآوضآع عندهم


صحيح مَ لك ذنب بَ اللي صار ..
بس ممكن تفكير الام كذآ .. فلآ تلومينهآ ..



موقف بنتها تنطق من اخوها عندك حده صعب ..
الله ييسر لك .. ويستر عليك

 

[ريشة بيضاء]

فترة وتزول ان شاءالله بس ديري بالج ترى زوجج مرده لأهله 000يعني موتقاطعينهم 00ويصير الغلط راكبج ويطلع زوجج بالزينة وانتي بالشينة

 

[واي بفضفض]

طيعيني لا تفتحين الموضوع مع ريلك بتااااااااااااااااااااتا

وخلاص عيشوا بره اريح لك واريح لهم

وكأن شي ما صار ديري بالك تحنين على ريلك

وسالفة الأعتذار شيليها من بالك

 

[الشهد كله]

حبيبتي انتي مشيشة ريلج وخالتج طردتج من البيت

طيب ريلج شنو دوره ؟؟؟؟؟؟؟؟؟؟؟​

 

[شافوك بحساسي]

الله يعينج
بس حااولي تصلحين الامووور وتوضحين لهم انج مالج دخل بالتشيش
واذا كلش ماافي تفااهم بينكم خلاص حااولي تتجنبينهم ​

 

[عمرى شقا]

وليشً كنتى قاعده وتتفرجييين ؟؟؟؟؟

ليييش ماحاولتى اتدشين بينهم واتحاولين تفكين اخته منه بدل مانتي تتفرجين
أكيد بتحقد عليج يوم اتشوفج جذي

 

[شوشيتا]

^^ +1
فعلا انا لو بشوف زوجة اخوي تطالع فيني وساكته اكيد بقول هي اللي مشيشته علي انتي حطي نفسك مكان البنت والام راح تعذرينهم اكيد
وبعدين الله يهديك تبين حرمه كبيره تعتذر لك اصلا من غلى زوجك المفروض ماترضين بهالشئ
وصدقيني لو تتحاملين على نفسك وتروحين لها وتثبتين لها انك مالك علاقه بتكبرين بعين زوجك وهو اللي دايم لك ان شاءالله وبيقدر هالموقف
>> ومن راايي اذا تشوفين تتشات بين الاهل الاحسن انك تغيرين مكانك اذا كنتي ماراح تفرقينهم على قولتهم ابعد عن الشر وغنيله

 

[جنه من الكويت]

انا ما تدخلت وما سلمت لو بدخل بتصير قصه ثانيه ، بالعكس ريلي قالي احسن سويتي ساكته لاني لو تدخلت جان انطقيت معاها

 

[غير كل الناس]

خلاص هو اللي يحل المشكله وانشالله اتراضون

 

[انوثتي غير وياك]

قولي حق ريلج ياخذلج شقه
اذا ما قدر ردي البيت ولا تكلمينها نهائيا
واذا ما عندج اعيال تطلقي