ام ريلي طردتني من بيتهم

[شذا الياسمين]

بعدي عنهم شوي لين تهدا الامور يمكن الله يهديهم

ونصيحه لا تضغطين ريلج يخلي امه تعتذر ترا صعبه عليه


الله يسخركم لبعض

معـــــــــــــاها ..

 

[تخيل اعطيك وجه]

الله يسامحها !!

 

[y7lok_7loho]

والله الى اشوفة انج تهدين الامور وتنطرين الى ان تطخ امة وتروحين لهاا اكيد سوء تفاهم

مو لازم اعتذار

 

[engnera]

فترة وتزول ان شاءالله

 

[أم الأسلوب]

قوليلها كل طير ياكل من من منقاره قلبي ويهج

ربيت وكفيت ولغيري صفيت والله خووووش

 

[ام داليا07]

حبيبتي الغالية

حطي امج مكان ام ريلج ومرت اخوج تبيها تعتذر لها هل راح توافقين؟
اكيد لأ لان لو مهما كان هذي أم لها هيبتها وقدرها وغير جذي صعبة حيل وحدة بعمرها تعتذر لج
مع العلم انتي مو غلطاننة وظلموج يا حبيبتي

بيني وبينج نصيحتي لج ... اول شيء انتي لا تتكلمين مع زوجج بهل موضوع بطريقة استفزازية
ولو مهما كان الي مافيه خير لاهله ما فيه خير لج بالاخير

روحي لأم ريلج واعتذري منها وكسري عينها بطيبة قلبج واخلاقج
وقوليلها يما انا ييتلج اعتذر ومالج الا طيبة الخاطر
والموضوع بين فلانة وفلان انا ما تدخلت وانتي جدامج صار الموضوع

وحاولي تشترين رضاها دخلي عليها بشيء بيدج هدية بسيطة واشتري رضاها
اولا واخيرا بتكسرين عينها وبتحس بغلطها وبتبينين لها معدن
وثانيا والله بتكبرين بعين زوجج حبيبج وبتحسسينه بكبر عقلج وقيمتج

وبعدين حاولي تقعدين مع اخت ريلج وقوليلها حتى لو اهيا على صصح او غلط
قوليلها لا تراددين الريال واهوا يعصب لانه ريال وحار بطبعه
ومايرضى بنت لو حتى كانت اكبر منه تتطاول عليه
خل تطيب الانفس بين الاخت والخو وقوليلها لما يهدى قعدي وناقشيه
بيتقبل منج اكثر وجهة نظرج وبتبتعدين عن المواجهه الي عادة المراة تطلع منها خسرانه
مو لانها غلط بل لان اغلب الرياييل تفكيرهم صغير ومحدود

نصحيها واتمنى تقبلينها وباسلوبج العسل الي نفسج تشترين حمولتج

الصراحه كلامها عين العقل :eh_s(15):

 

[PuPa^^SWeeT]

لا تفتحين الموضوع مع ريلج بتاتا


خلاص لاتروحين لهم


لين تهدي الامور و يعرفون السالفة عدل


واذا انتي مو مشيشة ريلج على اخته

شناطر اهوو علشان يقووول ماشيشتني ؟؟؟


ترا مو بس خالتج بالسالفة وين موقف ريلج ؟؟؟؟؟


ليش مايقولها والله مو اهيي اللي مشيشتني


؟؟؟؟؟؟


ليش مايقول

 

[ورد]

شنو ما عندها كرامة البنت ؟ من قال ام الزوج حسبة الام ؟ ما فيه احد زي الام ولا في مكانتها ،، وترى زوجة الولد مو ملزومة بام زوجها ،، احنا نزورها ونواصلها من طيبة قلب واخلاق .. بس ما فيه دليل يقول لج احسبيها حسبة امج وتقبلي منها كل شي ،،، هذا شي

الشي الثاني ،، من قال الكبير ما يتحاسب على تصرفاته ؟ لا مسؤولة عن تصرفها وملزومة باعتذار .. يعني المرة قاعدة قدامها وش تبغاها تسوي ؟؟ تتمشكل مع زوجها عشان اخته ؟ خييييير ؟ هم اخوان مشاكلهم مع بعض ، زين ما سوت ما تدخلت لان ما لها حق تتدخل ،، ولو تدخلت صارت طرف في المشكلة وبتتمشكل مع زوجها ،،

بكيفها اعتذرت ما اعتذرت شي راجع لها ،، البنت ان بغت تروح مرة ثانية هم شي راجع لها ،، اما تروح تعتذر لها خيييييييييير ؟؟؟؟ مو غلطانة في اي شي عشان تمسح كرامتها في الارض ..

 

[tt2tt]

ما فهمت السالفه

 

[aldanaha]

مرة عوده وعصبت عادي
ومره كبيره تعتذرلج جايده
انسي وانطري جم يوم وروحي لها

 

[وردة الدوحه]

اسمحيلي حبيبتي مافيه دخان من غير نار يعني لو كنتي طيبه وحليوه مع خالتج وعمج وحماتج ما كان اتهموج هالاتهامات الباطله
اكيد شايفين منج تصرفات تخليهم يتهمونج
وانتي ادرى صح

 

[جوري 2007]

لا تروحين الا اذا ردت العلاقات

 

[اليوم السابع]

حبيبتي لا تنطرين الخاله تجي تعتذر. لج روحي لبيتج قبل لا يجي اليوم اللي يقولج ريلج روحي اعتذري لامي ولا ما اردج وقولي ما قالته مره واذكرج ترى هاليومين السالفه هذي منتشره الخاله والحموات يغلطون على الزوجه والريل يشوف كل شي بعينه ولا يحرك ساكن لا وبعد ازيدج من الشعر بيت اذا الزوجه انطردت او زعلت وراحت بيت اهلها من الضيم اللي شافته يقولها ما اردج الا اذا تأسفتي لامي وخواتي

 

[ام ريماس خوخه]

الله يهديكم لبعض ااانتي وخاااالتج اميييييييييين

 

[زوجة عزيز]

ريلج وينه واشلون يرضى اتطلعين من بيته اذا جذي خليه يطلعج بشقة

 

[كليجا القصيم]

لاحول ولاقوة الابالله


حبيبتي لاتشرهين عليها مره كبييره احترمي سنها وطووفي ..,​

 

[انصاريه قمره]

يبه تبين الحل لا تدق تعتذر ولا انتي تعتذرين اكسي عليهم خلاص دام انه كل ما سواا ولدهمشي قطوه براسج خلج بعيده لا تزورينهم ولا شي ولا تنطرين اعتذار من احد عيشي حياتج وارتاحي

 

[el7ob Klah]

اخذيها فرصه انج تسكنين معاه بروحكم بشقه

اذا كان قادر ع الاجارات

ولاتقولين له خل امك تعتذر مني

لانها صعبه عليه وكبيره بحقه هذي امه تاج راسه

ترضين امج تروح بيت اهل مرت اخوج وتتأسف لها ؟؟؟!

طبعا لا

لانها مره عووده ماتروح تتأسف حق بنت صغيره ولانها امج ماراح ترضين عليها

اهو نفس الشي بس يمكن امه راح تتصل عليج وتقولج ردي بيتج عند ريلج

وانتي انقطعي خليهم يحسوون انج زعلاانه ولج كرامتج

 

[دلولي]

حبيبتي خليك بعيده شوي وبعدين ردي وخليك رسميه جدا في معاملتك معاهم يعني اذا راح لهم زوجك روحي معاه اذا قال خلاص بطلع اطلعي وياه فهمتي اذا قالو لك اجلسي شوي تعشي ومن هالكلام قولي ودي بس مشغوله وتعذري باي عذر ديري بالك تقعدين اليوم او دوم المره هذي بتطردك والمره الثانيه ماتدرين وش بتسوي على شان بناتها انا ماشيشك عليها بس هذي الطريقه احسن لك وبعدين لاتكثرين روحاتك لهم يعني مره بالاسبوع كافي

 

[هذا مزاجي]

خلاص خليها تولي ام المشاكل