ام ريلي طردتني من بيتهم

[" ام حمود "]

والله ماادريء أحس السالفه قويه تتعلق بالكرامة !!
يعني طرد سالفه صعبة حييل ..
المهم ريلج شنو قال تكلم ع الموضوع اذا اهوه بطل الموضوع انتي سكتي سمعيه
لا تتهاوشين معاه ومالج دخل
بس انتي مالج دخل بالسالفه شكو تطردج الحمدالله والشكر بس
نطريء انتي شوفيء يمكن يهدي الوضع عندهم كل بيت له مشاكل يمكن راح تكلمج وتطيب خاطرج بكلمتين وترد الامور مثل قبل
الله يهديهم بس ..

 

[توتة خلود]

حبيبتي سمعيني عدل وانا اختج اخذيهامني وقولي توتة خلود. ما قالت.

اولا: خليج مثل ما انتي ويوم زوارتج لا تقطعين وخليج طبيعية جداً ولا يتغيرشيء يعني كنتي تزورينهم مثلا يوم اليمعة وتتغدين معاهم وتييبين طبق خليج. على. هالحال لا تحسسينهم انه فعلا انتي مشيشة ريلج

ثانيا: تحملي الي بييلج من حجي ومن نغزات مردهم بيقولون فلانه حليوه ياما سوينا وسوينا فيها وحتن طرده وطردنها بس بنت اصل

ثالثا: مهما كان كلمي ريلج قوليلة وساحليه يخف عن اخته وشوي شوي اذا قدرتيله يدق عتذر من اخته وانتي سوي غدا حتن لو غداكم العادي ودقي على حماتج وقوليلهااخوج فلان يقول حياج. وناطرينج. على الغدا او العشا.

حتن لو ما رضا يدق. ويتاسف منها انتي طخخيه من ناحية اخته وسوي كل هالشي وكسبي. حماتج صوبج. لارضت. عليج أمها بترضا عليج

وانت بعد كل ما تشوفين حماتج قولي حق عيالج. جدامها فلان بوس. راس عميمة. جذي حتن لو تسمعينه حجي بس

ومالج شغل بسوالف الي يشيشونج. كبري عقلج وكبري بعين ريلج وعمج وحمولتج

وانسي سالفة امه تعتذر منج حتن لو فعلا غلطانه


والله يهدي سرج*

 

[توتة خلود]

اسمحيلي حبيبتي مافيه دخان من غير نار يعني لو كنتي طيبه وحليوه مع خالتج وعمج وحماتج ما كان اتهموج هالاتهامات الباطله
اكيد شايفين منج تصرفات تخليهم يتهمونج
وانتي ادرى صح

لا حبيبي أنا ما اتفق معاج بهالنقطه لعدة اسباب


1- يمكن ريلها وايد يحبها ومطيرها ومدللها حبتين وهالشيء باط جبدهم

2- يمكن بعد اهما ملاحظين انه بعض المرات ريلها ايأيدها وايد ويتفق معاها بأشياء جدامهم وعلى بالهم انها فارضه شخصيتها عليه

3- واهم سبب بعد الغيره اذا كانت الحماة تغار او خالتها وكل شيء يقطونه براسها

ويأما يااااااما. جناين طيبين وحليوين وتيهم التهايم مو شرط تكون مسوية شيء وانتي الله بالخير اخبر بغيرة الحيرم

 

[ELFAD3Ah]

الله يعينج

 

[جنه من الكويت]

حبايبي الكل يقولي طلعي بشقه انا اصلا بشقه بروحي بس اللي حصل بزوارتنا وبعدين الموضوع فيه تفاصيل وايد ما ذكرتها يمكن لو تعرفون التفاصيل اكثر بتقولون المفروض ينتفها ، اهي استفزازيه وانا اتحاشاها ، وبعدين اللي يقولي خالتي بحسبة امي المفروض مره بهالعمر يكون كلامها موزون مو خرابيط ما خلت علي ولاا بقت شرشحتني والله ماخلت علي انتي بخيله ما شفت شي من فلوسج ليش ماتسوين عزايم ليش ماتسوين عيدميلاد انزين انا ضد هالمبدا وما احب ، واهي بخيييييييييييييييله وثاني شي شكو تتكلم عن امي وتقول انا علي امي مو حنونه وامج بخيله وامج فيها وفيها اهي ماشافت من امي الا كل خير كافي امسكت عيالي وربتهم وانا اروح الدوام وتشتري حق عيالي علي طول وعمرها مابخلت عليهم وزوجي يدري بهالشي ، وثاني شي علي طاري زوجي شنو موقفه يقولي مابيج تدخلين بيت اهلي لنهم يحبون المشاكل وانا بصراحه استانست قلت فككككككه وللعم بنات هذي حماتي اهيه راعيه مشاكل يعني ريلي ماعصب عليها لنه ميمع لها من قبل كل وحده من جناينهم سوتلها مشكله كبيره ويروه وحسوده لنها مو مرتاحه بحياتها ، يمكن الحين وضحت لكم الصوره

 

[موت وميلاد]

محد يطرد بدون سبب راجعي نفسج شوفي شنو بدر منج

ولا تنسين

ادفع بالتي هي أحسن

 

[الشهد كله]

عيل اتبعي المثل اللي يقول

ابعد عن الشر وغني له

قطعي الزوارة

وإذا تحبين تواصلين واصلي بالأعياد ورمضان وإذا أي أحد منهم نام بالمستشفى لا سمح الله وكان الله غفور رحيم​

 

[منورة الكويتية]

في حلقه مفقوده بالقصه!!
والام ماراح تقولج هالكلمه مني و الطريج اكيد في تراكمات من قبل

 

[ام الحوراء زينب]

لاتدشين بيتهم الا لمن تعتذر منج شنو ماكو شغل ولا ماعندي كرامه

 

[FeShinGoOo]

فكــــــــــــــــــــــــــــــــــــه

وبطقاق اللي يطقهم

 

[مبرقعات]

الله يكون بعونج يا اختى والله حاسه فيج وعموما اغلب الحموات جذي ماتشوفون الافلام المصريه من ايام ابيض واسود والافلام كلها عن الحماة والواقع فى اكثر من جذي لاتستغربون نادر ما تكون ام الزوج حنونه وتخاف الله وتعمل لأخرتها حساب ام الزوج معروف عنها عدوة مرت ولدها اهم جذي منذ الازل يعنى دايم تحط فبالها انها ربت ولدها واسهرت وتعبت وبالاخر تجي وحده بارده مبرده تاخذه منها وتاخذ عقله وقلبه ومعاشه وكل شي فعقلية اغلب الحموات الله بالخير نصيحتى ابعدي عن الشر وغني له واسكني في شقه انتى وزوجج وبلا هالمشاكل وعوار الراس

 

[اميره1980]

قولي حق ريلج ياخذلج شقه
اذا ما قدر ردي البيت ولا تكلمينها نهائيا
واذا ما عندج اعيال تطلقي

حبيبتي
قل خيرا او اصمت
شكو تقولين لها تطلقي انتي صاحيه ؟؟ حلاتج ساكتة

 

[هيفاء ksa]

الله يصبرك
وبالمسايس تنحل الامور

 

[مس يونيك]

اب

اب

 

[منور الإماراتية]

الله يهدي القلووب من بينكم

 

[~ الــــزيــــن ~]

الله يعينج

 

[tunaQ8]

حبيبتي
قل خيرا او اصمت
شكو تقولين لها تطلقي انتي صاحيه ؟؟ حلاتج ساكتة

أنا معاك فى الراي :rerrerek::rerrerek::rerrerek:

 

[توتة خلود]

حبيبتي
قل خيرا او اصمت
شكو تقولين لها تطلقي انتي صاحيه ؟؟ حلاتج ساكتة

اي والله وانتي الصاجه يا حبهم للتشيش وخراب البيوت الله يعين لو قالت ريلي الي طردني مو امه

استغفر الله

 

[بوغاتي88]

شوفي حبيبتي اذا هم صج غلطانين بحقج الاحسن انج ماتروحين / واذا ظالمينج قولي هالاية فدعا ربه اني مغلوب فانتصر ففتحنا ابواب السماء بماء منهمر دايما كرريها وراح تشوفين عجايب

الله يهدي النفوس

 

[.. مـــلاكـ ..]

الله يعينج