ام سعد الصليبية

[.>حــــــــ(و)ـــراء<.]

اشدعوه ليش 2500 !!!!!!!!

واضح انها نصابه

والله ينخاف منهم هالحريم

 

[دنياالوله]

اش دعوه
2500
اسوي فيهم حقن مجهري مرتين واييب توم
بإذن الله ولا اقطهم على هالاشكال

 

[ورود خذلتها العاصفه]

انا مرت اخوي عالجت عندها قبل 16سنه وكانت مرت اخوي ميؤوس من حلتها واخوي تزوج وجوه عيال بس لما عالجت عندها حملت وجابت ولد تبارك الركمان عليه عمره14سنه الله يخليه لامه وانشهرت من عالجت مرت اخوي بس الحيين حدها غاليهوانا قلت اللي اعرفه عنها وتقبلي مروري

 

[فتكات بنت كيداهم]

شلونكم بنات بصراحه الى تصدق ام سعد وعينتها اعتبرها قليلة ايمان ليش ؟ لان الرزق بيد الله سبحانه وتعالى خلوا الله بين عيونكم وراعوا حرمته استغفرالله واتوب الية من كل ذنب عظيم تكفون يابنات لاضيعون دينكم بسبب الدجاله ام سعد ديروبالكم





:hearting:

 

[&رعبوووبه&]

يمه شنو هذي وين الحكومه عنها

 

[ام نصور]

الله يستر من هالأشكال محد ضيعنا غيرهم

 

[توني مترقيه]

الحريم أغلبهم مقصة ،،،
تطلب مبالغ خياليه ويعطونها ،،
ونسوا إن السبب من رب العلمين يرزق من يشاء ويجعل من يشاء عقيما ،،
إرجعوا لله واطلبوه الذرية الصالحة بلا أم سعد بلا خرابيط ،
آنا قالوا لي فيج تكيسات وزوجج عقيم وما خليت أحد وماخليت ديره مارحت لها ،، لكن بعد الحج حلفت ماروح غير لربي وفعلا رزقني بدون علاج وبدون أنابيب ،،،

إرجعوا لله ،،

إرجعوا لله ،،

 

[هداوي المطيري]

مرحبا بنات ترى فية اكثر من وحدة اسمها ام سعد بالصليبة وعني انا شخصيا عالجت عندها سنة كاملة و كان علاجها حييل زين وطلبت مني 2800

 

[تفااحة]

انحااااااااااااااااااااااااااااااااااشوا لا وتقولي رفيجتي تفحص من داخل وين قاعدين وعلى اي اسااااااااااااس الاخت مصدقة نفسها انا الصراحة تخرعت من هالسالفة ختولي مادري شلوون تثقووون بالحريم ........... كل شي بالسونار يبين واذا اللة كاتبلج جمل بتحملين بلاام سعد بلاخراااااابيط

 

[Eva-SS]

مشكورين حبايبي على التفاعل ...
شوفو بنات في حريم وايد يدورون الحمال وتكون سليمة من الناحية الطبيه مية بالمية فتروح للحريم كحل نهائي لها والحمدلله كثير منهم بعد الله عالجوا وايد أنا أعرفهم شخصيا
لكن السالفة لا تكون هالحرمة مادية زيادة عن اللزوم وتستغل ضعف المريضة إلي عندها وحاجتها للحمل وتطلب أسعار مبالغة
المفروض تحتسب الأجر بشغلها والله الأجر يسوا هالآلاف إلي تاخذهم​

 

[white talon]

غلطاااااااانه 2500 عسى مااااشر !!!!!
حسبي يالله ونعم الوكيل في هالاشكال
يا ويلهم من الله على النصب
حبيباتي انا بعد سمعت عنها انها نصاابه وتحطلج القمر يبد والشمس بيد وصدقونها الفقاره المسيجينات الشفقانين على الياهل
لاااااا وقوية العين السعر تقول مناااقصه ورست عليها لاااااا والفحص ضيم يقولون تفحص والزقااره بحلجها والفرااش ضيم ووييب المرض
ديربالكم يا بنات من الاشكال والله الرزاق وهو الحافظ وعليكم بالدعاء واللحاح فيه الله يحب عبده اللحوح بالدعاء وهو الرزقاء الكريم​

 

[الكيكة الأمورة]

2500 ابني فيهم مسجد وادعي رب العالمين يرزقني أحسن

 

[ردينه]

صاجة الكيكة الاموووووره كلامج في مكانه الله الرازق لا ام سعد و لا غيرها و الله يرزقني و ياكم عاجلا غير اجل يا رب العالمين