ام ظايعه بالطوشه

[قطعة حلا2]

سلام..












بنات عن جد ضايعه بالطوشه:eh_s(16):...خل اعلمكم ليه ضايعه..بنتي هالسنه بتروح اولى بتدائي وماني عارفه شنو لون لبسهم وشنو نظام الدراسه تكفون فهموني نظام الدراسه شلون لأني سمعت ان مالهم امتحانات..طبعا بنتي بتدرس بالحكومه..وابي اعرف الساعه كم يطلعون من المدرسه وبصراحه ضايعه لاني ادرس ليلي ومدري شلون بدرسها ومتى اقابلها ياليتكم تساعدوني ببتنظيم وقتي معها.........نسيت اقولكم اني ناويه دخلها حضانه حلم الطفوله من الساعه 4الى 7 شرايكم فيها والحضانه بالصباحبه دقيت عليهم يقولون نذاكر لها كلشيء<<انتم شرايكم ادخلها ولا لا​

 

[دروبك يالسهر]

ان شاء البنات اللي عندهم خبرة مايقصرررون لان انا عيالي للحين بالروضه بس انا بقترح عليج خلي بنتج لما ترد من المدرسه تتغدا وتنام لها ساعه عشان لما تردين انتي من المدرسه تجابلينها شوي وتشوفين دروسها عشان ما تكون دايخه وتبي تنااام والله يوفقج ويوفقها وتتخرجون ان شاء الله

 

[حجيه هيونه]

ساعات الدوام راح يعلنون عنها

وبالنسبه لنظام المدرسه فتقدر تسألين المدرسات يفيدونج اول يوم

واللبس لون وردي للبنات بالابتدائي


اما عن باقي الشغلات فماعندي فكره بصراحه

 

[حلم الطفولة]

حضانة حلم الطفووووله !!! اسمي !! لا لا لا مايصير !
بالتوفيق وان شالله يردون عليج باجي الخوات

 

[رنين]

رد : ام ظايعه بالطوشه

لا تحاتين ها الامور ببداية الدوام يسوون اجتماع اولياء امور يعلمونج ها التفاصيل.


و بالنسبه للاوقات تقدرين تدشين موقع وزارة التربيه فيه المواعي و التواريخ و كل الي تبينه

اما التريس تقدرين تبدين معاها من الحين...
اهم شي اللغة العربيه
مهم الحين تمسك القلم عدل

اذا ماكنتي باية معاها من قبل ها الشغلات ابي الحين

تمارين مسك القلم...... تصير خطوط منقطه و مطلوب منها تمشي عليهم مضبوط قد ما تقدر
اول شي مستقيم
بعدين متعرجه
بعدين اشكال منقطه
بس مهم تفهم ان تمشي باتجاه من اليمين لليسار
مهم تضبط الاتجاه عشان لما تبدي تتعلم كتابة الحروف ما تكتبها بطريقه غلط


بعها ابدي معاها بمنهج اولي ابتائي قراءة
تقرأ الرس الاول و الاحرف مالته


تلقين هني مواضيع واااايد حلوة العام كانوا الامهات ماقصروا بها السالفه
و بعدين تبدأ تكتب كلمات الدرس الاول ....

و شوي شوي بتضبطها ان شالله
مهم تتعلم تكتب عالسطر




الحين عندج وقت على راحتج و تطولين بالج بهدوء ماكو ضغط لا عليج و لا عليها

معاها باجر لبدت المدارس و طارت الابله بالدروس تتعب اذا ما كانت متمكنه من الاساسيات...

و الله يوفقج و يوفقها

 

[همس الجــليــد]

رد : ام ظايعه بالطوشه

حياتي لا تحاتين ركزي علي العربي حييييييييل وحفظ القران الكريم بس العربي وما ادراك ما العربي ووووووووووووووووووووووي

 

[همس الجــليــد]

رد : ام ظايعه بالطوشه

أمل فراشـــــــــــــــــــــــه بيضـــــــــــــــــــــــــــــــاء