مشكوره حبيبتى ظلال عالرد السريع لا ياعمرى لاتحاتين مشكله الطفله بعد شهرين تكمل السنتين اكيد الام تعدت مرحله الحزن والاكتئاب ورضت بقدرها الام هى انسانه مؤمنه وصابره ومحتسبه ومومعترضه على نصيبها فعلا الطفل المعوق يعتبر نعمه وبركه فى البيت واى عمل للمعوق داخل البيت يعتبر فيه اجر وثواب كبير وتكفير ذنوب ان شاء الله
والحمدالله تحاليلها الام مع زوجها الوراثيه اطلعت سليمه مافى امراض وراثيه
اعتقد المشكله فى مشيمه الام عند الحمل يصير عندها سيوله فى الشهر الاخير فماكانت توصل الاكسجين بشكل طبيعى والتغذيه والاكسجين قل فى الشهر التاسع وطبعا العلاج ابره اواسبرين يعنى كان ممكن تفادى المشكله وطبعا دكتورتها التجاريه الله يجازيها كانت مشغوله بس اشلون اتجمع فلوس وماتراعى هالبنات البجر المهم اللى صار صار والحمدالله على كل حال
الام الحين بالعكس مهتمه بنفسها وبزوجها وتمارس حياتها الطبيعيه ومعطيه بنتها ونفسها وبيتها كل اهتمام بس فكره الحمل
تخوفها كنت بس ودى اعرف فى طريقه نشجعها على الحمل مره ثانيه وانجاب طفل معافى تعوض طفلتها المعاقه لانه هذا الحل الامثل لمثل حالتها لكن الام حاطه بالها انه حملها مغامره بينى وبينك حتى الدكاتره اللى راجعتهم محد طمنها وقالها نضمن الطفل القادم صاحى دايما يقولون هذا فى علم الغيب عشان يخلون مسؤليتهم
الله كريم وان شاء الله بس تحمل راح اخبركم ونعمل بنصايحك يالغاليه
شاكره تجاوبك معانا وفى ميزان حسناتك
الحمد لله طمنتيني
شوفي من ناحيه الضمان ما فيه ضمان الا عند رب العالمين حتى الناس العادين ممكن يطلع من بيته متعافي يصير له حادث يصيبه شلل رباعي هذا قدر من الله
والشلل ممكن يصير اقولج اعرفها عدل الي توني سولفت لج عنها الي عندها طفله شلل باجي عيالها كلهم صاحين واعرف وحده ثانيه بعد عندها ولد توني تذكرتها كانت مدرسه معانا كل عيالها صاحين
خلوها تتوكل على الله وتحمل واذا فيه مشكله في الشهر الاخير لازم يولدونها مبجر وبقيصريه بعد اضمن واحسن
انتو قولو لها يعني اهي اشرايها ؟؟معقوله بتم طول عمرها مع هالبنت ريلها اشذنبه ينحرم من الذريه
زين اهي ضامنه عمرها بتعيش طول العمر حق هالبنت ؟؟ مولازم يصير عندها اخوان يعينونها ؟؟
لا لا لازم تعيد حسابتاها وتتوكل على ربها وتحمل
