انادي والصدى ردد نداي .. مابي دنياي بعد موتك

[فلبينية عبدة]

الروووواية شكلها عجيببببببببه

كملي ناطريينج

 

[ارييج الكويت]

هنوف : حمد
حمد : بس ابي ابقا معاج
هنوف : حمد نوف شقايلتلك
حمد : يالله عليج يا هنوف وايد اسالتج اليوم
هنوف تسوي روحها امبوزه
حمد : فديت اللي مادين البوز والله
هنوف استحت : حمد بس اسكت قاعده اطالع تلفزيون
حمد : لا صج
هنوف : اي
حمد : انزين شصار
هنوف : شوف و بتعرف
حمد : اي اي بشوف بس انا اقول شصار قبل هالحلقه
هنوف توهقت : ها قاعد تكلمني
حمد يدري انه هنوف تخاف من اليانانوه : لا هنوف قاعد اكلم اليني اللي يمج
هنوف التفت على طول وفيها البجيه : تدري ما احب هالسوالف ليش تسوي فيني جدي بعلم عليك حامد ومحمد
حمد سكت
هنوف : حمد حمد
حمد: يا طوايف حمد
هنوف : احس فيه شي صاير ولا من متا انت تكلمني جذي و يكفي اخر مسج ياني منك
حمد توهق : شوفي هنوف انا كنت تعبان و متضايق و طلعت حرتي فيج ادري مو من حقي لكن انا بعتذر منج لانه رفعت صوتي عليج و قللت من احترامج بمسجاتي
هنوف شوي و تبجي من كلامه : لا عادي تمون تمون
حمد : انزين ما تبين تاكلين شي
هنوف : ميته يوع
حمد : اللحين اقوم اشوف
هنوف : حمد عفيه ابي تلفونك ابي ادق على حامد او محمد او اريج
حمد : ليش شناقصج
هنوف : لا بس ابي اكلمهم
حمد : فوني مافيه شحن
هنوف : انزين دق عليهم من العمومي شوفهم وينهم
حمد : ان شاء اللله من عيوني جم هنوفه عندي
هنوف : مشكور
و يطلع حمد و عينه مليانه دموع " ااخ يا هنوف عمرج ما طحتي جذي و عمرج ما طلعتي اللي بقلبج و عمرج ما اذيتي احد و اللي بصيرلج بالايام اليايه بغير كل شي فيج " يمسح دموعه و يدق على حامد
حمد : صباح الخير
حامد : صباح النور
حمد : حامد تكفه اللحقني انا عند هنوف وحالها وايد زين خايف ان قلنالها عن محمد راح تموت تكفه الحقني مو عارف شسوي خالتي قالتلي اقعد عندها لانه نوف مو قادره توقف على ريلها و نور نفس الشي خايفين يبجون جدامها تسوء حالتها
حامد : الله يكون بالعون يالله انا و كاني ياي
حمد : اول ما توصل كلمني
حامد : خير ان شاء الله
--------------------------------
نوف نايمه بغرفه محمد غشيانه من الصياح حامد واهو طالع من غرفته يسمع من غرفه محمد احد يبجي دخل الغرفه شاف نوف نايمه على السرير و لابسه تيشيرت محمد اللي اهي يايبته له بعيد ميلاده و راشه عليه العطر اللي اهو دايم يحطه و تبجي
حامد: يا حبيبت اخوها لا تسوين بروحج جذي مو زين حبيبتي مو زين ادعيله الرحمه من الله ادعيله
نوف تلم حامد : حامد ابي اخوي ابي حمود ابيه ما اقدر ما اشوف حسه بالبيت انا ما اقدر
حامد عيونه غورقت دموع من حال اخته : حبيبي قومي صلي و ادعيله و قطي اللي لابسته مو زين تبجين عليه مو زين لا تعبين قلب اخيج يا نوفه
نوف : حامد
حامد : يا عيون حامد
نوف : لا تروح خليك معاي لين انام مو قادره انام
حامد : ما طلبتي شي
و تقط التيشيرت و تنام على سرير محمد و حامد يمسح على شعرها ويقرا عليها بعد نص ساعه نامت المسكينه بدون ما تحس
حامد : ان لله وانه اليه راجعون ياالله يارب تصبرني ياربي لا اسالك رد القضاء لكن اسالك اللطف فيه
بعد ايام خلص العزا و اريج حالتها حاله كل مالها و تسوء احلام تالي الليل وبجي و صياح و هنوف للحين ما تدري عن شي
بعد 4 ايام
هنوف : انا عتبانه على اريج عيل ما اشوفها كلش انا اخت ريلها ما تيني و بنت عمها بعد
نوف شوي و تبجي وطلعت بره
حمد : افا اختي تزعلين منه مرت الغالي تزعلين منها
هنوف : اي و حيل بعد زعلانه منها ولا ماراح اكلمهم كلش لا اهي و لا ريلها التعبان
ام حامد عصبت : سكتي لا اشوف تتكلمين عنهم جذي هذول اهلج و اخوانج الناس عندهم ضروف و اريح و محمد مسافرين
هنوف شوي و تبجي : يما انا ما قلت شي
ام حامد حست انها اضلمت هنوف لانها ما تدري عن شي جان تروح تلمها : اسفه يمه عصبت
هنوف تبوس راس امها : احبج يمه
حمد : اووه اووه كل هذا لها بس
هنوف : انت صاير 24 ساعه عندي ما عندك اشغال
ام حامد : شفيج مناشبه الصبي خليه
حمد : اي والله يا خالتي من يت و اهي ماسكتني تحقيق
هنوف : مشكور
حمد : شوفي خالتي ازعلت بالجامعه مو جذي زعلها لا هذا ولا شي تزعل ز تعصب و تطق بعد
هنوف امبطله عيونها : اناا
حمد : اي اي انتي هنوف ال ...
هنوف : قول والله
حمد : لا حرام اقول والله
ام حامد : بسكم مناجر
الكل : هههههه
ام حامد : يمه حمد شوفلي وين نوف راحت
حمد : ان شاء الله
طلع من الغرفه ولا يشوف نوف قاعده على الكرسي و تبجي
حمد قعد يمها : نوف شفيج
نوف تمسح دموعها : لا ما فيني شي
حمد : اتقصين علي قوليلي اشفيج
نوف تطالع حمد و تغورق دموعها بعينها : فاقدته فاقدته يا حمد شلون بكون حال هنوف اذا درت عن محمد الله يرحمه شلون
حمد : اللحين لا تفكرين بهالشي خليج اجابيه
نوف : حمد انت مو فاهم بالبيت محد يبجي محد يحس انه محمد راح
حمد : من قالج تدرين امس حامد عندنه يبجي مثل الياهل بحظن عمي فاقد اخوه و امج يا حياتي عليها اليوم ماسكه هنوف واهي نايمه تبجي اهم ما يطلعون مشاعرهم اللي بالقلب بالقلب
نوف : حمد انا تعبانه
حمد : يا بعد حمد انا ادري باللي تحسون فيه فكري بالمسكينه اللي بيتا اروج مو راضيه تبطل حلجها او تاكل شي و كل ما قلنالها اكلي تصرخ و تروح فراشها لين ما تتعب من البجي و تنام
نوف : ليش جذي يصير فينه
حمد : استغفري ربج حرام قولي الحمدالله على كل حاال
نوف الحمدالله
​

 

[ارييج الكويت]

خالد : يا يمه ما يصر جذي قاعد بغرفتها
ام خالد والعبره خانقاتها : تعبت منها يمه لاهي راضيه تاكل ولا اهي راضيه تطلع من الغرفه و كل ما اكلمها تسكت و تقولي انا قتله و انا قتله
خالد يبوس راس امه : انا بروح اقعد عندها
ام خالد : يا الله يارب يعطيك على قد نيتك و يرزقك الذريه الصالحه و اشوف الفرحه بعينك
خالد : امين يمه
اريج توها طالعه من الحمام بعد ما اخذت شور قعدت على الكميدينه "طالع نفسها بالجامه "
اريج : منو بقولج صباح الخير كل يوم و يبوس راسج منو بمشط شعرج منو بقولج اليوم صاره حلو "" و دموع عينها تزل اربع اربع " محمد ليش رحت و خليتني اعيش بروحي ليش تقول بتكون معاي طول الوقت و بالوقت اللي اجتمعنه مع بعض خليتني و رحت ليش تروح انا شسويتلك عشان تخليني
خالد : اروجه اروجه اروجه
اريج ترد لعالمها : هلا هلا
خالد : ممكن ادخل
اريج : اي تفضل
خالد : يدخل و يبوس راس اريج : حبيبتي لي متى هالدموع لي متى بتقعدين جذي مو زين لصحتج
اريج تبجي و تنزل راسها : خالد
خالد يروح و يلمها : حبيبتي ما يصير جذي حرام يتعذب بقبره اروجه حبيبي تعوذي من ابليس و قومي نزلي معاي شوفي امي شلون حالها تعبانه مو قادره حتى تنام بس تفكر فيج و بالي بصير قومي معاي تحت و فرحي قلبها عشان محمد الله يرحمه لو كان عايش ما راح يرضا يشوفج تبجين و تعانين بحياتج اكيد كان بسوي اي شي عشان يشوف ضحكتج يلا عاد لا تخلينه يتعب بقبره ادعيله اروج ادعيله ادعي الله يهون عليه و يوسع عليه قبره اروج حبيبتي انتي
اريج : ان شاء الله ان شاء الله
خالد : يلا قومي بدلي و نشفي شعرج و تعالي غرفتي عشان ننزل حق امي مع بعض و تستانس المسكينه
اريج : ان شاء الله
طلع خالد و قامت اريج صلت ركعتين و طلبت ربها الرحمه لمحمد يعوضها الله بشوفته لو مره بس
اريج و خالد و مها ونور نزلو تحت و لقو ام خالد قاعده بالصاله بروحها و جدامها الاكل
خالد : اووه اوووه ام خالد تاكلين و تخلينا
ام خالد شافت عيالها جان تبجي
اريج :يما تبجين وانا للي اقول امي ما تبجي و بتستانس اذا شافتني
ام خالد : يعل عينكم ما تبجيني
حمد يبوس راس امه : فديتها اللي اتغده كووووماري حطي الغده
نور : وييييييه عصب بو بطين
حمد : كمااري بس انا و بابا خالد و ماما اريج لا تحطين حق نور
نور: يعني اموت يوع انا
حمد : محد قالج خفي دمج
نور : كماري انا بعد
كماري معصبه : انا اللهين منو حك يهد قدااا
حمد : لنا كلنا
كماري : عيل ليش يقول ماما نور لا
خالد : بس روحي حطي حق الكل
كماري : ماما مها انتي يبي
خالد : هذي ما تفهم
مها : اي حطي ماما لنا كلنه
اريج : ههههههه
نور تلم اختها : فديت الضحكه و اخيرا شفنه اسنانيج الحلوه
اريج : حياتي والله للحينج شيطانه

تغدو الكل و قعدو مع بعض
هنوف : هلا والله
حمد : هلا فيج
هنوف : شلونك شخبارك
حمد : بخير انتي شلونج
هنوف : الحمدالله
حمد : اممم اليوم بطلع نور ف قلت اقولج انتي و نوف تغيرون جو شرايج
هنوف : وناسه اي خل اقول حق نوف و اقولك اوكي
حمد : اوكي
نوف و هنوف غرفه وحده كبيره بس بينهم باب و كل وحده لها حمام و غرفه ملابس بس يفصل بينهم باب
شافت نوف حاطه اغنيه حسين الجسمي فقدتك و منسدحه بالفراش راحت ونستحدت يمها و مسكت ايدها
هنوف : شفيها اختي
نوف لمت هنوف وتبجي : هنوف انا تعبانه
هنوف تبجي معها : شفيج حياتي ليش تبجين
نوف : ولهت عليح
هنوف : كاني انا معاج اليوم بليل سهرتنا صباحي الليله عندج
نوف تمسح دموعها : اي ان شاء الله
هنوف : انزين قولي تم
نوف : تم
هنوف : قومي بدلي و كشخي و بنطلع مع حمد و نور
نوف: بس كلش مالي خلق اكشخ
هنوف : ما اصدق ما اصدق هل يعقل انت نوف اختي
نوف : ههههههه والله مالي خلق
هنوف : انتي قلتي تم
نوف : نطلع بس ما نكشخ ولا نحط ميك اب و نلبس شي وسيع
هنوف شكت بوضع اختها : نوف شصاير ليش ما تبين نكشخ و لا نحط ميك اب
نوف : مافيني شي بس ودي اغير ستايلي انا حلوة ليش اخرب بشرتي بالميك اب و بعدين بسوي ستايل
هنوف اسكتت معنها مو مقتنعه : اوكي يلا بدق على حمد و اقوله
نوف : اوكي
دقت هنوف على حمد و لقت عنده خط ثاني و سكرته
حمد : ريم خلاص تكفين
ريم : انت تبي تطلع مع بنات عمك و تقولي ريم خلاص
حمد : ريم فهمي البنات توه ميت اخوهم لازم يطلعون
ريم : وانت اللي ملزوم فيهم وين اخوهم
حمد : ريم خل اروح اللحين و لمن ارد اكلمج بليل
ريم : اوكي حمد روح الله معاك
دق حمد على هنوف و اتفقو
وبعد نص ساعه دق ومحمد و نور تحت ناطرينهم
نوف اكتفت انها تلبس نفنوف اسود و حطت بروش بسيط و رفعت شعرها ذيل الحصان و حطيت مكرا خفيفه
امن هنوف المسكينه اللبست و كشخت البست توب ابيض جبينيز و جاكيت حفر و لبست تراجي صغيره و سلسله على حرف هه بالانجلش وفلت شعرها
نوف شافتها جان تيلها البجيه : هنوف ليش لابسه جذي
هنوف : مو حلو
نوف : لا روحي لبسي نفنوف و رفعي شعرج وليش كل هالميك اب سوي نفسي
هنوف : نوف شفيج ما فيه شي لبسي بروح اشوف اروج
نوف بسرعه : لا اروج شكو
هنوف : من رديت ما شفت لا محمد ولا اروج
نوف : اي سافروه بعد ماطحتي مريضه
هنوف : خل ادق عيل حرام من زمان مو سامعه صوتهم
نوف : اوكي
ودقت هنوف على اريج و نوف توقعت انها ما ترد عليها لانها تدري انه هنوف ما تدري عن شي
اريج : هلا والله هلا
هنوف : هلا فيج شلونج
نوف : منو اريج
هنوف : اي
نوف : عطيني اياها
هنوف : اوكي شوي
نوف : عطيني اياها
هنوف : نوف شفيج خلني اكلم البنت عدل
نوف اسكتت و تدعي بقلبها انه ما يصير شي
هنوف : انتي وينج يالقاطعه انتي و محمد ما اكلمكم كلش
اريج سمعت طاري محمد وانه اخته زعلانه عليه جان تبجي : لا لا هنوف حرام عليج
هنوف اخترعت : اروج شفيج ليش تبجين
نوف : شفيها تبجي
هنوف : اروج شفيج
اريج : حرام عليج لازم تحليلنه هذا اخوج
هنوف مو فاهمه شي : اكيد محليلته اريج شفيج شصاير
اريج تبجي
هنوف : اروج اروج شفيج
نوف تسحب الفون : عطيني ايها
هنوف : اشفيها اروج و شفيه محمد شصاير نوف تحجي
نوف : اروج حبي بس لا تبجين لا تعذبينه
هنوف : اتعذبه ؟؟ ليش تعذبه
نوف تلم هنوف حيل : اروج حياتي لا تبجين شوي واكلمج " وسكرت الفون "
نوف : هنوف تدرين شكثر احبج
هنوف : نوف تحجي شصاير
نوف : مو صاير شي
هنوف : بروح حق امي
وتهد نوف وتروح غرفه امها و ابوها ما تلاقي احد
نوف : هنوف تعوذي من بليس مو زين لج التعب
هنوف : يعني صاير شي نوف تحجي
نوف : مو صاير شي
هنوف تخليها و تمشي راحت الصاله وكانت نور وحامد و حمد و ام حامد
يما شصاير باريج و محمد
الكل انصدم
ام حامد : مو صاير شي
هنوف قاعده تبجي : شصاير لهم قولولي انا مو ياهل قولولي
حامد : هنوف كبري عقلج مو صاير شي
هنوف تدق على محمد يدق و محد يرد " وقلبها محروق من البجي "
حامد: على منو ادقين
هنوف : على محمد حرام عليكم قولولي شصار باخوي تكلمو لا تخلوني جذي حرام عليكم انا ما سويت لكم شي ليش جذي تسوون فيني
حامد : يا هنوف هدي و تعالي قعدي واحنا بنقولج كل شي
هنوف : والله العظيم بسكت بس قولولي وين اخوي و شفيه
حامد : اول شي انتي مؤمنه بالله " هنوف حطيت ايدها على حلجها " والموت حق على كل نفس
هنوف و بالغصب اتنفس : يعني ... اخوي ... محمد ... مـــــــــــــــات
نوف : بس بس هنوف تكفين
هنوف : مو قا..د..ره اتن..ف..س
وطاحت عليهم اغمى عليها
حامد شالها و طار فيها المستشفي اهو حمد و نوف
نوف : هنوف قومي قومي
حمد : بس يانوف بتقوم بس الظاهر انه مصدومه
نوف :استغفر الله استغفر اللله
وصلو المستشفى و حطو حق هنوف درب و عطوها ابره مقويه لها تفيدها
حامد كان لاهي بالاوراق الدخول مع الرسيبشن
و نوف و حمد كانو قاعدين عندها
نوف : هنوف
هنوف : نوف يعني اخوي
نوف : بس حبيبتي بس
هنوف : يعني راح يعني ماراح اشوف محمد بعد
نوف : يا هنوف هذي كتبت الله فكري بالمسكينه اللي بالبيت اللي ماصار لها ليله من تزوجت وريلها راح منه بثواني بس يا حبيبتي لا تعذبينه بقبره يا هنوف
هنوف : الله يرحمه نوف نوف انا ابي اسوي له مسيد باسمه
حمد : مسيد مره وحده هههههه
هنوف : ليش يضحك نوف ليش انا ما قلت شي يضحك " و تصيح "
حمد : لا لا لالا تكفين لا تبجين انا كنت ابي اضحكج بس وعد يا هنوف انه انا وانتي بنحط ويه بعض و نبني حق محمد مسجد باسمه شرايج
هنوف : مشكور
حمد : الله يا قلبج يا هنوف
و دق تلفون حمد " ريم " داقه
هنوف : شفيك ما ترد
حمد : مالي خلق ارد
هنوف : هذي ريم
حمد : اي
هنوف : وليش حاقرها
حمد : شكتي يا هنوف حدي صاير ما احب اكلمها ومن تطري بالي يضيق خلقي لاني قاعر اهدها ولا اني قادر ابقا معاها
هنوف : وليش ما تقولها ليش معلقها جذي
حمد : شقولها هنوف انا ما مو مرتاح معاج خل نفل
هنوف : اي
نوف : هنوف من صجج شفيج
حمد : هنوف انا ما اعرف اتلاعب بقلوب البنات حرام هذي بنت و البنت عندها مشاعر اكثر من الصبي و بعدين انا عندي خوات و يعلم الله اني نيتي طيبه لمن بديت معاها
هنوف : بس بس حمد تكفه
حمد : وليش تسكتيني
هنوف : خلاص حمد انا تعبانه و راسي مصدع بعدين نتكلم بالموضوع
حمد عصب و تضايق : ماشي يا هنوف يلا تقومين بالسلامه يارب و ما تشوفين شر يلا انا ماشي
هنوف: وين رايح
حمد : راد البيت يالله فمان الله
هنوف : بس يا حمد
حمد : بس هنوف لا بس ولا بس خلاص انا ماشي
هنوف تبجي : انا ما سويت شي
حمد واهو طالع سمع صوتها ما هان عليه يسمعها تبجي و يمشي رد الغرفه
حمد : سمعت احد يبجي
هنوف غطت ويها : اي نوف قاعده تبجي
نوف : ايا عياره يا انتي
حمد : دموعج غاليه يابنيه لا تبجين ل سمحتي يا يبه
هنوف : ان شاء الله
حمد : وعد ما شوف دموعج تنزل هنوف محمد غالي و غالي علينا كلنا بس الحزن بالقلب مو بالبجي ما راح يفيده البيجي بالعكس راح يضيق عليه و يعذبه بقبره الله يرحمه ادعيله بالدعاء الله يفرج عليه و يفرح قلبه
هنوف : كلامك عدل وعد ان شاء الله
​