انا ابتليت بـxxxx

[mouzza]

اولا كل عام وانتم بخير

طبعا بعضكم يعرفني ويعرف قصتي كنت كاتبه كذا موضوع عن حياتي ووشلون عايشتها

انا ربي بلاني وحبيت واحد متزوج وعنده بنت وزوجته حامل اهوا معاي بالشغل اهوا اخلاق ودين فيه كل شي اتمناه ومو قادره اشيله من بالي احبه حييييل عارفه الي اسويه شي غلط علموني شسوي

خايفه يقص علي الشيطان والمح له اني احبه ويتعلق فيني وتتدمر حياته مع زوجته وربي يعاقبني

الله يخليكم ابي نصيحه او حل يريحني مابي هجوم وكلام قاسي الي فيني كافيني

 

[ككوته]

شغلي نفسج وتمنيله الخير عسى ربي يوفقج

 

[أخصائية نفسيةة]

غيري محل شغلك والله يكون بعونك وي اختي ترى هذا معه عيال وبعدين حرام عليك انتي توك صغيرة وتاخذين متزوج

 

[gala q8]

حاولي تتحاشينه .. ثانيا إذا في مجال تغيرين موعد دوامج او تغيرين دوامج بكبره وايدافضل ..

و قنعي نفسج إذا لمحتي له انج بتطيحين من عينه و زوجته اكيد ماليه عينه ! ..

و الاهم ادعي ربج يعطيج اللي احسن منه ,

 

[رانس]

تقربي من ربج اكثر
واكثري استغفار

 

[Huda.A]

أفضل شي تغيرين مكان شغلج

 

[queen2020]

غيري مكان شغلك وادعي ربي يشيله من بالك

 

[lebanon night]

غيري مكان شغلك و حاولي تلجأي للصلاة و الاستغفار و انشالله الله بيسرلك دربك
بس اياكي اياكي تطاوعي قلبك و تعترفي بالحب هيك بتكوني دقيتي أول اسفين بنعشك و بخراب بيته

حتى لو قلبك وجعك اجتثيه من صدرك و اضربيه بالصرماية لانو الحب ما بيكون بس بالقلب لازم نحب بالعقل قبل القلب

 

[noor salam]

السلام عليكم
ربي يحفظج حبيبتي من الزله و الخطا
بس ابي تفكرين شوي لو انت مكان زوجته ترضين في الشي الي انتي تسوينه(يعني تحبين شخص مو لج ) فكري على المدى البعيد و بعقلانية اهو متزوج وعنده عيال لا تخربين عليه حياته وتشغلينه حرام الي ما نرضاه لنفسنا لا نرضاه لغيرنا
انصحك حبيبتي الصلاة و الدعاء و ان الله يرزقج بالي احسن منه اكيد في رجال كثيرون احسن منه
الله يكتب لج ما فيه الصالح بس بعدي عن هذا الشخص و لاتخربين بيته ما يجوز

 

[مهندسه مستقبل]

حبيبتي لا تخافين و لا تتضايقين و صدقيني ماراح تهدمين بيته
لانج تحبينه حيل ماراح ترضين لنفسج ان يتضايق من شي و سبب يكون منج حتى لو بطريقه غير مباشره و مو قاصده
لانج تحبينه ماراح تخلينه يقرا الحب اللي بعيونج
صدقيني اذا حبج كان صادق له ماراح تخلين مجال ان يصير علاقه بينكم او انها تتطور او ان حتى يكلمج
و اي بتظلين تحبينه بقلبج بس دايم فكري بسعادته و راحته اكثر من سعادتج
انتي تحبينه معناته راح تتمنيله السعاده و الراحه و ان الضيقه ماتييله ابد حتى لو على حساب حلمج اوو امنيتج و حتى لو كان بعيد عنج
الحب موشرط ان الطرف الثاني يدري او ان يتكون علاقه بين الاثنين
الحب الصحيح و السعاده الحقيقيه اهي لمن تشوفين اللي تحبينه مستانس و راح تشوفينه ان شاء الله لمن تولد مرته و راح تستانسين لان اللي تحبينه مستانس
و ممم تغيير المكان اللي انتي فيه هم يعتبر حل يخفف عليج

ادري تعمقت ب الحب وايد بس هذا رايي

ربي يعوضج بالدنيا و ماتدرين ان شاء الله يكون من نصيبج بالجنه كلشي ممكن

 

[انا المظلومه]

خافي الله وتركيه هذا انسان بحياته زوجه وشكله تو متزوج عنده بنت وزوجته حامل والله لوتجربين وتكونين بمكان زوجته وان زوجك فيه وحده حاطه عينها عليه تحاول تصيده الها انك ماتفكرين مجرد تفكيرن شي يعور القلب وحنا يالمتزوجات نحس فيه اكثر من الي متزوجت وحبت زوجها وموتها زواج زوجها عليها او ان تكون وحده بحياتها اقول لك يابنت الحلال ربي بيرزقك بواحد احسن منه والله مانصحك بواحد متزوج العيشه معه تعيسه صدقيني زوجته ماراح تحط يدها على خدها وتخليك تتهني راح تنغس عيشتك معه وبعض الحريم راعيات كيد والله تاذيك لو بسحر انتقام منك ليش قربتي لزوجها نصيحتي لك غضي طرف حبك له

 

[Patcholli]

لاتخربين بيت الريال وفكري بمرته وعياله شنو ذنبهم
وحطي فبالج لو حبيتيه ماراح تكونين غير تقزيره بحياته هاذا اذا صار بينكم علاقه
مستحيل يهد مرته وعياله وياخذج بيلعب فيج ويستغلج لانج عرضتي روحج عليه على طبق من ذهب ^_^
ديري بالج على نفسج واستغفري ربج ولما تحسين روحج فاضيه بطلي كتاب مفيد

 

[!amorra!]

ترا الشيطان اهوا اللي يحليه بعينج تركيه عنج وضروري تنقلين قسم ثاني

 

[sho-sho_93]

ميخالف الواحد قلبه مو بيده الله يكون بعونج اهم شي لا تبينين له خير شر اساسا تذكري احنا مجتمع محافظ صعبه البنت تعترف بحبها وفوق هذا متزوج يعنس راح تهدمين بيته و ممكن تفككين اسرته حاولي تنتقلين كلش كلش لا تحتكين فيه ابدا الا بحدود الشغل غيره كوني رسميه بالذات معاه عشان ما تسوين شي تندمين عليه

 

[وش تبي]

لاتخربين بينه وبين زوجته الله بيحاسبج انسى انج تحبينه ولاتلمحين له حرام عنده زوجه وعيال شتبين فيه

 

[mouzza]

الله يصبرني وانساه

 

[Pinky -cat]

ادعي ربج ووخري تفكيرج عنه وفكري بالامور اللي ما تخليج سعيده وياه يعني فكري انج بتهدمين بيت وتكونين سبب في تشرد
اطفاله ومشاكل بحياتهم ، ترضينا تيي وحدة تسوي وياج جذي وبلمح البصر تخرب بيتج ؟؟ اكيد لا عيل فكري عدل واستغفري
ربج وايد وادعي ربج يهديج ويوخرج عن طريقة وانشالة باذن الله ربج بيسهلها عليج .

 

[روجَ آحمرَ ..×]

كلها هذا من الشيطان

 

[Zoozie]

حبيبتي حاولي قد ماتقدرين تغيرين مكان شغلج
و تخيلي نفسج مكان مرته او بنته !!
تخيلي انتي بنت وعرفتي ان في وحده تحب ابوج بتزعلين وتضايقين صح؟
ونفس الشي لو تخيلتي انج مرته وريلج ممكن ياخذ وحده غيرج بتحترين
عشان جذي ابعدي عنه وغيري مكان شغلج عشان تمر فترة طويييلة بدون ماتشوفينه ومع الوقت بتنسينه وبيصير شخص عادي
اتمنى لج التوفيق

 

[ملكة الكلمه]

اول وقبل كل شي حطي موقفك مكان زوجته ماراح ترضين وحده تدخل حياتك وتخربها
اذا انتي ماقدرتي تنسينه حاول تغير مكان العمل
وأدعي ان الله يعوضك خير