انا ابتليت بـxxxx

[Dr.Loloza]

لا يا حبي اوعك اتحبي هادا انسان متزوج و عندو ولاد رح اتخربي حياته و اتخربي حياة مكونة من 4 اشخاص كل واحد راح يروح بطريق بسببك و اولاده رح يكرهوكي و هوي متل ما خان مرتو معك رح يخونك مع الف ديري بالك يا حبيبتي و الله ما يرضاهاو لا الدين و لا الشرع

 

[عسل حدي]

وييييي شقيكم الي تحب متزوج والي خذته من مرته
حرام لاتخربون بيوت
وانتي صغيره لا تتهورين بييلج نصيبج واحد ملكج انتي مو مشتت بين ثنتين

 

[تسمح لي آحبكـَ]

ابتعدي عنه وتقربي من الله اكثر وشغلي نفسج بأي شي ومارسي هواياتج

 

[zozo.7ob]

حاولي تغيرين مكان شغلج او الموعد اذا قدرتي و استعيذي من الشيطان و حاولي تشغلين تفكيرش بشيء ثاني او حاولي تفكرين جذي لو حبيتيه و اعترفتي راح تخربين عليه حياته و صلي كل فرض و سنه و قيام ووتر و ادعي الله يبعدج عن هالشيء ادري انو صعب شوي بس حاولي قدر الامكان ان تسوي اي شيء يبعدج عنه

 

[معي احلى]

هي تحبه بقلبه .. وين خراب البيت اذا كان بالقلب


القلب مابش عليه سلطان .. وهذا الرسول صلى الله عليه وسلم .. لما قال ان الرجال يعدل بين نسائه .. بالمبيت والنفقه بس القلب مش بايد الواحد


صاحبة الموضوع خايفة تلمح له .. اقول لك اختي :: الرجال مايحترم البنت الذي تظهر مشاعرها ... تسقط من نظر الرجال .. خلي هذا ببالك دائما .. وبعدين الجميل ان الرجال هو الذي يحب المرأه وهو من يبادر تحس الواحده بقيمتها .. الرجال حتى لو افترضنا .. ان المراه لمحت له وفهم تلميحها ممكن يستغلها اسوء استغلال وخليها بعدين تتكلم .. بيقول انتي الذي بدأتي بيهين كرامتها بكلام جارح .. ولو كان كان متقي الله .. .. اقلها .. بيرزعها بكلمتين تتمنى الارض تنشق وتبلعها ..

وبعدين اذا تحبيه صدق تتمني له الخير والسعاده مع من ماكان وهو اختار حياته مع واحده ثانيه وانجب منها اطفال

وعلى فكره احيانا نحب اشخاص ونتخيل انه حياتنا بدونهم عدم ولما نكون معاهم نندم على اللحظه الذي وهبناهم فيها قلوبنا ... ابعدي عنه واشغلي نفسك الفراغ هو الذي مخلي الرجال يستحوذ على تفكيرك

 

[مذهلة2013]

تحاشيه وحطي روحج مكان مرته ..
وصدقيني اذا خليتيه ربي بيعوضج بلي احسن منه
ان شاءالله
موفقة

 

[k2424k]

هذا يدل على انك انسانه فاضله وفيك خير عظيم وعسى الله يشفى قلبك ياختى نصحيه احرصى على الاستغفار قولى يارب انك تفرج كربتى

 

[AmOoNa-]

لالالا حبيبتي ديري بالج الا الظلم
لاتفكرين في ولاتطالعينه ولا تلمحينله ولا لج شغل في فكري بمرته
وبيته وعياله لاتظلمينهم ولا تبنين سعادتج على تعاسه غيرج تره الدنيا تدور
والله بالمرصاد وكما تدين تدان وحمدي ربج انه مجرد اعجاب لايصورلج خيالج انه حب
بسهوله تقدرين تنسينه وتشيلينه من بالج لكن لو كان بينكم حب وعلاقه وتعشيم كان جدا صعب تنسين

 

[Artq8]

حرام لا تخربين بيته ضحكت على هالكلمه الريال متزوج و عنده عيال و يحب زوجته و في بيبي ثاني يبي يطالعج انتي لوول صج ضحكت اقول لا تخربين سمعتج بدوامج عشان لي يوو ناس يخطبونج و سالو عنج بالدوام ما يقولون هذي راعيه سوالف غضي بصرج و اتقي الله في نفسج باجر رحتي و قلتي له احبك شنو راح يسوي بيروح يتكلم فيج تدرون فلانه تتحرش فيني يروح حق زوجته يقولها وحدة تتحرش فيني بالدوام و يضحكون عليج بيقولون ذابحتها الدودة تبي ريل هذا الصج اتقي الله في نفسج و في اهلج و ادعي ربي يرزقج زوج بالحلال يصونج و يعفج

 

[قلبي محمد]

بس حطي نفسج في مكان زوجته
و تخيلي شنو ممكن يصير لج لو ريلج يحب عليج وحده او يتزوج عليج
و دايما تذكري ( حب لأخيك ما تحبه لنفسك )
بس تذكرين هالاشياء صدقيني راح تقدرين تنسين هالريال مع الوقت
و عسى ربي يرزقج الزوج الصالح اللي يسعدج و يهنيج و يعوضج كل خير يااارب

 

[Huda alotaibi]

اكييييد تتدمر ترا الدنيا دواره اذا انتي بديتي لاتنسين

ان كل المتزوجات ماشي على مبدا وااحد بعيدا عن الطلاق
الثالثه رفيجه الاولى واكيد راح يتزوج الثالثه وتدور الاحداث

>>>>>> مالحب الا للحبيب الاولي


مافي شي انا ابتليت القلب وما يهوى
ترا انا نفسج بالضبط بس اتعوذ من الشيطان
واحاول اشوف طريجي مع شخص نفسي
فجي عمرج منها ترا المصيبه بتضاعف عليج وانتي خسرانه
لان اذا زوجته تحبه مشكله ولا فوق هذا الشرع حلل اربع

يعني ابعد عن الشر وغنيلواااااااااا :eh_s(7):

 

[Nor3eni]

لاااا يااا اختي حطي نفسج مكان مرته

غلط اللي تسوينه وراح تطيحين من عيييينه اذاا قلتيله

 

[عادت ذكرياتي]

غضي البصر ولو في مجال تنقلين مكان شغلج نقلي أفضل %%%

 

[Huda alotaibi]

غيري مكان شغلك وادعي ربي يشيله من بالك

لا لا تغيرين ولا شي هذا دوامج ومصدر رزقج :eh_s(17):


انتي تقدرين تتجاهلين لمثل هذي الامور ترا انتي نفسي بالضبط
سبحان الله كلهم متزوجين شهوه الرجل في حراك مستمر
والخيار بيدج تبين تكونين الثانيه تحملي اذى الاولى خاصه اذا هي :eh_s(7):

 

[برنسس كاتي]

وانتي الحين واثقة انه لو رحتي له وفصحتي عن حبج هذا انها بيعطيج ويه ؟؟
مو كل الرياييل خونه !!
فأقولج شيليه من بالج أحسن ما تفشلين روحج وتطيحين من عينه ويمكن يسويلج
فضيحه ما صارت ولا استوت ! :rerrerek:

 

[CSS_]

ما يحلا بعينكم الا اللي متزوج وعنده عيال ؟!

كيفج انا ماراح أنصحج البنات كفوا ووفوا ..

بس ترى ( كما تدين تدان ) حطيها ببالج قبل لاتفكرين تلمحين له ..

 

[Maaax]

حياتي بعدك صغيره من الفراغ تتطالعي له طنشيه واشغلي فراغك بما يرضي الله

 

[ورد فاخر]

من ترك شي لله عوضه الله باخير منه
لاتخربين بيوت حد تلحق حوبته .. والايام دواره
اتركيه واحتسبي الاجر
وثقي تماماً بأن الله سبحانه بيعوضج بالي احسن منه

 

[ورد فاخر]

تلحقج *

 

[Artq8]

شتخرب تقولج متزوج و اهيا تحبه و اهو ما يدري عنها قولي لها لا تفضحين نفسج و باجر تصيرين حجوه بالدوام لا تصورولها ان تقدر تحصل عليه لان حتى لو عطاها ويه بلف فيها لفه و يخليها مضحكه عند الي يسوا و الي ما يسوا ذيك الساع بتضرب الويلات