انا اقوول الشاطر شاطر وين ماكان !! اتوافقوني هالراي ؟؟ وشنو تنصحوني ؟؟

[الفنانه79]

السلام عليكم


امهات الله يخليكم ممكن تدخلووون وتفهموووني وتسمعوووني ؟؟















اول شي انا اعيالي اسم الله عليهم السنه اليايه (اولى ابتدائي )


واهما عليا بريسبشن بمدرسه خاااصه حيل قويه والحمدلله اسم الله عليهم شطاااار ويتكلمووون انجليزي 100%


المهم فكرت ان السنه اليايه احولهم حكوووومه <<< مدارس المستقبل في جنوب السره

اشرايكم ؟؟

الله يخليكم فيدووني اللي اعيالهم بالحكومه وبمدارس المستقبل بالذات اشرايكم فيهم ؟؟

وانا افكر اقووول اخاف اخليهم وبعدين احولهم يتخربطووون ومايقدرون يتأقلموون مع الوضع بالحكومه بعد الخاص وبعدين يضيعوووون اعيالي

وانا ماابي هالشي لهم صح ولا لا .؟؟


ولا اخليهم يكملون بخاااص لحد خامس ابتدائي وعلى متوسط احولهم ؟؟

انزين وانا فكر اقووول الشاطر شاااطر مهما صاااار صح ولا لا؟؟ يعني انا الحمدلله طووووووووول عمري متفوقه وكنت ادرس بحكوومه

ابوهم متفوق ومهندس اسم الله عليه شاااااااااطر وطووول عمره يدرس بحكووومه

ولد اخوي يدرس هندسه وطول عمره بالحكومه !! ولد عمي دكتووور وطول عمره يدرس بالحكومه وواااااااااااااايد ناس اقراب مني وتبارك الرحمن مرااااااااااااااااااااااااتب عاليه وشهادات كلهم بالحكووومه

شنو تنصحوووني امهات

اتوكل على الله واحولهم من السنه اليايه علشان يبدون بدايه صحيحه ؟؟ ولا شنووووو ؟؟

انزين والامهات اللي اعيالهم بمدارس المستقبل ؟؟ اشلووونها ؟؟ زينه ؟؟ وشنو نظااامها ؟؟


ابي افادتكم امهات واتساعدوووني ​

 

[الفنانه79]

اشدعوااااااااااااااااااا امهات وينكم ؟؟

موهذااا العشم

 

[سيدة الكويت]

صح كلامج الشاطر شاطر ويا ما طلاب من الحكومه نافسوا الى يتخرجون خاص وساروا اشطر منهم

بس انتى دخليهم معاهم بريطانيه وامريكيه عشان تقوى اللغه عندهم وان شاء تشوفينهم فى احسن المراكز

 

[om al ghaleen]

توكلي على الله وحوليهم حكومه
ومثل ماقلتي الشاطر شاطر ..,,
لانه اهم شي التأسيس اللي اهي الروضه يبين ع الياهل اذا ذكي ولااستيعابه بطئ

ماشاء الله عيال رفيجتي كانوا بالروضه بالباكستانيه وبالابتدائي حكومه ودايما الاوائل تبارك الرحمن

 

[خفايا الروح]

.





صــــــــــح .. انا طول عمري متفوقه ودرست بأفشل المدارس ..

بس ... مو الكل نفسنا في اللي يتأثر يعني اذا كان مع كسالى وابلات مهملات يصير كسول ومهمل ..

 

[الفنانه79]

اي والله صاجين

جزاكم الله خير

وين باجي الامهات ؟؟

 

[78MariMar78]

الشاطر وين ما وديته يمشي

 

[srabeel]

أنا عيالي بالروضه خاص وتالي أوديهم حكومه اقدر أخليهم بالخاص لكن ما يسوى الشاكر شاطر وين ما راح إتكلي على الله وخليهم حكومه دام تقولين بس اللغه مالت عيالج زينه بس أهم شي .
لا تغلطين غلطة وايد ناس أعرفهم خلوهم لي الإبتدائي وفي ناس لي المتوسط تالي ما إقدروا يطلعونهم ليش اليهال خلاص تعلموا على المدرسه وطريقة التدريس وبعدين الدراسه تكون بالخاص كله بالإنجليزي والحكومه العلوم والرياضيات بالعربي فراح يتشتت حرام خلاص دام خلصوا kg بالخاص بس كفايه

والله يوفقهم وين ما راحوا

 

[الفنانه79]

جزاااكم الله خير بنات مااقصرتوا

تجااااااااااربكم امهات مع مدارس المستقبل

 

[حلم الطفولة]

الفنانه .. في تجمع لمدارس المستقبل .. دخلي وسئليهم ..

وأتفق مع الكل ...إذا قادره تكملين لهم خاص كملي ... و إذا لأي سبب تدرين إنج ماراح تكملين لهم لغاية الثانويه فطلعيهم الحين أبرك ,, حسافه يوصلون ابتدائي ومتوسط وتنقلينهم يتدودهون مع تغيير النظام والمناهج..
كا قريبتي عيالها يدرسون ماجستير ماشالله .. وأصغر عيالها تدخلهم الروضه وأولى ابتدائي خاص .. وبعدين تنقلهم من ثانيه للحكومه .. ماشين وخلصنا .
بالتوفيق ..

بســم الله << ((( الله أكبر ماشاء الله لا قوة إلا بالله )))

 

[رفرف]

شوفي انا لي تحفظات ع الحكومة بس أأيدج ان الشاطر شاطر وين ما كان ..

بس حطي في بالج انج لو ناوية تطلعينهم من الخاص طلعيهم الحين احسن .. لأن كل شي بيتعودون عليه ما عدا شغلة الارقام لأن اغلب المدارس يدرسون الماث بالانجلش وبالحكومة يدرسونه بالعربي فتتلخبط عندهم الارقام وينزل مستنواهم بالرياضيات حتى لو اهمه شطار ..

اما الباجي ماراح يتأثرون انشالله يعني العربي والاسلامية منهج الحكومة نفس الخاص .. وباجي المواد مو تراكمية .. والانجلش بيكونون اقوى من الحكومة اصلا .. بس الماث اهوه المشكلة .. فإذا كان قرارج انج بتطلعينهم اول وتالي الحين ولا بخامس .. انا اقول طلعيهم الحين احسن..

 

[برنسيسة الشمال]

حبيبتي انا من درست بحكومه وفوقة ووايد من اهلنا بخاص فهمهم
بس الانجلش عندهم اقوى يعني حكومه افضل وبالصيف دورات
هذا هو الحل؟

 

[أشكي عليك الحال]

حبيبتي دخليييهم الحكووومه وانتي استمرري وياااهم وجخلييهم بالصييف دورات للانقلش ولاتخلييينهم بدوون انقلش لان الحكوومه مايااسسوون ف اذا انتي بتشدين حيلج مع عيالج خلج بالحكوومه وعشاان بعد مايتشتتووون

عياال خالتي كانوا بالخاص ومتوفقيين والحين من دشوا المتوسط دخلو الحكوومه ونزل معدلهم شووي لان مو متعودين على الحكووومه ومتاذيه منهم خالتي

ف دخليهم وتوكلي على الله

والله يخليييهم لج

 

[الحراير]

اذا شطار توكلي ودخليهم حكومه وعلي قولتج الشاطر شاطر والله يخليهم لج وتشوفينهم متفوقين دايما

 

[كويتية صغيرة]

متفوقين الجامعة اللي يكرمهم الأمير كل سنة ..... هل كلهم جايين من مدارس خاصة ؟
طلبة كلية الطب و الهندسة في جامعة الكويت ..... هل كلهم كانوا بمدارس خاصة؟



........ و بعد تجربتى للحكومة و تجربة اقاربي في الخاص
في رأيي ...... انه يعتمد على الطالب نفسه




يعنى الطالب الشاطر ....... شاطر وين ماتحطينه بمدرسه خاصة او حكومة
و الطالب الضعيف ....... ضعيف سواء بمدرسة خاصة او حكومة
و الطالب المتربي عدل و اللي مهتمة فيه امه و ما تتركه للخدامة تجابلة ...... يبين من اهتمام امه فيه ....... و هذي يلاحظونها المدرسات على الطالب نفسه.



2. فقط للمثال :اعرف اقاربي لنا عيالهم كانوا مدارس خاصة و نقلوهم حكومة ........ تقول الأم الطفل موقادر يتحمل يعطونه فوق طاقته و فوق مستواه ..... و ام اخرى عيالها مدارس خاصة و حاطة لهم مدرس خصوصي تقوللي انا ضايعة معاهم و موعارفة ادرسهم يعنى خسارة فلوس الصبح و خسارة فلوس العصر من الصوبين.


3.مدارس الحكومة تغيرت كثيرا ..... وايد ظالمينها و مصورينها انها نظام فاشل بشكل مبالغ بصراحة....... المناهج حاليا (خصوصا اولى و ثانية وثالثة) تغيرت مناهج 3 مواد العلوم و الرياضيات و العربي ......... تصعبت المناهج صارت اصعب و هذا من صالح الطالب..... و على فكرة من كلام الأخوات ان المناهج صارت مقاربة لمناهج المدارس الخاصة ..... الأمهات يتحلطمون لأن متعودين على المنهج القديم لأنه أسهل عليهم بالتدريس .....و اي شيء جديد اكيد فيه معارضة لكن لايعنى انه سيء..... لكن المنهج صار مواكب لعصر التكنلوجيا ,


4. الأم لازم تتابع عيالها حتى لو بالحكومة هذا ماله علاقة ، ألحين مدارس الحكومة مو مثل قبل بس اجتماع امهات كل 3 اشهر او بعد الشهادة....... حاطين يوم اسبوعي لكل مرحلة يعنى اسبوعيا تشيكين على ولدك او بنتك....... و بالتالي الأم لها دور خصوصا اغلب الأبلات حليوين حتى تلفونها النقال تعطيني اياه ، يعنى حسب الأبلة بعد.


5. السنوات الأخيرة مدارس الحكومة بصراحة عندي أجدد و صارت أحدث من مدارس الخاصة ....... انا شفت بعينى مدرسة عيالي من داخل ما شاء الله جددوها بالكامل و حطوا ألعاب فيها صارت المدرسة تونس ........ و عاجبنى القانون اللي حطوا وزارة التربية ان كل صف لازم عدد الطلبة مايتعدى 25 طالب هذا اقصى حد في مدارس الحكومية . و انصدمت لما عرفت ان بعض المدارس الخاصة (اللي وايد صيتها و معروفة) الصف فيه تقريبا 40 طالب !!!!!!!!!!!!! و المدرسة صغيرة و قديمة و بحولي و ما ادراك ما حولي.
.

ملحوظة : الشيء بالشيء يذكر تذكرت مقابلة للمذيع طلال الياقوت ...... لما قابلوه في ضيافتهم مع عياله .... قال كلمة عجبتنى ........ قال انا درست في الحكومة و كانى مهندس و الحمدلله و عيالي كلهم دخلتهم مدارس حكومة و الحمدلله كلهم متفوقين ....... عيالي حالهم حالي وعندي مبدأ ان الشطارة على الشخص نفسه.

و في النهاية


اهم شي في نظري مرحلة الروضة و أولى ابتدائي
مدام الطفل متأسس عدل ..... راح يمشي وين مايروح
و في النهاية يعتمد على الطالب نفسه
و الدليل خريجين الجامعة كل سنة

 

[زوزو الحلوه]

حبيبتي مدارس الحكومه اول على ايامنا طلعت على قولتج المهندس والدكتور وغيره وغيره لانه كانت المناهج اقوى والمدرسين والمدرسات يدرسون من قلب اما اللحين مناهج صعبه على الفاضي يعني يبون يطلعون عيالنا عباقره والتأسيس ميييح والمدرسين والمدرسات اهم اساسا مو فاهمين المناهج عدل شلون بيدروسون ومالهم خلق اليهال الله يعين ومحد يعرف مصلحه عيالج كثرج انتي تقررين و الله يوفقهم انشاالله

 

[أم عبووووود]

شوفي حبيبتي انا برد عليج من واقع تجربة

العام انا طلعت عيالي من الخاص ونقلتهم الحكومة وكانوا الله يحفظهم (اولى وثانية ورابعه) والحمد الله يارب تأذيت معاهم اول ش وبعدين تعودنا

الحين افضل وقت تطلعين عيالج من الخاص اذا ناوية تطلعينهم وحرام تظلمينهم تخلينهم لي خامس وتطلعينهم لان بعدين انتي وهما راح يتأذون وماراح يتأقلمون بسهولة

واذا نوعج اللي تجابلين عيالج والله وين ماتحطينهم راح يمشون وان شالله يتفوقون لان الام هي الاساس مو المدرسة

والشاطر شاطر وين ماراح مثل ماقلتي

استخيري وربي يسهل امورج وامور عيالج يارب

اي استفسار انا بالخدمة حبيبتي

 

[الكـ صمتـ ــلام]

شوفي حبيبتي العام انا حولت عيالي من بداية المتوسط صج حسوا بفرق رهيب والطامه الكبرى اهي الماث بس على قولتج الشاطر شاطر ومن كثر ما تحلطمت العام عالمنهج الحمدلله تغير للافضل:eh_s(15): والرك عالام والمتابعه شي ضروري والحمدلله مشوا بالحكومه بس انا موحابه وكان ودي يكملون بالخاص(( تمشي الرياح بما لاتشتهي السفن))
والحمدلله على كل حال

 

[الكـ صمتـ ــلام]

متفوقين الجامعة اللي يكرمهم الأمير كل سنة ..... هل كلهم جايين من مدارس خاصة ؟
طلبة كلية الطب و الهندسة في جامعة الكويت ..... هل كلهم كانوا بمدارس خاصة؟



........ و بعد تجربتى للحكومة و تجربة اقاربي في الخاص
في رأيي ...... انه يعتمد على الطالب نفسه




يعنى الطالب الشاطر ....... شاطر وين ماتحطينه بمدرسه خاصة او حكومة
و الطالب الضعيف ....... ضعيف سواء بمدرسة خاصة او حكومة
و الطالب المتربي عدل و اللي مهتمة فيه امه و ما تتركه للخدامة تجابلة ...... يبين من اهتمام امه فيه ....... و هذي يلاحظونها المدرسات على الطالب نفسه.



2. فقط للمثال :اعرف اقاربي لنا عيالهم كانوا مدارس خاصة و نقلوهم حكومة ........ تقول الأم الطفل موقادر يتحمل يعطونه فوق طاقته و فوق مستواه ..... و ام اخرى عيالها مدارس خاصة و حاطة لهم مدرس خصوصي تقوللي انا ضايعة معاهم و موعارفة ادرسهم يعنى خسارة فلوس الصبح و خسارة فلوس العصر من الصوبين.


3.مدارس الحكومة تغيرت كثيرا ..... وايد ظالمينها و مصورينها انها نظام فاشل بشكل مبالغ بصراحة....... المناهج حاليا (خصوصا اولى و ثانية وثالثة) تغيرت مناهج 3 مواد العلوم و الرياضيات و العربي ......... تصعبت المناهج صارت اصعب و هذا من صالح الطالب..... و على فكرة من كلام الأخوات ان المناهج صارت مقاربة لمناهج المدارس الخاصة ..... الأمهات يتحلطمون لأن متعودين على المنهج القديم لأنه أسهل عليهم بالتدريس .....و اي شيء جديد اكيد فيه معارضة لكن لايعنى انه سيء..... لكن المنهج صار مواكب لعصر التكنلوجيا ,


4. الأم لازم تتابع عيالها حتى لو بالحكومة هذا ماله علاقة ، ألحين مدارس الحكومة مو مثل قبل بس اجتماع امهات كل 3 اشهر او بعد الشهادة....... حاطين يوم اسبوعي لكل مرحلة يعنى اسبوعيا تشيكين على ولدك او بنتك....... و بالتالي الأم لها دور خصوصا اغلب الأبلات حليوين حتى تلفونها النقال تعطيني اياه ، يعنى حسب الأبلة بعد.


5. السنوات الأخيرة مدارس الحكومة بصراحة عندي أجدد و صارت أحدث من مدارس الخاصة ....... انا شفت بعينى مدرسة عيالي من داخل ما شاء الله جددوها بالكامل و حطوا ألعاب فيها صارت المدرسة تونس ........ و عاجبنى القانون اللي حطوا وزارة التربية ان كل صف لازم عدد الطلبة مايتعدى 25 طالب هذا اقصى حد في مدارس الحكومية . و انصدمت لما عرفت ان بعض المدارس الخاصة (اللي وايد صيتها و معروفة) الصف فيه تقريبا 40 طالب !!!!!!!!!!!!! و المدرسة صغيرة و قديمة و بحولي و ما ادراك ما حولي.
.

ملحوظة : الشيء بالشيء يذكر تذكرت مقابلة للمذيع طلال الياقوت ...... لما قابلوه في ضيافتهم مع عياله .... قال كلمة عجبتنى ........ قال انا درست في الحكومة و كانى مهندس و الحمدلله و عيالي كلهم دخلتهم مدارس حكومة و الحمدلله كلهم متفوقين ....... عيالي حالهم حالي وعندي مبدأ ان الشطارة على الشخص نفسه.

و في النهاية


اهم شي في نظري مرحلة الروضة و أولى ابتدائي
مدام الطفل متأسس عدل ..... راح يمشي وين مايروح
و في النهاية يعتمد على الطالب نفسه
و الدليل خريجين الجامعة كل سنة

براااافو عليج كلامج100% صححححححححححح

 

[الفنانه79]

واااااااااااااااااااااي بعد قلبي ريحتوووووووووووووني الله يريحكم يارب

ماقصرتوا بهالكلام الطيب

والشاطر شاطر وين ماكان