انا بالكويت تعالو ساعدوني بسرعه تكفون

[أفوكادو _sa]

السلام عليكم

اخباركم خواتي

انا جايه الكويت اليوم وبصراحه ودي تدلوني على الاماكن الحلوه والشعبيه ........ ما ابي الماركات والمجمعات اللي فيها زارا وطقتهم لالالالالالا هذي عندنا انا ابي حق الجلابيات الميني وملابس القرقيعان و ابي حركات غريبه وفساتين وكل شي ....... وابي العايات والغطاوي الزينه والغريبه ...............ز والرخيص طبعا

اكيد كل هذي بالاماكن الشعبيه صح ؟؟؟ طيب وين ؟ رشحولي افضلها لان قدامي يومين بس


انا ساكنه في بنيد القار عند فندق السفير

رشحولي افضل الاسواق واماكنها علشان بسرعه اروح لها


تنصحوني اروح كويت ماجيك ولا ؟؟؟؟؟؟؟؟

هل في تخفيضات الحين ولا ؟؟؟؟

وين اماكن القمصان والبجامات والاشياء الرخيصه ؟؟؟؟؟

ابي اماكن الكلف والشك والخرابيط وين القاه فيه ؟؟؟؟؟؟


ابي جزم رخيصه وين فيه ؟؟؟؟؟؟

زهقنا من الاشياء الغاليه والمكرره خخخخخخ

يالله بنام وبصحى وياليت اجي اشوف كاتبين لي المجمعات والاسواق الشعبيه وووووو والوقت المناسب اروح له


سوق السالميه وشو مميز فيه ؟؟؟؟


مع السلامه

ربي يوفق ويسعد من ترد علي يارب

 

[ديناا كوليكشن]

حياج الله عندي لايطوفج العرض

 

[أفوكادو _sa]

ماحد رد علي ليه

 

[دلوعة المنتدى]

اب
اب
اب

 

[ام ورود مول]

حبيبتي وايد اماكن حلوة موجودة بالكويت
اذا تبين الاماكن الشعبية والرخيصة وتلقين فيها طلباتج روحي سوق المباركية قريب من مكان اقامتج

والدراعات التفصال روحي مجمع العربيد بالفروانية اغلب الخليجيات يشترون منه...همن في مجمعات بالفروانية فيها كل طلباتج وهي العربيد والحمرا مول ...والمغاتير (فيها عبي وايد حلوة) ...كلهم جنب بعض فيهم كل اللي تبينه

واذا تبين دراريع جاهزة عندج مجمع الاوقاف بعد

مجمع كويت ماجيك واجيال و الكوت و المنشر كلهم حلوين بس بعاد عن مكان اقامتج شوي...يبيلج تقريبا نص ساعه بالسيارة وتوصلين

وان شاء الله البنات يفيدونج اكثر
ونتمنى لكي طيب الاقامة في دولتنا الحبيبة

 

[ام عمر11]

روحي حوش السالميه شحاطات تجنن واسعارها مناسبه

روحي مجمع منيره بالسالميه بعد حلو

روحي ستي سنتر السالميه سوق شعبي كبير وفيه كل شي رخيص حيل
روحي الفروانيه فيها شغلات واااجد اول شي روحي مجمع العربيد كله دراريع وميني دراعه واسعارها رخيصه ومناسبه
وفي مجمع بالفروانيه اسمه مبارك الصيفي هذا تخصص عبي 3 أدوار وفي محلات كلف


روحي الديره الكويت داخل الستي
روحي البلوكات خااام روعه وراقي ومحلات كلف ولا ملبون واحد اشكال والوان
وهم في خياييط فوق حق الميني دراعه شغل رووعه تطريز وحركات واسعارهم مناسبه


تبين بجامات رخيصه وحلوه

روحي فاشن مل في بالفروانيه وفي بالسالميه وعندج سوق ميترو الفراونيه

 

[أفوكادو _sa]

ربي يعطيكم الف عافيه ما قصرتو احرجتوني والله بكرمكم


رحت العربيد وخذت لي ميني جلابيه روعه عجبني شغلهم


العصر بروح الاسواق القريبه ان شاء الله وبحاول امر اللي قلتولي عليها شكلها شي


قالولي روحي الجليب وينه فيه هذا ؟؟؟؟؟؟؟

 

[ســــراب]

..

لا لاتروحين الجليب مو شــى ماراح يعجبج

روحى للاماكن الى قالولج عنها البنات ماشاء الله ماخلوو وشــي

..

 

[راعية الخير]

هلا فيج بالكويت سوق السالميه فيه أشياء حلوه مجمع النقره الشمالي والجنوبي في حولي مجمع الحمرامول والعربيد بالفروانيه قيصرية السالميه فيه محلات بجايم روعه لا يطوفونج البلوكات فوق خياييط دراريع روعه

 

[معلمة شيسمونه]

الحين اغلب المجمعات تنزيلاااااااااااااااااااااااااااااااااااااااااات وتوصل لحد 75 بالميه وصج اغلبهم

تبين دراريع روحي العربيد مال الدراريع مو العربيد بلازا لاني جم مره اصادف سع وديات يحوسون هناك يقولون وين الدراريع

جواتي بحوش السالميه

جيكي على المعارض بمشررررررررررف بارض المعارض يمكن في معرض مفتوح لحد الحين
في عندج بعد معرض رمادا سفير الرقعي روحي وشوفي

وخل اقولج شغله
كويت مجك ومجمع البيرق ترى عندهم نفس المحلات اللي بالحمرا مول والمغاتير والعربيد بلازا تقريبا

عندج بالري
دريم مول ولولو هايبر وماكس وشو اكسبرس وزين سنتر( فيه تنزيلات عطور) هذول كلهم مسطرين يم بعض متروسين اشياء وهم اسواق شعبيه تقريبا

هذول اللي اذكرهم والبنات ما قصروا
​

 

[معلمة شيسمونه]

ذكرت شغله خلي بنات الجهرا يدلونج على اسواق الجهرا

فيها واااااااااااايد اشياء بس انا ما ادل مو من سكان المنطقه ​

 

[افكاري]

حبيبتي حياج في معرض افكاري


اكبر تجمع للمشاغل والمشغولات اليدوية في الكويت

تحصلين الدراريع وميني دراعه وملابس القرقيعان وتغليف السكر واطقم السفره للتقديم وشنط وعطور وماكياج واكسسوارات


واايد يزورون المعرض من دول الخليج لان المشغولات اليدوية والمشاغل الموجودين بالمعرض شغلهم مميز


حياج الله وشوفي بنفسج

الري - خلف سنتر بوينت - بجانب السوق الإيراني - داخل مجمع ري سنتر
يبطل يوميا من الساعه 4 العصر للساعه 10 بالليل
واذا بتسألين عن شي هذا رقم المعرض 24715255​

 

[بنت جنيف]

السوق الشعبي تقريبا سوق السالميه ً السوق الاحمرً جامع كل شي من بجايم وقمصان وجواتي واسعارهم رخيصه وتبين ميني دراعه روحي البلوكات وتلاقين الكلف اهناك