انا بالمكياج اينن لكن بدون مكياج الله لا يوريكم .. تعالو وشوفوا مشاكلي

[hooryah q8]

البنات ماقصروا معاج كفو ووفو

و صح كلامهم انتي الحين فاضيه لا ريل ولا عيال ولا تفكرين بزوج المستقبل الحين
فكري ابنفسج كشخي و اهتمي ابنفسج حق نفسسسسسج مو حق احد

وكل الي قلتيه له حل و يااااااااااكثرهم

شعرج كيراتين
ويهج و اريولج عيادة جلديه

و اذا رحتي بتلاقين بلاوي بعد انتي عزمي اتروحين وتهتمين ابنفسج و راح اتشوفين النتيجة الي تعجبج ان شاءالله

اموفقه يارب

 

[انا لحبيبي .]

حبي نفسك ،

ومافي حد كامل لاتحطي ببالك

 

[ام سعود ديكسون]

الحمدلله محد كامل الكامل رب العباد

كاهي مريام فارس ام شعر اجعد ميننة الرياييل

و أحلام اللي ضغطينها بالنت وبالصحافة يوم يقولون لبسوها عدل و يوم يقولون مو حلوة كلها تجميل >>> واثقة من نفسها و ما خلت شي ينقص من حياتها عايشتها طول بعرض

و ميشكا بارتون عارضة أجنبية عصلة حسبالج الصحافة الصفرا خلوها بحالها
الببراتزي يلحقونها ع البحر / واهي تتمشي / واهي لابسة شورت
الله يا السلوليت اللي تارس فخوذها أنا مصدومة اشلون عصلة+سلوليت !!!!!!

الحلو فيج قمتي من تجربة الطلاق و حطيتي امل بالزواج
شوفي الحلول

كراتين للشعر
ليزر للسيقان
كلين اند كلير للحبوب والمسامات
للسلوليت نيفيا جل قود باي سلوليت
ولهي عمرج رياضة / دراسة/ شغل
فديتج

 

[..~Goolz]

ملقصرو البنات

 

[هيبة ملك]

اتعبي علي نفسج
حورفي بعمرج وكل شئ يتصلح

 

[بدويه ستايــل..]

روحي عيادات حطي خلطات الله يسعدك ويرزقك ويوفقك

 

[اسرار الغلا]

الله يرزقج بالزوج الصالح اللي يشوفج ملكة جمال بعينه

 

[التواقه]

صح كلام خواتى عيشى حياتك واهتمى بنفسك

 

[ابدا يالغالي مانساك]

مااعندج شي حبيبتي قعدي وحورفي بعمررج

خل لج كل من الاسبوع حددي لج شغله
مثلا شعررج عناايته يومين بالاسبوع واقل شي عندج حمام الزيت
عندج امبولات الشعر عندج كريم فاتيكاان
شتبين بالاستشوار يومياا
غلط قاعده تكسرين شعرج وتقصف

والبشره عندج اذا مالج خلق دشي المطبخ
خلطاات طبيعيه عندج الشووفاان حيل مفيد للبشره ينعم
والعسل
والرووب لاكاان منتهي لاتقطينه ستفيدي منه

وايدج تبينهاا ناعمه
ستعملي الشكر مع الليمووون
وبعد زيت الزيتون مع الليموون ولخلصتي من سنفرتهم
حطي كريم عليهم


واايد عندي لي عوده ​

 

[بدوية بملامح كشميرية 86]

عادي حبيبتي اهم شي خلج واثقه من نفسج

 

[ام الغريب]

~

1- السلولايت شي فضيع الفخوذ والارداف شي يبجي يعني مادري وين طلع لي.. احد راح للمستشفى ولقى علاج بالليزر

في علاج له بجهاز ال بي جي يسون لك 12 جلسة والجلسات مو غالية وايد واشوف وايد ناس يمدحووونه ويقولون يوديهم ان شاء الله
بس اذا خطوط بيضا لا مايوديهم بس السلولايت
واهتمي بتقشيرهم بملح الحليب وترطيبهم بلوشن فازلين الموف وكريم فازلين بالكاكاو وزبدة الشيا

-السيقان عندي مسمات واسعه من الشعر ماخليت شي ماسويته ..طالعه سيقاني منقطه

سوي ليززززر لو ماقدرتي استخدمي كريم الديبروساليك هو راح يقشرهم لك والصبح ادهني بلوشن فازلين الموف وخلطي معه زيت اللوز ليش هالثلاث بس ؟ لان يحتون على حمض السلسليك اللي يعالج لك هالمشكلة ان شاء الله وزيلي الشعر بالحلاوة لاشمع ولا موس ماينفعووون ابدا

- شعري لازم استشوار كل يوم او يوم ورا يوم ..يعني شكله بدون استشوار منفوش وجاف ومتقصف يعني بشع يطلع حلو فقط بالاستشوار ..وهقه اذا تزوجت .. وهذا طبيعه شعري وانا صغيره

سوي كيراتين يحل هالمشكلة وكل ماتتسبحي استعملي حمام زيت لو كل يوم بس اهم شي لاتحطين على الجذور هالشي وايد يحسن شعرك ونصيحة افضل حمام زيت هو بانويل بالمشمش وفي كريم بالمرز الاصفر بالبروتين استعملي منه شوي بعد كل حمام وفي من سانسيلك زيت للشعر التالف بعد الحمام اخذي منه شوي وحطيه براحة يدك ومسحي شعرك وايد حلووو
وزيت اللوز الحلو وزيت الخروع حطي نسب متساوية واستعملي 3 مرات بالاسبوع لمدة ساعتين يكثف الشعر ويخليه ناعم وحلووو









4

- بشرة وجهي دايما تطلع فيها حبوب صغيره الروؤس السوداء مع انه استخدم غسول للبشره الدهنيه . ولا فيه فايده..والدكتوره تقول بشرتي دهنيه لكن الي يشوفها يقول جافه وباهته.. ولا ابشركم صار ينبت لي شعر خشن متفرق بعد ماسويت جلسات الليزر ربي لا يوفقهم طلعت لي هالمشكله بعد سنه من الليزر

جيبي لك جهاز بخار وكل شهر سوي لك بخار لوجهك عرضي وجهك لمدة 20 دقيقة على البخار وبعدين جيبي مقشر القمح او المشمش من همالايا ونظفي وجهك وبعدها حطي ماسك الطين من همالايا
ويوميا استعملي غسول اكسفولياك هالماركة طبية وخاصة بالبشرة الدهنية واستعملي ثلاث مرات الحليب المنظف من همالايا طريقة استعماله تحطيه لمدة دقيقة على وجهك بعدين تجيبي قطن الوجه الدائري وتبلليه ماي حار وتمسحي وجهك وتنظفيه زين وتاخر شي غسلي وجهك بماي بارد وتسكرين المسامات بقطعة ماء ورد مثلج والله تشوفي حتى حبوب الدورة ماتطلع لك بإذن الله

- المنطقه الحساسه وبين فخوذي سمرا حيل

استخدمي للمنطقة الحساسة كريم الدوكين 4% يوميا ومرتين بالاسبوع تقشير بملح وزيت زيتون ولاتحطي ليمون لهالمنطقة انتبهي يسبب التهابات وبين الفخوذ استعملي الدوكين مع افالون البرتقالي والتقشير بملح الحليب
اختي ان شاء الله تشوفين نتيجة من اللي قلت لك استمري عليه وادعيلي واخذي حبوب سنتروم الامريكية مو الكندية لان فيها جلاتين خنزير هذي حبوب فيتامينات للجسم عامة لكن تخلي البشرة فيها نضارة وشعرك حيوي
وخلك واثقة من نفسك وعادي قصي قذلة وحطي حمرا خفيفة وكحل مافيها شي تتزينين حتى الصحابيات يتزينون وربي يسعدك ويوفقك

 

[ام الغريب]

حببيت انبهك اختي الحليب المنظف ثلاث مرات بالاسبوع مو اقل المشاركة ماقدرت اعدلها كتبت ثلاث مرات وماكتبت بالاسبوع

 

[حب1985]

اهم شي الثقة بالنفس ومدام الكل يقول عنج حلوة يعني انتي فعلا حلوة بس للاسف مو حاسة بجمالج ولا مقدرة نفسج ... الجمال شي ينبع من الداخل
السيلولايت لعبي رياضة وفيه نفس طريقة الفرشة او اداة يدلكون فيها الجسم مع لوشن يخفف السيلولايت وتره اغلب الحريم فيهم سيلولايت وشربي ماي علشان يساعد بشرتج تتحسن
الرؤوس السودا سوي تنظيف بشرة بين فتره وفتره واكيد فيه كريمات وادوية تعالج البشرة
شعرج لا تسشورينه دايما تره يتعب ويتقصف ولا تمشطينه وتربطينه واهو مبلول حاولي تهتمين فيه حطي زيت وعالجيه بدال ما تخربينه بالسشوار وخلي سشوارج وقت المناسبات ... اذا تسبحتي وتبين تنشفينه بالسشوار حطي الدرجة الباردة

 

[منال $]

يعطيهم العااااااااااااااافية البنات قالولك كل الحلول الممكنة

 

[حبيبي مالكني]

يبيلج تحبين نفسج انتي كارهه روحج

 

[الـفـجـر الـبـعـيـد]

اهتمي بنفسج قبل لا تتزوجين عيادات جلدية .. خلطات .. شفط شد

 

[ادمنت ضيمك]

اول شي اهنيج انج فكرتي بنفسج وحطيتي امل بعد الطلاق انج بتزوجين لانه اغلب البنات خلاص تأيس ثاني شي البنات ماقصروا كفوو وفوو عطوج الحلول الي عليج انج اطبقين الحين ثالث شي الحلا حلا الروح لاتقولين اخرع ومو حلوه الا بالمكياج الزين غسال ايدين خليج ذكيه استدرجيه برزانج بعقلج وبأسلوبج اذا بتفكرين اهم شي شلون تصيرين حلوه قدامه فانا اقولج اسمحيلي راح تتعببن مو كل شي لازم اكون حلوه لا اهم شي العقل والرزانه قدام الرجال خليه ينهبل ع ثقلج وخليه يشرفج مرا ثقيله وفاهمه وعاقله وحطي مكياج خفيف وخليه يشوف ملامحج مو تترسين المكياج لانه مصير بيشوف وجهج اهم اربع لايطيحون من وجهج الكحل والمسكرا وقلم الحواجب والحمرا اهم شي وبث وسوري ع الاطاله ?

 

[* بنت المطر *]

مهوله على نفسج الله يهديج نفس ماقالوا البنات اهم شي عززي ثقتج بنفسج وزيديها

السيلوليت الله يسلم الرياضه والملابس السترتش وعندج الصيف جاي هالله هالله بالمشي والعرق

مع التفريك عقب والسكرب والكريمات المرطبه بتغيرين 180 درجه !! بالنسبه لشعرج انا جذي شعري ومن قمت اخذ فيتامينات

وماسكات الحمدلله تحسن بس ليلحين مكسر بس ارفعه بطريقه حلوه وذربه مع جمال ارقبتي الحمدلله اخذ لوك حلو وهمن

راح يكون لها تحسين لبشرتج والله يسلم صيدلية بوتس ومحلات الصابون اللبناني من تطيحين بسوالفهم بتصيرين غير صج صج

عندهم شغلات اتهبل ( يعني خلي جددول بحياتج تعتادين عليه = حركه وتعرق تقشير وترطيب فيتامينات وكريمات واكل صحي )

وسلامتج

 

[DANA 22]

الثقه لازم بهالامور اذا مافي ثقه مافي نجاح

 

[cba girl : )]

شعرج حمام زيت فيزوو بعد كل سباحه وسيروم لوريال ومانصح بالكيراتين خلج على الاهتمام احسن

ويهج ماسكات وكريمات