انا بعرف ليش الصراحه تزعل ؟بخصوص العضوات الي يحطون صور مكياجهم

[brettey]

مو هذا الي يقهر وانا وحده ما احب اجامل بس ما احب ارد رد جارح

 

[kekat kakaw]

صااااجه والله دام انهااااا حطت صوورتهاااا لازم تتقبل النقد ..

بس في بنات ما ينقوون الفااااظهم ..

 

[brettey]

حياج يا قلبي

 

[عــاشــقــه]

معآج حق لآزم تكون ردودنآ أرقى من جذي حتى لو مآ عجبنآ مآ نجرح

 

[Be colorful]

انا اشوفها عاديه كل وحده تقول رايها
اصلا وناسه اكشن يصير

 

[dodowa el7elwa]

كل وحده ورآآيهاا عادي بس في اسلوب بالحجي

 

[قطوتي]

طبعا الناس اذواق واذا ماعجبج قولي رايج بصراحه بس باسلوب حلو وراقي

لان حرام يمكن تكون البنت توها تتعلم المكياج وتبي تشوف اراء البنات فلا تصدمينها

بكلام مو حلو مثل ويع او يلوع الجبد .. اعتقد الواحد يقدر يوصل رايي باسلوب احسن من جذي

وتلقينها راح ترد عليج بصدر رحب .. مشكوره على موضوعج : )

 

[رورو 88]

انا عن نفسي اذا ما عجبني اقولها مو حلو لان حرام عشان اتصلح من نفسها

اذا جاملتوها راح تستمر على هالشكل وتستانس

انا اقول رايي واللي تبي تزعل كيفها بصراحه

 

[:: Diva ::]

الي يضحك


ان مو بس العضوه تنتقد باسلوب وقح و هيلقي
لا صاحبة الموضوع البنت الي حاطه الميك اب

لو فيج خير انتقدي شغلها بادب و ذرابه شوفي شتسوي فيج خخخخخخخخخخخخخخخ

قمة الهلاقه والله
لا و لما تصير ساحة معركه
هاذي تفزع لهاذي و هاذي مع ذيج
بس امسك بطنك و اضحك قهر

 

[الاسطورية]

القسم صار ممل وماله هدف ياريت تكون المواضيع هادفه اكثر

 

[غروور-2009]

الرد يكون بإسلووووب راقى والا تسكت احسن البنت تعبانه على الموضوووووع مانزلته عشان الناس تهزأها حرااااااااااااااام

 

[& دلوعه زوجها &]

كلام سليييييييييييييييييييييييييم

 

[PinKiSHo]

مثل ماقلتوا في فرق بين الصراحة والوقاحة

الي حاطه الموضوع يمكن تكوون صج مبتدئة تبيي تتعلم مووعيب يعني بس في بعض البناات الله يهداهم بس يحبطوون

وردودهم تقهرر صراحة انا لما اقراها اتنرفز وبصرااحة الي يبي يحط موضوع بالمنتدى لازم يفكر مليون مرة قبلها موعشان الانتقاد بس عشاان لايحصل له كلمة تجرحه من ناس تتكلم عن الذوق وماتعرفه

موضرووري تمدحين بس قولي رايج بدون تجرييح انا مره انتقدت وحده على قصتهاا وتحسفت لوول والله معني انتقدتها تا تعدل القصة بس الله يهداهم البنات شراار

 

[ALyaNa]

بالنسبه لي اقول رايي بس بدون تجريح وبادب وفي عضوات يطلبون النصيحه اذا في شي مو حلوو ،، واللي تجرح على بونه تقول الصراحه

هذي الله يعينها على نفسها

 

[brettey]

حياكم على ردودكم المشكله لما انج تنقدين صاحبه الموضوع بادب تزعل وتحط عليج
عيل ليش حاطه الموضوع من الاساس طالما انج ما تتقبلين النقد ؟