انا بعرف ليش الصراحه تزعل ؟بخصوص العضوات الي يحطون صور مكياجهم

[غلا الغوالي]

انا ودي اسـأل اللي يحطون صور مكياجهمـــــــــ

هم واثقين من النت الى هاالدرجه :eh_s(1):

اهلها اخوانها زوجها يدرون انها تحط صور نص وجهها للعاااااااااااااالم شباب وبنات


لا وياليتها عاديه الا كلها مكياج وزينه


طيب لو احد من الاعضاء بنت والا ولد حفظوا صورتك عندهم ترضين هااللشي


طيب ماتدرون انه حراااااااااااااااااااااااااااام




سسسسسسوري ياصاحبة الموضوع كان طلعت برى الموضوع الأساسي





​

 

[ياعشيري جعلك السلال]

الناس اذواق

بس المفروض الواحد يحترم والصراحه حلوه بس بحدود

يعني قولي رايج بدون تجريح

وانا اذا ماعجبني شي ما ارد

 

[!! الواصليّـــــة !!]

ما ارد ع هالمواضيع نهائياً ..{

مو مسألة اني ممكن اجرحها لو ماعجبني ..

لأ

..

بس لأن مجرد ردّي وابداء رايي يُتعبر مشاركه في مُنكر !

..

يمكن انتي الحين يا بريتي تقولين هذي خذت الموضع مأخذ ثاني ..؟؟

بس واجب علي اقوله ..
..

وكلامج باقيه صح في اني اقول رايي ولكن بحروف طيبه بعيده عن التجريح {
..

 

[Om_RayooMa]

اى والله كلامج عدل

 

[brettey]

حياكم واشكركم على مشاركاتكم
الواصليه لا عادي كتبي راييج بكل حريه
جواهر والله هذا الي اقصده هالي يقتبسون الردود ويعلقون واحيانا ما يقتبسون بس يعلقون على كلمه انتي قايلتها بالرد ويحرضون ويشيشون
قهوه فرنسيه اي عادي صارت معاي وتقول لج ما يهمني راييج ؟والله شي يضحك عشان قلتي ما يعجبني ؟خو الناس اذواق
اهم كيفهم بحطون صورهم كيفهم بس يتقبلون الاراء سواء مدح او نقد

 

[غلاي غير]

مدام في صور يعني في اختلاف بالذوق

 

[جوك احلى جو]

صاجه والله في ناس ماتحشم

 

[brettey]

حياكم نورتوا باراءكم
جوك احلى جو الناس الي ماتحشم على افا من يشيل

 

[الزين نجدي والدلع شرقاوي]

يعني شنو المشكله اذا اعجبني الشي امدحه وان ماعجبني ماارد

( قل خيرا او اصمت )

والكمه الطيبه والحلوه ببلاش ..

والبنات للامانه فيهم اللي استفدنا منهم

وفيهم اللي يعطون بضمير ..

مع اني ضد ان البنت تحط صورها بالنت (لانه حرام) بس يمكن تكون تكشف وجهها بالحقيقه فـ عادي

الله يوفقهم عموما .. لكن ارجع اقول بالنسبه لسؤآلج .. انا عن نفسي اتضايق لما اشوف كلام مو زين لوحده حاطه صورها وتجي وحده تنزل فيها وفي شغلها يعني تعبت وحطت وسوت .. قولي يعطيج العافيه او لاتردين << وجهة نظري

تسلمين ع الموضوع حبيبتي

 

[brettey]

حياج بس احنا ننصحها لمصلحتها طبعا ما اقصد الي يعلقون تعليق جارح

 

[كريستال ليدي]

النقد مقبول بس في بنات اسلوبهم دفااااااااااشة والله دفاشة و كلماتهم مو حلوة كلش لازم الواحد يصيحهم على عمرهم شوية

ترى قبل المنتدى ما كان جذي والله كان كله احترام و ذرابة

الحين كله هوشات و طوالة لسان على الفاضي

للأسف

 

[تيوليب]

انا عن نفسي مااعلق ..... لاني كلش مو متقبله فكرة البنت تحط صورة عيونها او شفايفها والله حرام تفضح بعمرها ,,,

دخلو ع يوتيوب وشوفوا بعض الشباب والله العظيم منزلين صور بنات وحاطين تحتها تعليقات وصخه ...

اشتسوى على هالبنات ياخذ صورها واحد مراهق ويحطه باليوتيوب ويعلق عليه تعليق قذر ؟؟؟؟؟ الله يهداهم بس

 

[تيوليب]

يعني شنو المشكله اذا اعجبني الشي امدحه وان ماعجبني ماارد

( قل خيرا او اصمت )

والكمه الطيبه والحلوه ببلاش ..

والبنات للامانه فيهم اللي استفدنا منهم

وفيهم اللي يعطون بضمير ..

مع اني ضد ان البنت تحط صورها بالنت (لانه حرام) بس يمكن تكون تكشف وجهها بالحقيقه فـ عادي

الله يوفقهم عموما .. لكن ارجع اقول بالنسبه لسؤآلج .. انا عن نفسي اتضايق لما اشوف كلام مو زين لوحده حاطه صورها وتجي وحده تنزل فيها وفي شغلها يعني تعبت وحطت وسوت .. قولي يعطيج العافيه او لاتردين << وجهة نظري

تسلمين ع الموضوع حبيبتي

كلامج صح والله وانا معاج المنتدى صار مليق من هالاشكال بس قاعدين ويسبون ولا يبون يتهاوشون الحمدلله والشكر

 

[brettey]

حياكم
al7ajeiah اي والله صدقتي صار المنتدى كله هواش ولسان طويل وهابين بالنقزات انا قبل جم شهر وحده قاطه نقزه عليي ومتطنزه على مواضيعي مع ان ربي فوقي ما ضريتها ولا لي شغل فيها بس ناس تحب تحارش وتتناجر علبوا بسوون حق روحهم جو
ووايد يشتكون من هالسالفه ايون عضوات ويحارشونهم ويناجرونهم بس شنسوي كل وحده وتربيتها
والله اول ما بطل المنتدى سنه 2004 كان يهبل والعضوات يونسون

 

[kingq8q8]

في وحده حاطه عيونها وخدودها وبراطمها

رديت عليها جان اقولها جان حاطه وجهج بعد؟؟؟

ازعلت وكلتني بقشوري عالخاص

 

[خــجــولــه]

الصراحه مطلوبه

ولازم الأراء تكون مختلفه بس بدون تجريح

واهلا بالنقد البناء

 

[عاشقه القيصر]

صح كلامج ماله داعي التجريح اللي ماله داعي .
والصراحه حلوه بس ماتوصل لتجريح في فرق بين الصراحه والوقاحه

وتقبلي مروري

 

[brettey]

حياكم يا قلبي نورتوا
kingq8q8 عادي طوفي
انا مو على سالفه ان بحطون صورهم كيفهم شي راجع لهم وانا للامانه استفدت من لوكات كذا وحده بس في عضوات يزعلون اذا قلنا لهم ان مو حلو او يبي تعديل

 

[عبااير]

انا برايي ....ان الادب والاحترام لازم وضروري
يعني اذا مابي اكون مجامله اكون وقحه ؟؟؟؟؟؟؟؟؟؟؟؟؟؟؟؟؟؟؟؟؟؟
شي ماعجبني اعلق بادب اقول انه اوفر مو راكبه الالوان واختم بكلمه طيبه
او اسكت وماارد احسن
ادب التعليق وااااجب
تقبلي مروري

 

[! بــدويه وآآيــد !]

:~


إي بس يبون النآس يقولون لهم وآآي تهبلين استخفيييت على جمآلج وعيونج استغفر الله يآربي ..~


لولآ اختلآف الآرآء لبآرت السلع



:~