- إنضم
- 14 يونيو 2009
- المشاركات
- 10,222
- مستوى التفاعل
- 0
- النقاط
- 0
السلام عليكم ورحمة الله وبركاته
بنات عندي مشكله مأزمتني وااااااااااااااااااااااااااااااااااااايد
باختصار انا قبل لا اتزوج ولد عمي كان يحبني وكل عايلتنا يدرون بهالشي وكانو دايما يقولون حق ولد عمي هذا وين مرتك مرتك راحت مرتك يت عني طبعا
وانا لفتره كان عادي عندي الموضوع ما حبيته ولا اكرهه عادي
وبهالفتره كان ولد عمي يدرس وكنت اقول له اذا صرت ( ........) منصب معين راح اتزوجك
وانا كنت صادقه بكلامي معاه اولا لان كنت ابيه يكمل دراسته لان هالشي راح يفرح ابوه
وثانيا لان ما كان يسمع كلام احد ولا يرد على احد غيري
وراحت الايام ويت الايام
وتعرفت على ريلي وخطبني وحبيته وصارحت ولد عمي وقلت له ان في واحد خطبني وانا ابيه وهو ما كان مصدق ويحسب الموضوع غشمره او يمكن لان امي وابوي بالبدايه ما كانو راضين
ومن عرفت ريلي وانا اي احد يقول لي انتي مرت فلان ( ولد عمي ) اوقفه عند حده واقول له ان فلان ولد عمي وبس
لين تزوجت يوم ملجتي كانت صاعقه على اهل ابوي لدرجة ان عرسي محد يا منهم حتى يدتي ام ابوي ما يت
اللي يو عمامي وابوي فقط لا غير والحريم كلهم متضامنين معاه
وبالنسبه لهم انا مجرمه اني عشمته انا ما عشمته بزواج انا قلت له اذا كملت دراستك ممكن اخذك لاني كنت ابي مصلحته ولان ابوه قال لي اقول له هالكلام
عموما وراحت هالسالفه الى ان ذاك اليوم قالو لي ان ملج على وحده مو من جماعتنا ولا نعرفها يقولون خذاها على حب وانا فرحت له وااااااااايد
وكنت مستعده عشان اروح ملجته ( الحفله ) وريلي منعني لان يتحسس لموضوع ولد عمي هذا فما رحت
من ذاك اليوم وولد عمي مطلع رقم تلفوني ويدقدق علي ويقول لي انتي تحبيني وعشان جذي ما هان عليج تيين ملجتي
واذا عندج استعداد تطلقي وانا اخذج
وانا قلت له الي صار واني احب ريلي ومستمتعه بحاتي معاه
ولكن بدوووووووووون نتيجه
طبعا خطي الي عنده رقمه لغيته وقلت حق امي الموضوع وامي خايفه ان تصير مشكله عوده فقالت لي انطر لين ابوي يرد من السفر ويتصرف مع اخوه وولده
وسكتنا
تفاجأت ذاك اليوم بزوارتي لبيت اهلي ان عمتي الي ماخذه خالي تقول لي فلانه ترا فلان علاقته مو زينه بزوجته بسبتج لانج عشمتيه من قبل وقلتي له انج راح تاخذينه قلت لها انا مالي شغل وانا احب ريلي والكل يدري بهالشي
وسكت وقاعده انطر ابوي يرد من السفر عشان يحل هالمشكله
واليوم
دقت اخته الصغيره على امي تبي رقمي طبعا امي ما عطتها رقمي قالت لها اني بروح لهم عالمغرب اذا تبيني تكلمني وانا ببيت امي ولما رحت لهم دقت وقالت لي فلان يبي يكلمج سديت التلفون بويهها وشلت الفيشه بكبرها
وقلت حق امي الي صار
وعايشه برعب بسبته ولد عمي هذا مينون وخايفه يخرب بيتي
وخايفه اقول حق ريلي تصير مشكله كبيره مااااااااااااادري شالحل
بنات عندي مشكله مأزمتني وااااااااااااااااااااااااااااااااااااايد
باختصار انا قبل لا اتزوج ولد عمي كان يحبني وكل عايلتنا يدرون بهالشي وكانو دايما يقولون حق ولد عمي هذا وين مرتك مرتك راحت مرتك يت عني طبعا
وانا لفتره كان عادي عندي الموضوع ما حبيته ولا اكرهه عادي
وبهالفتره كان ولد عمي يدرس وكنت اقول له اذا صرت ( ........) منصب معين راح اتزوجك
وانا كنت صادقه بكلامي معاه اولا لان كنت ابيه يكمل دراسته لان هالشي راح يفرح ابوه
وثانيا لان ما كان يسمع كلام احد ولا يرد على احد غيري
وراحت الايام ويت الايام
وتعرفت على ريلي وخطبني وحبيته وصارحت ولد عمي وقلت له ان في واحد خطبني وانا ابيه وهو ما كان مصدق ويحسب الموضوع غشمره او يمكن لان امي وابوي بالبدايه ما كانو راضين
ومن عرفت ريلي وانا اي احد يقول لي انتي مرت فلان ( ولد عمي ) اوقفه عند حده واقول له ان فلان ولد عمي وبس
لين تزوجت يوم ملجتي كانت صاعقه على اهل ابوي لدرجة ان عرسي محد يا منهم حتى يدتي ام ابوي ما يت
اللي يو عمامي وابوي فقط لا غير والحريم كلهم متضامنين معاه
وبالنسبه لهم انا مجرمه اني عشمته انا ما عشمته بزواج انا قلت له اذا كملت دراستك ممكن اخذك لاني كنت ابي مصلحته ولان ابوه قال لي اقول له هالكلام
عموما وراحت هالسالفه الى ان ذاك اليوم قالو لي ان ملج على وحده مو من جماعتنا ولا نعرفها يقولون خذاها على حب وانا فرحت له وااااااااايد
وكنت مستعده عشان اروح ملجته ( الحفله ) وريلي منعني لان يتحسس لموضوع ولد عمي هذا فما رحت
من ذاك اليوم وولد عمي مطلع رقم تلفوني ويدقدق علي ويقول لي انتي تحبيني وعشان جذي ما هان عليج تيين ملجتي
واذا عندج استعداد تطلقي وانا اخذج
وانا قلت له الي صار واني احب ريلي ومستمتعه بحاتي معاه
ولكن بدوووووووووون نتيجه
طبعا خطي الي عنده رقمه لغيته وقلت حق امي الموضوع وامي خايفه ان تصير مشكله عوده فقالت لي انطر لين ابوي يرد من السفر ويتصرف مع اخوه وولده
وسكتنا
تفاجأت ذاك اليوم بزوارتي لبيت اهلي ان عمتي الي ماخذه خالي تقول لي فلانه ترا فلان علاقته مو زينه بزوجته بسبتج لانج عشمتيه من قبل وقلتي له انج راح تاخذينه قلت لها انا مالي شغل وانا احب ريلي والكل يدري بهالشي
وسكت وقاعده انطر ابوي يرد من السفر عشان يحل هالمشكله
واليوم
دقت اخته الصغيره على امي تبي رقمي طبعا امي ما عطتها رقمي قالت لها اني بروح لهم عالمغرب اذا تبيني تكلمني وانا ببيت امي ولما رحت لهم دقت وقالت لي فلان يبي يكلمج سديت التلفون بويهها وشلت الفيشه بكبرها
وقلت حق امي الي صار
وعايشه برعب بسبته ولد عمي هذا مينون وخايفه يخرب بيتي
وخايفه اقول حق ريلي تصير مشكله كبيره مااااااااااااادري شالحل
