انا تعلمت من تجربتي ...وابي اتعلم من تجربتكم

[عهود الحب]

السلام عليكم ابلات الروضة
الحلوين اكيد حلوين مايحتاج نقول











:



عندي لكم فكرة


بما انه انا دينصورة وخلاص قرب تقاعدي


بكتب لكم شغلات وابيكم تكتبون لي شغلات


احنا تعلمناها او اكتسبناها من الخبرة



ابي استفيد وافيد


وابيكم بعد تفيدوني بخبراتكم وتجاربكم الحياتية بالروضة وكـ مدرسة روضة شنو تعلمتي


يمكن كلامي مومفهوم



بشرحة لكم




انا تعلمت ان اي سيدي يمر علي ما اقطه بالزبالة



ليش ؟


ان اخترب ومامنه فود
لزقت عليه قص ولزق وخليته مسابقة او ساعة عليها ارقام او كلمات
والطفل يحط مشبك عند كلمة اليوم


او تحول بقدرة قادر الى لعبة ثانية
اصبغة بالوان الاصابع واخليه لعبة الاطفال يعدون فيه الاعداد
يعني فوقه العدد ويركبونه بخشبة او بلاستيك مالت العلم واكون مثبتتها بفلينة

واخلي هاللعبة بركن الالعاب التربوية








فكرة ثانية


اي قوطي روب ما اقطه


< تجمع مهملات حضرتها


هم هالقوطي يطلع منه بلاوي متلتله اشرحها لكم بعدة طرق متنوعة
وكذلك الكوب الورقي

وكرتون الكلينكس
وكراتين علب الاحذية






عندي كرتون كبير يتحول لتلفزيون او شاشة سينما والصور ملوت القصة او السلوكيات ادخلهم من فتحة جانبيه
بطريقة السحب مشهد مشهد






تعلمت انه اي هدية مجانية من مكدونالد مااقطها
خاصة المجسمات
استخدمها بالعد والمشاريع الفنية
وشكثرهم مكودين عندي
خاصة اذا كانوا شخصيات حلوة
وقبل فترة وزعوا شخصيات حيوانات لفيلم نسيت اسمه
بس كانوا خوش مجسمات لخبرة الحيوانات




تعلمت انه اي ملف ماينقط خاصة اذا كان ملف شهايد ينتسوى منه الف فكرة وفكرة ولو بقول بتعب ما اخلص


تعلمت انه الدعايات الي تجي مع الجرايد
احيانا يكون فيها صور رووووووووعة لدروسنا وتكون من ورق مقوى او مغلف شحلاته
فاقص الصور الي ابيها واحتفظ فيها لحين وقت الحاجة وياكثر ما احتاج صور منهم
خاصة لبناتي ولدروسي بعد



تعلمت انه تلفزيون الكويت القناة الاولى كل جمعة يحطون شغلات روعة
وانه المطلوب مني اضبط الموجة عالاف ام 100.5
وبس واخلي الشريط زاهب
يا اوبريت شعبي
يا غناوي تهبل ما نحصلها بكل مكان
يا شغلات ماتطرى عالبال




تعلمت انه البرنامج الثاني لقناة الكويت بعد عليه برامج شغلات تدوير للبيئه وحركات والعاب
بس يبيله تفرغ ومتابعة والافكار تهل لدروسنا





تعلمت انه اي رزنامة قلابية ماتنقط ابدا ابدا

نقدر نلزق عليها ورق ابيض ونقصها بالوسط ونخلي كلمات و صور
او عدد ومدلوله والطفل يضبطهم عرفتوا شلون

ونقدر نحط عليها كلمات الخبرة والطفل يستخدمها بالحلقة
او اعداد الخبرة
ممكن بعد نستفيد منه بركن المكتبه ونعرض فيه مصورات او البوم الخبرة
يعني حرااااااااااااااام ينقط والله



تعلمت انه اذا كان عندي درع وخلاص مااابيه
ما اقط العلبة المخمل مالته


لأنها جدا مفيده لي
اخليها قاعدة للمشروع الفني
او اعرض فيها فكرة معينة
او اخلي فيها البوم المعرس أوووف اقصد البوم العدد الجديد :tomato2:
وهكذا



وتعلمت انه علب الحليب واللبن مانقط مغاطيهم
حيل حلوين للمشاريع الفنية والعدد بعد < درينا انج مهووسة بالعددي ههههههههه

لاصج صج والاحلى منهم الدائرة المفرغة اللي معاهم وااااو حلو كتعلوقة للبطاقات


تعلمت اخلي بالصف جلاد شفاف سادة زاهب لتجليد اي صورة او شغلة تعجبني
وكروتي اجلدهم بدال التغليف الحراري الي هلك فلوسنا
وشحلاته كاهو صامد وصاير مثل السبورة الذاتية




تعلمت انه علب البيبسي العائلي ممكن تكون احلى شي بالصف
ان حطيت فيها رمل نظيف ولزقت عليها بطاقات كلمة او عدد
استخدمتها للحلقة كمؤتلف ومختلف
وان مابغيت ممكن اخلي فيها فتحة دائرية عالجنب واسوي فيها استنبات يهبل كشكل ويدوم شكثر



شنو تعلمت بعد والله شكثر بس خل اتذكر واتذكر واقول


ادري افكاري بسيطة
بس يبيلي اعادة شحن للطاقة وابشروا بالمزيد المزيد _03BA:





امانة تقولون انتوا بعد شنو تعلمتوا

لاتصير فيكم حسادة الحريم :eh_s(14):
يلا احب لأخيك ما تحب لنفسك :eh_s(1):​

 

[عهود الحب]

تعلمت اخلي عندي بالصف دايما دايما
صحون ورقية
ماكو فكرة للدرس
كتبت الكلمة عالصحن وخليتهم يدورون كلمة اليوم او عدد اليوم
واذا ابيه كتعلم ذاتي
اقسم الصحن لكذا خانة واكتب كلمات سابقة وكلمة اليوم
والطفل يحوط عالصحيحة







ماعندي درس سنع اليوم واحس ماكو كلام فيه
حطيت المتاهة

وطبعا المتاهة فكرتها ان طفل يقوم يرسم خط بالطريج
وبكل خطوة عقبة ان جاوب خليت الي بعده يكمل ووخرنا العقبة والي هي تكون عبارة عن شكل { × } كبير شوي
والمتاهة ثابته للاستخدام اليوم ومكان القلم مخليته قابل للمسح وبالنهاية
يوصل الطفل للهدية
وفيها صورة مخشوشة ونتناقش فيها وبس
جذي يقزر الوقت والدرس عال العال






تعلمت انه في علب الوان تجي جناط لما اخلص منها ما اقط الجنطة
اخذها واغلفها باي شي لو ورق جرايد واصبغه عقب
ويصير شي حلو واستفيد منه بالصف





تعلمت انه مضارب التنس ملوت عيالي اللي من ابومية
احولهم لشخصيات لدروسي وشحلاتهم كد ومد




تعلمت اخلي صندوق يمي صوب الحلقة واحط فيه مجسمات اشكال والوان وشخصيات
واخليه لزوم الكبسات المفاجئة ولزيادة الجيلة بدرسي ههههههههههههههههههههههه
ترى ينفع وقت العازة يطلع منه بلاااااااوي وتقدرون تسمونه صندوق الحكايا





تعلمت انه لازم عندي طفل وطفلة مدربتهم من اول السنة على قيادة الفصل وشرح جزء من الدرس
والتمثيل بمسرح العرايس واغلب الدرس يساعدوني بالنقاش مع الاطفال
وهالشي مخليهم حيل ثقة بالنفس
وحيل هالحركة تونس الموجهة والمديرة
وتونس الاطفال وتحفزهم للاجتهاد اكثر

 

[عهود الحب]

كرررررررررت الرد ستين مرة شكلي
سوري المهم النوايا الصادقة
وعدم التدقيق بالبدليات السابق ذكرها
طوفواا :/

 

[عهود الحب]

تعلمت ما ادش اقرا بسكات :/

بديت اعصب

ترى موزين تدشون تقرون سكاتي موحلوة كلش

 

[nero]

استفدت وايد من الي قلتيه

وان شاء الله يتطبق مع الوقت


انا للاسف ليما الحين ما تعلمت شي


وان ذكرت رجعت لكم

 

[عهود الحب]

مشكورة نيرو


في بعد عندي افكار بس ناطرة احد غيري يتحجى



في ببالي شغلات للاستهلاك اليومي وطرق لتنظيم دروسكم بسلاسة



بس نبي تجارب الحلوات



مشكورة زين عبرني احد شكل الباقي نايمين مبجر

 

[DoOoOoha]

ماشاءالله لج طولت العمر تتعلمين وتفيديني

احس ما تعلمت شي من حياتي العمليه يمكن عشان توني جم سنه

<<< كل شي تقطه وكل سنه تشري جديد

بس ماشاءالله شكلي بسوي نفس واتعلم منج

منكم نستفيد لاهنتي حبيبتي

 

[قهوه وشاهي]

مشكوره فعلا افكار تهبل مثل صاحبتها

انا مستهلكات شلتها من بالي صج ايدي فنيه بس قوطي

وعلب وتجميع خمام البيت لاااااااااااااااااااااااااااااااا

خلاص بطلت هالعاده اشتري جاهز واضيف لمساتي واعمل اعمال فنيه

لكن بطريقه مبتكره بعيد عن قواطي الروب والكلينكس بكرهم بكرهم

يذكرني بسنوات العجاف من كرهي لهم صرت اقط الروب قبل لايخلص

عشان مايلعب ابلييس بمخي واجمعهم بس تعقدت ماحبهم

 

[قهوه وشاهي]

تعلمت اجمع كل صوره اشوفها بالانترنت تفيد الخبرة

كل صور جهازي عن خبراتنا تعلمت اخلي الكمبيوتر

صديقي لانه فعلا ينقذني بالمنبهات وخووش صديق

صج لاقالوا الصديق وقت الضيق وكمبيوتري رفيق كفاحي

ومنقذي


تعلمت اعمل اكثر واتكلم قليل على قولة امي

((مامن فايده من الهذره الزايده ))

هذي المقوله حقوق الملكيه الفكرية كامله

فيها للوالده اطال الله بعمرها

 

[عهود الحب]

ضحى شلون ماتعلمتي
خو الواحد يدرس شهر واحد ويتعلم
بس اكيد مومتذكرة شي محدد
حاولي تعصرين مخج شوي
وتعطينا عصارة تجربتج بالتدريس ومو بس نقصد الشغلات الي انا كتبتها
في شغلات اكثر
احنا نشوفها عند الغير من زميلات من صديقات نسمع بشغلة
ونتبادل الافكار ونستفيد



اكيد تعلمتي
لأنه محد يطلع من بطن امه عالم < :/
ادري بترجعين وتشاركيني بشي جديد


أدري أدري < خلاص



حياج الله حبيبتي
وطولة العمر لي ولج
بس كلامج حسسني اني جدتكم ومقعدة بينكم
جرحتي احساساتي الانوثية
حياااااااج يالغالية

 

[عهود الحب]

هههههههههههه قهوة وجاي يابعد قلبي انتي
اجل تعقدتي من السنين العجاف
لاحول ولاقوة الا بالله
شنسوي عاد لازم ندور شغلة بالبيت ورخيصونه وتصلح وسيلة تربوية حلوة ومبتكرة
وتساعدني بشرح الدرس




انا احب قواطي الروب ولها عندي مكانة خاصة
الزقهم يم بعض
واحط رقم داخل القوطي والطفل يحط محسوسات على عدد الرقم
وتكون المحسوسات نتف
مثال { قطع الشطرنج الي خلاص مامنهم فايدة / زراير قديمة / شغلات من ابومية وعيالي مقططينهم يمين يسار



قوطي الروب تبين فكرة للتعلم الذاتي او لعبة تربوية
لزقي كلمة على واحد منهم وثبتيه وحطي جم قوطي عليها بطاقات ثانية
وعقب خل يركبون القوطي الصح عالكلمة
فهمتيني ؟؟؟؟
او العدد ومدلوله

ومرات اخلي شخصيات من العلبة لما الزقها ببعض


احب قوطي الروب



احبه


بحبببببببك يا قوطي الرووووووب < انفعلت الببنت ههههههههههههههههههه



ممكن منه نسوي مليون حاجة وحاجة


افكارج حلوة


ياقهوة وشاي


انا بعد جهازي ملغم
لوتدشين الصور عندي خخخخخخخخ
انا خواتي مدرسات لمواد ومراحل ثانية
لو يبون شي يسألوني اانا

 

[عهود الحب]

انا تعلمت اتعامل مع الاحداث من حولي بحاجب مرفوع وحلج مسكر

وفي عندي مقولة
لا قابلت عدوك كبر لقمتك وبحلق عيونك

للأسف مدرستي من الباب بدخلة الصبح الى الهدة
متروسة بغض وكره وحزازيات
وهالشي
مو محبطني
بالعكس مخليني ابدع اكثر



كل ماكانت الاجواء طاردة بالروضة

لاتتهربون من الدوام وتصكون غيابات
انجزوا اكثر واشتغلوا اكثر
اقصد انجازات للطفل

للطفل بالذات ولدروسكم


لاتطالعون العباد الضعاف
طالعوا بربكم وربهم


لأنه قادر على كل شي وشايف كل شي

مثل ما تفكرون بعيالكم فكروا بعيال الناس اللي بأمانتكم
لاتحطون حرة الادارة بعيالكم
لاتحطون حرتكم بالاطفال حرام مالهم ذنب
احنا الله رزقنا بغرس نغرسه بقلوبهم
وعسى ربي يقدرنا على اداء الامانة باخلاص

 

[عهود الحب]

تعلمت شغلة مهمة شفتها عند زميلتي ومن يومها انا قلادة كبيرة هههههههههههه على قولة بنتي


شوفوا يالغاليات

ماحاشكم يوم ماعندكم مثير للحلقة كلش
وصكت فيكم الدنيا
خلونا نحط ملف او صنيديق مبيت


ومن اللحين اي صورة تعجبنا
اب ام بنت ولد حيوانات اليفة بيت سرير
طبيب سحب شمس قمر نجوم سيارات متنوعة
سفينه طيارة مدرسة اطفال يلعبون
عشب ورد شجر
سور



شغلااااااات متنوعة
اي شي يطري عليكم
قصوا الصورة
من مجلة من كتاب
من قصة قديمة تلفانة خلاص بنقطها
{ وياحلات قصص بومية لهالسوالف}
من دفتر تلوين قديم
من تطبيقاتج الفنية وملونها الطفل




اخذوا الصورة غلفوها بجلاد شفاف عدل
وحطيها بالملف
صدقوني بيجيكم يوم تحتاجونها !!!!!!!!!!!!
وصدقوني لو سويتوها ونفعتكم بوقت العازة بتدعولي باذن الله ولصاحبة الفكرة





تبون الفكرة تصير احلى واحلى


جيبي فلينه عندج قديمة تلفت خلاص او مستهلكة ماتبينها
مستطيلة

او حتى قطعة كرتون !!!
ولبسيها خام


لبسيها خام جوخ سماء وارض لونين بس
ازرق واصفر


وحطي ناحية ثانية الوان ثانية
عالقفا من الفلينة يعني


وخلي هاللوحة ركن ثابت عندج
قطيها بالمكعبات يلعبون فيها
بالالعاب
بالمنزل
حلوووووووووووووة وتخدم الحلقة
بشكل رااااائع

 

[عهود الحب]

عندي لكم فكرة
لتلفزيون صغيرون وممكن تخلونه قصة معلقة
يعني الشخصيات معلقة بخيط شفاف


اخذوا صندوق الفلين مال الخضرة
الكبير


غلفيه باللون الي تبينه
جوخ كريشة اي شي
اي شي



المهم تغلفينه


ان حطيتي شفافية او مشمع عالوجه الي مبطل
بيصير كأنه شاشة
وخلي فتحة بالجهة العليا
مو كلها مبطلة لا فتحة معقولة
وكل ما تقصين تدخلين الشخصية المطلوبة
بس خلي القياسات للخيط مضبوطة



فهمتوا علي
!!

 

[روحي رياضية]

يمال العافيه .. عساج ع القوة وطولت العمر >> ترى مو عجوز

جد تهبلين .. احس عندج تلقائيه حتى بدروسج .. وافكارج عمليه حلوة ..

آنا ما تعلمت وايد .. يعني لاني هذي اول سنه تدريس لي ..

بس تعلمت من المدرسات اللي عندي ان حتى اعلانات الوجبات تتقصص بشكل

ذرب ونظيف وينحط لها عصايه ونعلقها بركن المطبخ يطلع غني واااااااااايد

هذا غير علب الكورن فليكس والكابتشينو كل شيء فاضي يتعلق جداري ع ركن المطبخ

يفتح النفس ..

ممممم الفنيه ممكن تفننين بالخامات الفنيه الغريبه من ابو اميه والمستهلكات شيء والله

حتى القصدير تعلمت انه مو لازم فنيات ورقيه و مرات ع خامات جوخ >> هذا صديقج بالصف

حتى ينفعج بالتزيين بعد ..

تعلمت ان لازم تكون عندي عائله عرائس دايما ولها اسماء عشان السلوكي بالحلقه ع طول استخدمها ..

وتعلمت ان ابله الروضه لازم تكون مواكبه للتكنولوجيا لان تخصصنا يبي كل شيء جديييييد ..

ملاحظه آنا تعلمت وايد من الابلات اللي معاي .. لانهم شطار لا اله الا الله ..
واتمنى اكون امتداد لهم

مشكوره عهود حياتي استفدت من موضوعج ..

 

[عهود الحب]

روحي رياضية روووووعة افكارج
انا بعد مثلج
القصدير صديقي بالصف ماتتصورين شلون حلو بالخامات وسهل التشكيل بس ديربالج منه شوي
في نوعيات تصير فيها طرف حاد مرات




خام الجوخ صديقي الصدوق
والكريشة همن
احب الجوخ واغلب صفي شغل يدي ما احب الجاهز ابدا
ومستحيل يمر علي يومي قاعدة بركن واحد يا انظف بالصف يا اسوي مشروع يا اشتغل بالخامات


احب ازور الخياط بين فترة والثانية
واخذ منه كود خامات مقصصين صغار
من بقايا خام الحريم
ماتتخيلون شنو تستفيدون وشنو بتلاقون خام غالي وحلو وتستهلكونه ترى بالاشغال وبلبس العرايس



علب الكورن فليكس احبها حيل واحب احولها لملف واحط فيها ملفات الاطفال ملوت الفنية
يعني تصير ستاند للملفات
وان كنتي شاطرة سويتي منه العجب



الملاعق البلاستيك احبهم واحطهم من ضمن الفنية
يسوون منها الاطفال شخصيات
بس نقص عيون وونلزقها عليهم
وعقب الخام { من قصاصات الخياط } نلبسها نفنوف ولا شنو تبين

بالنسبة لعايلة العرايس صدقتي
والله انا احب مسرح العرايس واعتبره متنفس للطفل
وجزء اساسي من ركن البيت
كله اشجعهم يدشونه ويمثلون واراقب شخصيتهم واعرف شنو يشوفون وشنو اجواء بيتهم من هالركن





بالنسبة لركن البيت
دايما احط فيه شغله تخليه غني ومميز وهم بنفس الوقت اعتبرها المنقذه
احب اترسه لبس شخصيات
ياحلاتهم والله الشخصيات
كل شي خليه معلق ومرتب ومكوي وزاهب ونظيف
ترى ساعات ماعندج محتوى لدرسج
تدخلين شخصية تطلب من الاطفال شغلة او تقولهم فزورة او حزايه
او تساعدهم بمسابقاتج اليومية
ترى حتى بالاركان حلوة حيل ومنشطة
واعتبر بعض الشخصيات لبس مميز وهدية للطفل يلبسها طول اليوم ويكشخ على ربعه




والاقنعة نفس الطريقة



عندي افكار بعد بس فاصل ونواصل

 

[عهود الحب]

نسيت اقول مشكورة يا روحي رياضية
مشكورة ماقصرتي

 

[dr-MamLoOo7a]

يعطيكم الف عافية والله مشكورين وايد وايد وايد استفدت منج عهود الحب و روحي رياضية وايد روعه افكاركم و فتحتوا عيوني على اشياء كله اقطها و ممكن استفيد منها من افكاركم الحلوة و العجيبة و اعجبتني وايد فكرت التلفزيون و فكرت الشخصيات من الملعقة الخشب وايد روعه و فكرت روحي رياضية عن قص الصور و تغليفها بركن المطبخ ما قصرتوا كفيتوا و وفيتوا الله يزاكم خير يارب


و بالنسبة على مشاركتي ما ادري ما عندي خبرة مثلكم ماشاء الله عليكم لان اصلن توني متخرجه من الكلية عقب ميداني سنه اول شي كان ميداني الاول مشكلات و سقطوني و الثاني الكورس اللي طاف و الحمدلله اخذت a لان اللي قبل كانت ظالمتني حيل الله يسامحها و انطر التوظيف و قاعده ايمع افكار ماعلينا بس عندي خبرة بسيطه المهم تعلمت :
1- طرق للصوت الاول بالكلمة مثل (لبس شخصية الحرف يعني اذا حرفج -ف- تكونين مخيطة لبس على شكل حرف ف وبعدين تكونين معلق عليه مصورات او مجسمات على نفس الحرف لكلمات مثل "فراولة - فم -فراشة- فرشه-فيل -فأر" وطريقة ثانية عن طريق الصندوق العجيب اطلعين منه العدد اليديد او الكلمة اليديده و سوي اصوات جنه الصندوق يتحجى مثلا او عن طريق جوله بالاركان و تكونين حاطه اشياء و بارزتها على الكلمة اليديده بنفس الحرف او جوله بالروضة و راح يستانسون فيها وايد
و شنو بعد ما ادري مثل ما قلت ما عندي خبره و ودي اساعد بشي و اشارك وسوري عالقصور

 

[dr-MamLoOo7a]

تابع :
2- الصناديق مثل ما قلتوا ما اقطها اسوي منها اشياء وايد مثل مسرح عرائس متنقل باغراضة و بعد ممكن اسوي بيت وباركانه واغلفة يصير حلو سويت هالفكره حلوة وايد
3-هم من قواطي عصير عيالي اقدر اسويهم ابار نفط على خبرة النفط او ابار ماي على خبررة الماي و الهوا و اقدر اسويهم على بعض و الزقهم على شكل لعبة و صورة شخصية و حيوان
4- اقدر ايمع قواطي العصير المدورة و اخليهم لعبة حق العددي يعدون فيها الاطفال و هم اقدر اخذ من الكراتين و اسوي كتاب كبير و اخلي فيه صور حق الخبرة ينحط بركن المكتبه
5- ممكن اسوي مثل كتاب من الفلين و احط بكل صفحة غلاف شفاف حق القصص المصورة الكبار يصير مثل كتاب قصة كبير
وبعد ما ادري لما اذكر اقولكم

 

[miamy]

يسلموووووو عهود

افكار روعه الصراحه

والموضوع يستحق التثبيت

انا عقب اللي قريته احس ماعندي شي يديد

استفدت وايد منج